صباحكم // مسائكم


خــير ومحبه عامره بقلوبكم


لمحبي ومتذوقي الشعر احاسيس تترجمها


ابيات شعريه ..

تحاكي واقعنا وتترجم آحاسيسنا


ابيات نحفظها او نكتبها


ولكل بيت او قصيده مكانه في اعماق قلوبنا



من هنا وفي كل مره



نلتقي عضو نستمتع بذائقته الشعريه


من خلال بعض الاسئله







الاسئلــــة

ماهي علاقتك بالشعر ..؟؟



من هو شاعرك المفضل ..؟؟



اعضاء في القلب تثق في ذائقتهم الشعريه ..؟؟



بيت شعر يحضرك دائما ..؟؟



بيت شعـر تهـديه لعضو ..؟؟



قصيده تعدها من اروع القصائد..؟؟



هل لك محاولات في كتابه الشعر ..؟؟



لك مساحه بلاحدود وحريه بلا قيود امتعنا بقصيده من ذووقك ..؟؟؟






اتمنى ان الفكره لآقت استحسآنكم ^^ .. وان شاالله بخبركم عن أول ضيف بعد قليل ..

رجعنا لكم

اول ضيف راح يكون معناا هوو

<<أمير الوافي>>

انا راح ابدا مديرنا الغالي

تفضل .....

حركات شاااااعره ^^

نــآيس

بإنتظـــآر الأميـــر ،،
^^

موضوع جميل

مشكورة اختي ونتريا امير ,,,

موضوووع ناآأإيس خيتوو
بأنتظااار امير الواآأإأفـــــــــي

بس اظني امير مشغوــؤل هالايااام

بعدكم ذكرووني بالموضوع


ناسي اني مستظااف

يبالي رنه بمطرقه عشان ما انسى


هههههههههه

هههههه
لازم تعرفوا ان المدير يباله تذكير بكل شي

نسـآآي درجة أوولى

الاسئلــــة

ماهي علاقتك بالشعر ..؟؟

سؤال صعب ههههه
الشعر بحر عميق يسبح بداخله الشعرااء
علاقتي بالشعر هوااااايه




من هو شاعرك المفضل ..؟؟
حامد زيد
سعد علوش
حمد السعيد
ووالشاعر العماني فيصل الفارسي الجنيبي



اعضاء في القلب تثق في ذائقتهم الشعريه ..؟؟
كانوا هناا قبل
نرى منهم واحد يطل علينا مرات
راشد بن شملان شاعرناا
في غربتي
دفا روحي مرات نرى تواجدها
وبعض الاعضااء




بيت شعر يحضرك دائما ..؟؟
صاحبي محتاج منك دقايق
ودي تعرف داخل القلب ضيقه

هذا اعتدت عليه



بيت شعـر تهـديه لعضو ..؟؟
يالغالي لك مني اجمل التحيايا
تحيه من قلبك صادق(ن) يغليك
سلامم خاص لك يا صافي النوايا
من اخ عزيز لك هو مخاويك


للوهم





قصيده تعدها من اروع القصائد..؟؟
الجمهره للشاعر حامد زيد

إي بالله أخطوا والخطا اللي جابهم عين الصواب

مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب

ومن لايتوب من الخطا تحرم عليه المعذره

اللي من أولها خراب أكيد بتاليها خراب

والبندق اللي ماتثور في هدفها تذعره

ودك اليامن جاتك الغلطه من الناس القراب

الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب

قلطتهم صدري على ذكرى قصيد وحنجره

صوت ٍ يصول بمنبره واخطاب مامثله خطاب

والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب

ولازرق حزني على غالي ولافج انحره

كل الزهاب اللي معي ذكرى من أصحاب الزهاب

واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب

لأن أكثر أصحابي ورق..ماشفت للطيب إثمره

والله ماحطيت بين الحقدوالخوه حجاب

حتى غدوا ربعي يحدوني على الضيق أشكره

البارحه ثارت علي رقاب وأوتني رقاب

البارحه ياثقل دم البارح ويامحقره

أثر المصايب ماتجيك إلا من الناس القراب

وبهالزمن حتى الخوي اللي تثق فيه أحذره

أهب ياوجه الحسد وشلون جمعهم وغاب

كيف السنين اللي عطتني بعثرتهم بعثره

لابارك الله في رفيق ٍ تزعله كلمة عتاب

ولاجمع الله الرجال اللي تفرقهم مره

الصاحب اللي مايجي من صحبته غير العذاب

نذر ٍ علي إن ماهجرني وإلا أنا اللي ب أهجره

من يفتح لفرقاي باب أفك له عشرين باب

وأذا خويي مايقدر خوتي ما قدره

عو ّدت نفسي كل ماشددت لليمّه ركاب

مأصد وجهي عن طموح إلا لياجبت خبره

أن روّحوا فأنا بري منهم ليوم الحساب

وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب

أحسن دوا للي يحاول يستفزك تحقره

ماكنت أحاتيهم صغيّير ..عاد أحاتيهم شباب

الصاحب اللي ما أذخره لليوم الأسود ما أذخره

شفني جمعت أوراقهم بكتاب وأغلقت الكتاب

ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب

واللي ماهو بقد الظلام ووحشته لايسهره

عقب أكتئاب البارحه ماعاد انا حمل إكتئاب

الطيب جرجرني وانا ماني بناقص جرجره

انا تجرعت الظما لين أحترق وجهي وذاب

انا كسرت بخاطري قبل الصداقه تكسره

انا خسرت اللي غيابه غير عن كل الغياب

انا غفرت لعلام ٍ ماتستحق المغفره

انا أكثر (أنسان) تعلم من كثر ماأخطأ وصاب

انا أخر (لسان) يتكلم في زمان الثرثره

انا القصيد اللي فزع من دفتره مليون ناب

وانا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب

دمعي هدر،ضحكي ندر،عمري وضيعت أكثره

شيب بعقول العرب..هيبت روس ٍ ماتهاب

جمهرت ناس ٍ عمرهم مايعرفون الجمهره

ماصرت ذيب إلا لأن اللي تحدوني ذياب

ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب

أن مانطقت بها بوجهه ماتذمه بظهره

في هالزمن مايملي عيون الحسود إلا التراب

والا الحظيظ.. الطلقه اللي ماتصيبه تذعره

ودك اليامن جاتك الغلطه من الناس القراب

الصاحب اللي ماكسبت محبته ماتخسره

هل لك محاولات في كتابه الشعر ..؟؟

شويااات شغل هوااته

يا صاحبي للشعر اوزان وبحور

وانا توي صغير بأشعاري

أحاول اعصر افكاري وكلها قصور

ودي اجاري كل شاعر(ن) يجاري

لك مساحه بلاحدود وحريه بلا قيود امتعنا بقصيده من ذووقك ..؟؟؟

خزنه ملك
سعد علوش

النفـس خزنـة ملـك.. والحـزن قاطـع طريـق
والجرح؟ .. يوجـر عليـه المسلـم اليـا أحزنـه

وأنا مـن العـام .. وآنـا أشعـر بيبسـان ريـق
يفـرج سجينـي مــع عيـنـي وأرد أسجـنـه

مـن بيـن طيّـات صـدرٍ شـل مـالا يطـيـق
لا جـاع حزنـه؟ .. تعشّـا جـروحـه المزمـنـه

مجسّـم أنسـان مـن داخـل رمـادة حـريـق
وقـودهـا المغـريـات .. ونفـسـي المؤمـنـه

أحيانـاُ.. أبكي مـن الخشـيـة لحـد الشهيـق
وأحيانـاُ أقـبـل عـلـى الآذان .. ولا أذّنــه

مـا عاد.. أنـا.. أيّـاي.. ياللـه لاتخلّي عويـق
عاقتبـه عـيـون روس مدلبـحـه .. وألسـنـه

كتل هـوامـش بشريّـه .. تـنـام وتفـيـق
رديـان وحتّـى الـردى .. بالظبـط .. ماتتقـنـه

لكـن علـى كل حـال الطلـق يبقـى طلـيق
لـو عاينتـه العـيـون .. وضـدّتـه الأزمـنــه

عـذر السنافـي معـه والعـذر حبـلـه وثـيـق
لـو حـس رعبوبـتـه .. والاّ جـفـا موطـنـه

رعبوبتـي ,,, يـا وجودي يـا غـلاك العتـيـق
عنـه مكـانٍ لقيـتـك فـيـه عـامـا .. عـنـه

يـوم الشجر صاير ..لوجهـك مشجّـع فريـق
مـن ويـن مـا أفتـرّ.. تتغيّـر معـه الأمكـنـه

للحـين باقـي بدربـه من رحيقـك رحيـق
وللحيـن أيتمتـم حكينا الـعـذب .. ويدنـدنـه

يوم أنّي أشّـر علـى صدري وعينك تويـق
وآقـول أنتـي هنـا .. وأتقولـي .. أنتـا هـنـه

الهاء .. فآخـر كلماتـك بـصوتٍ رقيـق
تشطـب علـى برمجـة سمعـي .. وتستوطـنـه

منتي بشر جعل مـن جابك .. ضحيّة زريـق
شارعـك يحسبـ لـك بالأمـتـار .. يا مفتـنـه

اليا أنتصفتيه؟ يضيـق .. وكل مالـه يضيق
كنّك ..كوكاييـن .. وأرصفتـه خشـم .. مدمنـه

رعبوبتي؟ .. ماخبرت أنّـه تحـرّك طويـق
شاعـرك مجـنـون خلـقـه والشـعـر جنّـنـه

قولي لهـم ينتـهـون ولا يطـول الزعيق
الميـسـرة ميـسـره .. والميمـنـة ميـمـنـه

وقولي لهـم للعراقة .. راس صبيٍ عـريـق
يـا كم سـرٍ يعـرفـه .. بــس ما يعلـنـه

نواخذ البحـر .. ولا أرسـي ..بجال المضيق
والشي بالـشـي؟ .. لا عيـبـه ولا أستحسـنـه

الاّ الرفيق اللّـي يستـغل طيـب الرفـيـق
هـذي اللّـي ما هيب مقبـولـه ولا .. ممكـنـه

يا صاحبي؟ كان لك مـال الشقيـق ال شقيق
والحيـن جـمّـع بقايـا ما مـضـى وأدفـنـه

ويا قلبي اللّي وساويسـك تنـجّـي غـريـق
الله لا يـصـغـر أبلـيـسـك .. ولا يلعـنـه

ما هو فخر في سنه .. تعرف لك مية صديـق
الفخـر ؟ تتعـرّف بصـديـق .. لمـية سـنـه








تسلمين اختي ع الموووضوووع

مممممممم



بختار حد


مممممم


اخختار اللي مورطني هنا
شاعره
ههههههههههه

بآنتظآر شاعرررتنا،،

اقتباس:
المشاركة الأصلية كتبت بواسطة أمير الوافي

تسلمين اختي ع الموووضوووع

أشكرك (أمير الوافي )
على الرد والمرور المتميز

والحين بنختار ضيفنا الثاني وبنعرفة بعد قليل