ردعلى واحد يقول أنته من زمان غائب -فأحدمنتديات الامارات- وقلتله أدخل جعلان وبتشوف الرد
وهذا الرد وأعطونا رأئكم فيه


جات لحن الشعر تسأل وينك ووين الكتابـه
وينك ووين القصايـد طالـت الغيبـه كثيـر

وجا نديم العين يعتب آه ما اجمـل عتابـه
شاعر صعب القوافـي صـارت بيـده حريـر

يانجوم الشعر والله البعـد ماهـو طلابـه
لانسيـت ولاجفـيـت يشـهـد الله يامثـيـر

من دخل ساحة جعلان صعب والله انسحابـه
مهما تغرينا المواقع تبقـى فـي عينـي كبيـر

لكن افكاري غدت بي وويل من فكره غدابـه
البياض اصبـح سـواد والقلـم عيـا يسيـر

وش تبون اكتب واقول وكل بيت(ن) صك بابه
وش تبون مـن القوافـي دام واقعنـا مريـر

ارتفع صوت المعازف وانخفض لحن الربابه
وعقب ماكنا الأوائل صرنـا بالصـف الأخيـر
ا
لأراضي جف ماها والسما ينكـر سحابـه
والمطر بعيون زرعه صبـح بعيـون الضريـر

وصار واقعنا يحاكي شايـب يلعـن شبابـه
وجـادل بيـن النـوادي تستشيـر وتستثـيـر

وكل واحد صار منا تشغله كشخـة ثيابـه
مادرى باللـي يصيـر وش بعـد وده يصيـر

رددوا الله اكبـر عـادت امجـاد الصحابـه
وصار واحد من عربنا سوبـر ستـار شهيـر

العروبه في سبـات والعـدو كشـر بنابـه
والحصيني صار ذيب واصبح الموقـف خطيـر

لعنة حلـت علينـا ذل وارهـاب ومهابـه
كفرونـا والعنونـا وسلـو السيـف الشطيـر

وانقلب هاك الصباح اسود(ن) تعوي ذيابـه
والمضارب استباحت واصبـح الراعـي اميـر

وكمم الرعب الشوارع وارتفع صوت الخطابه
ومالنا حـق نناقـش حتـى تقريـر المصيـر

العراق يسيل دم والوطن سهـل اغتصابـه
والسما تمطـر قنابـل والثـرى ينبـت سعيـر

وفي فلسطين العروبـه تشتكـي ذل القرابـه
باغتيال الشيخ احمد بامر مـن بـوش الحقيـر

وكل شي صار عادي طفل بيكسـر العابـه
ان ضحكنا وان بكينا غصب نرضـى بالأخيـر

يافلسطين الجريحه الوعـد حـان اقترابـه
ويابـلاد الرافـديـن صـبـر والله النصـيـر

واعذروني مانويـت امـلأ الساحـه كآبـه
بس انا حلمي كبير وصـرت لأحلامـي اسيـر

هذي قصيده كتبهـا شاعـر ماطـول غيابـه
لفهـا فـي مزهريـه كلهـا طيـب وعبـيـر


ولاتحرمونا ردودكم

الله الله الله الله

اصفق لك من كل قلبي والله على هذا الابداع اخوي سهم

فعلا رائع ... الحين اقدر اقول انه ربعنا في المنتدى فعلا مبدعين ومتميزين

صح لسانك وتسلم على هذي الرائعه الجميله

الله الله

والله مقدر اقول شي جدام اروع قصيده قريته في حياتي

مشكور خوي سهم والله انك مبدع

المشاركة الأصلية كتبت بواسطة Ali M الله الله الله الله اصفق لك من كل قلبي والله على هذا الابداع اخوي سهم فعلا رائع ... الحين اقدر اقول انه ربعنا في المنتدى فعلا مبدعين ومتميزين صح لسانك وتسلم على هذي الرائعه الجميله

تسلم أخوي علي على المروالاجمل
والكل فشبكةجعلان مبدعين

المشاركة الأصلية كتبت بواسطة شيخ المزايين الله الله والله مقدر اقول شي جدام اروع قصيده قريته في حياتي مشكور خوي سهم والله انك مبدع

تسلم اخوي شيخ المزايين على المرور الجميل

لا أعرف كيــــــــف أصف الإبداع الذي وهبـــــــه الله لك،،
فعــــــــلا إنني في كل يــــــــــوم أندهش بمــــــــا أرى وأقرأ،،!!!
قصــــــــــيدة يعجــــــز لساني عن وصفـــــــها،،
لا أمــــــــــــــلك إلا أن أقول،،
موفــــــــــــــق عزيزي،،

تشكر المدح ما بيوفي بحقك

بس اقولك تسلم انا ملك

المشاركة الأصلية كتبت بواسطة Alnooor لا أعرف كيــــــــف أصف الإبداع الذي وهبـــــــه الله لك،، فعــــــــلا إنني في كل يــــــــــوم أندهش بمــــــــا أرى وأقرأ،،!!! قصــــــــــيدة يعجــــــز لساني عن وصفـــــــها،، لا أمــــــــــــــلك إلا أن أقول،، موفــــــــــــــق عزيزي،،

تسلم النووووووووووور على المرور الكريم

المشاركة الأصلية كتبت بواسطة ابو جاسر السنيدي تشكر المدح ما بيوفي بحقك بس اقولك تسلم انا ملك

تسلم اخوي بوجاسرالسنيدي على المرورالرائع والكريم
ولاتحرمنا مرورك

الله عليك اخوي وعلى كلامك الجميل
فعلا" انت مبدع اخوي كعادتك
يعطيك العافيه والى الامام اخوي
تحياتي