آمنة
اشعلي شمع الليالي يا بعد كل الليالي
واجعلي الفرحة تغني للشموع والزهور
وارسمي في عيدش علم ثاني خيالي
أنت فيه الشمع كله والسعادة والسرور
آمنة يا ورد روحي يا غلاي ويا دلالي
أنسى نفسي في عيونش وأترك الدنيا تدور
وإن رأت عيني طيوفش حتى لو قاعد لحالي
أحتفل بيني وبيني كأنني فاقد شعور
إسأليني منهو غالي في حياتي منهو غالي
واسألش وش هي عيوني لو غدت من دون نور
أنت في الدنيا حياتي وأنت عندي راس مالي
في ضحا عمري شموس وفي مسا وقتي بدور
آمنة هالشمع كله يحتفل بك يا غزالي
وأنا مثل الشمع قلبي محتفل بين الحضور
يا كبر حظي بشوفش يا هناي وسعدفالي
إن لي قرة عيون في الحلا مثل الزهور
_____________________________
مريم
الحلا يحتويها
والغلا يرتجيها
شيخة الحسن مريم
الله الله عليها
عيدها عاد ثاني
بين قلب ومحاني
قلت أزف التهاني
وأتعنى وأجيها
يالبنات الصبايا
عندي الها هدايا
ما طارت هالرواية
واستحيت أهديها
لأن مريم هدية
من اله البرية
القلوب الندية
لو ظمت ترتويها
نور شمس تعلى
فوق بدر تجلى
دونه الوصف ولى
غاية الحسن فيها
بين كرم سنافي
وأرق الظل وافي
ترتجيه القوافي
قبل لا يبتديها
الصبا مال بانه
وامتنا خيزرانه
سمو دبي دانه
لأن مريم عليها
__________________
شيخة البيض
يا شيخة البيض من مثلش ومن قدش
كم غارن الغيد من عينش ومن خدش
واليوم كل العذارى فقربش احتارن
من حطت أم الشيوخ الدبلة بيدش
أنا ملش خدت الورد ملمسها
والي تمنى السهر والغيم يلبسها
هاذي كفوف الفخر صارت تلبسها
من هالت الشمس دبلة فرحش وسعدش
لو غارن البيض منش صدق يعذهن
ما دمتي أجمل وأحلى منهم كلهن
وأرقهن يا منال الحسن وأعذبهن
حتى البدر من جمالش كم خطب ودش
يا دانة دبي شوفي دبي ما أحلاها
من نور سعدش ضوا وأشرق محياها
زانت بنور اللفا من بوظبي جاها
وتبسمت من معاني مجده ومجدش
ما يخطب الشمس إلا الشامخ العالي
شيخ الفخر والعطا من أول وتالي
لجل الزعيم المفدى زايد الغالي
منصور باسم الوفا كله طلب يدش
يسعدكم الله ويسعد كل دنياكم
والله يتمم فرح الأيام وياكم
ويدوم نور السعادة في محياكم
حتى يقول الهنا للسعد من قدش


تحياتي : الولهان

أنا ماااااشي اسمي اهئ اهئ اهئ

صح صح نسيت اقول بالنسبة للقصيدة فمريم غناها راشد الماجد واااااايد حلوووووة

[quote=راسبية وافتخر]أنا ماااااشي اسمي اهئ اهئ اهئ[/

Quote]


اشكرك على تواصلك راسبية
وبنحاول ندورلك قصيدة على اسم قبيلتك
ههههه

افاااااااااااااااااااااااااااااااااااا

يا الولهان


يعني حتى في الخواطر ناس وناس

خخخخخخخخخخخخخخ



امزح معك

يسلموااااا

مشكووووووووووووور الولهان
بس بعد اسمي مب موجود !!
يعطيك العاااافية

يسلمو الولهان تشكر ع جهودك الطيبه

تسلم الولهان

تسلم الولهان

مشكور اخوي كلمات حلوه
افاااااااااااااااااااااا بس اسمي مب موجود ؟