السلام عليكم ورحمة الله وبركاته

شحالكم ربكم ماتشكون باس؟؟
مابطول عليكم وبخليكم مع القصيده،،

والقصيده اهداء خاص للغالين


ااااه مـن ونـت ِ ونيتهـا مـن فـؤادي
ونـت ِ كايـده مثـل الجبـال المكيـده
اعسرتنـي ولقتنـي عسيـر السـنـادي
واحرمتنـي لذيـذ الـزاد معـاد اريـده
والسبب من غزال ِ عاش بارض البوادي
يوم يشرب يشاف الماوهو مـع وريـده
يوم شفته زهمته قلت لـه ويـن غـادي
اسمـع الهـرج منـي والعلـوم المفيـده
قال لي وش تبـي يالـي عليـه تنـادي
وشتبي دامت ان ارضك عن ارضي بعيده
قلت له انت شفي وانت غايـت مـرادي
لاتزيد الجروح اجروح تصبـح جديـده
قالت القلب منحي عنـك مـع كـل وادي
ومن تمنى تـرى كثـر المنـى مايفيـده
قلت له مال غصنك ماحدتـك الحـوادي
مـا حدتـك السنيـن ام اليـال البريـده
وش تبي بالديار الي رعاهـا الجـرادي
منت لاقي يكود انخيـل يابـس جريـده
ما نبـي نبعـد النيـات عنـك ابتعـادي
كـل يـومِ نجددلـك كلامـن تـريـده
خل كثر الكـلام وخـل كثـر العنـادي
مـن يسـوي كيـاد النـا نعـود نكيـده
المحبـه تراهـا مثـل قـدح الزنـادي
تجذب العود الاخضر تقلعه من صعيـده
كل ما قلت اببعـد يصعـب الابتعـادي
مالقينـا فـي العربـان حـي ِ نـريـده
كان حضك رمابك من ورى الضلع غادي
منت شايف مـن ايامـك علـوم ِسعيـده
الصداقـه ليااقفـت مـا تعـود جـدادي
مثل راع الرصيد الـي مغلـق رصيـده
لو خلطنا العطر مسك ِ وعنبـر وكـادي
مانفـع فالقلـوب القاسيـات الشـديـده
الورق من غصونه هل وقـت البـرادي
هل وقت البـرادي يـوم جتـه البريـده
وبيض الايام فيها شفت مثـل السـوادي
مدري امن البشـر والا مـن الله مريـده
وكل حيـد ِ عسيـر ِنكسـره بالايـادي
مـا حسبنـا لميـلاده ولايـوم عـيـده
سدنـا الله كريـم الوجـه رب العبـادي
وما حصلي كفانـي مـا نـدور مزيـده



واتريا ردودكم
الي تبيض الويه
(للأمانه منقوول)