عندي سؤال والبي الجواب
شو الاسباب اللي جعلت هالضاهره تنتشر بين البنات وبشكل كبير؟

اي ضاهره جعلاني؟؟

قصدك ضاهره البويه؟؟؟

ايوه اختي شو الاسباب

قله العقل
وقله التربيه الصحيحه
والمراقبه من قبل الاهل
هذا راي

تسلمي والله وشو رايك بالقنوات وما تحتويها بعض المشاهد بين البنات
هل هي سبب ايضا او لا

والقنوات لها دور بس شوفا احنا اللي نشوف هذا القنوات لو انه ماشي مراقبه من الاهل والحريه كنا راح نسوي بس الله يخلي الاهل وحرصهم ع السمعه الحلوه
وبعد دور البنت روحها وايمانه بلله قوي وتفكر صح
مراح تسوي كذا

كلامك صح والواعظ الديني غير موجود وموت الققلوب من الايمان والبعد عن الله

بصراحه قبل لا اتكلم عن المسلسل والقضايا التي طرحها ... خلوني اثني على ما قالته الاستاذه ( مهاوي) في ردها القيم وبصراحه كانت على صواب الى اقرب الظن الى الحقيقه فيما قالته ... وأن كنت هنا لا اريد أن اضيف على ما قالته ولكن راح انظر الى المسلسل من نظرتي الشخصية كمتابع له من عنده نواحي وبدقة

أبله نورة الفنانه حياة الفهد : كان دورها تربوي الى ابعد الحدود وكانت اذا لم يخونني التعبير كموجهه للمشاهد كأنه الكاتب كان يبحث عن طرق للتصحيح فيما اصاب المجتمع وكانت شخصية ابله نورة هى الوسيله

ملاك : وقضية البويه والتشبه بالرجال والهروب من واقع الاسري ومحاول اثبات انها قوية وعدم احتيجها لوجود الاب او الام او اي شخص ذكوري في حياتها رغم علمها بأنها امره وانها تمتلك من الانوثه القدر الكبير ولكن هى تسلط ومحاول الخروج من الواقع ..
كما ذكر في الردود هناك حب بنات بمعنى بنت تحب بنت وقد يكون حب كحب البنت لشاب وهذا موجود وبات موجود في اي دوله خليجية والكاتب يحاول من هنا معالجه وليس القصد تحديد دوله عن دوله ..

تصرفات الفنانه القديرة فاطمة الحوسني / لا ادري هل كان هناك اجبار من النص والمخرج على ما تصرفت به وهل كان هناك الزم من المنتج في ما ظهرت به ... وان كان عليها المحافظه على التقاليد والعادات التي في منتطقتنا الخليجية ورفض اذا كان هناك نوع من الاجبار بما ظهرت به
ولكن استطيع ان انتقد كذللك ملابس الفنانات البحرينياات والكويتيات وخاصه الفنانه الاماراتية بدرية أحمد فهى كذلك ظهرت في مسلسل عديل الروح ( سابقا) بملابس الله يسامحها كانت قريبه الى الاغراء

هل استطاع المسلسل ابله نورة .. حل المشاكل ... او توعيه المجتمع لها ..
الاجابه نعم نعم وكل من قام من طرح هذا النص او المسلسل من انتاج ومخرج وكاتب وممثلين هم حاولوا توضيح بما يحصل في مجتمعنا الخليجي وان كان هذا المجتمع لا يستطيع التصرف ويحاول ان يفتح عيونه فهذوله القايمين على المسلسل هم ليس مسوؤلين اذا المجتمع غير واعي وغير مثقف


فشكر لدوله الامارات على هذا الانتاج والثورة الانتاجية الكبيرة التي نحترمها بكل شكر وتقدير

جعلاني للابد ,, المشكله هم يشونها من باب التسليه ونسوا القضيه اللي طرحها كاتب هـ القصه ,,
طيب لو فكرت فـ القصه وحبكتها بتلقى ان في شي فـ المجتمع لازم يتعالج ,,
في خلل ولازم نسرع فـ تصحيحه ,, اما ان احنا نسكت ونقوول لا هذا الا مسلسل ,, يعني كله خيال ,,
القصه دايم مب خيال في اشياء ناخذها من الواقع بس تتغير الاسماء ,, وتتعدد الادوار ,,
الغلط مب انهم يعالجون شي واقع والكل يغلطهم ويكذبهم ويقوول مافي ,,
لو سألت وحده ولا ثنتين بتقوول اي صاير ,, وفيه من هالنوعيه ,,

خراب مدرسات وخراب بنات ,,
وبعدين ليش ننفي كل التهم احنا درسنا ,, وكنا فـ نفس المرحله وشفنا العجب العجااب ,,
اشمعنى لما ظهر ع الشاشه قلناا ,,
لا .. ليش .. من قال ان في مثل هـ الاشكال فـ مجتمعنا .. ؟ !

غزال البر ,, مثل ماقلتي ,, ماألفو هـ المسلسلات الا من شي ملموس ,,

ومعاج يالشرقاويه ,, كل شي المفرووض ننظر له من منظور سلبي وايجابي ,,
الايجابي فهو ايجابي ,, اما السلبي فـ لازم نتخذ شي ناحيته على الاقل في احد ينتبه للي قاعد يصير ,,
وانتي ادرى يالجنيبيه في ناس غافلين ومايعرفون عن هالسوالف ,,

ملاذ الرووح ,, مب بس الامارات ولا تحددي ,, لان السالفه عامه الخليج وفي العالم العربي ,, المشكله التقليد الاعمي
لو الله يفكنا من الاجانب وافكارهم اللي تدخل على دينا وتهدم كل شي انبنى ,, وعلى فكره من عااب ابتلى ,,

المشاركة الأصلية كتبت بواسطة مهااااوي صــرآحه الموضوع يعالج مشكلات موجوده فـ المجتمع وبشكل طاغي فـي الخليج ,, ماراح اخص دوله عن الثانيه ,, اول شي بخصوص " ملاك " في اخس منها ,, ترى بس هم طلعووا انها بويه ’’ تدخن / وماتهتم فـ دروسهاا ،، ترى ماناقشوا ظاهره اللي منتشره بين البويات والبنات واللي هو ’’ حب البنات ’’ مب شرط بنت وبويه تصير بين بنت وبنت << عادي صايره الحياه easy ترى هذا شوي وما خفي اعظم ,, اما بخصوص " ظبيه " ترى واايد اللي اهلهم مدلعينهم وفي العن من جيه ,, وبخصوص ابوهاا ورفيجتها ,, صارت واايد ولا بعد الحين بعلم البنت ان رفيجتها مع علاقه مع ابوها .. وقالوها غيرناا ’’ الفلووس تغير النفووس ,, أما عن ’’ ليلى ,, بمعنى آخر فاطمه الحوسني .. ترى واايد مسلسلات سوت جيه واكثر والغير طالعووا ماتكلموا ,, وترى هذي كله يصير فـ مجتمعنا لاتنفين نااس وترفعين عن نااس ,, المسلسلات تجسد شي وااقع واغلبها جيه واردى .. عندكم مسلسل ’’ شر النفووس ’’ ليش ماتكلمتوا عنه ,, وحتى الكويتيين ماتكلموا عنه ,, لان هالشي واقع ,, وصاير واايد فـ المجتمع ,, كل واحد يحل مشكلته بـ ’’ السحر ’’ وبعد لعنة إمرأه ,, مثلت البحرين بـلبسها ,, ومحد تكلم من البحرينيين ,, وليش ماتكلمتوا وقلتووا محد يسرق ريل احد فـي هـ المسلسل .. وتاجر المخدرات ,, ليش هو مب من الواقع ,,, واذا بتقولون عن مسلسلات قطر ,, ترى حتى ’’ جدار الصمت ’’ فيه هـ المشاكل ,, واشووف انه قليل بحقنا لان في مشاكل وايد لين الحين ماطرحووها ,,, تبين تقوولين ان المسلسل يفتح عيوون النااس اكثر من انه يعالجها ,, ترى احنا فـ عصر صااروا الياهل يفهمون اكثر من الكباار .. واذا تبين تطرحين مشاكل المسلسلات يامكثرهاا عندج .. عيون عليا ,, فضه قلبهاا ابيض ,, في ايدي امينه ,, الحوت ,, باب الحاره ,, ويامكثر المسلسلات ,, تقبلي مروري بـ صدر رحب ,,

أشكرج مهاااااااوي وكلامج من بدايته لنهايته صححح
وهيه عندنا بويات للا حول ولا قوة إلا بالله يسون بلوي زراق وحمرا وخضرا بس أنا مثلا ماعندنا بويه ترفع دريسها لأنه المسات مايعطونها مجال اتسوي هالحركه هذا فالمدرسه
وبخصوص فالكوليج
بقولكم اللي اتصير عندنا في بويات والله فيهن لحيه وتعرفون أكيد كيف يطلعنهن حتى أصواتهن أخص من أصوات الريياييل ........مثلا نحن في كلاسنا عندنا بويه شعرها قصير حتى القصه قصه الرياييل ماأدري شو يسموونها نعوله نعول رياييل حراكات طريقه مسكها الاشياء حتى الصراحه جسمها وشكلها جنها ريال وبعد الصوت وتسووق سياره واهلها يدروون بهالشي
ودي اكتب كلام أكثر عن البويات بس أخاف الاعضاء يخافون خلنا نحتفظ به
الله يثبتنا عالاسلام ويهدي الجميع يارب العالمين
أما المسلسلات اللي قلتي عنهم الصراحه ما اتابعهم باستناء باب الحاره

أشكرج عالمرور والنقاش الحلو؟