السلام عليكم
قريت هاي القصه و عيبتني
قلت أحطها لكم ^.^

أولا الشخصيات :~

" عائلة ابو محمد..{ عبدالله }
ابو محمد/ العمر:44 سنه , انسان طيب القلب , حنون , خفيف دم , يدش القلب بسرعه
ام محمـد/ العمر: 38 سنه , انسانه حبوبه , تستحي من ابسط الاشياء , هااديه
محمـــــد/ العمر: 21 سنه , انسان هادي { طالع على امه } جريء لأبعد الحدود وطيب , يشتغل ف البنك هو ومرام
مـــــــرام/ { توأم محمد } العمر: 21 سنه { مثل تصرفات توأمها } 
هنــــــــد/ { آخر العنقود } العمر: 18 سنه مرعووشه , ما تحب الهدووء عكس اختها , طيبه { ثانويه عامه" ادبي " }

عائلة ابو سالم { احمد }.. اخو ابو محمد
ابو سالم / العمر: 42 سنه , يعصب بسرعــه , دووم يدخن , نادر ما يدخل البيت { بعد وفاه المرحومه }
ام سالـم / متوفيه { الله يرحمها }...
غـــــاده/ العمر: 18 سنه , ثقيـــلة دم , حشره ف كل شي تتدخل , دووم تسيء الظن ف الناس { ثانويه عامه " علمي " ( هي وهند ف المدرسة نفسها }
سالــــم/ العمر: 16 سنه , هااااادي , دووم ف حجرته اما يذاكر واما ينام او ع الكمبيوتر , مظلوم من بين اخوانه عكس تصرفاتهم { صف اول ثانوي }
ســــاره/ العمر: 13 سنه , ثقيلـــة دم { مثل اختها } , نفس التصرفات كوبي بيست 
علــــي / { آخر العنقود } العمر: 4 سنوات , حبوب , خفيف دم , مثل اخوه عكس خواته { صف kg 1 }

عائلة ابو سهيل { فهد } اخو ابو سالم و ابو محمد
ابو سهيل / العمر: 40 سنه , طيووب , اطيب واحد ف اخوانه , حساااس
ام سهيل / العمر: 38 سنه , حبوبه , خفيفة دم , عمرها ما جرحت احد
سهيل/ العمر: 21 سنه , حبوب , دمه خفيف , مؤدب , ولا مره ف حياته كره احد او زعله { ربيع محمد }
شهـد/ العمر: 20 سنه , هااااديه , تستحي جدام أي حد , لكن مع ربعها عاادي فرري { ربيعه مرام مع انها اصغر عنها بسنه وتشتغل معاها بس هب نفس المكتب }
سلامه / العمر: 13 سنه , شيطوونه , تحب تسوي مقالب , بس مرات تثقل دمها وتستوي سخيفه { ربيعه ساره }
سعيد / { آخر العنقود } العمر: 4 سنوات , وحليله طيوووووب ينقص عليه بسرعه هيهيهي { صف kg1 }


عائلة ابو الحسن { جاسم} اخوهم كلهم 
ابوالحسن/العمر: 39 سنه , انسان منعزل , احلى مكان عنده " العزبه " كل ويك اند يسير لها او انه يكون ف الشغل , نادر ما يكون عند الاهل
ام حسن / العمر : 37 سنه , تعصب بسرعه , دووم تفهم الناس غلط , دووم تنفعل والمشكله انه عندها مرض القلب
الحسين / العمر : 25 سنه , جاااد ف كل شي , ماعنده شي اسمه مزح , عكس اخووه الحسن { يشتغل عازب }
الحسن / العمر : 21 سنه , طيووب , مايحب ينكد على نفسه او غيره كووول دووم يحسن الظن { ربيع سهيل و محمد ويشتغل وياهم }
فاطمه / العمر : 13 سنه , هااديه لابعد الحدود لدرجة انها تخليك تشك فيها , خواافه
عايشة / { آخر العنقود } العمر: 2 سنتين , (( ياهل بعد شووو .. )) 

نبدأ القصة
" نشت هند على صوت قطرات المطر الغزيير ..
هند: بسم الله الرحمن الرحيم.. { وهي زايغه }
طالعت الساعه.. وكانت الساعه 5ونص..الصبح .. وعطوول اذن الفجر..
سارت صوب الحمام عسب تتسبح{ لانه عندها مدرسه الساعه سبع ونص }
وعقب.. اول ما خلصت ظهرت من الحمام وهي تغني : " مشكلتي اهواه وحبه هو مجنني .. والمشكله عن هواي ماهو بداري .. اخاف ابوح بهوايا لا يخجلني.. واخاف يزعل علي ويزيد في ناري "..
وسارت صوب التسريحه عسب تنشف شعرها
عقب سارت تصلي الفجر
واول ماخلصت شافت الساعه كانت 6 الصبح
هند: اوووه وايد بدري ع المدرسة اممممم شسوي.. اهااا بسير اقرأ القصة .. وظبطت مالها الموبايل ع الساعه 6 ونص { عسب تقعد اختها مرام }
عقب سارت تفتح مالها الاب توب عسب تقرأ القصة .. واندمجت مع قصتها وفجأه رن الموبايل
هند: بسم الله.. خرعتني اففف
وسارت توعي اختها مرام
ودقت باب حجرة مرام
هند { وبصوت مزعج }: مرااااااااااااام يلا نشي { وتقص عليها } يلا الساعة ثماان يلا نشي
مرام { وهي تقوم متخرعه } : هاااه الساعه كم؟؟ { وتطالع الساعه و تشوفها الساعه سبع الا ربع} وتطالع هند بنص عين
مرام: قلتي لي الساعه كم؟؟
هند: ههههههههه شسوي لو قلت لج الساعة سبع جان ما نشيتي
مرام: لا والله..!! اقول اقول ظهري من الحجرة قبل لا اصفعج ب هاي المخدة
هند: لاوالله .. جزات المعروف سبعــ... وقبل لا تكمل رمستها الا وتحصل المخدة ف ويهها
مرام: كملي كملي عسب تلاقين لج طراق ع ويهج
هند: انزين انزين سكتنا.. وظهرت من الحجره
مرام: هيهيهيهي تستاهل
وسارت صوب الحمام عسب تتسبح
اما عند هند.. سارت صوب حجرتها عسب تتكشخ قبل لا تسير المدرسه
وعبت عيونها جحال اسود وحطت قلوس ع شفايفها..
وحطت القلوس و الجحال ف المريوول وعدلت القدله ولبست الشيله عقب شلت الشنطه وظهرت من الحجرة وسارت صوب المطبخ عسب تتريق
وشافت الكل موجود يتريق
هند: صباح الخير
الكل: صباح النور
ام محمد : يلا حبيبتي تريقي بسرعه لانه وقت ع المدرسه
هند وهي تطالع الساعة الي ف يدها: اووووه الساعة سبع و ربع .. اقول امايه
ام محمد: هلا حبيبتي
هند: راجو موجود برع..؟
محمد: لالا ماشي داعي تسيرين ويا الدريول بروحج انا ومرام بنوصلج
هند: اوكي
محمد: وبعدين تعالي .. انتي وين سايره؟
هند: اكيد المدرسة بعد وين؟
محمد: تصدقين تحريتج سايرة عرس.. شو هالي فويهج؟؟
مرام: خلها مستانسة .. ترى هاي آخر سنه لها ف المدرسه
محمد: اهاا.. والله وكبرتي يا هند
هند{ وهي شاقة الحلج } : شفت عااد
ام محمد: الله يهديكم
محمد: يلا سرينا..؟
مرام وهتد : يلا
محمد: يلا امايه.. ادعيلنا
ام محمد: الله يوفجكم
عقب كلهم سارو وحبو راس امهم
هند: الا ماقلتي لي يما.. وين ابويه
ام محمد: ترى هو اليوم كان ساير بدري وسار الساعه 6 وربع
هند{ وهي تتذكر انه ف هالوقت كانت تقرا القصه } وهي تبتسم: خلاص عيل فمان الله
ام محمد: فمان الكريم
وكلهم سارو صووب سيارة محمد
عقب اول شي وصل هند عقب هو ومرام سارو البنك

هذا الجزء الثاني.. ^^


{ ترى ها الاسبوع الثاني لهند ف المدرسة }
اول ما دشت الصف كانت ربيعتها { ريم } تترياها
ريم: هلاااااااااا والله اشتقت لج ..
هند: بسم الله .. توج قبل قبل امس جفتيني هيهيهيهيهي { قصدها الجمعه والسبت }
ريم { وتضربها ع جتفها برقه } : يعني حرام الربع يشتاقون حق بعض ؟؟
هند: ههههه لالا فديتج.. شحالج؟
ريم: يسرج حالي .. وانتي اخبارج؟
هند: ترتووووب
ريم: دووم هب يوم
هند: وياج .. الا ماقلتي لي ..
ريم: هلا
هند: وين الشله؟
ريم: اويييييييه .. ترى هم نزلو تحت ف الطابور..
هند: اويييييه .. اكييد الحين الاخصائية بتذبحنا
ريم{ والابتسامه الشريرة فويهها }: اقوولج
هند: يما .. لاتميين تطالعيني جي تخوفين
ريم: ههههههه لالاعاادي.. اقوولج..
هند: شووو
ريم: شرايج نسير الحمام وننخش هناك؟؟ عسب ما تجوفنا مس عبير { الاخصائية }
هند { ونفس الابتسامه الشريره }: هيه والله .. ليش لا
ريم: يلا
وسارو جدى الحمامات
هند: اويييي خايفه ايينا جيم نون { ههههه هم عندهم جيم نون يعني جن بس هم يختصروون لانهم يخافون يطلع لهم اذا قالو اسمهم }
ريم: لا يا جلبه.. إن شاء الله لا
هند: محد جلبه غيرج يالجلبه
ريم: هههههه تضحكيني يوم تقولين جي
هند: والله .. عيل لا تخبرين احد
و تمو ف الحمام ليين ما دق الجرس
هند: يلا يلا الحين خلينا نظهر
ريم: يلا
و ظهرو من الحمام .. عطوول للصف وخبرو الشله ع السالفه وتمو يضحكون ع خبالتهم
عقب خلصت الحصه الاولى والثانيه ويتريوون الحصه الثالثة تخلص
هند { وتطالع الساعه }: اففففف متى بتخلص هالحصه الخايسه..
واول ما قالت هاي الجمله دق الجرس
هند { بصوت واطي }: يــــــس
عقب تيمعو الشله كلها { مكانهم المعتاد: تحت الدري }
بعرفكم ع ربيعاتها
اول وحده هي ريم / 18 سنه , حبوبه , كيووت , كل شي عندها مزح , وهي اعز ربيعات هند { وعلى فكره : هي تعتبر بنت خالتها }..
مها / 18 سنه , انسانه هااااديه واااايد , ناااادر ما ترمس ف الصف ومع الشله بعد
شما / 18 سنه , كرييمه , طيبه , وما تحب ثقاله الدم , وهي خفيفه دم
نوف / 17 سنه , { مقدمينها سنه } وهي اخت شما , دبدووبه , وكلها على بعضها حبووبه
نرد للفسحه
شما: هييي انتو ترى اليوم ع حسابي..
هند: خلاص عيل .. انا ابي 5 شبس و 3 عصير اممممم بس { وتبتسم ومطلعه ضروسها }
نوف: هههههههههههههههههه حرام عليج بتفقرين اختي
ريم: منوه قالها تعزمنا..؟
شما { بكل بروود } : يفدااااااااكم
هند: فدييييتج.. اييه ترى انا اقص عليج انا ابي 1 شبس و 1 عصير وتبتسم
شما{ وتأشر على عيونها }: من عيني هاي قبل هاي
نوف: ايييه المفروض تسألين اختج اول شي
ريم: لاوالله
نوف : هيه والله
شما: وانتي يا مها
مها: بس عصير
شما: بـــــس؟؟
نوف: كالعاده.. كل يوم تتطلب عصير بس
شما { وهي تأشر على ريم ونوف }: وانتو شو تبون؟؟
ريم: انا مثل هند
نوف: وانا مثلهم بس زيدي 1 شبس .. { وتظهر ضروسها }
شما: اوكي
وسارت شما للمقصف عسب تتشرى لربيعاتها
هند { وهي تطالع مها }: مها شفيج ؟
مها { والابتسامه الدايمه ف ويهها }: ولاشي
ريم: هي دومها جي..
هند{ و هي انقطع الامل عندها }: هيه صح..
نوف: مها..
مها: هلا
نوف: انا بسألج سؤال..
مها: تفضلي
نوف: انتي كيف تقدرين تشربين بس عصير كل يوم.. اكييد عقب ف البيت تمين تأكلين
ريم: حراام عليج
هند { وهي تأشر على مها }: كل هاي العظام وتقولين انها تآكل ؟؟
مها: هيه صح انا آكل ف البيت
ريم: جذاابه
وردت شما ووياها الاكل
شما { وتقلد رمسه اللبنانيين }: تفضلو حبايبي .. هيني جبت الاكل معي يلا .. بدي ياكم اطعميكم..؟؟
هند: ههههههه لا مشكورة حبيبتي عندنا ايد تأكلنا هيهيهي
ريم: هههههه هيه والله

أحم أأحم

اذا عيبتكمـ
بنزلكمـ الباااااااارتاااااااااات
البااجيات
ماعيبتكم
بنرقعهاااااااااااااااااااااا
طاااااااااااااااااااااف

جعلانيهـــــــــــــ هاي دراما تصلح نمثلها ويا الاعضاء(انا المخرج) خخخخخخخخخخخخخ....

بس حلومنج المجهود الطيب...

ربي ينطيكـــ الصحهـــ . مع التحيهـــ لج...

خخخ
فذمتـــك
شكلك ماقرررريت القصه
صح ح ح ح تعال
اعترررف اشووف هههههههه

مشكوره علا القصه الرائعه

اووويه
اقوولكم تبون
تقرون القصه اقرؤهاا
اونه مشكوره ومادري
شوو تراا القصه موووب مكمله
فماله داعي الوواحد يحرج عمره
مب مكلف منكم
والله
ع العموم تسلمون ع المروور

تمو يسولفون لين رن الجرس
اما عند مرام ومحمد
كان هالوقت وقت استراحتهم..
والكل تيمعو والي هم { محمد , مرام , سهيل , الحسن }
سهيل: شلون كان الشغل اليوم؟
محمد: بالنسبه لي .. مثل كل يوم
الحسن: انا عاادي
مرام: اما انا ..... مثلكم ههههههه
محمد: اقول .. امس سمعت ابويه يرمس اميه ويقول لها انه الخميس هذا بتكون في عزومه ف بيت عمي فهد { ابو سهيل }
الحسن: زين والله
مرام: هيه احسن نسير بيت عمي فهد ولا نسير مكان ثاني { وكانت تطالع سهيل }
سهيل: شو تقصدين..
الحسن { يحاول يغير الجو }: هيييه اكيييد احسن بيتكم يا ذكي لانه احسن من الحديقه هههههه
سهيل: لالا جد .. شو تقصدين
مرام: بصراحه..{ وتطالع سهيل بنظرات جديه } انا ماحب اسير بيت عمي احمد { ابو سالم }..
سهيل: ليش إن شاء الله؟؟
مرام: بصراحه وما تزعل.. انا ما احب غاده
سهيل: ليش..؟ حبوبه وطيوبه وما عليها كلااام
الحسن: بصراحه انا ف صف مرام
محمد: انته كيف تستحمل ثقالة دمها
سهيل: مادري مادري
عقب يت ربيعه مرام { عواش }..
عواش: السلام عليكم
الكل: وعليكم السلام
مرام: عن اذنكم اولاد العم
محمد: اذنج وياج
عقب ما سارت مرام..
سهيل: ابي اقولكم شي
محمد: قوول
سهيل: بصراحه.. ترى انا كنت اقص عليكم
الحسن: ف شو كنت تقص علينا؟
سهيل: اممم ترى انــ...{ وقبل لا يكمل الرمسه } المشرف يا عندهم
المشرف: يلا شباب ردو لمكاتبكم.. وعلى فكره اليوم البنك بيسكر بدري..وبتردون الساعه1الظهر..
الحسن: الحمدلله {{ ترى هم كل يوم يردون الساعه 4 العصر }}
محمد: ان شا لله { يرد على المشرف }
سهيل: اليوم بعزمكم ع الغدا اوكي؟
الحسن و محمد : ان شالله
محمد: عقب هناك تكمل الرمسه
سهيل: إن شاء الله
وردو لمكاتبهم..
اما بالنسبة لهند.. كانت عندهم الحصة الخامسة.. { وكان عليهم عربــي }
هند: وع اكره هالمادة << كل ها يكتبونه ف ورق صغير .. { وعلى فكرة هم عندهم لغة خاصة .. يعني ما يكتبون بالعربي مثلا: حرف الالف: شكل مثلث حرف الباء: شكل نجمه }
ريم: وانا اكثر عنج
هند: افففففف يلا متى تخلص الحصه؟؟
واول ما قالت هاي الجمله دق الجرس
ريم: اقوول ما تلاحظين انج ساحره؟؟
هند: اسم الله علي .. ليش إن شاء الله؟؟
ريم: اول ما تقولين { وتقلد صوتها } " متى بتخلص الحصه؟؟" يدق الجرس
هند: احم احم حتى جرس المدرسه يحبني
ريم: مالت
هند: عليج { وتظهر ظروسها }
اما عند { قوم البنك } خخخخ
محمد: الحمدلله انتهى الدوام
الحسن: هيه والله افتكينا
سهيل: يلا بنسير المطعم
محمد: اقوول.. لحظة لحظة
سهيل: شو فيك؟
محمد: بسير اخبر مرام انها تسير بالتكسي..
سهيل: اوكي
عقب سار صوب مكتب البنات { عواش , مرام }
محمد: السلام عليكم
عواش + مرام: وعليكم السلام والرحمه
محمد: اقول مرام
مرام: هلا
محمد: ترى اليوم سهيل عازم الشباب على الغدا
مرام: وبعدين..
محمد: انتي سيري بالتكسي اوكي
عواش: لا افاا عليك انا بوصلها بسيارتي
محمد: مشكوره اختي
عواش{ وهي مبتسمه}: العفو اخوي
محمد: يلا انا اترخص الشباب يتريوني
مرام: الله وياك .. اشوفك ف البيت
محمد: على خير إن شاء الله
واول ما ظهر محمد من المكتب
مرام { لاحظت انه عواش سرحانه }: الي ماخذ عقلج يتهنا به
عواش{ انتبهت }: هاه؟؟ لالا ولاشي.. اقولج ..
مرام: هلا
عواش: قلتي لي انه محمد بعده ما خطب صح..؟
مرام{ بنظرات شك }: هيه ليش؟
عواش: لا بس.. كنت اسأل
مرام: حسبت..
اما بالنسبه للشباب
كل واحد سار سيارته .. عقب وصلو المطعم

## ظنكم عواش تحب محمد..؟ ##

واختارو الطاوله الي تناسبهم
سهيل: يلا اطلبو الي تبونه البيت بيتكم ههههه
الحسن: هههههه اونه عااد.. اكيد بطلب الي اباه .. { ويظهر ظروسه }
محمد: يلا عاد اطلب بسرعه .. بصراحه ودي اعرف شو الشي الي بتقووله
سهيل: هههههه اصبر علي
وطلبو عقب ما راح الريال { الي يكتب الطلبات ماعرف شو اسمه هيهيهي }
محمد: يلا قوول
الحسن: انزين اصبر ع الريال خله يتنفس خخخ
سهيل: انزين .. بصراحه انا كنت بقوول انه انا ما احب غـــــاده بس كنت اقص عليكم
محمد { بكل غباء }: مافهمت
الحسن: يعني يا ذكي انه هو مايحب غاده ولا حبها من اساسه .. صح سهيل ولا انا غلطان؟
سهيل: لالا كل كلمه صح 
محمد: اهااا عيل قول الزبدة .. انه في وحده ثانيه ف قلبك
الحسن: صح كلامك .. ابدا ما خطرت ف بالي..
سهيل: اييه انته وياه .. انا حبيت ولا بحب
محمد: علينا ... انا ادري منو تحب
سهيل: منوه؟
محمد: انته تحـ..{ وقبل لا يكمل الرمسه وصل مالهم الاكل }
الحسن: يلا كمل الرمسه..
محمد: انته تحب اختي
سهيل { و آثار الصدمه فويهه }: منووه مرااااموو؟؟ اييه ترى هاي مثل اختي
الحسن: اونه ما فهمت قصده.. اذا انا الغبي فهمت قصده عيل انته اونه ما فهمت ؟؟
سهيل{ بعد استوعابه البطيئ}: شو تقصدوون؟؟
محمد: انا اقصد اختي هنــــد
سهيل تم ســــاكت لانه من زمان ما سمع هالاسم من زمان ما شاف هند وده يشوفها اليوم قبل باجر لانه مشتاق لها حيييييييل
الحسن: الي ماخذ عقلك يتهنا به..
سهيل{ بعد ما انتبه }: هاه؟..{ وحاول انه يغير الموضوع }.. شباب الغدا برد
محمد{ ما حب يظغط عليه }: هيه والله .. ثلج بعد
الحسن:هههههه
عقب ما خلصو غدا كل واحد رد بيته..
اما عند البنات.. كانت الحصه الاخيرة وكان عليهم فراغ والاخوات يتمشون ف المدرسه
شما: اقول هند
هند: هلا
شما: سمعت انكم بتنتقلون.. صحيح هالكلام؟؟
هند: لااا شو منو قص عليج؟؟.. كلها اشاعات
شما: اهااا
ريم: افففففف متى بيدق الجرس؟
و اول ما قالت هاي الجمله دق الجرس
ريم{ وهي تطالع هند بنظرات }: كح كح كح
نوف: اسم الله عليج.. شفبج؟
ريم: لالا ولاشي فديتج
هند: مبرووك
ريم{ وهي شاقه الحلج }: الله يبارك فييج
شما: شفيكم يالخبلات؟
نوف: الحمدلله والشكر
مها: عن اذنكم الدريول وصل
هند: اذنج ياج
وعقب الكل رد بيته
اول ما وصلت هند البيت فتح لها اخوها محمد
هند: بسم الله.. انته من وين ظهرت؟
محمد: شو انتي شايفه جني جدامج..؟
هند: هيه تصدق..
محمد: والله وطول لسانج خبلووه
هند { وهي تفصخ مالها الجوتي }: اقول..
محمد: خير
هند: الخير بويهك..خخخ..المهم.. انتو ليش رادين بدري اليوم؟؟
محمد: بس جي كيفنا... ما يخصج..سوالف كبار
هند{ وهي طالعه فوق}: مالت
محمد: عليج
ودشت هند حجرتها عسب تتسبح بسرعه وتلحق ع الصلاه { هم يردون من المدرسه الساعه 2 ونص تقريبا }
واول ما ظهرت من الحمام.. جان تربع بسرررعه صوب الكبت وتنزل ملابس الصلاه
عقب خلصت الصلاة وصلت السنه { كالعاده الي متعودينها }
بعدين تمت تسحي شعرها وبعدين ظهرت من حجرتها لحجرة امها
ودقت الباب عقب دشت
هند:السلاااام عليكم
ام محمد: وعليكم السلام والرحمه
هند: شحالج امايه؟
ام محمد: يسرج حالي .. وانتي اخبارج ويا الدراسه؟؟
هند: ماشي حالي
ام محمد: ابيج تشدين حيلج هالسنه.. انزين؟؟
هند: إن شاء الله امايه... الا ما قلتي لي امييه..
ام محمد: خير حبيبتي
هند: ابويه.. بعده ما رد من الدوام؟؟
ام محمد: لالا توه دش الحمام
هند: انزين انتو تغديتو؟
ام محمد: الحمدلله.. ليكون انتي ما تغذيتي؟..
هند{ استوعبت انها الساعه 3 ونص }:هاه؟.. عن اذنج يما..وشردت ليين تحت
ام محمد { تنهدت عقب قالت }: الله يهديج يا بنيتي
عقب ظهر ابو محمد من الحمام..
ابو محمد: ليش هالتنهيده؟
ام محمد: لا ولاشي..{ وابتسمت }
ابو محمد { يقرب صوبها }: عسى هالابتسامه تدووم
ام محمد { رغم العشرة الي بينهم لكنها مازالت تستحي.. وما عرفت شو تقول }: إن شاء الله
اما عند هند.. كانت يالسه تاكل وتطالع التلفزيون.. { قناه نجوم }..
عقب دخلت عندها اختها مرام..
مرام: ماشالله.. احنا نتغدى ف غرفة الطعام وانتي جدام التلفزيون؟؟
هند: انتي شو الي حارنج ؟؟
مرام: لا والله حرام علينا و حلال عليج..
هند: هيـــه
مرام{ استسلمت لانه مستحيل تسكت هند ام لسان }: انزين شو تطالعين؟
هند: انتي شو تشوفيني اطالع؟
مرام {وهي معصبه شوي }: لاوالله.. اشوف لسانج طول يا ام لسان .. لا بعد صفعيني طراق..
وظهرت من الصاله..
هند { منصدمه }: شبلاها هاي؟؟... { بصوت واطي }.. يلا طاااااف
وتمت تطالع التلفزيون .. وقبل لا تظهر .. يت اغنية خلتها تتم ف مكانها.. واللي هي اغنية اليازيه محمد اليديدة..
"

غمض عيونك واحلم انك معايا
إن الزمن ما يوم فرق حبيبين
بعطيك أنا عمري و روحي هداية
وأهديني إحساسك و نبض الشرايين

من يوم شفتك شفت سعدي و هنايا
و أيام عمري يالغلا قربك اتزين
تذكر حبيبي يومك انته معايه
غنت ورود الحب وسط البساتين

شعري بوصفك يا حبيبي تعايا
وغلاك عندي فاق أعلى الميازين
ماقول من حبك حبيبي كفايه
دام الهوى جمع بالإحساس قلبين

أوعدني ما تعشق حبيبي سوايا
و أوعدك ما أعشق سواك انت يازين
أعيش أحبك و أعشقك للنهايه
و أحيا بوصلك يا غرام المحبين"

هند: اللـــــه شو هالاغنيه الروعه..
وسارت تربع تربع ليييين حجرتها عسب تنزل هالاغنية عقب نزلتها.. ونزلت كلماتها
وكانت تطالع الكلمات جان يروح عقلها لايام اول.. عقب جان تغني
" ايام حلوة كانت ايام حبك .. كنت عي رووحي تسري.. كنت بجنون احبك.."
وتنزل دمعه من عيونها وتقول فخاطرها:
" آآآآه يا سهيل .. كل هالوقت ولا فكرت تسأل عني .. وتتخلى عني بكل سهووله"
عقب تنهدت عل وعسى تخفف من همومها
{ هند انسانه كتومه.. ما تحب تبين لاحد انها مهمومه .. وتبين لهم العكس }
<< عقب بقولكم سالفة هند و سهيل ..

.................................................. .................................................. .................

كـــــــــــــــــــــــــــــــــــــــــت

$$ شو السر الي بين هند وسهيل..؟ $$

اشــوفكم قريـــب..^^

تسلمين ع السينايرو الجميل والقصه المتميزه



اتمنى ان امثل ف هذا المسلسل


واكون محمد

هههههههههه



تسلمين اختي