هههههههههههههههههههههه

الله يسلمحك ما طاح الموقف الى معي

تسلمي

مراحب
كيفكم ؟
بعد الشكر الجزيل لكل من شارك معانا
تذكرت هالموقف وحبيت أشاركم فيه
في مره كنت بصف رابع وبدأنا الدرس كالعاده
دقت أحدى الأخوات الباب واستأذنت بالدخول وهمست بكلمتين وراحت
طبعا وراء هالكملتين الكثير من الانفعالات اللي ظهرت على وجهي منها حزن ومنها فرح
سألوني أيش قالت المعلمه وما خبرتهم قلت لهم عن اللقافه عيب
بس أحدى الطالبات الظاهر أنها كانت على الخط فهمت من غير ما تسمع وكان الخبر أن الطلاب راح ينتهي دوامهم يوم الاثنين .
تتوقعوا ايش صار ؟؟؟
كملنا حصتنا وكنت كل ما أشوف عليها لقيت عيونها مليانه دموع قلت جايز تذكرت شي احزنها .وما بينت لها اني لاحظتها واستمر الحال على هذا المنوال البنت حزينه ونظرة الحزن كانت تعور القلب ياربي والله حالتها صعبت علي
ناديتها وقلت لها: أيش فيك؟ قالت: ماشي .
خليتها حتى لا تنحرج امام زملائها
المهم مسكتها في وقت أخر وقلت لها : أحد زعلك من البيت ؟ قالت : لا . طيب أحد ضربك من ربعك ؟أقصد الطلاب
قالت : لا طيب ايش فيك قالت ولا شي وكانت غارقه في حزنها . وكانت تشوف على واحد من زملائها
قلت لها: لتكوني زعلانه لأنهم راح يروحون مدرسة الاولاد ؟ حينها سكتت
تخيلوا كانت حزينه أنها راح تفارق زملائها بعد ما تعودت عليهم أربع سنوات
حتى تهون الموقف عليها قلت لها : لازم تكوني فرحانه راح تفتكي من الضرابه وشد الشعر
وبعدين وين راح يروحون كل يوم راح تحصليهم بالشوارع . في هذه اللحظه رد علي واحد منهم وهو معترض
وقال : ليش احنا ما عندنا بيوت أنا ما اطلع من بيتنا وقام يضحك مأكد العكس

حينها قامت تضحك معاه وتأكدت أنها راح تلقاهم

الصراحه موقف كثيره وما كنت مشاغب بس اسوي مشاكل مع الربع بالصف ومن بينها اذكر كنا ناكل لمبا( مانجو) وبعد من نخلص نشغل المروحه ونثر الفلفل في الصف وكنا نسوي كذيه عشان نضيع حصة الرياضيات وبعدين يجي الدير والاخصائي ويفصلونا ويقولوا روح بيوتكمواحنا كنا نفرح كثير
ومن غير غسي الصف بالماي
ولي رجعه

الصراحه موقف كثيره وما كنت مشاغب بس اسوي مشاكل مع الربع بالصف ومن بينها اذكر كنا ناكل لمبا( مانجو) وبعد من نخلص نشغل المروحه ونثر الفلفل في الصف وكنا نسوي كذيه عشان نضيع حصة الرياضيات وبعدين يجي الدير والاخصائي ويفصلونا ويقولوا روح بيوتكمواحنا كنا نفرح كثير
ومن غير غسي الصف بالماي
ولي رجعه

لك كل الشكر أخي جعلاني للأبد
والله خاطري أعرف من عقدت من الرياضيات الله يسامح اللي كان السبب
وفي انتظار مواقفك

العفو اختي ريم الفلا وانتظري المواقف الثانيه

الله يعين عيون المدرس عيل كان فلفل

شو نسوي عطر وعاد احنا ما ندخل الصف والمدرس كان اردني

عيل الله يعينه أكيد عيونه راحت من عمايلكم

الصراحه عطر يعني دوام من الصباح واحصص السهله تكون في البدايه والرياضيات في الحصه الاخير واول ثانوي ما صعبه شويه يعني لويشرح المدرس ما شئ تركيز وكنت نشوف على الشعب اللي يطلعوا قبلني اقصد اعداديه
كيف تبي يجي التركيز وما شئ حل الا نضيع الحصه

وموقف واحد
نفس الحصه السابعه ورياضيات شو سوينا
جبنا ماي من دورات المياه وغسلنا الصف والطاولات والصبوره والجدار واستوى الصف متروس ماي ولما جاء المدرس وسال ليش الماي داخل الصف كذبنا عليه وقلنا في ناس من الصفوف الثانيه صبوا حاجه والحين نغسل الصف فقال اوكيه طلعوا الماي من الصف وسوله شفط لدورات المياه
هههههههه احنا شو سوينا طلعنا الماي من صفنا ودخلناه في الصف الثاني ومدرس الصف الثاني عصب ونادى المدير وهنيه استوى الفصل ورحنا بيوتنا بدل الحصه
ما احسن نروح بدل لا ندرس