[frame="9 70"]امي يا اول اسم(ن)فهالدنيا تنطقه شفاي

يااول حب(ن) يدخل فقلبي بلا اي استئذان

امي ياغلى من اغليت ومسكنك فحشاي

لزوم اغليك لان ربي اللي قال وبالوالدين احسان

انتي نظر عيني ومن غيرك مظلمه دنياي

لوتطلبين عمري يرخص لك فدوه لتلك الاعيان

قضيتي عمرك سهيره علي وتحملتي شقاي

قرير العين انا انام وانتي طول الليل سهران

تقولين يمكن يحتاج شيء ولدي ظناي

ويجي الصبح وتشرق الشمس والنور يبان

يمه بحبك.. وطيبة قلبك.. نسيت اعداي

نسيت انه لي في الدنيا اعداء مثل اي انسان

انسى همومي واحزاني لما تكوني حذاي

واغرق باحلامي لين اوصل لبر قلبك شط الامان

احاول اوفي جمايلك اللي عطيتيهن اياي

وادري اني مقصر قدام اللي خذته منك من حنان

لو اظل اكتب واعطي لك طول عمري الجاي

مابوفي حقك ولو ثانيه من جميلك والعرفان

يمه انا ابي اعتذر لك عن كل خطاياي

وابيك تسامحيني وتطلبين من الواحد الرحمن

يغفر لي ذنوبي ويسدد لي خطاي

ويجمعنا انا وانتي في حور الجنان



الهاجس[/frame]