الناس عني غفت وتهنوا بالنوم
والصبح قرب وأنا أراقب الساعه

كل يوم يمرعليه أمر من يوم
ويضيق عليه الكون وأتساعه

أبي أشكي وأبيح مابي منهموم
ولكــن مالجيت لي أذن سماعه

مالــجيت غير ربيعي دائم الدوم
قلبـــي اللــي زيدةكثرت أوجاعه

وسبب بلـــواي مــن ريم محشوم
شب قلبي يوم شفته شب ولاعه

رماني بسهم موت حاد ومسموم
أشهد أنه ماخطى ولالفت أذراعه

بوعيون دعج وناظرهن مسهوم
لي شافهن راحت عنه الشجاعه

أنخضع لأمرهن وهوغصب ملزوم
لويحاول يقاوم ماعنده أستطاعه

والخشم سيف(ن)مشهور بالدوم
فوق شفايف حمر ورديه لمــاعه

وتحــتهن عــقد لولو مـرتب بنظوم
سنون رهاف بيض يشعن بشعاعه

والعنق عنق ظبي(ن) توه مفطوم
يلاعــب الدنيا بــكل لــطف ووداعه

والنــحر قمــر فليل(ن) مظلم معتوم
لويســري علــيه الــساري مضــاعه

وعن الباقي بحــترم المشاعر وبصوم
ولابتعــدى فقولي الى حــد الفضاعه

وسلامي عليكم يأهل جعلان يالاقروم
والشهم دوم صيته عندالقبايل يذاعه

والسموحه كان أختل بعض المنظوم
أو زل لساني فوزون وكسر مطاعه

وختم قصيدي دهن عــود مشـــموم
وصلوا على النبي صاحب الشفاعه