((يعترف بعلاقته بالعروسه ليله دخلت العريس!!))..


[http://abeermahmoud.jeeran.com/12-BASMALLAH.gif[/IMG]


أبد .. ما جيت ابارك لك ولكن جيت باوصّيـك

على اللي ناوي ٍ تدخل بها الليلـه .. مُعذّبْتـي

ترى لولا الظروف اللي عطتْك.. وحدّت محاكيك

قسم بالله ما تدخل عليهـا لـو علـى رْقبْتـي


ولكنّ النصيب اقوى ولا ادري ويش اسوّي فيك
.
.

.
.
نعم .. صارت معزّبتك .. ولا صارت معزّبْتـي

كذا شاءت بنا الأقدار تحرمني.. لجل تعطيـك

كذا لازم عشان تفوز إنت .. اخسر بتجربْتـي

تراها غاليه جـداً .. وتكفـى .. والله يخليـك

تـدللها .. تدلعهـا .. تنسّيهـا مصاحبْـتـي

أنا من كثر ما اغليها أحس اني بديت اغليـك

ولا تسأل بأية حـق.. ولا ّ .. وش مناسبْتـي

لإنك لو بتسألني بتسمع شـيء مـا يرضيـك

لذا ياخوي لا تسـأل .. ولا تسمـع لأجوبْتـي

أبيك تحطها في داخل عيونـك وبيـن ايديـك
.
.

.
.
وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك

وشاغبها إلين تقـول لـك: بطّـل مشاغبْتـي

واذا هي مالها خلقك.. ولا تضحك.. ولا تسلّيك

تحمّلها وإسألها: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
.
.

.
.
ما يحتاج اورّي لك بفـن الضـرب موهبْتـي

صحيح انك بتملكها ومعـك العقـد بالتمليـك

وانا عارف حدود الله ومـن حقـك معاقبْتـي

ولكن قلّها "المجنون" وصّانـي وهـو يعنيـك
.
.

.
.
يقول انّه بينتظـرك ولـو شيّـب.. وشيّبْتـي

وانا مجنونها اللي ما نساها وانت ما يمديـك

تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضب حاديـك

لو انّك في مكاني مـا تفكـر فـي محاسبْتـي

كفاك اني تركت الليله اشغالي.. عشان اجيـك

دخلت( القاعه )برجلي ولا ادري ويش عاقبْتـي
.
.

.
.
وانا ما جيت اخرّب عرسك الليلـه ولا أذّيـك

أنا جيتك عشان اخاطبـك واسمـع مخاطبْتـي

توصّى.. وانتبه.. واحرص عليها.. والله يهنّيك

ترى كل الكلام اللي طلَع من ضيقيَ.. وكبْتـي
ولكن ما قدرت انّّي أقوله: وانـت مـا يخفيـك

أخاف انّي إذا قلتـه تقـوم وتقطـع رْقبْتـي
.
.

.
.
.
.

.
.
.
كيمو511


م
ن
ق
و
ل