من بد كل الخلايق حبيته.. - الصفحة 2



السلام عليكم

اليوم حبيت أنزل أول قصه كتبتها بلهجتنا المحليه(يعني اللهجه الجعلانيه وأتمنى تنال إعجابكم

)

من بد كل الخلايق حبيته

للكاتبه: همسات الحنين..

{ الجزء الأول}

صوت صايح وركض..حسيت كأنه شي بيطيح فوق راسي.. عجدت حياني(حواجبي) من الازعاج الي اسمعه,اصبحنا واصبح الملك لله هيش اذيه الربشه..؟!
فتحت عيوني شوي شوي ابا اتأكد أنه حلم ولأ لا!!
شفت فراس ود مريم ختي واقف عند الباب ويتبسم كنه مسوي شي.."فجدتك ماتعرف تصبح علي اللوادم بهدوء" : فروس يايي مع من ؟؟
فراس: مع أمي
وبهاللحظه دخلت مرايم: أحلامووه بسك ارقاد..
سحبت لحافي وتغطيت,وقلتلهي
-بعصبيه- من تحته: أقولك أنتو متعرفو تو غير يوب الناس يكونو راجدين؟؟
والحين هيش يايبنكم من غبشه؟؟
مريم بستغراب: غبشـــه؟؟؟؟ الحين ساعه 12 عندك غبشه..
'سحبت عني اللحاف' ثوري ثوري يقولو اليوم بتطلع النسب
طشيت واقفه من الروعه: حلفي..تصدقي أني نسيت
فتحت الدريشه: نزين غسلي ويهك وتعالي قعدي عندني برا
ثرت وأني اتشاحط لأني بارحه مارجدت غير ساعه 2 ..دخلت الحمام مسكت الباب ودكيت عليه: إلا شيخونه هينه؟ مشوفهي هنيه؟؟
مريم: مسكينه داخله عنك أنتي المطبخ
أحلام: خليها تعلم,,مب صغيره مب صغيره "سكرت الباب وبديت أفرش ضروسي"

><><><><><><><><><><><><><><><><><

وبعد ماغربت الشمس وصلينا المغرب طلعت النسب وبدي التوتر وكلن ماسك تيلفونه ويسأل ويستفسر..حسسوني كني فحرب
والي وترني زايد يمعوه خويه الحمار..كل ماطلعت نسبة حد من
البنات يقولي:" خلاص اب يايبه شي نسبه مب لازم نتعب عمارني.. بنشغلك فلي(سفينه) عمي هههه"
اذيك اللحظه بغيت أثور اعطيه سطار..ولا اسوي حساب انه اكبر مني,, فوق الضغط الي أني فيه يايي يتفلسف عليه حضرته..
المهم بعد عنا طويل طلعت نسبتي 93 أمي بكيت ودعتلي من خاطرهي..وأني فرحـــاانــــه متشوفوني كيف متشققه..
بعد شويه:
شفت يمعوه طالع من الحمام متوضي..طلعت له لساني عشان اغيضه: موت غيض.. اللينج مخلتنه لك ولأشكالك يالأسود!!
عطاني نظره طيحت قلبي من الروعه,,بعدين جلس يضحك علي شكلي يوب رتعت وقال: هههه أقول خلي عنك الخروفه الي ماعليها حايه...ومبرووك وع الجامعه ان شاء الله
تصدقو أذيه أول مره يقولي شي يفرح القلب..مصدقت عطيته بوسه في الهوي وقلت له: فديتك بومحمد
يمعه رجع راسه لورا من الضحك: ههههههههه صدقتي عمرك يابقره؟؟ أنتي اقصاك آمطبخ هههه
عاد أني فورت من الغيض... عرفته ميعرف يقول شي حلو مالت عليه من أخو..
جبلت عنه علي أمي وقعدت أخطط هيش بغير فالتسجيل! وهيش بسوي لو قبلوني فالجامعه!!
أذاك اليوم التيلفونات ماوقفت ربايعي وبنات عمامي وبنات خوالي..اخلص من اتصال يي غيره,,, حسيتني كني (رجلة اعمال) علي قول رحامي هههه..
علي الساعه12-11 كيه رجدت, رجدت وأحلام تيبني وأحلام توديني >>> محد قالهم يسموني أحلام خخخخخ

><><><><><><><><><><><><><><><

بعد ماصليت الصبح مرقدت, روحت وسويتلهم ريوق عمرهم مايحلموبه>>> عاد محد يجاربني مخترشه علي الآخر هههه
..نظفت البيت وغسلت الثياب وغسلت المطبخ مابقيت شي مسويته..تقولو كني أخر مره اشتغل فيها<خدامه وتودع خخخ@@

حسابٌ واحد لجميع خدماتنا !