ههههههههههههههههههه
تسلمن الغالية ع القصة

امممممممممممم

سهـــيل اكيـــــد بيفــرح بشوفــــــة غناة الــــــروح ههه << يا ويل حــالي انــا


بيردو يفتحــــو المــــوضوع وبيعرفــو كل شـــي
واذا خــبرته عن سالفــة التلفون اكـــيد بيضحكــ عليها وبيقولها انه هاي اخــته ههه << وحليلهاا هنوود


الله يعينـــ الاهل يوم بيعــرفو سالفه الحــأدث ..



وها اللي عنــــــــدي

اتريــــــاج بســـــــرعه كملــــــي هالايــــــام فاضيه ومتفيجه اقراهاا بســـرعه


يعطيــــــج ربي العافيه
والله
يحفظـــــــــج

! .. ريــــــ م ـــــــاني .. !

المشاركة الأصلية كتبت بواسطة ريمـــــاني امممممممممممم سهـــيل اكيـــــد بيفــرح بشوفــــــة غناة الــــــروح ههه << يا ويل حــالي انــا بيردو يفتحــــو المــــوضوع وبيعرفــو كل شـــي واذا خــبرته عن سالفــة التلفون اكـــيد بيضحكــ عليها وبيقولها انه هاي اخــته ههه << وحليلهاا هنوود الله يعينـــ الاهل يوم بيعــرفو سالفه الحــأدث .. وها اللي عنــــــــدي اتريــــــاج بســـــــرعه كملــــــي هالايــــــام فاضيه ومتفيجه اقراهاا بســـرعه يعطيــــــج ربي العافيه والله يحفظـــــــــج ! .. ريــــــ م ـــــــاني .. !

…!!...{

:
:

وووووواااااايـــــــــــــــــه
فددددددددددديت هالطــــــله
آآآنــــــــــــــــــآآ


وواافدددددددديت هالفكــــــــــــــــررررر
^_^

لعنـــــــــــوونج الــ ح ــلووهـ

بكمـــــــــــــــــل
:
:


}...!!...

البارت " 11 "

هند: سهيل..!!
سهيل ماقدر يميز الصوت..
هند { لا شعوريا }: حبيبي سهيل..والله اذا كان عشاني والله ما تستاهل والله ماراح اسامح عمري..
وبدت دمعات هند تزيد..
سهيل { بصوت يقطع القلب }: هـ..ند..
هند { تحط صبعها فـ فمه }: اصصصصص لا تتعب عمرك فديتك..
اما سهيل اكتفى بابتسامه..
عقب قربت هند الكرسي صوب الشبريه.. و زخت ايد سهيل..
هند: انا آسفه ع الي صار.. بس.. انا كنت متسرعه من... ( عقب سكتت )..
وسهيل يطالعها بنظرات.. معناها:( من شو..؟ )..
هند حست بعمرها وفجت ايد سهيل..
هند ف خاطرها:" انا شو يالسه اسوي والله لو شافوني هلي..جان يذبحوني..وبعدين انا كيف ضعفت جدامه ونسيت هو شو سوا..بس حرام كاسر خاطري..لالا انا لازم اكون قويه.."
هند { تنش }: انا تأخرت..ولازم اسير..عن اذنك..
وقبل لا تظهر..جان يزقرها سهيل..
سهيل: هند..
هند اكيد ماراح تلبس حبيب القلب..وصدت صوبه..
هند: هلا..
جان ييلس ع الشبريه وهو يتألم..
وعطول جان تربع هند وتسدحه مرة ثانية..
هند: بلاك انته .. انجنيت..؟
سهيل: لجلج.. انجن و اموت بعد..
هند { لا شعوريا }: اسم الله عليك وعلى حوليك..
سهيل { يغمض عيونه }: هههههههه فديتج..
جان تستحي..
هند: خير سهيل بغيت شي..؟
سهيل { بكل جرأة يزخ ايد هند }: ابيج تكونين يمي..
انصدمت..
هند ف خاطرها:" يعني عقب ما ذليته ذل..يرد لي بكل حب وحنان..؟ فديتك والله.."
سهيل { بخفه دم }: بلاج هندوو..؟ سرحانه فيني..؟ الي ماخذ عقلج يتهنابه..
هند{ شرات العياوز }: وي قطيعه تقطع بليسك انا الملكه هند.. سرحانه فيك انته...؟
سهيل { يقربها صوبه }: اذا كنتي انتي الملكه عيل انا الملك..
هند { مستحيه }: بسك عاد.. وعن حركاتك ( وترد عند الكرسي الي كانت حاطتنه )..
بس سهيل ما خلاها تييلس..وجرها صوبه مرة ثانيه..
سهيل{ بحركات تذووب }: بتمين ويايه ولا..؟
هند { ميته من المستحي }: انته بلاك..؟ يعني ناوي عليه اليوم..؟
سهيل { ييلس عمره بكل راحه }: ليش لا..؟
هند: ايه ايه انته.. بلاك..فجأة يلست وانته عادي..
سهيل { مبتسم }: اممم خليني افكر..يمكن كنت استغل نقطة ضعفج..
هند: لاوالله..من متى وانا عندي نقطة ضعف..؟
سهيل { بنظرات حب }: من اول ما تعرفنا..
هند { ترد تيلس ع الكرسي }: تبيني اتم وياك..؟
سهيل { بلهفة }: هيه..
هند { جان تمد ايدها بمرح } : اول شي.. احم احم..
عاد سهيل ما صدق خبر.. وقرب صوبها..
هند { ترد ايدها }: ايه انته .. صدقت..؟ تدري..عطني اسبوع افكر..
سهيل: لاوالله..بالله عليج..لالا خليها شهر بالمرة..
هند: هههههههه غالي والطلب رخيص..( عقب نشت اونها عاد )..
سهيل { يرد ييلسها }: ايه ايه.. يلسي ولي يرحم والديج..
هند { تحط ايدها ع الشبريه وكفها ع خدها }: ها يلسنا .. استانست..؟
سهيل { شاق الحلج }: يـــــس..
هند { تعدل يلستها }: هههههه لالاجد انا الحين لازم اسير البيت..
سهيل { يمد بوزه }: ليييش..؟
هند { بمرح }: وراي يهال لازم اغديهم..
سهيل: شوو..تخسي الا انتي عندج عيال..
هند: هههههه بلاك.. صدق خبله..
وقبل لا تظهر.. جان تشوف شخص واقف عند الباب..
الشخص { مصدوم }: هــند..؟
هند { طاحت شنطتها ع الارض من الصدمه }: غــادة..!!!!
غادة { تجتف ايدها }: هيه غادة.. انتي شلي يابج هني..؟
هند { متوترة }: أأأأأ انا كنتتت ..
غادة: كالعادة صايعه وما عندج شخصية تيلس ويا شخص ما تعرفه..
سهيل: بسج عاد غادة..
هند { تجرئت شوي }: ايــه انتي حدج..بسج عاد مصختيها وانا ساكتت لج..وبعدين ها ولد عميه.. هب واحد غريب..
غادة { بكل حقاره }: ولد عمج ولا ولد خالج..؟ انا ما يهمني..الي يهمني انج يالسة ويا واحد اسمه(( خطيبي ))..
سهيل { مصدوم }: خطيبج...؟ هه من متى إن شاء الله..؟
غادة: وحليلك ما تعرف انه ابوك توه اليوم عقب صلاة اليمعه كان عندنا.. وطلب ايدي بس بدون علمك..ولا علم احد..
هند اغمى عليها من الصدمه..لانها كانت صدمه قوية بالنسبة لها..
سهيل { نزل من على الشبريه وهو متألم من صدقه }: هند هند..
جان يربع صوبها.. وطاح لانه ريله بعدها ملتويه..
و يقرب صوبها .. ويعطيها كفوف ع الخفيف..
سهيل { مصدوم }: هند هند حبيبيتي نشي .. هند هند نشي عشاني..
و صرخ صرخه هزت المستشقى :" هــــــــنــــــــد"..
غادة: بسك عاد انته..خلك ريال واوقف..
سهيل { ينش بصعوبه }: انتي انتي سبب مشاكلي كلها.. انتي .. ان شفتج هني مرة ثانيه ما تلومين غير نفسج..
غادة: حرام عليك.. انا شو سويت لك..
سهيل { بطريقه هستريه }: لالا مسكينه ما سويتي شي ابــدا..وحليلج..
وجان يدش الدكتور و الممرضات من صرخه سهيل..
الممرضة: خير خير..شو في..
عقب جان يشوفون هند وعطول شلوها.. اما سهيل جان يردونه للشبريه..
الدكتور: معليش معليش..احنا بنهتم بأمر ....
وقاطعه سهيل وهو يطالع غادة بنظرات تحدي..
سهيل: زوجتي دكتور..
وغادة انصدمت..
الدكتور { يرمس غادة }: لو سمحتي يا اختي..اعدي ف الكراسي هناك..
غادة ف خاطرها:" اووه هو للحين يحبها..؟ بعد كل الي سويته وياهم يحبها..؟ عادي..انا ما يهمني لا هو ولا هي.. المهم اني اخرب من بينهم "..
غادة: انزين..
عقب سارت صوب الكراسي..
وبعدين ظهر الدكتور من حجرة سهيل.. وكان سهيل وراه يالس ع الكرسي المتحرك.. وكان يدز نفسه بنفسه..
وعطول غادة سارت صوبه..
غادة: انته وين ساير..؟
لكن سهيل مارد عليها بس طالعها من طرف عينه..
غادة: سهيل.. بلاك..؟
وسهيل لبسها وسار جدى حجرة هند.. لكن غادة لحقته..
ودش سهيل الحجرة..ودشت بعده غاده.. وشافته زاخ ايد هند وعيونه ع الارض..ونزلت دمعه من عينه..
وغادة مصدومه.. بس تطالع.. هي بعد نزلت دمعه من عيونها.. وسارت تربع صوب الحمامات..
وكانت صوب المغاسل.. وهي كانت تصيييييييح.. وفجأة مرت ع بالها اصوات..
" احنا بنتم ربع صح..؟
اكييد افا عليج .. احنا ربع four ever
وااو .. اوعديني انج ما رح تتخلين عني انزين..
لا تقولين جذي.. احنا اكيد ما بنتخلى عن بعض..
هيه صح.. لانه احنا بنات عم.. وما بنفترق عن بعض..
هههههههههه "
غادة: لالالا.. انا شو صار لي.. هذا ماضي وانا لازم انسى الماضي و اعيش الحاضر..لالا..
و غسلت ويهها..و ردت صوب حجرة هند..وشافت سهيل حاط راسه ف السرير و جسمه ع الكرسي و راقد.. لكنها لاحظت انه الدمعه نازلة من عيونه..
وهي يوم تشوف هند..ترد الاصوات ف بالها.. عقب سارت غادة صوب الكراسي.. ويلست بكل هدوء..
غادة ف خاطرها:" انا الحين شو يالسه اخرف.. انا شو الي مقعدني هني..؟ انا لازم اتصرف وابعدهم عن بعض.."
وقالت انها لازم ترد البيت عسب محد يشك..ف الموضوع..
وردت البيت ف التكسي..
اما جدى هند و سهيل.. كان تلفون هند يدق.. و ها الي قعد سهيل من رقاده.. قعد وطالع هند.. وكانت هند واعيه وتطالعه.. وهو كان مستانس وحليله.. بس شاف التلفون يرن..
سهيل { مستانس }: هند ردي ع التلفون..
هند ما كانت ترمس بس تتطالعه..
سهيل: هههه بلاج تطالعيني تبيني ايب لج الموبايل..؟
هند صااخه..
سهيل: انزين انا بيب لج اياه.. وسار جدى الطاوله..وياب لها الشنطه..وفتحها.. كان مكتوب" الغاليه "..
سهيل: اممم مكتوب الغاليه..منو.؟
هند صاخه..
سهيل { بدى يشك }: هند..بلاج ..؟
وهند ما تقدر ترمس..
وسار سهيل.. يزاعج.. يدور ع الدكتور..
الدكتور: ايه ايه.. في ايه..؟
سهيل { مخترع وما يعرف شو يقول }: دكتور .. تعال .. الحق علي.. هند.. هند..
الدكتور: انا مش فاهم حاقه..
سهيل { ياخذ له نفس }: هند.. ما ترمس..
الدكتور: هي مين هند..؟
وسهيل يأشر له على مكان حجرة هند..
والدكتور تأكد انه في شي ف هند.. وسار يربع صوب الحجرة.. وسهيل وراه ف الكرسي..
لكن الدكتور كان اسرع من سهيل..ووصل قبله..
و اول ما دش سهيل الحجرة..جان يشوف هند ويا الدكتور..وهو يحاول انه يخليها تنطق..
سهيل: بلاها دكتور..؟
الدكتور { ونظرات الخيبة ف عيونه }: للاسف انه هند مش حتتكلم الا بعد فترة من الزمن..
سهيل { مصدوم }: شوو..؟
الدكتور: الضاهر انها مش حتتكلم الا بعد شهر .. بأولك..؟..هي تعرضت لصدمه ابل كده..؟
سهيل { وعيونه ف الارض }: اعتقد..
الدكتور: آآه..دلوأتي عرفت السبب..هي تعرضت لصدمه ودلوأتي مش حتتكلم الا بعد شهر تقريبا..
سهيل: انزين ليش..؟
الدكتور: هذا مرض نفسي.. والمكتوب حيصير..
عقب سار الدكتور لانه عنده اشغال..
واول ما ظهر من الحجرة.. جان يرن موبايل هند..
وزخه سهيل.. وجاف مكتوب " الغاليه "..
عقب تردد انه يرد.. بس يوم طالع هند.. جان يشوف نظرات فيها براءة .. كأنها تقول رد الله يخليك.. امايه زايغه علي..
عقب رد ع الموبايل..
سهيل: السلام عليكم..
ام محمد: وعليكم السلام.. اخوي ها تلفون هند..؟
سهيل: هيه نعم..
ام محمد: انزين منو حظرتك..؟
سهيل: وياج سهيل ال*****..
ام محمد: هلا والله بوليدي.. انزين وينها هند..؟
سهيل: عمتي هند ف المستشفى .. { يحاول انه يألف قصه }..امممم كانت سايرة صوب ربيعتها.. كانت مريضة.. وانا كنت شوي تعبان ف المستشفى.. ف هي شافتني ويت عندي تزورني.. والحين هي ف الحمام ونست شنطتها هني عندي..
ام محمد: ليش فديتك.. انته شو بلاك..؟ انا سمعت انك مسوي حادث..
سهيل: شوو.. منو قالج..؟
ام محمد: الخبر منتشر عند العايلة.. ويقولون انهم يايين عندك ف المستشفى.. وانا عن نفسي قالت لي غادة..
سهيل { حرج }: وهاي شعندها CNN؟؟ كل ما تسمع شي تنشره..؟
ام محمد: عن اذنك سهيل.. ابو محمد يباني.. ولا تنسى عقب ما تظهر هند من الحمام خلها ترمسني.. انزين.؟
سهيل: ان شاء الله عمووه..
ام محمد: فمان الله..
سهيل: فمان الكريم..
عقب بند من عند ام محمد..وطالع هند.. وهند ابتسمت له..
سهيل: يعلني افدا هالابتسامه و راعيتها..
وهند استحت..
سهيل: يلا اخليج الحين.. بسير اشوف الاهل يو ولا بعدهم..
عقب ظهر من الحجرة.. وسار حجرته وشاف الاهل كلــهم { الريايل } يالسين..
وهو كان مصدوم..
ابو سهيل: سهيل انته بخير..؟

يلا انـــــــــــزين وبلا هذره زايــــــــــــــده ههـــــــه فد خشمـــــج


اتريــــــــــــــاج

البارت " 12 "..
سهيل: يلا اخليج الحين.. بسير اشوف الاهل يو ولا بعدهم..
عقب ظهر من الحجرة و سار حجرته وشاف الاهل كلهم{ الريايل } يالسين..
وهو كان مصدووم..
ابو سهيل: سهيل انته بخير..؟
سهيل من الصدمه ما رد عليه..
ابو سهيل { يقرب صوبه }: بلاك ابويه.. يعورك شي..؟
ابو محمد: اقولك سهيل.. وين هند بنتي..؟
وسهيل يطالع ابو محمد وهو صـاخ..
ومحمد شك ف الموضوع.. وحب انه يسلم على سهيل هو و الحسن..
محمد: الحمدلله ع السلامه..
سهيل { بصوت واطي }: الله يسلمك..
الحسن: الحمدلله ع السلامه..
سهيل { بصوت اعلى }: الله يسلمك من كل شر..
عقب محمد زخ ايد الحسن و استأذن من الجماعه..
(( خاري الحجرة ))..
محمد { بصوت واطي }: اقوولك.. انا حاس انه هند فيها شي..
الحسن: اسم الله عليها.. بلاك انته تتبلى ع اختك..؟
محمد: شو اتبلى ع اختي..؟.. انا اعرف سهيل عدل.. يوم يرمسني بصوت واطي يكون في شي صار..
الحسن: انزين خلنا نسأل " الرسبشن " عن هند..
محمد: يلا..
عقب سارو صوب الاستقبال عسب يسألون عن هند..
محمد: لو سمحت.. ممكن أسأل سؤال..؟
الريال: تفضل اخويه..
محمد: امممم في بنية قريب يتكم اسمها " هند ".. صح ولا انا غلطان..؟
الريال: لحظه شوي بشوف السجل مال المريضين..
بعد فترة..
الريال: قلت لي اسمها هند ويت قريب..
محمد: اي نعم..
الريال { وهو يدور ف قائمة الاسماء }: هند هند هند..هاا لقيته..
محمد: بلاها هند..؟
الريال: انزين لو سمحت.. ممكن تقول لي اسمها عسب أتأكد حسب قانون المستشفى..
محمد: هند عبدالله ال*****..
الريال: اخوي .. هند عندها ازمه نفسيه.. وهالازمه من قوتها خلت هند ما تقدر ع الرمسه.. وراح تبات ف المستشفى مدة يومين عقب بتظهر..
الحسن { مصدووم }: تأكد اخوي من الاسم..
الريال: اكييه مكتوب.. هند عبدالله ال*****..
محمد: انزين ممكن تدلنا ع حجرتها..؟
الريال: اكييد.. فوق ف الطابق الثاني ثالث حجرة ع ايدك اليمين..
محمد: مشكور اخوي..
الريال: العفو..
عقب سارو صوب الحجرة وجافو هند شبه راقده..
ودشو الحجرة شوي شوي عسب ما تحس..
وكانت بـــاردة..وقرب محمد من عند هند اما الحسن اكتفى بأنه يوقف برع لانه هند كانت راقدة ونص شعرها ظاهر بدون شعور طبعا..
ومسك شعرها بحنيه وهند فتحت عيونها وعلامات الصدمه ف ويهها..
وهند تحاول انها ترمس.. لكنها ما تقدر..
محمد { يحط صبعه ف فمها }: اصصصصص لا ترمسين لا تتعبين عمرج..
وهند اكتفت بابتسامه.. وجان تطالع صوب الباب.. وتطالع محمد..
محمد: بلاج..؟ { عقب طالع صوب الباب }.. جان يشوف سهيل يطالعهم..
محمد: انته ليش ما خبرتنا بسالفه هند..؟؟
سهيل: شو تبيني اقول لك.. هند ما تقدر ترمس.. ؟ وبعدين انا حبيت اني اهدي الوضع عقب اتصرف..
محمد: انزين.. الحين كيف بنقول للاهل..؟
سهيل { يتنهد }: قولهم عادي..
محمد: انا بتصرف..
عقب سار صوب حجرة سهيل.. وهو كان ناسي انه سهيل عند هند و بروحهم..
وناسي انه الحسن يترياه عدال الباب..
وهو ساير صوب الحجرة.. جان يشوفه الحسن..
الحسن: ايه ايه انت .. وين ساير..؟
محمد { ينتبه له }: اوووه سوري نسيت..
الحسن: طول عمرك نساي..
محمد: هههههههههه السموحه الشيخ..
الحسن { يمد ايده }: اول شي حب ايدي عسب ارضى..
محمد: اقول.. امش امش الله يخليك.. بنسير صوب حجرة سهيل..
الحسن: ههههههه انزين..
عقب سارو صوب الحجرة ..
ابو محمد: وينه سهيل..؟
محمد: هناك عند هند..
ابو سهيل { مصدوم }: هــنــد..؟
الحسن: اي نعم..هند عبدالله..
ابو محمد: اهي وينها..؟
محمد: بصراحه.. { وقال لهم سالفه هند كـــلـــها }..
ابو محمد { بسرعه }: وين حجرتها..؟
عقب دلهم محمد ع الحجرة.. والحمدلله انه سهيل كان يالس برع الحجرة..
عقب شاف سهيل القوم كله ياي صوبه..
سهيل: خير في شي صاير..؟
ابو محمد: وين بنتي..؟
سهيل: داخل الحجرة..
عقب دخل ابو محمد الحجرة..
وجاف هند.. ورمسها..
وانتشر الخبر بين العائلة..وردت هند للبيت والدكتور عطاها اجازة اسبوع.. عاد هند حدها مستــــــانسة..
وسهيل قعد ف المستشفى يومين عقب ظهروه..
يوم الاربعاء.. في بيت ابو محمد.. كانت هند ف الصاله تطالع تلفزيون..وفجأة رن التلفون..
وهند نست عمرها و ردت ع التلفون..
وهي حاولت ترمس.. بس ماكو فايدة..
هند:...........
ريم: الوو..
هند:..........
ريم: منو..؟
هند:..........
ريم { طااف }: ع العموم.. المهم انك تسمعني.. خبري او خبر هند اني يايه عندها اليوم الساعه سبع..اوكيك..؟
هند: ........
ريم: سلام..
طووووووووووووووووووووووووووووووووووووووووووووووووو وووووووط
وسكرت هند وهي متوترة..
هند ف خاطرها:" بالله .. الحين كيف بستقبلها وانا ع هاي الحاله..؟.. افففففف ما ادري شسوي.. { وطالعت الساعه وكانت الساعه ست }.. يالله .. خلني اسير اتسبح احسن لي.."
عقب سارت حجرتها وتسبحت..واول ما ظهرت من الحمام..جان تبند الباب مال الغرفه.. {{ لانها كانت لابسه فوطه }}..
وفتحت كبتها وهي ما تدري وش تلبس .. وتدور ف الكبت زييين..
هند ف خاطرها:" امممممم احسن شي اني البس باطلوني الجنز ويا هالبدي.."..
{{ اللبس.. بنطلون جنز عليه فصوص من فوق..على حرف ال (( S )).. احم احم الحبيبه العاشقه.. وكان البدي نص كم لونه عينـــــــاوي.. و فالنص مكتوب بالابيض (( I LoVe YoU )).. }}
المهم: اختنا لبست ونشفت شعرها بالاستشوار.. ورتبته.. وبدون علم امها جان تقص قدلتها.. وتعدلها..الا وتشوف الساعه سبع الا ربع..جان تخبر البشكاره تسوي لها بخور غــاوي.. ودخنت الميلس وجهزت الفواله.. ويلست مكانها ( ف الميلس ) تفكر بالكلام الي قالته غادة من قبل جم يوم.. وقطع حبل افكارها صوت الجرس..
وفتحت الباب..
ريم: هنــــــــــــــد حبيبتي اشتقت لج واااااااايد..{ جان تطيح عمرها عليها و تحضنها }..
وهند تبتسم..
ريم: اخبارج حبيبتي..؟
وهند رفعت صبعها الابهام ع اساس انه اوكي..
وريم ما اهتمت.. ودخلتها هند للميلس..
ريم: اليوم يوم اتصلت.. رد علي احد بس ما طاع يرمسني..
وهند تبتسم بس..
هني عاد ريم شكت ف الموضوع.. مستحيل هند المربوشة فجأه تتحول لهند الهادية..
ريم { مستغربه }: بلاج هند..؟
وهند اشرت بصبعها على انها تتريا شوي..وظهرت هند من الصالة ويابت وياها قلم و دفتر..
جان تكتب لها .." ريم.. انتي شحالج..؟ اخبارج..؟ والله اشتقت لج بووه.. احس عمري من سنه ما شفتج.. المهم انا صار لي موقف فضيع وودي اخبرج اياه.. { وهني هند بدت تدمع , لكنها حاولت انها تغير الموضوع }.. ههههههه اول شي شو تشربين..؟ "..
وريم تطالع الورقه وعقب ما خلصت.. جان تطالع هند وهي مصدووووووووومه..وهي فهمت السالفه وهي طايرة.. انها ما تقدر ترمس..وحظنت هند بقوو وهي تصييح.. وهند حاولت انها تهديها..
ريم: لييش..؟ لييش..؟ منوه السبب انا براوييه الجلب..
هند تكتب ف الورقه.." فديتج ريم.. سيري غسلي ويهج واهدي عسب نتفاهم ف الموضوع وانا بييبلج العصير انزين ..؟ "..
ريم: اوكيك حبيبتي..
عقب سارت ريم تغسل ويهها وردت الميلس ولقت هند سرحانه.. والعصير ف ايدها و ايدها الثانيه تلعب ف اطراف شعرها..
ريم ف خاطرها:" وحليلج يا هند والله ما تستاهلين الي يصير لج..انا متأكده مليون بالميه انه سهيل ورا السالفه.."..
وقبل لا تيلس ريم جان تقول حق هند انهم احسن لهم انهم يلسون ف حجرة هند عسب ياخذون راحتهم..
عقب شلت هند العصير وسارو فوق.. ونزلت ريم عباتها..ويلست ع الشبريه وهي تتنهد..
ريم: يلا يا ستي.. اكتبي الي صار..
هند تكتب غ الورقه.." اففف اكتب السالفه كلها ..!! بتنكسر ايدي..خخخخ.."
ريم: هههههههه طول عمرج خفيفه دم.. لا تصدقين عمرج.. ههه
هند ف الورقه" هههههههه فديتج والله.. انا بقول السالفه بس عن تاكليني..ههههه..{ عقب قالت لها السالفه من يا سهيل عندهم اليين حالها الحين }..
ريم { محرجه }: هاي غادة انا بقصها قص بضروسي.. هاي ما تخاف ربها..؟..ما تخاف..؟ والله ما بنسى ايام اول ثنوي يوم كنتو ويا بعض كنت اغار منكم.. وف كل المدرسه مكتوب.. (( GH best friend 4 ever )).. والحين انقلبت ضدج بطريقه غير طبيعيه..ما ادري شبلاها هاي..
هند ف الورقه:" ما ادري والله.. المهم خلينا ف سوالف غير هاي السالفة.. ما ابي انكد على عمري.."..
ريم { تهدي عمرها و تخلي عمرها كول }: حاضريين

المشاركة الأصلية كتبت بواسطة ريمـــــاني يلا انـــــــــــزين وبلا هذره زايــــــــــــــده ههـــــــه فد خشمـــــج اتريــــــــــــــاج

…!!...{

:
:

بـــــــــــل بــــــــــــل
ريمـــــــــــــــــــــــوووووووووه
آآشووووووووف لســـــــــــآآنج
طــــــــــــــــوووووول

لا تـ خ ـــــلينيه ماااااااااااااااكمل
القصه ههههههههه


:
:

}...!!...

ههـــــــه عاد اقولـــــــــــج خخـــخ


يثلمــــــــــــو يثلمـــــــــــو ع البارتــــــات الحلــــــوه بعدنــي الحيين بســير اقراهــــــــــا


فديــــــــــــتج مشكــــــوره غـــــــــناتيه



وخلج دومـ فالعــــــالي يطولي بعمــــــــــرج

يحفظـــــــج ربيــ


.. !

المشاركة الأصلية كتبت بواسطة ريمـــــاني ههـــــــه عاد اقولـــــــــــج خخـــخ يثلمــــــــــــو يثلمـــــــــــو ع البارتــــــات الحلــــــوه بعدنــي الحيين بســير اقراهــــــــــا فديــــــــــــتج مشكــــــوره غـــــــــناتيه وخلج دومـ فالعــــــالي يطولي بعمــــــــــرج يحفظـــــــج ربيــ .. !

…!!...{

:
:


مــرح ــــبا الســاع..

اللــه يسلمـج غ ـلايه ..^^

ع ـــنونج الاروع غ ـــناتيه^^..

مشكــوره عـ اهتمامج للقصه..^^

و انا حاليا بنزلــج بـــآآررت ع ــسب خ ــاطرج الـ غ ــاليه..^^

و السـ م ـوح ـــه..~

ll. ج ـــعلآلآنيـــــــــــه طـــــــــررر .ll
:
:


}...!!...

البارت " 13 "
ريم { محرجه }: هاي غادة انا بقصها قص بضروسي.. هاي ما تخاف ربها..؟..ما تخاف..؟ والله ما بنسى ايام اول ثنوي يوم كنتو ويا بعض كنت اغار منكم.. وف كل المدرسه مكتوب.. (( GH best friend 4 ever )).. والحين انقلبت ضدج بطريقه غير طبيعيه..ما ادري شبلاها هاي..
هند ف الورقه:" ما ادري والله.. المهم خلينا ف سوالف غير هاي السالفة.. ما ابي انكد على عمري.."..
ريم { تهدي عمرها و تخلي عمرها كول }: حاضريين..
واكتفت هند بابتسامه..
عقب خذتهم السوالف وصارت الساعه تسع..
ريم { تطالع الساعه }: اووه تأخرت انا لازم ارد البيت..
هند تكتب ف الورقه :" انزين ماعليه.. اشوفج قريب..^^.."..
ريم : يلا حبيبتي مع السلامه..
عقب وصلت هند ريم عند الباب وودعتها..
ريم { وهي تزاعج من عند السيارة }: اشوفج قريب..
وهند ابتسمت..
عقب دشت هند وحست انها تبي تدووخ.. من كثر ما تفكر..
عقب سارت صوب حجرتها.. وطاحت ع الشبريه ورقدت.. بدون عشا او اي شي..
اما صوب مرام.. كانت توها يايه من عند ربيعتها " عواش ".. وشافت سيارة ريم وهي ظاهره..
عقب دخلت البيت.. وسلمت ع امها ..
مرام: مساء الخير يا احلى ام ف الدنيا..
ام محمد: مساء النور حبيبتي..
مرام { تيلس ع الطاوله }: اخبارج..؟
ام محمد: تمام الحمدلله .. وانتي شحالج الغاليه..؟
مرام: والله ماشي حالي.. اقول امايه..
ام محمد: هلا..
مرام: ريم كانت هني صح..؟
ام محمد { مستغربه }: منو ريم..؟
مرام: هاي ربيعه هند.. بنت خالووه..
ام محمد: اهااا .. لا .. ما شفتها.. واصلا انا اعتقد هند ما ظهرت من حجرتها اليوم..
مرام { شكت ف الموضوع }: اهاا.. يلا عن اذنج الغاليه بسير ابدل عقب برد لج..
ام محمد: ان شالله..
عقب سارت مرام فوق.. لكنها سارت حجرة هند قبل لا تدش حجرتها.. ودقت الباب..
مرام { وهي تفتح الباب شوي شوي }: هند انتي هني..؟
جان تشوفها راقده..وتبتسم.. عقب جان تظهر من حجرة هند.. وسارت صوب حجرتها..
عقب ما بدلت وخلصت لبس.. كانت تبي تظهر .. بس موبايلها رن..
مرام: السلام عليكم..
الشخص: وعليكم السلام والرحمه..
مرام: منووه..؟
الشخص: امممم انتي مرام..؟
مرام: هيه نعم.. منوه ويايه..؟
الشخص: وياج حمد..
مرام { مستغربه }: منو حمد..
حمد: اممم انا حاليا ما اقدر اقولج غير انه اسمي حمد وانا اعرفج.. لانه انا يوم سحبت فلوس من البنك.. جان اشوفج هناك.. واذا كنتي تتذكرين.. عطيتيني البطاقه مالت تلفون البنك..وانا طلعت رقمج.. وبس..
مرام: اهاا.. وبصفتك شو عسب ترمسني..؟؟
حمد: بصفتي معجب..
مرام: لا والله.. آسفه انا ما عندي هالسوالف.. وانا ما ارمس شباب..
حمد: توني جريب شفتج انتي ووحده و ثلاث شباب كنتو ويا بعض..
مرام: ههههههه هاييل اولاد اعمامي و بنت عميييه.. يشتغلون ويايه ف البنك.. وكلنا نفس الاعمار وبينا عشرة..
حمد: يشتغلون ويااج..؟
مرام { حبت اللعبه }: هيه.. عندك مانع..؟
حمد: هيه اكيد..
مرام: عيل خله عندك.. هههه
حمد: خلاص عيل انا باجر بييج الشغل عسب تعرفين منو انا وتتذكرين..
مرام: دام انه ف البنك و عن الشغل.. ما عندي اي موانع.. بس اي ساعه عسب اتذكر..؟
حمد:همممم تقدرين تقولين الساعه عشر.. خلاص عيل.. نلتقى باجر ف البنك..
مرام: اوكيك..
حمد: سلااام..
مرام: بااي..
عقب سارت جدى المطبخ عسب تساعد امها..
ف اليوم الثــــــــــــــــــــاني..
الساعه: 3 ف الليل
جان تنش هند من رقادها..
هند { مخترعه }: بسم الله الرحمن الرحيم..<< طبعا تقولها ف خاطرها..
(( الاخت كانت حالمه غادة تتزوج سهيل وتغايض فيها.. وهو كان بعد يغايض فيها.. وهي محتارة وتحس عمرها مغيوضه ))
هند ف خاطرها: لالا ان شاالله يصير عكس الي حلمته.. وفجأه جان تتذكر..
" تدرين يا ط..و...ط انا احب سهيل..
والله.. مبروك عليج..
شو مبروك..؟ عرست وانا مدري..؟
هههههه لا انشاالله قرييييييييب وانا عندي احساس انه يحبج يا هند..
واللــه.. تهقين جذي..؟
انا هالي اشوفه.. اقوولج.. انا اول وحدة تعزميني اوكيك..؟
افا عليج حبيبتي..انتي بنت عمي احمد العوده وطبعا مستحيل اعز الربع ما يعزمون بعض وخـــــــــاصه ع عرس وحدة فيهم..
هههه فديتج والله.... هند..
هلا غادة..
اوعديني انه احنا ما بنفترق..؟
اكيييد حبيبتي.. الربع عمرهم ما ينسون ربعهم.. "
ونزلت دمعه من عيون هند.. و فعلا كانت من احلى ايامها ايام رباعتها ويا غـــــ اعز ربيعاتها ــــــــادة..
هند ف خاطرها: آآآآه انتي قبل كيف والحين كييف..ما علينا.. الي صار صار وانا لازم ما ارد للماضي و اعيش حياتي..هممم فيني رقاااد احسن لي ارقد واكمل نومه.. قبل لا تيني امايه و توعيني ع صلاة الفير..
عقب رقدت.. و عقب ما اذن الفير .. يت ام محمد عسب توعيي عيالها..
ام محمد: هند.. هند.. يلا حبيبتي نشي.. قبل لا تفوتج صلاة الفير..
هند فتحت عيونها عسب تعرف ام محمد انها واعيه..
ام محمد: يلا حبيبتي لا تتأخرين سيري تمسحي عقب صلي انزين..؟
وهند هزت راسها وهي مبتسمه.. وردت لها الابتسامه ام محمد عقب ظهرت..
وهند عطووول سارت تتمسح وصلت وطاحت ع شبريتها.. تحس عمرها ما رقدت عدل.. ونووومه..
اما جدى مرام.. سارت تصلي.. عقب سارت تتسبح وتتلبس حق الشغل.. وبعدين ظهرت من الحجرة وسارت صوب المطبخ وتلاقت هي و محمد ف المطبخ..
مرام: السلام عليكم.. صباح الخيير..
محمد + ام محمد: صباح النوور..
مرام { تحب راس امها }: واخبارها ام محمد..؟
ام محمد: تمام الحمد لله ومن صوبج..؟
مرام: بخير..
محمد { يحب راس امه }: اخبارج الغاليه..؟
ام محمد: الحمد لله.. ومن جداك..؟
محمد: ما نشكي باس..
ام محمد: ع فكره.. انتو تأخرتو..
مرام تطالع الساعه.. وتتذكر انه الساعه عشر بيها المعجب.. وتبتسم..
محمد { بكل فضول }: شو سر هالابتسامه..؟
مرام: انته شو يخصك..؟ افففف فضوولي.. مووت من القهر..يلا امايه عن اذنج.. احنا صدق تأخرنا..
محمد: يلا امايه ادعي لنا..
ام محمد: الله يوفقكم .. فداعه الله..
عقب سارو جدى سياره محمد.. (( داخل السيارة ))..
رن موبايل محمد.. وكان مكتوب ( رفيج الدرب )..
محمد: السلام عليكم..
سهيل: وعليكم السلام والرحمه.. شحالك..؟
محمد: ما نشكي باس.. ومن صوبك..؟
سهيل: تمام الحمدلله.. ها..؟ اليوم اشوفك نشيط..ولا انته بعدك فوق الشبريه..؟
محمد: هههه لا حبيبي تتحراني سهيل..؟
سهيل: هاهاها سخييييف.. يلا انا بسير اتلبس..
محمد: بسرعه بسرعه عن تتأخر على الحبيبه..
سهيل: باااااااااي..
محمد: سلام..
اول ما بند محمد.. مرام كانت متحرقه ..
مرام ف خاطرها:" امممم منو ها الي كان يرمس حمود..؟ ومنو هالحبيبه..؟ "..
مرام { بكل لطافه }: اقول حمود..
محمد: اووونه .. الحين تقولين حمود و قبل شوي فضولي..خير وش تبين..؟
مرام { تلعب بطرف شيلتها }: اممم منو ها الي كنت ترمسه.. ومنو الحبيبه ..؟
محمد: بقولج بس ع شرط..
مرام: شوو..؟
محمد: تقولين لي شو سر هاييج الابتسامه..
مرام {{ بعد تفكير }} : انزين..
محمد: امممم انا كنت ارمس سهيل.. والحبيــ { وقبل لا يكمل الرمسه.. }..
مرام: سهيييل..؟ وعنده حبيبه..؟ آآخ طاح من عيني وهند المسكينه اذا درت شو بتسوي ف حالها..؟
محمد { يضربها ف راسها ع الخفيف }: انتي مينونه..؟ حبيبتي.. سهيل ماله غير هند وبس..
مرام: عيل منو الحبيبه..؟
محمد: وحده معجبه فيه..و كل يوم لازقه فيه شرات ( سوبر قلوو )..
مرام: هههههههههه الله يعينه.. انزين هي من الشغل..؟
محمد: هيه هاييك الي تكون عند ( الرسبشن ).. وكل مرة تطلع قدلتها.. و ريحه عطرها تخم البنك..
مرام: اهااااا هاييك حمده..؟
محمد: هيه.. يلا لا تتهربين ع الموضوع.. انا بدور ف الدوار عشر مرات الين ما تقولين لي..
مرام :اسمعني.. ( وخبرته السالفه ).. واليوم شفت الساعه واتذكرت..انه قال بيني الساعه عشر..
محمد { بدون اي عصبيه }: اهاا..
عقب وصلو البنك.. ومرو ع الرسبشن..
محمد + مرام: صباح الخير..
الكل: صباح النور..
وكانت حمدة كل شوي تطالع صوب الباب.. ومرام لاحظت هالشي..
مرام: بلاج حمدة..؟
حمدة { تنتبه انه حركاتها انكشفت }: هاا..؟ لالا ولا شي.. شحالج..؟
مرام: الحمدلله بخير.. وانتي اخبارج..؟
حمدة: ماشي الحال..
مرام: عن اذنج..
حمده: سلام..
عقب سارت مرام صوب مكتبها..
و على حظها.. كان هاليوم عندها شغل اضافي من كثر الناس الي ييون البنك..
عقب دخل عليها شخص..
الشخص: السلام عليكم..
مرام: وعليكم السلام والرحمه.. نعم اخوي.. في شي..؟
الشخص: هيه اختي.. انا موظف جديد وابيج تكملين لي هاي المعامله..
مرام { تأشر ع الطاوله }: حطها هني وانا ان شالله بكملها..
الشخص: مشكورة اختيه..
مرام: العفو..
عقب يت وحده وخذت مكان مرام عسب تاخذ " بريك "..
وطبعا خذت ربيعتها " عواش "ويا رفيجه الدرب" شهد".. وسارو جدى الكافتيريا الي برع البنك..
وكانو هناك قوم سهيل..
وعواش كانت تطالع محمد و ترد تطالع مرام..
ميري: helo girls..!
مرام + عواش: هااي..
ميري: what do wont to eat..?
مرام: hmmm I wont tea whith milk..
عواش: me too..
شهد: me too..
مرام: قلودين..
شهد + عواش: ههههههههه
ميري: ok..5 minet
مرام: انزيين..
اما عند قوم سهيل..
محمد: شفت حبيبه القلب..؟
الحسن: اكيد شافها..ما تشوفه مبوز؟؟..ههههه
محمد: هههههههههه
سهيل: هيه هيه.. انتو تمصخرو.. انزين ما عليه..
الحسن + محمد: ههههههههههه..
وعقب البريك.. كل واحد سار مكتبه.. بس مرام نست موبايلها عند اخوها محمد.. فسارت عنده..
مرام { بدون ماتشوف منو عنده }: اقولك حمود وين الــ { وقبل لا تكمل.. جان تشوف انه في واحد عند محمد }..
محمد: عليكم السلام..
مرام { قلبت ويهها }: السموحه..
محمد: لحظه لحظه.. انتي تبين موبايلج صح..؟
مرام: هيه عطني اياه.. ادري بك.. انته الي شلته من الشنطه مالتي..
محمد: ههههههه { عقب جان ياطلعها بنظرات }.. اقول مرام.. هذا موظف يديد عندنا..
مرام { ما فهمت نظرات اخوها }: اهااا.. اهلا و سهلا..
محمد { يرد يطالعها بنظرات }: واسمه.. حمد..
مرام { منصدمــــه }: هاا..؟. { عقب ارتبكت }..انزين انا بظهر..
محمد: انزين خذي موبايلج..
وشلته بسرعــه وظهرت..
حمد: ههههه بلاها هاي..؟
محمد: هههههه اهي جي دووم..
حمد ف خاطره :" يا ويل حالي.. فديتها "..
اما صوب مرام.. ما تقولون هاي مرام.. كانت ترجف ف عز الحر..ههههه وحليلها..
عواش: بلاج..؟
مرام: ولا شي..
اما شهد تعرف حركات بنت عمها.. وقالت بعدين رح تستفسر..
وبعد ربع ساعه تقريبا.. يا عندها شخص..
الشخص: ييت ع الموعد.. صح..؟
مرام { تطالع الشخص }: ها..؟
وعواش و شهد يطالعون بعض باستغراب..
الشخص: ههههههه الحين الساعه عشر .. صح..؟
مرام { تطالع الساعه }: هههه هيه صح..؟ تفضل اخوي..
الشخص: انا اسمي حمد..
مرام ف خاطرها :" جنه ما شافني قبل نص ساعه.."..
مرام: وانا اسمي مرام..
حمد: تشرفنا.. اممم انا قلت لج اني رح اييج ع اساس شغل.. وانا حبيت افاجئج انه نقلوني من دار الزين لابوظبي..
مرام: تشرفنا.. امممم انته ف اي قسم رح تشتغل..؟
حمد { يطالع المكتب الي مجابل مكتب مرام }: ف هالمكتب..
مرام + عواش + شهد:شوو..
شهد { تقول حق عواش }: هههههههه داشين عرض..
حمد { مستغرب }: بلاج..؟
مرام: ها..؟ لا ولاشي.. مبروك ع الوظيفه ..
حمد: الله يبارك فيج.. { وينش من مكانه }.. عن اذنج بيب الاغراض لين هني..
مرام { بدت تحس بشي صوبه }: اوكي..
واول ما سار.. حست بصداع فضيـــع.. واستأذنت من المدير.. و المدير صدقها لانه واثق فيها.. عقب ظهرت برع البنك..
وشافها حمد .. عقب سار صوبها..
حمد: وين سايرة..؟
مرام: امممم برد البيت.. فيني صدااع وبطني يعورني..
حمد: تبيني اوديج المستشفى..؟
مرام: لالا مشكور..
عقب سارت من عنده.. لكن هو بكل جرأه زخ ايدها ولفها صوبه..
حمد: انزين.. خليني اوديج البيت..
مرام { مستغربه }: امممم لالا ما يصير اسير ويا واحد غريب..
عقب سارت بسرعه.. عسب توقف لها تكسي.. ودخلت التكسي.. وردها البيت..
لكن في سيارة كانت تلاحقها اليين البيت.. وهي سيارة حمد..
واول ما دشت البيت عطووول صوب حجرتها.. وطاحت فوق الشبريه..
و قعدت تفكر ف المواقف الي صارت وياها ف البنك..
مرام ف خاطرها:" معقوله يحبني..؟ لا ما اعتقد.. هه تفاجئت يوم قال انه بيشتغل عندنا ف البنك لا وين..؟ عندي ف القسم..ههههه والله صدف عجيبــه.. يا ترى.. شو تخبي الايام..؟"..
كــــــــــــــــــــــــــــــــــــــــــــــــت ..
توقعاتــــكم..
++ ظنكم مرام صدق رح تحب حمد.. ؟ولا مجرد مشاعر مالها معنى ..؟++
** وهند.. شو رح يصير فيها عقب " الصمت "الي هي فيه..؟ ولا رح يأثر ع شخصيتها..؟ **
## وهند وغادة.. شو قصتهم الثنتين..؟ هل هم صدق كانو اعز الربع من قبل..؟ وليش تخلو عن بعض بكل سهوله ..؟##

كل هالاسئله..لها اجوبه.. ف البارتات اليايه.. ^^





والسـ مـ وح ـ ــه..~
||. ج ـــــــــعلانيه طـــــــــــرررر .||