محاكي الصم

يا محاكي الصم مجهودك سُدى *** مُنصت ٍ للبكم إنصات ٍ شديد
يا مدور في الظلالات الهُدى *** منتظر ابليس عن غيه يحيد
منتظر تلقى رفيق في العِدا *** عاري ٍ تبغى الدفى وسط الجليد
باحث ٍعن عز ابطى ما بتدى *** باحث ٍ في هالمتاحف عن جديد
منتظر منقذ يبادر بالندا *** يهزم الأعدا وحقك يستعيد
منتظر منهو يعينك بالفدا *** انتظرت سنين ما جا ماتريد
عالي ٍ صوت العرب أحدث صدى *** شجب وإستنكار تنديد و وعيد
حطموا هذا العدو اللي اعتدا *** بالقمم أو بالخطب أو بالقصيد
يا مدور عن مثال ٍ يقتدى *** لا تدور مسك في وسط الصديد
انفظ غبار الأماني ما غدا *** للأماني حظ في سوق العبيد
كل وقت له نهايات ومدى *** ما يجي أبطال في الوقت البليد
ما ينول المجد من يخشى الردى *** في قريب الوقت والا في البعيد
كل سيف ٍ ما يجرد للصدا *** كل مجد ٍ ما يجدد مايفيد
الخبر يصبح خبر بالمبتدا *** والمعالي دانيه للي يريد
وكل يوم يحاك ثوب ويرتدى *** وكل يوم يكفّن ويقبر فقيد
وكل مافي الكون زايل ماعدا *** وجه ربك مالك الملك المجيد
يا محاكي الصم صرخاتك سُدى *** لا تأذن وسط أوثان الحديد

كلمات/ الامير عبدالرحمن بن مساعد ( شبيه الريح)
لحن واداء/الحاسم

تفضلوا الرابط

http://www.4shared.com/mp3/L3zTrauU/__online.html?

او

http://www.mediafire.com/?vcmhy1kcszofq1z




ملاحظة:
التسجيل منزلي ضعف الصوت في بعض المواضع سببه الحر الشديد(حيث قمت باطفاء جهاز التكييف والمروحه حتى تظهر النشيد واضحة)

مع خالص حبي

الله يعطيك العافيه