بسم الله الرحمن الرحيم

السلام عليكم ورحمة الله وبركاته



بعد غياب



شغف...
للإستماع للقصيده إضغط على الرابط

http://up.ftahilah.com/up//download....875210a5cb.mp3


يمر البـــوح ذكـــرك والحديــــث إحلو
وتثمر بــــك عناقيــــد الحكـــي تحنان

تمرّيــن السوالـــــف ، تاكليــــن الجو
وتنصـــت هـ الدقايــــــق كلـــــها آذان

تفوّل مـــن حلاهـــا يـــا قصيدي ، سو
تقهوى الذوق وإشــــرب للحلا فنجان

شغف..طاريك يا بنت(ن) تجي والضو
يغلّفهــــا وتكتــــب للحــــــلا عنـــوان

أنا واللــي خلـــق فيــــك العذوبـــه لو
يموّتني غرامـــــك مانــــــي بندمـــان

عرفتيني أحبــــــك حيــــــــل ، لا بالقو
وحبــــك للهــــداوه يرفــــض الإذعان

جموح(ن) ما يهـــــز القلـــــب إلا ّ هو
وأنا قبلــــه عجــــز يغلبنـــي الشيطان

يـ حب(ن) مـــن نقــــاءه يجتنبـه السو
كأني بــــه مــــلاك(ن) ماني بـ إنسان

تعالــــي نستثير الصمـــت كلمـــــه أو
نفجّر كل مشاعرنا علــــى الجــــدران

حبيبك وش يفيده لــــو يجــــي مترو؟!
وكله فــــي غيــــابك للقا ولهــــــــان

فديتك والحكـي فـــــــي حضرتك يحلو
تعالي وإثمري فــــي مقلتـــــي تحنان

أحمد العلوي

:كلمات جميله يا أحمـــــــــــــــــــد:ادعــــــــــــــــوك لمحاوره شعريه"وان تكون انت الذي تبدأ بقصيده وقوم انا بالرد عليها"

أنا واللــي خلـــق فيــــك العذوبـــه لو
يموّتني غرامـــــك مانــــــي بندمـــان

عرفتيني أحبــــــك حيــــــــل ، لا بالقو
وحبــــك للهــــداوه يرفــــض الإذعان



اويـــــــــــلااااااه

ياعينـــي عليك ياشاعــرنا
كلمــااات ذوووووق

وصـــــح لســـانك على هالابـــــدااع

ويعطيـــك الف عافيـــــه

والى الاماام دوووم

السلام عليكم
صح لسانك الشاعر
وحبــــك للهــــداوه يرفــــض الإذعان

جموح(ن) ما يهـــــز القلـــــب إلا ّ هو
وأنا قبلــــه عجــــز يغلبنـــي الشيطان

يـ حب(ن) مـــن نقــــاءه يجتنبـه السو
كأني بــــه مــــلاك(ن) ماني بـ إنسان

صح لسانك احمد
قصيده حلوه

ربي يوفقك قصيدة حلووووة كثير

ماشالله عليك ماعليك زود

كلمات جميله أخوي احمد
بس القصيدة ال خبري خبرك خربت

المشاركة الأصلية كتبت بواسطة راشد بن شملان :كلمات جميله يا أحمـــــــــــــــــــد:ادعــــــــــــــــوك لمحاوره شعريه"وان تكون انت الذي تبدأ بقصيده وقوم انا بالرد عليها"

السلام عليكم أخوي راشد
ورمضان كريم ، والله ياخوي لي الشرف طال عمرك بأن أحاورك شعريا ً
بس إصبر علي شوي لين أفضى معاي شوية مشاغل
وفالك طيب يالنشمي.

المشاركة الأصلية كتبت بواسطة الوهــــــــم أنا واللــي خلـــق فيــــك العذوبـــه لو يموّتني غرامـــــك مانــــــي بندمـــان عرفتيني أحبــــــك حيــــــــل ، لا بالقو وحبــــك للهــــداوه يرفــــض الإذعان اويـــــــــــلااااااه ياعينـــي عليك ياشاعــرنا كلمــااات ذوووووق وصـــــح لســـانك على هالابـــــدااع ويعطيـــك الف عافيـــــه والى الاماام دوووم

منور أخوي الوهم وحياك الله.
أشكرك على مرورك وتعليقك.
أسعدني تواجدك والله يعطيك العافيه