المساعد الشخصي الرقمي

مشاهدة النسخة كاملة : تناقل الاخبار بين الاعضاء!! واعضاء اتخرب بين اعضاء(ظاهرة يتعرض لها منتدانا)

التفاحة
02-09-2008, 10:04 PM
السلام عليكم يالاعضاااء

شحالكم؟

انا لاحظت ظاهرة منتشرة ف المنتدي!!
وهي تناقل الاخبار بين الاعضاء!!
ومحاوله البعض للتخريب بين الناس!!
هناك اشخاص بس وظيفتهم(ايخرب بين النااس)!!

والله انا مدري يعني ليييييييش؟؟ وشو السبب؟؟
شو الفايدة لمن احد يسوي هالشي؟؟!!
ايسير عند العضوو ××××××××
ويقوله العضو ×××××
ايقولك عنك كذا وكذ..........الخ ويقوم بتأليف حكي وكلام
وااايد ليس له اي اساس من الصحه !!ويخرب امبينهم!!


والبعض ماكان قصده انه يخرب!! هو كان يقصد مزحه!!او مقلب!!
لاكن كان ثقيل! شوووي !! والبعض صدجّ هالكلام!!


مدري لين متي بنضل ف مشااااكل!!!
التفاحة
02-10-2008, 09:23 AM
اترياااا مشاهداتكم.. http://www.jalaan.com/forum/images/icons/icon7.gif
شواطئ الأشخره
02-10-2008, 09:35 AM
فديتج تفاحه هاي حال جعلان
كلهم جي بنات وشباب
عيايز وشياب
للاسف هالظاهر منتشره وايد
وكنت اتمنى ان المنتدى يكون ارقى من جي
بس للاسف هاللي انصدمت به وعسى ربي يهديهم
تسلمين عـ التذكير تفاحه
التفاحة
02-10-2008, 09:46 AM
مشكــــــــوووورة
شواطـــئ
ع المرورورورو الحلووو
وتسلمين ع وجهه نظرك..

وانا بس كل الي اتمناه ان محد يتسمع
كلام سوء ويصدجه!! دون مايتاكد بنفسه!
او انه يواجه الموقف..ويواجه الشخص الي سمع
انه يقول عليه كلام!!

لان المشكلة ف الانسان ان لو رحتي لعنده وقلتي له
فولان ايقولك عنك كذا.... صدجيني حتى لو هالاثنين
اخواان بتستوي مشاكل امبينهم!!

ونتمنى ان هالظاهرة تختفي..
شواطئ الأشخره
02-10-2008, 10:03 AM
انا لو تبين الصراحه اذا سمعت كلام منيه ولا مناك اطنشه لانك اي شخص ما بتعرفيه الا اذا عاشرتيه وبتسمعي كلام وايد من اللي حواليه عشان جي اذن من طين واذن من عجين ولازم كلنا جي نسوي اذا ياج حد قولي له بكيفه ما يخصني وانسى الكلام الي انقال لج وتبين الصراحه الله يعيننا وتسلمين على طرح هالموضوع
التفاحة
02-10-2008, 10:11 AM
مشكووووورة شواطـــئ ع المرورورورو مره ثاانيه

انا عن نفسي..ماصدج لمن احد يقولي كلام!!
لاكن المشكلة ان في بعض الناس اتصدج!!
والبعض ايحااول تجميل صورته
بأي طريقة حتى ولو يسئ للاخرين!!
مهااااوي
02-10-2008, 11:03 AM
اذا بنسمع هذا وذاك محد بيظل بحاله الا رفيجه اليوم زعلان منه.... وين فلان عنك ؟؟؟ خله يولي مسود الويه ... ليش اشفيك عليه ؟؟؟ مب مسوي شي بس وصلني كلام انه يتكلم عني .. وبس خرب علاقتهم وراح يدور ناس ثانيين .... خلك من كلام الناس واكيد انت تعرف رفيجك وماتطلع منه هالاشياء ...
وليس كل مايقال يصدق " طنش تعيش وتنتعش "

يعطيج العافيه خيتووو
تقبلي مروري
ولاهنتي
التفاحة
02-10-2008, 11:25 AM
صدجتي مهاااااوي..كلام صحيح100%
مشكــــــــووووورة
مهـــااوي
ع المرورورورو الحلوووو
وعلى وجهه نظرك..