شيخي seesaw

أسعدني تواجدك ع صفحتي المتواضعة

وجهة نظركـ ع العين والرأس وتسلم عليها

بس أخوي أحيانا الشاب ماينعطي فرصة للنقاش

الأهل يقولوله نبيلكـ فلانه إذا عطاهم رأيه وإنه مايريدها

تزعل الأم أو الأب ف هذه الحالة هو مايقدر يسوي شي إلا ان يخضع لرأيهم

ف نهاية وجهات النظر تختلف

لكـ ودي واحترامي

موضوع غــريب شوي

صرااحه استغربت من ردود الأعضــاء

معقــوله في ناس جيه لين الحيــن ....صرراحه معندنا هالشئ اجصد ( مجتمعنا

لي بــاك للموضوع اكيـــد ..الحــين مسطله مجدر اكتب وجت رجاد

مشكورة الشيخة ع المرور الطيب

لا تستغربي خيتي هالشي موجود وااايد

ومثل ماقلت واللي اني اشوفه من زمان كان اجبار البنت

والحين اجبار الولد

[في غربتي]
"
يعطيج العآفية
ع الموضع
اللي بالفعل يستحق النقآش
"بالنسبة لموضوع الاجبآر سواء كآن للبنت او الولد
فأنا ضد ذلك :::
كل منهم له مشآعر وله رأي بهالشئ
لان هذه عشرة عمر مو يوم او يومين
"
امممم يظل للشباب رأي فهالشئ
وهذا حقه انه يختآر شريكة حيآته
بنفسه وللبنت كذلك ^^
"
وسالفة الاجبآر احسهآ اكثر شئ
تصير عند الاهل يعني يتزوج بنت عمه او خاله
يعني وحده من الاهل
"
ايضا لا ننسى لمن يكون للشاب
زوجة اخوه وصآرت ارملة
هنآآآوايد الاهل يجبروا الولد
يأخذ زوجة اخوه
بحكم عشآن ما يبتعدوا احفادهم عنهم
ويربطوا مصيرهم بمصيره
واجبااار بدون رأأأي
وهذا ما نشهده ف الوآآقع
"
كل الود

الشيخة روعة الكووون

صدجتي خيتي بعد تصير وايد إجبار الشاب الزواج من زوجة أخوه المتوفي

الله المستعان شيختي ويعين الشباب والبنات اللي انحطوا ف هالموقف

تسلمين يالغلااا ع مشاركتج الراقية

تسلمين اختي ع الموضوع


صدج هالحاااله صايره


والاهل اذا ما سمعت كلامهم بيقولوا بنزعل عليك الى يوم الدين



لكن اهم شي تذكرهم انه الشي مب غصب مع انهم ما بيستجيبوا



لكن لو يقول لي حد تزوج البنت القلانيه ونا ما اريدها بعارض واذا قالوا لي بنزعل عليك


بقول خلاص معذر عن الزواج ما ابي مشاكل

ربي يسلمك ويعافيك الشيخ " المنصور "

والله يبعد عنك وعن يميييييع الشباب هالموقف

مروركـ أسعدني مراقبنا

ظاهرة اجبار الشاب على الزواج اعتقد انها قليلة على حد علمي ولكن

من المجبر دائما على الزواج هل هو الشاب ام الفتاه بالنسبة لمجتمعنا في الغالب !!

الفتاه هي من تجبر على الزواج على حد قول الاهل هم الاعرف بمصلحة البنت

ولماذا لا يتاح ان يختار الشاب زوجة المستقبل على حسب طريقته الشرعية الغير مخله

بالادب طبعاً وله الحق في اختيار الزوجة وهي ليست بمعادلة صعبة بمجتمعنا على

عكس البنت ..

والشاب وبوجه عام لايجبر على الزواج قد يتسرع في الاختيار ويقدم

على الزواج في سن مبكره ارضاءن لاهله وطمعاً في الزواج ولكن اجبار بمعنى الاجبار

الذي يحصل في مجتمعنا لاااعتقد انه يجبر واذا اجبر له اكثر من طريقه يعدل

حياته مستقبلاً على عكس الفتاة قد ترضى بالواقع حتى لو عانت المر مع هذا الزوج ..

وايضاً كما ارى بمجتمعنا انها نسبة قليلة جداً قد تشااار اليها بالبنااان

باجبار الشاب على فلانه معينه .. قد يغير الوقت او الاحداث مجرى تفكير الشاب

او قد تطرأ تغيرات على الفلانه المعينة وتتزوج بقضاء الله وقدره ولا يخفى

ان الشاب له مطلق الحرية باختيار على ما اعتقد زوجة المستقبل

بالطرق المتعارف عليها بمجتمعنا العماني او الجعلاني على عكس البنت

لها ان ترفض او تقبل من الشخص المتقدم لها حسب وجهات نظر مسانده من الاقاارب..


هذا واشكر الاخت في غربتي على الموضوع الرائع والمفيد ..

ووجهة نظري لكم قبولها او رفضها ..

الشيخ أبجديات المسروري

تسلم عزيزي ع المشاركة الطيبة

لا أخوي بالعكس هالفترة انتشرت واااااااايد

وإجبار البنت متعارف عليه من زمن أجداد أجدادنا

وقلت الحين بس إنه الولد ينجبر هذا اللي حاصل الحين

والمشكلة ينربط برضى الوالدين في هذي الحالة الولد يضحي بكل شي عشان رضى والدينه

وجهة نظرك شيخي ع العين والرأس

ربي يحفظك ويعافيك

مشكوره الغاليه
[اذا الام بغت ولدهي انه يتزوج بنت اهي شايفتنهي مناسبه له ومصره وحالفه يمين انه ميتزوج غير اذيه البنت فاحسن له انه يوافق......

طبعا بعد ميحس ان مستحيل شي يغير من رايهي ولا يعاندهي ويخليهي تزعل عليه ......لييييه؟ لانهي اذا زعلت وجالتله انت حر تزوج اللي تباها وهي ممقتنعه فاذيج البنيه فبتصير منازعه ومشاكل وايده بينهن فالمستقبل...

اذا صاار وتزوج وحده ميباها وصارت مشاكل فاكيد هو السبب......لييييه؟. لانه مجدر ينسى البنت اللي كان يحبهي
ومعطى حرمته كل اهتمامه وحبه...
يعني معقوله متجدر تحب غيرهي .....اش فيها زود عن بنت بنت خالتج او البنت اللي اختارتهي لك امج؟؟؟؟؟؟
ياخي سعادتك بايدك انت وبس يعني لو تبى تمشي امورك عدل وتعيش دوم مبسوط معليك غير انك تغير تفكيرك وتعرف كيف تتاقلم مع ناس وامور مكانت فالحسبان وانجبرت انك تعيش ماعهي وانسى اللي مضى واعتبره شي حلو كان جزء من حياتك....
البنت الي بيتزوجهي هي وشطارتهي بايدهي تخليه ينسى حبه الاولي وكل شي له صله بحياته ......عشان يعيشوا مع بعض احلى couple
نهايه سعيده........