السلام عليكم ورحمة الله وبركاته


هذي خطه جهنميه :D لكي تصيدين المعرس شفته في أحد المنتديات وحبيت انقله لكم ولازم كل وحده تقراه مره قبل الغدا ومره بعد العشا لتكون النتيجه فعاله... بدال الحش والكريمات وشد الويه والخشم
والبراطم وووو الخ شدو حيلكم نصايح بو رجه....




كيف تصطادين شاب دون اللجوء للأساليب المعهودة والسقيمة..؟؟ :rolleyes:




للاجابة على هذا السؤال اليك مايلي ..



أهم نقطة :اللصقي بالعجوز اللي حاطه عينك على ولدها ثم نفذي مايلي :




1-خليج مع أمج لاتروحين مع البنات وتستهبلين ماورى مااستهبلتي اصبري عنهم كم شهر الى ان تتم العملية :p ::






2-امشي وانتي حاطة راسج بين كتوفج لاترفعينه أبدا:mad: ..مهما يصير
(خلي الفكس دائما في متناول اليد ) علشان يقولون مؤدبة ومو متكبره




3-كلمة خاله;) خليها على لسانج وخاصة لأم الشاب علشان تحس
بنوع من التميز عن بقية العيايز .لامانع تنادين وحدة ثانيه بخاله
عشان إذا مانجحت الخطه مع العجوز نمبر ون تنجح مع الثاني اتبعيها
كخطة احتياطية (يعني سبير )




4-إذا بدت أمج تتكلم انغزيها بكوعج عشان تدخلج بالموضوع حتى لو
مالج داعي تطبيقا للمثل (كثر الدق يفك اللحام)
أدري إن المثل ماله داعي بس مالقيت غيره ..




5-اخوانج الصغار لاحقيهم و وراهم وين مايروحون حتى لو مب عادتج بس تصرفي معهم كأنج أمهم :eek:
لأن هذا يوحي بما لايدعو مجال للشك عند العجوز بأنج حريصه على ذريتج (جعلهم عقبك) ..





6-مهما أكلت أمج من أكله زينه خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي ) :confused:




7-اذا جيتي بتمدين ايدج >>>>




خلي أمج تقول :قايلة لج وأنا أمج لاتنظفين جدران الفيلا الخارجيه بس أنتي الله يهديج ذابحتج النظافه :rolleyes:
شوووويه عااااااااااااااد زيدناهاااااااااا:D



(ايه طيب..عيل بتنظفين جدران الفله؟؟نظفي غرفتج أول اللي تقولين ثايره فيها قنبله ذريه



8-دايم ارتزي كأنج بالعة قصبه علشان ماينقص من طولج ولا سنتيمتر (للقصيرات فقط)


-اذا تكلموا الحريم عن الزواج اكتمي نفسج لين تحمر خدودج علشان يقولون البنت تستحي ومالنا حق تكلمنا عندها (بس لاتكتمين نفسج مرة أخاف تروحين فيها وأصير قتلت نفس بغير حق..:p
يعني لقافتنج الزاايده مالها دااعي
اللسان شوويه احسنن عليه وقبضنه
اوووووووووووووووووكيه:mad:




10-مهما كان موضوع الحوار حماسي لاتبدين رأيج وخليج مثل الطرما لأن اللقافه تجيب أجل الخطه ..




11-شعرج افرديه لين يتحسحس لاتخلينه طاير وشوشه مهما كانت الموضه
لأن العيايز مايدورون الا اللي شعرها ناعم.. والا ياعمري اللي شوشتها طايره ماحد يلتفت لها ..




12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي..




13-في العروس لاترقصين اربضي واقضبي ارضج واعتبري الرقص عيب وشق جيب ..:cool:




14-اذا جا طاري السوق وطبعا هو لازم يجي الطاري لأنه ملح الجلسه عند الحريم خلي أمج تقول:
بناتي مايطلعون للسوق أغراضهم أبوهم يجيبها (وانتي شكلج مقطعه السوق تقطيع )





احتمال وارد الحدوث :ممكن تكون العجوز مخططه على بنت غيرج لكن بعد النقاط السابق ذكرها بتغير رايها وتخطط عليج


الحين بتكون العجوز وقعت باالفخ..




نرووووووووح للشاب الحين :cool:




مشخص بكرفته بعد مو سهل ههههه


اهجدي في بيت أهلج ولاعاد تطلعين واذا جاء المعرس بيشوفج خلي أبوج يقول له :


والله ودي تشوف البنت بدون ماتدري عشان تأخذ راحتك وانا عمك


وبعدين تشوفها على الطبيعه علشان ماتقول بعدين غشيتوني


(ايه هين ياالشايب لو يحصل حطيت بدالها باسكال مشعلاني والا اليسا..:rolleyes:


وقبل يجي اليوم اللي بيشوفج فيه بحوالي اسبوع أو أكثر (على حسب شين ويهج )


ا من مشغل لمشغل (صبغه ،فرد،تنظيف بشره،...الخ) لاتخلين على روحج قاصر


ولما يجي الشاب خلي أخوج يوقف بجنبه عند الشباك علشان مايطول بالتبحلق ويبان المستخبي وذلك تطبيق لنظرية اللمحة ذبحة


بعدها عاد كيف بيشوفج هذي عليج مو كل شيء بعلمج اياه دبري عمرج


بس خلي أبوج في نهاية المشاهدة يقول:العذر والسموحه وأنا عمك


ترا (البنت حوسه (مع انج طاقه كل زينج بس يعني اني في هاللحظه الولد بينط على راس أبوك وي**** ..لين..
يشفط مخه وبيقول متى العرس ياعم (اللهم ارحمه فقد كان ولدا بار بوالديه ) ;)


عاد الله يوفقج ولاتنسينا من حلاو العرس والكليجا واياني واياج تعلمين الشاب حقج من اللي معلمج هالعلوم ..:cool:





**تحذير:


بعدي عن أمهات العيال اللي متعلمات راعيات الشنطه مثل لون الجزمه لأن هذولي يبيلهم خطط بعيدة المدى



**نصيحه:


ادري انه صاحباتج بيلاحظون التغيرات المفاجئه اللي صارت لج واذا سألوج قولي لهم :انج خلاص انسانه عرفتي درب السنع


تدرين ليه؟؟


خوفا من سرقة الفكرة الادبية



يا الله ابي النتايج الزينه ان شاء الله



لاتفشلونا عاد شدو حيلكم احسن ما تعنسووووون وتقعدون بالبيت وتغنو


مع احترامى للبنوتات....بدون زعل ....تراها امزوح تجى وتروح....




منقوووووووووووووووووووووووووووووول