السلام عليكم
كل واحد فينا وهو في الميدان أكيد مر بعض المواقف الطريفه اللي مستحيل ينساها أو ممكن ينساها بس بعد فتره طووووووويله من الزمن واتمنى من الاخوة والاخوات ذكر بعضها ومشاركتنا فيها .
راح اخبركم بموقف صار لي العام الماضي
كنت أدرس في مدرسة نائية وكانت تعليم عام يعني الصغار مع الكبار
في يوم كانت الريح شديده والجو غائم دخلت صف الثاني وكان الصف هادئ جدا جدا جدا بطريقة مريبة
سألت خير عسى ما شر أيش صاير كانت الاجابة مافي شي .بس كانت عيونهن خايفة وكأنهن كانن يترقبن حدوث شيئ ما مسكينات كانت حالتهن حاله المهم بدأنا الدرس وبعد فتره تجرأت وحده وقالت أيش هذا الصوت ؟"تقصد صفير الريح "
قالت صوت الذيب ؟؟؟أبوي قال هذا صوت الذيب وإذا ما هديت راح يجي وياكلنا والله مت من الصحك من داخلي بس ما بين لهن من باب مراعاة الشعور .
المهم في النهاية جاني خاطر أخوفهن بس ما هانن علي وخبرتهن عن هذا الصوت الصادر وأسباب صدوره وعطيتهن مثال عليه النفخ في العلب وبعد ما جربن الفكره في العلب اقتنعن وارتاحن وكملنا حصتنا ....

يالله عاد عطيتكم موقف ياليت أحد يشاركنا بمواقف طريفه
والله يعطيكم العافيه