قصة يقولون من تغلى تخلى ..]!~ - الصفحة 3



بسم الله الرحمن الرحيم

يقولون من تغلى تخلى علينا وانا عنك ما تخليت .. ]~

يقولون من تغلى تخلى علينا وانا عنك ما تخليت ..
غلا الروح والدلع فيك يحلى تغلى وانا غيرك ما تمنيت ..

اتمنـى انه تنال اعجـابكـم ..

احدااث القـصهـ .. احداث وقعت في دولـــة الامـارات العربـية المتحدهـ ... احداث .. ~[ مفرحـه .. حزيـنهـ .. مرعـبهـ .. ]~

طبعا الحين بعرفكـم علـى ~[ بطـلات قـصتي ..

غلا وغاليـه .. توم في الصف ثالث ثانوي ..~[ علمـي طبعا ..
جمالهم جمال ربـاني يذوب الواحد ..
عيونهم كـبار .. ووسااع .. رمـوشهم كـثيفـهـ .. وايد وطوال .. ]~
شعرهم ماشالله طـويل لين فوق الـركـب .. كيثــــف + غليظ ..
لونـهـ ياي على البنـي المـايل ع الاشقـر .. ]~
عندهم حـبة خال فوق شفايفهم .. اللي كأنـهـا توت .. ]~
فيهم غمـازه في نـص خدهم وبـارزهـ .. يعني بدون ما يظحكـون اتكوون الغـماازه بارزهـ .. ]~
خشمـهم .. مم مادري كيف اوصفلكم اياه .. تعرفون خـشم ...الشيخـهـ شمـاا بنت محمد بن راشد .. << جيييه خشومهم ]~ ..
هم مميزنهم الطـول .. والضعـف. .^^ ..
بيض بيااضـهم .. بيااض اجانب هب اماراتيييين .. لدرجـهـ ان عروقهم تنباان .. ]~
وماشالله علييييهن شادين حيلهن في الدراسـهـ .. ]~

... فاصل غنـائي ونرجعـلكم ..

غلا الروح والدلع فيك يحلى . .
تغلى وانا غيرك ما تمنيت . .

عدنا من الفاصل الغـناائي ..

فـي بيـت بو غـلا .. ]~

غلاا منسدحـهـ ع الغنـفهـ .. اللي في الصالهـ الفوقـيهـ .. و ساحـبهـ سمـاعـة التيلفوون لـين اذنهـأ .. وتقرقر .. لابـسة بجـامهـ البدي مالها كت بيبي بلو و البرموودا لونها اخـضر ومورده بالون الاخـضر الغامج والبيبي بلو ^^ وكانت مسـويـهـ تسريحة الصينيين .. اللي هيه يوم يفرقون الشعر ويسوم كبه ع اليمين وكبه ع اليسار .. ومنـزلهـ قـصتها ..ومجحله عويناتها و محطيه قلوس فوشي .. كان شكلهاا كـيوت بيبي]~ هع

: :
غلا : حصوه يالدبـهـ ليش غايـبهـ اليوم .. ؟
حصوه : بس جيـه خـقهـ ..
غلا : خقهـ ولا غايـبهـ عشان الامتحـأن .. ؟ !
حصوه : تقدرين تقوليـن جييييه ..
غلا حرجـت : حصووه نحن الحين ثالث ثانوي لازم نشد حيلنا ونيب النسب اللي ترفع الراس .. !!
حصوه : بلاااج .. ؟ انزين خلااص ما بغييب مره ثانيه ..
غلا : يالله روحي ذاكري ..
حصوه : انزين غششيني الامتحان ..
غلا بنذالـهـ ..: مابا مابا .. حرام الغـش واذا نسيتي هذا المثل انا بذكرج فيه .. ~[ من غشناا فلـيس منا ]~
حصوه : اوهو غلااايـهـ عاد . .
غلا : عاد ولا ثمـوود ..كك
حصوه : ما يضحـك ..
غلا : والله محد ظربج ع ايدج وقالج اضحكي . . هيهيهي ..
حصوه : سخـيييييفه . .
ام غلا : غلا يو غلووي. .
غلا : حصووص ويت ماماتي تزقرني. .
حصوه : اوكيك ..
غلا : هلا امـايهـ ..
ام غلا : فديتج اتصلي ع الدريول خله يسير السوبرماركت يشتري الغرض اللي موصتنهم عليه قبل شويــــه .. ؟
غلا : انـشالله امايهـ .. اي اوامر ثانـيهـ ..
ام غلا : روحي بدلي وعدلي عمرج تراا ام مايد بتينا اليوم ..
غلا تحيس بوزها : وليش انشالله ابدل .. هيه يايتنج انتي ليش انا ارز فيسي وياكم ..
ام غلا : بيكـوز يمكن تخطبج حق ولدها ..
غلا : عاش العنقليزي ..هع .. امايا انا بعدني صغيره عن هالسوالف . .وثانيا انا ما باخذ واحد مودر دراستـهـ ويالس ع راس امـه . . انا ابا واحد يكـون من مستوااي ..!!
ام غلا : لا يابنتي .. ولدها والنعم فيه .. اخلاق واحترام وجمال .
غلا في خاطرها: اي جمال يا حظي ..
غلا : اماايهـ باي بروح فوق ببدل عسب برووح بيت عميه ..
ام غلا : استريحي ماشي ظهره من البيت
غلا تبا تخرط بس مب عارفه : امييه ترا بروح بذاكر حق حصيص فديتها غايبه اليوم لانها ما تعرف تذاكر ..
الام اقتنعت من رمـسة بنتها ..
ام غلا: خلاص فديتج ع راحتج .. ^^
غلا هيه ميته من الفرح .. : يالله عيل برب ..
ام غلا : تيت .. هع هع
غاليـه وتوها نازله من فوق ..
غاليـهـ رافعه شعرها بتوكه .. ولابـسة كندوره مخوره ورديـه ومحطيه قلوس فوشي ومجحله عوينااتها .. ]~
غاليـة : هلا امـايهـ اشحالج ..
ام غاليـه : شو هالزين .. الحمدالله يسرج حالي ومن صوبج .. ؟
غاليـه : بخير مدااام امـايهـ بخـير .. < < وسارت تبوسـها ع خدها
ام غاليهـ : يالله عيل انا الحين بروح المطبخ ..
غاليه : وانا بسير شويه اطالع T.V وعقب براجع دروسي
ام غاليهـ : يالله عيل برب ..
غاليه نقعت من الضحك ع امها : ههههههههههههههههههه اماياه وعلموج برب وتيت .. هع .. عيل انا اقولج تيت . . ^^وسارت صوب التلفزوون .. وجافت سمااعه التيلفون طايحـه ..
غاليه : منوو اللي عاق السمااعهـ جييييه .. سارت سيده وسكرتهاا .. وسارت سيده عند اختهاا غلوي ..
من صوب حصيص ..

حصـهـ : والله انج حماره يا غلوووي انزين قولي بسكر .. وايد تجذب علييه اونه امها زقرتهاا وخلتني اتريا .. افففف بروح اكلم سيفوه ابا اطلع ملانه ..

من صوب غالـيهـ وغلووي ..
غاليهـ .. : غلا .. وين بتسيرين .. ؟
غلا : بيت عمي عند حصوص . .
غاليه : افففف انا ملانه ابا اظهر.. ابا اروح المـول ..
غلا: اي مول الله يخليج .. مول وايد علييه ترا .. هع الا هو مناار ..
غاليه : هيه والله صدقج ..
غلا : بتين وياي .. ؟ ولا لأ
غاليه : لا فديتج مابا اسير .. بيلس ع النت .. ~[ وتنقع اصبوعها
غلا: برايج .. عيل عطيني مقفااج ببدل ..
غاليه : اوكيك سي يا ..
..
نزلت غلا من فوق وريحـة دهن عود تارسه المكااااااان ..]~
كانت لابـسه بنطلوون اسكيني فوشي شارتنه من برشكا .. وبادي لونـه اصفر عليه ضفدع مطلع لسانه مكتوب KISS me .. نص كم .. وكانت لابـسه عباه مفتوحـه ع الاطرااف فيها لون اصفر.. والوقايه ملونه لونها اصفر وكانت محطيه ميك اب خفيف اي شدو اصفر ومحطيه جحال وبلشر وردي وقلوس فوشي ياي ع الاحمر وكانت مطلعـه قصتها .. ]~
ام غلا : تف تف تف عن الحسد .. تبارك الرحمـن .. يامييه اقري المعوذاات ع عمرج .. الناس هالاياام مول ما يقولون ماشالله ..
غلا: انشالله .. يالله حبيبتي بباي ..
ام غلا : الرب حافظنج يا بنيتي ..
غلا ركـبت سيارتهم وراحت ويا الدريول .. وكانت محطيه اغنـية حسين الجسمي .. صدقني انك على بالي .. <<< جديمه صح؟!
والدريول مرتبش ايوول وحالته حاله .. وغلاا تصور هع هع ..
كانت سيارتهم يديده فـ بعدهم مب محطين مخـفي .. ]~
من صوب الثاني ..
: جووووف القمر .. طررر وربي انها طررر
: تبارك الرحمن ماشالله علييييها ..
: خلناا نلاحقهم لين ما نوصل بيتهم ..
: هيه والله صدقك . . يالله طوف الاشاره استوت خضرا . . والناس روحت وانته تتمنظر فيها ..
من صوب غالـيه .. سارت فوق وكانت يالـسهـ ع النت ..
داشهـ ايميلها ويالسهـ ع منتدى ..
يتها رسـالهـ ع المنتدى ..
منـ ~[ راعـي الطرف الذبوحي .. << من تخريفي ما اقصد حد انا بروحي كتبت جييه.. !!

فتحتهاا وقرت الـرسـالهـ ..
وانـصدمت من المكتووب وما صدقتـــه ..

من صوب غلوي ..
غلا : عبد الغفوور سير السوبرماااركت ..
عبد الغفور : انشالله ماما ..
غلا : انا مب ماما . . لا تقولي ماما قول مس غلا ..
عبدالغفور:انشالله مااماا
غلا : وبعد قال ماما .. اوف .. سير يالله سير ..
عبدالغفوور : انجيين ماما ..
غلا حرجت وتمت صاخه ..
عبدالغفور وصل السوبر ماركت ..
نزلت غلايه عسب تشتري الاغراض و حلااو حق عقب الفطور
غلا نزلت واشترت الاغراااض ويوم يت بتركب السياره جان يطيح بوكها بدون ما تدري وسارت بيت عمها .. ]~

وصلت بييت عمها ..

في بيت عمها ..
حصه : سيااافي ابا اطلع بليييييييييييز
سيف :باجر باجر الحين ااناا مشغوول
حصه : اففففف اي شغل يا حظي . . الشغل اليلسـه ع النت . .
سيف زعج .. : اوهو حصووه اظهري برع ..
حصوه زاغت منه وظهرت برع ...
صوب غلا ..
دشت بيت عمها ولمحت العنود بنت عمها ياسهـ تلعب ويا منصور ولد زايد ولد عمها ..
جان تسير صوبهم ..
بما انه وصلنا لين هني .. خلني اعرفكم ع عايلة غلا وعلى عايلة حصه . . ]~

عايلـة غلا .. ]~

بو غلا : ريال والنعم فيـه يحب عيالهـ ويحب الشغل .. عنده شـركهـ ويشااركـونهـ اخوااانهـ عبدالله وصقر.. اسمـهـ زايد عمره 56 سنه ..دارس في بريطانيا وعنده شهادة دوكتراه وما جستير يحب بناته غلا وغاليـه ..
ام غلا : ام مثلها ما جفت .. طيبه حنونـهـ تموت على ولدها ناصر و خليفه .. دارسـهـ بالخارج .. وهيه الحينه مهندسـة ديكـور .. وايد تحب عيالها اسمها عاشـه .. عمرها 49 .. ]~

ناصر : البجر .. عمره 21 سنه يدرس في الخارج ~[ بريطانيا .. وحلمه انه يستوي كابتن .. ^^ .. وباقله شهر وبيرد u.a.e – R.a.K .. وايد يحب اخته غاليهـ وما يخلي شي في خاطره الا وقاللها وهيه مثل الشي .. ]~
خليفه : عمره 19 سنه . . ثاني سنه في الجامعه .. ما حب يتغرب عن بلاده ... فاظطر ييلس في البلاد .. ^^ يدرس قانون الاخ يبا يستوي [ Lawyer ] محـامي .. ما يداني شي اسمه خوات وايد يعصب عليييهن .. وبس ]~
غاليه وغلا : اعتقد اني عرفيتكم عليهم قبل .. ثح [ صح ] ؟^^

عـايـلة بو حصه .. ]~

بو حصيص : صقر البجر في اخوانه .. يحب بنته حصه وما يرفظلها طلب .. يشارك اخوه في الشغل .. وهو وايد طيب والكل يحبه لان يسولف ويضحك و ينكت .. يعني روحـهـ مرحـه .. ويحب بنت اخوه غلا عمره 59 سنه ]~
ام حصه : بنت صغيره في الـسن يوم زوجوها كان عمرها 14 سنه .. ^^ يعني مواليد 1959 . . يعني الحين عمرها في سنة 2008 . . ؟؟ انتو احسبوو وقولولي واللي بيجااوب اول واحد وبيكون الجواب صح ..بعطيه عيديه .. هع هع .. ]~
وهيه اخت ام غلا .. اللي هيه عاشه.. ^^ وهيه اصغر ترا عن عاشه ..^^ ]~
زايد : البجر يشتغل وهو مهندس في البتروول و متزوج عليا من ام القيوين .. ^^ وعند ولد اسمه ^^ ويحب اخته حصه وايد ]~
عليا مرت زايد : طيبه وحبووبه لكن شويه جايفه عمرها ع مادري شو .. لا جمال ولا شي هع ..
منصور ولد زايد : عمره 4 سنين يحب عمته حصه وايد لانها توديه الدكاان القريب من بيتهم . . وهو وايد يحب سيف عمه لانه يطلعه ويوديه الالعااب .. ^^ ]~
سيف : يدرس ويا خليفه في الجامعـه .. ^^ وهو سنه من سن خليفه .. وما يحب اخته حصه .. << ع قوولته اونها نحسه
يحب اخته العنوود لانها تشبه امه وايد .. ويحب امه وايد .. ]~

حصه : في الثانوية العامه ويا غلا وايد وايد اكثر عن غاليـه ..
ما تحب الدراسهـ وايد .. ^^ وتحب اخوهاا زايد لانه وايد يحبهاا .. ^^ ]~

حمد : صف اول ثانوي ووايد متعلق في ولد عمه حمدان .. هم شياطين وما يحبووون الدراسه وايد .. يحب يلعووز حصووه هع هع ]~
العنود وهيه اخر العنقود :صف سادس وايد تحب الدراسه .. وتحن وتزن ع راس ابوها عشان يشتريليها لاب يديد . . تبا سوني فايو الوردي .. << قلااده تباا نفس مالي .. هع هع .. ]~

وبس .. !!

كــــــات ..

حلو الـباارت . .
وشو توقعاتكم .. ]~
منو اللي مطرش الرساله لغاليه وشو مكتووب فيها ..
كم عمر ام حصه . . ؟
وسيفوه شو يالس يسووي .. ؟!
والبوك مال غلا .. ؟! منو شـلااه .. ؟ هع

انتظروووني مع اقرب بارت ^^

حسابٌ واحد لجميع خدماتنا !