الا ياليل ياساري تجمّل وأحمل المكتوب
تجمّل صاحبي وأسري تجمّل لاتكون بخيل

شلّه كتابي وروح وأوصل مسكن المحبوب
وأقصد دياره ليل يوم هجوع ومذاهيل

نصيه بلطف فمنامه عن لا تزعج الغرشوب
عطيه تحية الخاطر وأحذر لاتكون ثقيل

هديه سلام من قلبي وصافي من المعتوب
وأصفى من خيوط الشمس وأصفى من رثام السيل

إذا عني سأل ياليل عطيه الصح مالكذوب
عطيه الحال لي ريته بلا زايد ولا تقليل

دريك الحال من يومين وأمشي عكس بالمقلوب
مضّيع كل حسباتي وأمشي بليا دليل

أنا منّك حربي النوم ومنّك عافني المشروب
ثنينه بس يكفيني ولا أقدر على التنكيل

أنا قلبي بري والله مثل ولد النبي يعقوب
تبرى الذيب من دمّه يوم ساسوا عليه بقيل

حرام كذاك تلعب بي حرام عليك أذا الملعوب
حرام تشتت الخاطر وأنا قلبي عليك يميل

أخضع رقبتي ودوس بنعالك على اليرعوب
إذا هذا الحكم يرضيك أحكم لاتخف الكيل

لو تقطع رقبتي فداك أزيدك عندها العرقوب
خليني بلا ساقين خليني جسم تمثيل


وإذا تباني أجيك أحبي ولو فـ جنوب
أمشي لك على خشمي وأقلل عزتي تقليل

إذا عينك على غيري وغيري معك مرغوب
تفضل بالهنا مسموح وأضوي لك قناديل


ليت يسافر المركب يسافر بي عكس لهبوب
وأنزغ شراع العود مثل ماصار مع لهبيل

ياقاضي ويا جلاّد وياحاكم علّي برسوب
لاتحكم على قلبي ولا عندك فحكمه دليل

ترى ربي كبير كريم ويغفر لو بغينا نتوب
ويغفر زلة الغلطان لو كانت شرات النيل


عسى انك فهمت القول وليتك تعرف المطلوب
ولي مثلك يعرف القول ما يبغى ابد تأويل

قرى شعري كذا مره وردك يالغضى مرقوب
فكر في قرارك زين ونتلاقا بعدفي الليل

يضل الوفا باقي زلا افعل مثل عرقوب
إذا رحتي إذا جيتي مكانك فوق عند سهيل

ولا أخون العهد يازين هذا وعد من يعقوب
إذا جيتي هلا وحيا وإذا رحتي لغي الاميل


عسى ان تنال رضاكم

صــــــــــح لســـانك اخــــوي

ابيــــات مرهفة الإحساس من شخص مرهف الإحساس

تشكراتي

صح لسانك اخووووي ابدعت في الكلمات
تقبل مروري

المشاركة الأصلية كتبت بواسطة بنت البدر صــــــــــح لســـانك اخــــوي ابيــــات مرهفة الإحساس من شخص مرهف الإحساس تشكراتي

متشكر يابنت البدر على هذا المرور

تحياتي

المشاركة الأصلية كتبت بواسطة دنياك دنياي صح لسانك اخووووي ابدعت في الكلمات تقبل مروري

الابداع والذوق في مروركم

وتنوير هذه الصفحه

دمتوا بكل الخبر

مرحبا الشيوخ..

وربي ابدااع×ابدااع..

بس سؤال لو ماعليك امر الكلمات كلماتك؟؟

ع العموم وبكل الاحوال قصيده ماعليها زود.. فعلا جميله والكلمات في قمة الروعه وايد عيبتني


يسلمو ونرقب كل يديد من جداك

مقدمه تشكر عليها

مرور اشكرك عليه

لاعدمناك

نالت في رضانا"يالهوباني"
وصح الله لسانك ولاهنت

رضاكم هو غايتنا

تسلم يالغالي