السلام عليكم ورحمة الله وبركاته
أخواني الكرام حبيت اشرح لكم اليوم عن التزويد وانواعة, طبعا التزويد بحر وانا نفسي ما وصلت لقاعه, بعد سنين وسنين من الغوص في مخابيه و اعماقه, ونصيحتي لا تنزلون الغبة السودا وانتوا على الشط في ظلال وبساتين خلابة,
أما بعد الخرابيط الفاضية اسمعوا مادامت النفس عليكم راضية.

التزويد

أنواعه:
1- النوع اللي العالم طايحين فيه بدون تفكير وهو تزويد المكينة فقط واختصر هذا النوع في جمله واحدة وهي((بترول اكثر=قوة اكثر))بشرط واحد فقط هو المحافظة على نسبة البترول\الاوكسجين في مستوى مناسب واذا فهمتوا هذا المبدأ فهم صحيح فانتوا على الطريق الصحيح انشاءالله وانا بخليكم تفكرون في هذا المبدأ واذا تعقد عليكم شي خبروني وبساعدكم انشاءالله.
(يدخل تحت هذا النوع ابواب كثيرة منها الغاز و السوبر و التوربو و زيادة حجم المكينة و زيادة الضغط و التخفيف الداخلي وزيادة الكفائة الهوائية او الميكانيكية)

2-النوع الثاني و هو مهم جدا واكثر الشباب ناسينة وانا الله يسامحني بدلهم على قلة الخير.
وزن السيارة فكلما خف وزن السيارة زادت قوتها و سرعتها وخف استهلاكها للوقود .(فكروا في الفرق بين رقم واحد ورقم ثلاثة في السرعة)

3-تخفيف مقاومة الهوا وهذا فيه الكثير من الاسرار اللي ما اقدر اخبركم فيهاخاصة لاهل النياسين.
شركة المانية اكتشفت ان 70% من مقاومت الهوا تكون تحت السيارة بسبب الدفريشنات والقير والقطع المكشوفة.
وعشان تحسن انسيابية سيارتك عليك ان تفعل الآتي:-
-تنزيل السيارة بنفس القياس من قدام نفس ورا (عشان تحصل افضل نتيجة)
-تغطية الحوض في السياراة البيكب ولا الكلوزرات.
-اذا كنت بطران وما تخاف من الدوريات قص القبة ونزلها وشوف الطيران كيف.
-فك اي شي طالع من البدي مثلا المساحات والتاير السبير والرفارف الخارجية والمناظر الجانبية والدواسات يعني خله مثل الكلب السلوقي.

سامحوني هذا اللي قدرت اكتبة اليوم وانشاء الله بشرح كل جزء بالتفصيل الممل بعدين يوم افضا.

هذا وفوق كل ذي علم عليم

اخوكم فتى بني ياس

مشكـــــــــــــوووووور
فتـــي بني ياس
ع الموضوع الحلوووو وعلى المعلومات
المفيــدة.. والرائعه جدا..
ودوم اقولك تسلم ويعطيك العاافية
ع هالجهد الطيب..
لاكن مهما قلت شكراا ماوفي
صراحه جهد جبار
ماقصرت فتي بني ياس..36_1_11[1].

مشكووووووووور عالموضوع الحلوووووووو بالنسبة للشباب اكثر

بس صارت عندنا فكرة شوي عن التزويد وفنونه

تسلم فتى بن ياس

معلومات حلووووووه

من أشتري زد بييك هااااااا

أوكي

وىىىىىىىىىىى تسلم تسلم تسلم

وما تقصر كثر من المواضيع الحلوة يا عاشق السيارات فتى بنى ياس

وما عليك قصوووور