كامل الاوصاف في فكري وذهاني انتظر شوفك كمـا عيد الضحيه
وان سالت اليوم يا مانع اش ياني اني المشتاق ال حلـو السجيه
بي فـارق الخـل لي حبه كواني قبـل لا اشوفه في حلـه وزيه
لي سكن في اليوف ومشيد مباني وحاطهـا باسوار في قلبي عليه
ذاك يللي بي وسجلتـه وعانـي للحبيـب امسلـم وادي التحيه

هجرتني والقلب ما فيه كافي
يالله عسى ما هى لي أيام إعجاف
وين الوفاء والود وين التصافي
أيامها قد كنت حاني وملطاف

في الحشا والقلب سكناكم امشيدات اقصور وحصونا
نـور يـا مـن محيـاكم مثل نور الصبح في الكونا
انفـردتوا في سجايـاكم نادريـن الحسن واللـونا
لـو حسبنـاهـا مزاياكم يوصـل التعـداد مليـونا

انتو هنايا و منية الوجدان
شوقي ل شوفه زاد و زادت لهفتي
لا الطيب يحلي منك يا ورد لوجان
متى يا ربي بوصله تونس وحشتي

انساك لحظه واذكرك باقي العام
حتى وأنا ناسي نسيت وذكرتك
يالهفة المشتاق بك خافقي هام
صورتك في عيني بقلبي رسمتك

كل ما حـاولـت بنساكم عادت الذكـرى إتناجيكم
ابحشى وانهـود وفاكـم فايقـه عن لي شراويكم
ميزة في اسلوب معناكم والملاحـه ضافيـه فيكم
ما وجدت إنسان شرواكم فاضل ابضافـي معانيكم

مترا الدمع ياعين وصلـج الغيـوم
غيـم علـى غيـم يعتـم سناهـا
عييت من شكواك في ساعة النـوم
نوم يشوق ناظـري فـي كراهـا

ايه اعرفك واعرف اني من غلاك اجهلك
مرات اضمك واخاف إني مشبه عليك
مرات اشوفك بنفس الوقت واتخيلك
وانشد كفوفي عن أخر سالفه من يديك

كل الهوى والحب باقي بقاياي
خذت وله واتلاه واقول ذوبي
ومن له مثل حبي يسوي سواياي
ياصل مواصيلي ويسلك دروبي

يطرب لها الساري ويسري بها الطار
وتزهر بها عقب المحول الشفايف
باهديك أنا عمر ولا كل الاعمار
يفنى القلم قبله وتفنى الصحايف