خلاص قلبى نساك وسكر احسابك

[الاسيف]

قلبى قسى ياعنا قلبى من اسبابك ... من يوم شاف الغلا عندك وتقديره

من يوم شافك تصد مسكرن بابك ... والحب عندك عديم وشاف تقصيره

خله يسرك عديم الرأى واصحابك ... وقلبى عسى الله يسهله تدابيره

ولابد يومن تجى واقول وش جابك ... واذكرك بالكلام وكل تفسيره

من اولن نعشقك ونموت بترابك ... واليوم ماعاد لك طارى ولاسيره

ياكثر مااكتب قصيدى واتغنابك ... واذكر وصوفك وابين كل تصويره

خليتك اقرب من عيونك عن اهدابك ... وخليت لك فالحشا سلطه ولك ديره

خلاص قلبى نساك وسكر احسابك ... والله يعينه على باقى مشاويره

ابيك ترحل وهذا كله اسبابك ... هذا الكلام الاخير ولانبي غيره

[@متميز@]

لا هنت يالاسيف

صح منطوووقك يالغاااااااااالي

[الاسيف]

مرحبا الشيخ
لا هنت اخوي علي المرور

[الشاعرة : احلاهم واتحداهم]

صح لساانك خيوو

ونترقب الزووود منك

[ٱڅٱښۑښ ݥڎڤۈڹھَہّ]

صح لسانك الاسيف

[بدويه واسمي بالفخر مطبوع]

صح لسانك اخوي
ونتريا يديدك

[روووح ضميانه]

خلاص قلبى نساك وسكر احسابك ... والله يعينه على باقى مشاويره

ابيك ترحل وهذا كله اسبابك ... هذا الكلام الاخير ولانبي غيره

صح لسانك والله يعطيك طولت العمر والصبر(هههههههه)

[الاسيف]

مشكورين علي المرور الكريم

ودمتو ذخر وعافية