تكفـــــــى ( ترى تكفى تهز الـــريـــاييل ) - الصفحة 2



["]علم العفا وعفاك .. يا وافي الكيـل -----بساطه أبشّرك .. في خيـر وعفـا

نكفي بعضنا ,, وانتكافا على الشيل -----واللي تعب من الحطّ والشيـل يكفـا

من ذاق حرّ القايلـه يعشـق الليـل -------ومن شبّ ضّوه ليلة البـرد .. يدفـا

لاعاد ليلٍ ٍ نمت به في حرى سهيـل -----وخايلت نوضٍٍ يخطف العين خطفـا

امسيت من جيل ٍ ولاهـوب ذا جيـل -------واصبحت ... والاّ ديرتي شبه منفـا

كنّا على فـال الشحـم والمعاميـل -------ونفوسنا انقى من نقى العدّ .. واصفا

وانا ولو راحت بقولـة : تساهيـل -----صلف وصروف الوقت تحتاج صلفـا

ياترج جدّاني .. زحـول الرجاجيـل ------يحرم فلا لي عنك ياتـرج .. مقفـا

إمّا لطمنا العيل .. والاّ الطم العيـل -----مادام شبّ النـار منـدوب الأطفـاء

خل ابرهه الأشرم على ذمّـة الفيـل -----وانظر لشيٍ .... مايوصفّـه وصفـا

ياذيـل والله ماتجـي راس يـاذيـل ---علمٍ ماهـو يغبـى ولاهـوب يخفـا

واللـي حمـا بيتـه بطيـرٍ ابابيـل ----ماجيتـك ادوّر لمـن راح واقـفـا

ولا جيتك اطلب منك بن ٍ ولا هيـل -----جيتك وجرح الظلم .. غاديه يشفـا

جيتك بكلمة .. كنّها صعقـة الويـل ---إن قلت تكفا ... لا تهـاون بتكفـا

تكفا .. تراها كلمـةٍ تقطـم الحيـل ---لا بالله الا تنسـف الحيـل نسـفـا

تكفا .. ماهـي لمعقبيـن الفناجيـل ----تكفا لصلف وعـادة القـرم صلفـا

تكفا .. ترى تكفا لها هـدرة السيـل ----في صدر حرًّ .. ينتف الطيـب نتفـا

تكفا .. ترى تكفا لها تسرج الخيـل--- إن كان لك باالخيل سرج ٍ و عسفـا

تكفـا .. تبيّـن كـلّ لاشٍ وحلحيـل ----تسمع لهـا بالصـدر هبـدٍ ورجفـا

تكفا .. وتكفـا ماتسـاق لمهابيـل -----تكفا .. تخلي القـرم لاشٍ وهطفـا

تكفا .. تجنّبني هل القـال والقيـل ----مانيب من ينكف علـى كـل ملفـا

تكفا .. تراني من قـروم ٍ مشاكيـل -----حمّاية الساقـه .. بسيـفٍ وشلفـا

تكفا .. ترى تكفا تهـز الرجاجيـل -----ولولا صروف الوقت ماقلت .. تكفـا

( ( ( منقـــــــــــــــــــــــــووول ) ) )/

حسابٌ واحد لجميع خدماتنا !