اتـــــــــــــــــرريـــــــــــاا
ردودكــــــــــم وتفــــــــــآآآعلكم

يثلمــــــــــــــو ع البارتات الغــــــــــــأأويه فـــــــــد


اكـــــــــره الكاات يلا كملـــــــــــي اشوف خخخخخ


القصــــه فنتكـــ

جعلانيـــوووه تصدددجي معهدي نسيته وسبه قصتج خخخخخ


يلا اترياااااااااااااااااااااج

ررررررريمـــــــــــــــــــااني
والله بدييييييت اتعقد منهـــــــــم
محـــــد يشجعــك ع االاقــل تاااابعووا
يحطمونيـــــــه من الخااااااااطررر

بس ماعليــه يسدنيــــــــــه
وجوووووووودج لا خليــــت منــج

يحطمووووووووج واناا موووجوووووووووده افاا علييج بسس سووي طااف خخخ


كمليهااا اشووووف اقرااهااا ترااانييي ماعلييج منهمممم


اتريااا البارت اليييييييييديد

فديتــــــــــــج
والله ولعيـــــــــــوونج
احين بنـــزلج اكثرر من باااااااارت
بعد شو تبين

البارت " 9 "..
عقب سارو كلهم يتعشون ..
وكانو كلهم يرمسون عن عزيمه باجر..
ابو محمد: محمد..
محمد { يصد صوب ابوه }: هلا يبا..
ابو محمد: انا ابيك تسير باجر جدى بيت عمك من وقت..
محمد: ان شاالله يبا..بس ليش..؟
ابو محمد: لانه من الادب انك تكون اول الحاضرين ف العزيمه..
محمد { ما فهم }: اهاا..
هند: اقول يما..
ام محمد: هلا حبيبتي..
هند: باجر بيكون فيه ناس وايد ولا شوي..؟
ام محمد: امممم اعتقد واايد..
هند { تطالع مرام }: اهاا
مرام { بكل جرأة }: انزين يما..احنا بنشوف عيال عمومنا..؟
ام محمد: ما ادري يما..يمكن ليش لا ..
مرام { ترد نفس النظرات لاختها }: اهاا..
عقب خلصو عشا..وكل واحد رد حجرته..
عند هند.. { كــانت مــلانه }..
هند ف خاطرها:" اففف انا خايفه من باجر..ومرام تبيني اسير اسوي شي انا ما اقدر اسويه..اصلا هي جريئة و محمد بعد جريء بس انا لا.. (( وتتذكر اليوم الي كانت فيه تصييح ويوم سارت جدى حجرة مرام..))
مرام: سمعيني عدل..
هند: اوكي ..قولي
مرام: سمعي.. انا ابيج تسيرين حق سهيل يوم العزيمة..وتقولين له انه هو ما يهمج..
هند { مصدوومه }: شوووو..؟
مرام { بكل برود }: شو شو..؟
هند: اولا: كيف تبيني اسوي هالشي الجريء..؟ ثانيا: كيف تبيني اقول له انه هو ما يهمني وهو كل حياتي..؟
مرام: هدي هدي شوي شوي..
هند { تهدي عمرها }: انزين كملي..
مرام: امممم على فكرة انتي ما بتسوين شي غلط..
هند { قاطعتها }: انزين ادري بس انا مقــ { وقبل لا تكمل رمستها .. طالعت مرام وكانت مرام تطالعها بنص عين }..
هند: انزين انزين كملي ما بقاطعج
مرام: طراق ع ويهج ان قاطعتيني..
هند: هههههه ان شاالله ست الكل.. كملي رمستج..
مرام: المهم.. انتي سيري عنده قبل ما نتيمع وانا متأكدة انه الحسن محظر لعبه حقنا مثل كل مرة..
هند: بس انا ما اقدر اطالع ف عينه..
مرام { بجديه }: انتي سيري عنده وحاولي قدر ما تقدرين.. وشوفي ردة فعله .. واذا كان من صدق يحبج .. جان يقول لج الي فخاطره من صوبج اوكي..؟
هند { زايغه }: يصير خير..
وهزت هند راسها تحاول تتناسى المهمة الي قالت لها مرام انها تسويها..
وعقب حاولت انها تفكر بموضوع غير عسب تتنــاسى فارس احلامها الغامض..
وغمضت عيونها..وفجأة ابتسمت لانها تذكرت الاغنيه مالت اليازيه وجان تغني آخر مقطع..
" اوعدني ما تعشق حبيبي سوايا..
واوعدك ما اعشق سواك انت يا زين..
اعيش احبك واعشقك للنهايه..
و احيا بوصلك يا غرام المحبين.. "
وابتسمت.. عقب نامت وعقلها عند غيرها..
اما اليوم الي عقبه.. كانت مستـــانســه حيييل
وتسلم عليهم كلهم وتحبهم ع روسهم وهي شاقه الحلج..
محمد: الحمدلله الذي عافانا ..
هند { شاقه الحلج }: شكرا..
مرام{ تشوفها وتهمس }: لهالدرجه..؟
هند { تحاول تتجاهلها وترمس امها }: امييه انا اليوم بسير ويا حمودي و مريومي..
محمد + مرام : اصغر عيالج..!!
هند: بسم الله..زيغتوني..
وكلهم ضحكو..وسار كل واحد دوامه..
ف المدرسه..
سارت صوب صفها.. وسلمت ع شلتها الا ريم لانها ما كانت موجودة..
هند: وين ريم..؟
شما: ما ادري ..
نوف: اعتقد انها عقب شوي بتيي..
وعطول دخلت ريم وهي مبوزة عكس عادتها..
وسلمت ع شلتها كلها بالخد.. غير هند سلمت عليها باليد عــادي..
وهند مستغربــه من هالحركة..
شما { عرفت انه بينهم شي }: نوف ومها.. تعالو شوي..(( وخذتهم صوب الحمامات ))
نوف { بكل غباء }: خير..؟
اما مها فاهمة السالفة
شما: عقب عقب ف البيت..
اما صوب هند وريم..
هند: بلاج..؟
ريم: بلاني..؟..لالا ولاشي.. انا فيني شي..؟ لالا ماشي..
هند: زعلانه مني..؟
ريم: انتي..؟ ليش ازعل منج ..؟ انتي سويتي شي غلط..؟
هند: ريم انا آسفه..
ريم { تبي تغايظها }: والي سويتيه شوي..؟
هند: بس عاد ريم.. والله ســوري..
ريم { تضحك }: هههههه لالا عادي فديتج.. بس لا تسوين هالحركة مرة ثانيه..تيكي..؟
هند { فرحانه لانها تعرف ربيعتها عدل }: تيكي..
عقب هند حظنت ريم وبدت تدمع..
حست ريم بدموع ربيعتها..
ريم { منصدمه }: بلاج هندوو..؟
هند { تبتسم }: لا ولا شي بس انا ما ابي اخسرج
ريم: فديتــج احنا اكيد ما بيفرقنا شي الا الموت..
هند { تهد ريم وتضربها ع الخفيف }: لا يالجلبه..انتي لو بعيــد الشر متي بنتحر و بنندفن ويا بعض..
ريم { تضحك و دمعاتها تنزل }: ههههههههه يلا يلا خلينا ننزل تحت ف الطابور ولا بننذبح..
هند: ههههههه يلا..
و نزلو الطابور..
وعدى عليهم هاليوم بسرعه.. وقبل لا يظهرون..
هند: ريم..
ريم: هلا
هند: لا تنسين .. اليوم..
ريم: ان شاالله..
وسارت هند صوب مالتهم السيارة وقبل لا تدخل.. جان تأشر لريم انها تتصل فيها وريم هزت راسها بمعنى ( اوكي )..
عقب ردت البيت وكانت تفكر انه هي وريم يلبسون شرات بعض..بس تذكرت انها اشترت لبس خــاص حق عزيمه اليوم..
وردت البيت وفتح لها الباب اخوها محمد (( لانه كان توه بيسير بيت عمه وهو كان ماخذ اجازة من البنك اما مرام كانت مداومه ))
محمد: هلا..
محمد: بلاج..؟
هند { كانت سرحانه وتوها انتبهت لمحمد }: هااه..؟ { وابتسمت }..لالا ولا شي
عقب سارت صوب حجرتها..
محمد: بلاها هاي..؟ يلا اكيد بترد لحالتها بعدين.. احسن اسير جدى بيت عمي..
وسار بسيارته صوب بيت عمه..
اما صوب هند.. سارت تتسبح بهدوء.. وطول الوقت سرحانه..عقب سارت تطالع التلفزيون وهي سرحانه.. ودخلت عليها امها..
ام محمد: بلاج حبيبتي..؟
هند { بابتسامه }: لالا ولا شي الغاليه..
ام محمد: متأكدة..؟
هند { تحاول انها ترد طبيعية }: اكييييد..
ام محمد: خلاص عيل..عقب ما تخلصين تجهزي عسب نسير بيت عمج..
هند { تحس انه بطنها بدء يعورها }: ان شاالله..
وسارت ام محمد صوب حجرتها..
وردت هند لحالتها.. وفجأة دخلت عليها مرام..
مرام: السلام عليكم..
هند { ما انتبهت }..
مرام : ع الاقل ردي السلام..
هند { توها تنتبه }: هااه..؟ سوري ما انتبهت عليج كنت مندمجة مع المسلسل..<< اونــه عااد..
مرام { بشك }: اهاا.. المهم.. عقب ما يخلص المسلســ{ وقبل لا تكمل طالعت التلفزيون .. وكانت ع قناة الجزيره اخبار }..
مرام: اقول..انتي اي مسلسل تطالعين..؟
هند { تنتبه وتحس بالفشلة }: هااه..؟ توني غيرت القناه { وهي شاقه الحلج }..
مرام: ع العموم..ابيج تيين حجرتي عقب ربع ساعه لاني بسير اتسبح.. عقب بتجهز وانتي تعالي حجرتي عسب نتجهز ويا بعض..
هند { تتنهد }: ان شاالله..
وسارت مرام حجرتها..وهند تحس بالملل..سارت صوب المطبخ..تشوف شي تاكله..عقب سارت صوب حجرة مرام..ودقت الباب..
مرام: دشي..
هند: السلام عليج..
مرام: وعليج السلام..يبتي مالج اللبس..؟
هند { وهي تأشر ع الكيس الي وياها }: هيه..
وبدت مرام تجهز اختها عقب هي تجهزت.. ودقت عليهم ام محمد..
ام محمد: يلا بنات بسرعه ابوكم يترياكم برع..
مرام: احنا الحين بنلبس عباتنا..
ام محمد: يلا بسرعه..
ولبسو البنات عبيهم..وسارو صوب السيارة..ووصلو صوب بيت عمهم..
وهند ترتجف.. اول مرة تحس عمرها غير..واول مرة ما تلبس كندورة..
اول ما دخلت.. { كانو شوي ناس لانه الباجي بعدهم ما يو }..والكل قام يطالعها..
عقب سلمت ع الموجودين..وسارت جدى الحمامات..{{{ على فكرة..سبب العزيمه .. ترقية سهيل ف البنك }}}
وكان وياها الكيس الي فيه اغراضها..
وظهرت من الحمام وكانت ماشاالله حــلوة مع انها كانت عادية..بوصف لكم لبسها..
كانت لابسة تنورة شكلها { فهدي}..وطبعا التنورة كانت طويله.. { لانها كانت عامله حسابها انها بشوف عيال عمومها واكيـد بتشوف سهيل منهم و بترمسه بعد حسب تخطيطات اختها المحترمة }..
ومالها القميص كان لونه اسود { نك : يعني لين الرقبه }.. وكانت لابسة فوق القميص جاكيت نص كم ويوصل لين تحت الصدر.. ولونه ذهبي.. وكان شكلها مثل الكوتيات.. وهي كملتها ولبست شيله كويتيه { فهدية }..وطبعا كانت النقط { مالت الفهد لونها بني مايل ع الاسود }.. وكانت لابسة اكسسوار ذهبي رهيـــب.. لانه القميص ما كان عليه شي.. كان اسـود بس..ف كان حلو ويا الاكسسوار.. اما عن ويهها.. ماكانت ممليتنه وايد..كانت اكيــد حاطه جحال { اذا ف المدرسة معبية عيونها جحال عيل ف العزيمه كيف..؟}..وحاطة من برع عينها جحال لونه بني غامج.. واكيد حاطة مسكرة الي خلت رموشها تطول اكثر ما هي طويلة..لكن مرام عبت ويهها بودر بس لونه شوي محمر.. بس هند خففته وصار احلى بكثير..وكانت حاطة روج ع شفايفها..بس كان لونه بني مايل ع الذهبي.. اما عن شعرها.. كانت رافعته و مسويتله خصل فير.. لكن مرام عدلت قدلتها وخلتها طبقتين..الاولى توصل لين تحت عيونها السود.. اما الطبقة الثانية كانت الين تحت ويهها تقريبا عند الرقبة.. وحست انه شكلها تغير مع القدلة..وورى القدلة عطول كانت حاطة ربطة لونها بني غامج { هي كانت عند الحريم تنزل الشيلة لكن اذا سارت صوب الشباب اكيد تلبسهاْ} باختصار.. كان شكلها رهييييييييب..
عقب سارت جدى ميلس الحريم.. ويلست بكل هدوء عكس عادتها..عقب ربع ساعه يت ريم..وشافت هند يالسة ومتكشخه.. وسلمت ع الموجودين.. عقب سارت صوب الحمام عسب تتكشخ شرات ربيعتها.. وظهرت من الحمام عقب سارت عند ربيعتها..
ريم { تهمس لهند }: اللـــه شهالكشخه..؟
هند: جفتي عاد..
عقب يابو الغدا.. والكل قام يتغدا { على فكرة.. البنات صوب والحريم صوب }..
واول ما يلست هند طاحت عينها ف عين غـــادة.. وغادة كانت منصدمة من جمال هند الي ظهر.. وكانت مغيووظة
غادة ف خاطرها:" ياخوفي سهيل يشوفها والله لاذبحه..{ وفجأة ابتسمت }..عادي.. ما اعتقد انه يتجرأ ويسوي شي بعد الكلام الي قلت له }..
عقب الغدا.. خفت الزحمة.. وصارت اليسلة يلسه عائلية..وبدو الشباب يدخلون ميلس الحريم..
واول ما دخل سهيل..هند ما كانت موجودة كانت ف الحمام..عقب ظهرت وهي تتحرطم..
هند : اففففف والله مليت من دونه..وينك يا سهيــ.. { وفجأة دق جتفها ع جتف سهيل }..
هند { بدون ما تطالع الشخص }: السموحه يالشيخ ..
سهيل { يضحك }: والله واستويت شيخ..
هند { مصدومه وماتعرف شو تقول }: عن اذنك..
وقبل لا تسير..مسك ايدينها..
سهيل { بجدية }: وين سايرة..؟

البارت " 9 " ..الجزء الثاني
هند { زايغه }: هناك..عندهم..
سهيل { يردها لعنده }: انزين انا بعد بسير هناك بس عقب خمس دقايق..
هند: اهاا..
سهيل: واخبارج ويا الثانوية..؟
هند { اخذت الفرصه عسب تفاتحه ب الموضوع }: والله الحمدلله بخير.. اقولك..
سهيل { بحنيه }: لبيه..
هند { بدت ترتبك }: تصدق.. { عقب زاغت من نظرته }.. ولا اقولك..لالا ولا شي..
سهيل: لالا عادي قولي ..
هند { مرتبكة اكثر عن اول }: مادام انك مصر .. بس ع شرط انك ما تزعل مني..{ وبالغلط }..تيكي..؟
سهيل { حس انه في شي بس ماحب انه يبين لها شي }: ههههه وحليلج..بعدج تقولين تيكي..؟
هند { تحاول تهدي نفسها }: ههههه .. المهم.. انته ما بتزعل من الحقيقة صح..؟
سهيل { بدأ يشك ف الكلام الي بتقوله هند }: اكيــد..
هند { بدت ترتجف }: امممم بصراحه انا حبيت اقولك شي وما تزعل ولا تآخذ على خاطرك مني بس انا ابي اقولك الصدق عسب ما تعيش عمرك ف وهم..
سهيل { مستغرب }: وهــم..؟
هند { يزيد ارتجافها }: هيه نعم.. وهـم..
سهيل: ما فهمت..
هند: انا بفهمك الحين .. { و خانقتها العبرة }.. انته ما تهمني..
سهيل { من الصدمه ما قال شي إلا ( وقالها بكل برود )}: ليش..؟
هند{ وعيونها ممترزة دموع }: انته الي خربت على عمرك و علي..
سهيل: انتي اصلا ما تعرفين السالفة.. واذا عرفتيها صدقيني بتعذريني..
هند: عيل خبرني عسب ارتاح و ترتاح..
لكن للأسف ما كانو يعرفون انه في عيون تراقبهم من بعيد..
سهيل { يقرب صوبها و يقصر صوته عسب محد يسمعه }: انتي تدرين قبل سنتين شو صار ويانا.. بس قبل لا يصير الي صار و قبل اللعب كلــه .. جان تزقرنــ { و قاطعه شخص }..
....: سهيــل.. { كانت غادة تراقبهم من بعيد وهي ميته قهر } و تطيح عمرها اونه اغمى عليها..{ تمثيل }
هند: بـلاج..؟
سهيل: تعالي تعالي نقعدها.. انا بسير اييب ماي.. انتي حاولي تقعدينها..
هند: ان شاالله..
وسارت هند تحاول انها تقعد غادة.. بس غادة فتحت عيونها عطول .. واخذت الفرصه عسب تجرح هند اقصد تطعنها بدال الطعنه طعنتين..
غادة: سمعيني هند..
هند { ما كانت تدري بنوايا غادة }: بلاج حبيبتي..؟
غادة { بكل حقد }: اقولج.. سيري سيري هناك عندهم انا ابي ارمس سهيل بسالفه.. لانه هو مب طايقنج.. ولا يحبج.. شكلج بعدج ما استوعبتي الكلام الي قاله.. قبل سنتين..
هند { بكــل جرأة لانها ما تبي تنطعن شرات الطعنه الي قبلها مرة ثانيه ومن نفس الشخص}: هه نسيت ما اقولج.. هذاك اول .. و اول تحول..
عقب سارت هند وهي مرتاحه من الرمسة الي قالتها حق غادة..
ورد سهيل من الحمام.. و غادة ردت تغمض عيونها عسب سهيل يصدقها..و سهيل رش شوي من الماي الي وياه ع فيسها وهي قعدت عمرها و هي تشهق..
غادة: آآآآآه راسي يعورني.. آآآآه يا سهيل..
سهيل { بلا مبالاه }: وين هند..؟
غادة { مغيوظه }: راحت هناك راحت روحها..
سهيل { بعصبية }: ايييه حدج عااد.. لا تغلطين..
غادة: سوري والله.. ما كنت ادري انك تكرهني..{ وبدت تدمع }..
سهيل { غمضته }: افااا..انا عمري ما كرهت حد..
غادة { تحاول تطول الموضوع }: لالا انا ادري انك تكرهني.. والدليل انك تلبسني.. { وتزيد ف صياحها }..
سهيل ف خاطره:" يــالله.. شالبلشه هاذي "..
سهيل { يتهرب }: اييييه يزقرونا.. يلا يلا بنسير نلعب .. { وعطوول سار صوب الشباب و البنات }..
اما غادة سارت الحمام عسب تعدل عمرها و تقول ف خاطرها:..
" هيــن يا سهيل.. انا اراويك .. ان ما خليتك تربع ورايه.. ما اكون انا غادة "..
وكلهم { الشباب و البنات } تيمعو ف الصاله الي ف الطابق الثاني..ودخلت عليهم غادة بابتسامه عسب ما تبين لهند انها زعلانه لكن اصلا محد انتبه لوجودها لانه وجودها والعدم واحد بالنسبة للجميع وخاصــة لهنــد الي لدرجه انها يوم سلمت عليهم غادة.. لبستها وقعدت ترمس هي وريم ع الموقف الي صاار..
الحسن { بصوت عالي }: احم احم ..( عسب ينتبه له الكل )..
والكل انتبه له..
الحسن: اممم.. انا محضر لكم لعبه..
مرام: والي هي..؟
الحسن: اسمها لعبه الاغاني..
وهند بدا قلبها يدق..
سهيل: ولو سمحتو.. سارة و سلامه و فطوم.. من غير مطرووود..
سارة: ليييش..؟
سلامه: لا عادي خذو راحتكم..
فطوم: احنا الحين بنظهر..
سارة: لا مابا مابا..
لكن غادة تمت تطالع اختها بنظرات معناها " اطلعي برع قبل لا اييج طراق"..
سارة: انزين انزين بنظهر..
محمد: يستحسن..
عقب ظهرو البنات..
مرام: انزين فهموني العبة..
وقعد الحسن يشرح لهم العبه.. وكان سهيل يطالع هند من فترة و فترة بس هند كانت تلبسه..عقب لا شعوريا صدت هند جدى سهيل وطاحت عينها ف عينه لكن هند هالمرة تجرأت وتمت تطالعه وما نزلت عيونها.. وهو عيبته جرأتها.. وهو بعد تم يطالعها..لكن هند كانت مبوزة { مب مبوزة ولا مبتسمه } بس كانت نظراتها جادة بمعنى فيه تحدي لكن سهيل ما فهم نظرتها.. وقاطع اتصالهم النظري صوت الحسن
الحسن: فهمتوو..؟
الكل: هيه..
(( بشرح لكم اللعبه.. هي اسمها" لعبة اغاني".. وطبعا تبدأ بأول اغنية.. بحرف الالف ( حسب اذا تبدأ بالفريق الاول ( الشباب ) او الثاني ( البنات).. ) عقب ما يخلص المقطع من الاغنيه تبدأ بالحرف الاخير من المقطع .. مثلا انتهى المقطع بحرف العين.. الفريق الثاني اييب اغنيه بحرف العين.. وجذي اليييين ما يستسلم فريق او انه ما يلاقي اغنيه تبدأ بهالحرف..(( على فكرة.. الاغاني ما تتكرر )) ..))
سهيل: اقوول.. اليوم ما بنلتزم بالقوانين..
محمد: ليش ان شاالله..؟
سهيل { يطالع هند }: لانه عندي اغاني ابي اهديها حق نـــاس..
الحسن: انزين قول من قبل..
مرام: اول شي احنا اوكي..؟
الحسن: بس راح تبدؤن بحرف الالف..وعقب احنا بنبدأ بأي حرف وعقب انتو اختارو اي حرف تبونه..اوكيك..؟
مرام : اوكي.. بس صبرو علينا..
هند: انا عندي اغنية..
محمد: قولي..
هند { بجرأة }: احم احم.. { تعدل صوتها.. وتحاول انها تقلد الفنانه الكويتيه " نوال "}.. " اياااام حلوة كانت ايام حبك ( مرتين ).. كنت في روحي تسري.. كنت بجنون احبــك ( مرتين )" عقب سكتت وترمش بسرعه تحاول انها تبعد الدموع من عيونها..وهي موطية راسها..
الحسن: عاااااش.. بصراحه انا اول مرة اسمع صوتج..
اما سهيل ساكت ومبتسم لكنه ف نفس الوقت مصدوم من كلمات الاغنية..
محمد: يلا الحين دورنا.. فكرو شباب..
سهيل { يحاول انه يدور اغنية يهديها حق هند }: لحظه لحظه..
بعد فترة صمت..
سهيل: لقيتها..
مرام: سمعنا..
سهيل: احم احم { هاي اغنية فرقة ميامي اليديدة ( ودي )} " ودي يمر اسبوع .. من غير زعل و دموع .. ونعيش مثل الناس .. اهدا شعور ة احساس.. { عقب جان يطالع هند }.. احباب كنا اثنين..قلب وانقسم نصين.. الله يالدنيا شوفو وصلنا وين ( مرتين ).. احسب معاي شبقى.. في شي ما عشناه .. { ويعد بأصابعه }.. غيره وهم وشقر ودوخه وضيقه و آآآآآه..حــ { وقبل لا يكمل جان تقاطعه هند بصوتها العذب }..
هند : " حرام علينا نهدم بدينا حب واحنا عشنا معاه.." ويكمل سهيل عليها " حراااام علينا نهدم بيدينا حب واحنا عشنا معااه "..
غادة: يلا دورنــا..
و بدت هند تفكر ف اغنية و خطرت ع بالها الاغنية الرهيبة للفنانة اليازيا ( غمض عيونك ).. ولفت صوب سهيل وابتسمت له..
هند { تقول حق مرام }: انا عندي وحدة حلوة
محمد: شوو شكله انتي وسهيل متفقين ويا بعض..
والتفتت هند صوب سهيل وهو بعد وكل واحد ابتسم للثاني..
الحسن: يلا يلا غني..
هند { شاقه الحلج }: انزين.. احم احم.. { وقبل لا تبدأ جان تطالع غادة بنظرات عقب بدأت تغني }.. " غمض عيونك واحلم انك معايا ان الزمن ما يوم فرق حبيبين .. { واونه سهيل غمض عيونه >> عبيط لا!! }..
بعطيك انا عمري وروحي هدايا.. واهديني احساسك و نبض الشرايين.. و فجأة مااتت من الضحك ع فيس سهيل يوم انه غمض عيونه..
مرام: بسم الله عليج.. بلاج
هند: هههههههههههههههههههههه
محمد { يحب ايده }: الحمدلله و الشكر..
هند: ههههههههههههههههههههه
غادة: ينت و قعدت..
و فجأة هند سكتت من بعد ما رمست غادة.. عسب تبين لها انها سخيفة..
سهيل: لحظة لحظة.. قبل لا نظهر من الحجرة عندي اغنية خااصه..حق ناااس { جان يطالع غادة }... وغادة ما صدقت .. جان تستانس و تطالع هند بنظرات تحدي { تغايظها } وهند لبستها وتمت تطالع سهيل بنظرات خوف..
سهيل { جان يطالع هند بنظرات كأنه يقول تطمني الغالية .. عقب طالع غادة بنظرات ما فهمتها وبدت ابتسامه غادة تزول كل لحظه و لحظه.. عقب بدا سهيل يشل بصوته العذب }: " مانتي نهايه دنيتي لو تغيبي.. روحي على ما تشتهي مرجعج لي .. مهما وصلتي اعرفي من تكوني انا .. عملتج شي وانتي ولا شي .. وصلتج بكيفي نعم وش تحسبين..؟.. وبكيفي اهدم ما بنيتيه بشوي.. لا ما اضيع.. لكنج بدوني تضيعي.. انا عملتج شي وانتي ولا شي..}..
الكل انصدم من هالكلمات القوية.. وكان الصمت سيد الموقف..
وامترزت عيون غادة دموع قهر وغيظ..لكنها بشكل سريع مسحتها.. وابتسمت ابتسامه شر.. الي يشوفها يقول هالابتسامه وراها مصيبة..
وهند زاغت من نظرات غادة لها و لسهيل.. لكن نظرات سهيل تهديها و تطمنها..
غادة ف خاطرها :" هين يا سهيل.. انا اوريك.. الظاهر انه رمستي ما عيبتك.. بس انا اوريك .."..
غادة: عن اذنكم..
عقب ظهرت من الحجرة..
مرام: اعترف سهيل.. حق منو تهدي هاي الاغنية..
سهيل: ولاحد..بس جي انا قلت اونها حق ناس بس عسب اسمعكم.. { ويشق حلجه }..
الحسن: يلا خلونا نظهر من الحجرة.. قبل لا يسوون لنا سالفه..
والكل ظهر من الحجرة.. و آخر اثنين كانو الثنائي الغامض..
سهيل: هند..
هند { لا شعوريا }: لبيه..
سهيل { بجدية }: اتريي مني..شي.. اوكيك..؟
هند { ما فهمت }: هاا..؟
سهيل ابتسم و سار..
اما هند شرات الخبله مب فاهمه شي..
وتمو اليين الساعه 11 ف الليل.. عقب تعشو..
عقب الكل رد بيته.. وكان الكل تعبان.. ف بيت قوم ابو محمد..
ام محمد { تعامل عيالها شرات اليهال }: يلا حبايبي.. كل واحد يسير حجرته..
هند + محمد + مرام : انشاالله الغالية..
والكل رد حجرته..
صوب حجرة هند.. تسبحت عقب لبست احلى بيجامه عندها.. اللي هي..
( بيجامه صينيه حرير..نك .. لونه اسود عليه صور بقرات موزع ع البانطلون بشكل عشوائي.. اما القميص.. عليه صورة بقرة كبيرة من جدام.. اما من ورا كان مكتوب بالابيض ( Inow that am crazy ()
عقب سارت صوب التسريحه وبدت تسحي شعرها و راح بالها (( شرات كل مرة )) يوم غنت ( غمض عيونك ).. وتتذكر فيس سهيل يوم انه غمض عيونه.. عقب ضحكت..
وبعدين سارت وطاحت ع شبريتها.. وكانت تفكر..
هند ف خاطرها:" امممم.. شيقصد سهيل (( اتريي مني ..؟ )) والله انك غاامض.. { وقطع حبل افكارها صوت نغمة الموبايل }"
هند { تطالع الساعه }: الساعه 12 منو بيتصل ف هالوقت..؟
عقب جان تطالع المتصل.. وتنصــــــــــدم
هند: النشمــــي...؟؟؟ ((( على فكرة .. اهي غيرت اسمه من الحبيب الغامض __ النشمي )))..
وبعد تردد.. ردت ع الموبايل..
هند { بخوف }: الوو..
سهيل: هلا والله..
هند: اهلين
سهيل: شحالج..؟
هند: تمام ماشي الحال.. وانته اخبارك ولد العم ..؟
سهيل { اتضايق من الكلمه }: انا كم مرة اقولج لا تقولين هالاسم..؟
هند { تستهبل }: اي كلمه..؟
سهيل: استهبلي استهبلي..
هند { ما قدرت ترووم }: هههههههههههههههه خلاص خلاص سهيـــــــــــــــــل ولا يهمك..
سهيل { مستانس }: هييه جي احلى..
هند: ما قلت لي شخبارك..؟
سهيل: شقولج..؟ والله حالي ما يسر من بعدج..
هند: .....
سهيل: بلاج صخيتي..؟
هند: لالا ولا شي..
سهيل { لا شعوريا }: بلاج حبيبتي..؟
هند : صدقنــ { عقب تستوعبت الكلمه}.. شو شو قلت..؟
سهيل { يلعوزبها }: قلت بلاج..
هند: لالا الكلمه الي بعدها..
سهيل { بكل برووود }: حبيبتي..
هند { مستحيه }: رديينا..
سهيل: هههههه بلاج انا ما قلت شي غلط..
هند: ابــــدا..
سهيل: هههههههههههه والله هالكلمه تطلع من لساني بالحظ.. زله زله..
هند: هييه صدقت صدقت..
سهيل: اقولج..
هند: هلا..
سهيل: اهلين ههههه لالا صدق صدق.. قولي لي..
هند: بلاااك انته ..؟ مصخن..؟
سهيل: يمكن.. انزين ممكن اتيين عندنا وتداويني..؟
هند { مستحية }: هاهاها ضحكتني..
سهيل: انزين قولي لي..
هند { شبه فاهمه }: شقوول..؟
سهيل: هاييج الكلمه الي ما سمعتها من زماااان..
هند: اي كلمه..؟
سهيل: يلا عاااد..
هند: شووه انته انينييت..؟
سهيل: لا تخبلت..
هند: انزيــ { وقبل لا تكمل الرمسه جان تدش عليها امها.. وهي عطول بندت ف ويهه }..
هند { مرتبكه }: هلا يما..
ام محمد: انتي بعدج ما رقدتي..؟
هند: هههه لالا بعدني عقب شوي بنام..
ام محمد: ترى انا ييت لاني كنت اتحرى انه انتي تعبانه ترى فجأه قلبي قبضني..
هند { غمظتها امها }: وحليلج امايه .. لالا فديتج ما فيني الا العافيه..
ام محمد: الحمدلله.. يلا عن اذنج..
عقب سارت ام محمد.. وهند كانت تطالع الموبايل.. وتفكر اذا تتصل ولا لاء.. عقب قالت لالالا لو شو صار ما بتصل.. عقب حاولت انها تتناسى الموضوع .. ورقدت..
اما جدى سهيل..
سهيل ف خاطره:" بالله .. اهي اكيد بندت لانه اكيد شي صار.. ما عليه.. خلني ف المهم.. انا الحين لازم افكر.. كيف افاتح هند بالموضوع..؟..عقب جان يتذكر.. قبل سنتين..
"""غادة: سهيل..
سهيل: هلا..
غادة: اسمعني.. احنا اليوم بنلعب لعبة جرأة و حقيقة..
سهيل: وبعدين..
غادة { تقرب صوبه }: ابيك تقول انك تحبني..
سهيل: ليش اكذب ان شاالله..؟؟
غادة: اسمع.. من غير لف و دوران.. بغيت اقولك انه اذا ما قلت انك تحبني بتندم..
سهيل: هه ليش ان شالله..؟
غادة: لانه مصير هند بديني..
سهيل: ليش.. انتي الرب وانا ما ادري..؟
غادة: هه لا.. بس عندي شي يقدر انه يحطم هند ف اي لحظه..
سهيل: والي هو ..؟
غادة: انا يوم سرت بيتهم.. قبل لا ادش الحجرة.. جان اسمع صوت هند وهي ترمسك ف الموبايل..
سهيل { مصدوم }: شوو..؟
غادة: وانا بصفتي الشريرة النذله.. سجلت صوتك و صوتها..و من بينها الغزل..
سهيل: انتي شو قاعده تخرفين..؟
غادة: الحمدلله انا ما اخرف ولا شي.. انا اقول الي سجلته { وتبتسم ابتسامه حقيرة }..
سهيل { بخيبة امل }: اصلا انتي ما تقدرين تسوين شي يضر اهلج..
غادة { بكل حقاره }: اذا ما يضرني.. عااادي..اقوول انته بس قول انك تحبني وانا ما بضر هند بشي..
سهيل { بخوف }: اذا سألوني
وعطوول سار صوب الصاله.."""
سهيل ف خاطره :" آآآآآه انا ماعرف شلون بقول حق هند هالرمسه ..؟؟ }..

البارت " 10 "..
سهيل ف خاطره :" آآآآآه انا ماعرف شلون بقول حق هند هالرمسه ..؟؟ }..
و اشرقت شمس يديدة.. ع ابطالنا الحلوين.. صوب هند..
كانت رااااقدة ف سابع نوومه..( لانه الحبيبه مستانسه وايد لانه اليوم اليمعه .. اجازة .. )
وعقب نشت..
هند{ تطالع الساعه }: الساعه توها تسع.. آآآآه احس انه جسمي متكسر.. خلني اسير اتسبح ابرك لي..
وسارت تتسبح عقب ظهرت.. وسارت تسحي شعرها.. وعدلت عمرها.. شرات كل يوم.. { الجحال..والقلوس..واكييد العطر }..
هند ف خاطرها:" امممم خلني انزل تحت اشوف في احد ناش ولا لاء .."
عقب نزلت تحت.. وسارت صوب الصاله.. ما شافت احد موجود..
هند ف خاطرها:" اكيييييييد الكل نايم .. افففف ملل مادري شسوي.. اممم خلني اطالع تلفزيون .."
وفتحت التلفزيون وتمت تغير كل القنوات..الين مالقت قناه اطفال " سبيس تون " وكانت رسوم قدييييمه بس حلوه.. وعلى حظها كانت الحلقه الاولى من " ليدي اوسكار " >> تعرفونه..؟
وبدت تندمج ويا الرسوم.. { هههههه عاد لا شفتو شكلها بتموتون من الضحك ع شكلها الي يشوفها يقول بتاكل التلفزيوون..خخخ }..
واول ما قالو.. (( سنعود بعد قليل )).. سارت تربع صوب المطبخ لانها مستحيل تتم تطالع شي يعيبها وما تاكل..خخخ.. سارت تسوي لها " نس كافيه " و " ساندويش ( كاكاو ) نوتيلا طبعا " عقب سارت صوب الصاله وجان يقول (( عدنا )).. هند ف خاطرها:" صدق انا محظوظه .. خخخ و صدق اني خقاقه "..
عقب تمت تطالع التلفزيون اليين الساعه 11 الصبح.. ويت رسوم " ريمي " وهاي من احلى الرسومات عند هند.. وكانت مندمجه.. فجأة دخل عليها واحد..
هند { بخوف }: بسم الله الرحمن الرحيم.. ما عندك ذوق تدق الباب..؟
الشخص: السموحه ختيه..
هند { مستغربه }: انته منو..؟ (( ترى هي كانت ف حجره كلها مظلمه..لانها هي تحب تكون ف حجره مظلمه ))
الشخص: عن اذنج..
عقب سار بدون لا يقول منو هو
هند ف خاطرها:" منو ها الي ايي ف هالوقت..؟.. اويييه وانا مب لابسه وقايه ولا كندورة بعد.. حظرتي لابسه بانطلون و تيشيرت..ياعمي رووح.. اكيد ما شافني ب هالظلمه.. يمكن هو شافني واستحى.. يمكن ليش لاء.. بس منو بيكون هالشخص الي بيي هالحزه.."
وقطع حبل افكارها صوت اخوها محمد..
محمد: صباح الخير..
هند { تنتبه للصوت }: هلا.. صباح النور..
محمد: اقولج سهيل ما يا..؟
هند ف خاطرها:" اويييييه ليكون هالشخص الي شافني هو سهيل..؟؟ يالله اول مرة يشوفني بهالمنظر.. اخيييه الحين شو بيقول عني .."
محمد: حووووه.. انا ارمسج..
هند: هااه..؟ لالا محد دش الصاله..
محمد: اهاا.. يلا عن اذنج.. انا بظهر يمكن يا.. بس يالس بالسيارة..
هند { بفضول واضح }: انزين وين بتسيرون..؟
محمد { يحط ايده ف شعر هند و يحرك ايده }: سوالف شباب..
عقب ظهر من البيت..
هند { تتحرطم و تحاول تقلد صوته باستهبال }: سوالف شباب سوالف شباب..
عقب طلعت فوق صوب حجرتها..اما صوب الشباب.. كان سهيل يتريا محمد ف سيارته وهو سرحان بشكل هند الطفولي..
عقب محمد فتح باب السيارة .. اونه عاد يبي يزيغ سهيل..
محمد: بووو..
سهيل { يستهبل }: اوييي زغت..
محمد: هههههه اخبارك..؟
سهيل { يتنهد }: ماشي الحال.. وانته علومك..؟
محمد: تمام الحمدلله.. بلاك..؟
سهيل { وهو يحرك السيارة }: ماشي ماشي..
محمد: بتخبرني غصبن عنك..
سهيل: هه كل شي غصب..؟
محمد: عندي هيه.. عاد اذا ماتبي تقول طرااق ع ويهك..
سهيل: هههه ليش انزين..؟
محمد: لا والله تبي اشوفك وانته مهموم واسكت..؟
سهيل: ههه فديتك تفهمني..
محمد: عيل يلا قوول..
سهيل: الحين انا بمر ع الحسن عقب بخبركم مرة وحدة..
محمد: اوكيي..
عقب سارو صوب بيت الحسن عسب يآخذونه وياهم يتريقون برع ف الموول.. {{{ على فكره انا ما قلت لكم وين اهم بالضبط.. هم الله يسلمكم.. يعيشون ف الشامخه.. اما الحسن ف خليفه أ.. }}}
وطبعا هاي فكرة سهيل انهم يتريقون ف الموول.. وطبعا ف بوظبي موول..وكان الحسن يترياهم ف الحوي..عقب ركب وياهم..
الحسن: صباح الخيير..
سهيل + محمد: صباح النوور..
الحسن: وشحالهم..؟
سهيل { يحرك السيارة }: ماشي الحال..
محمد: وانته اخبارك ..؟
الحسن: الحمدلله مانشكي باس..
محمد { يطالع سهيل }: احم.. اليوم سهيل يبا يقول لنا شي..
الحسن: خير.. في شي مستوي..؟
سهيل: ولاشي.. بس محمد يحب يوتر الواحد شوي..
محمد: انا..؟
سهيل: اكيد.. بعد منو غيرك..
محمد: شكرا..
سهيل { بابتسامه }: العفو..
عقب وصلو الموول.. وسيييدة صوب " ستار بوكس ".. {{ ال(( كوفي شوب )) المفضل عند سهيل.. }}..
محمد { وهو ييلس }: هاا.. يلا يلسنا..
الحسن: انته ما تلاحظ انك ملقوف..؟
محمد: انا..؟ حرام علييك..
الحسن: لا.. هب حرام.. الناس اول شي يطلبون ويرتاحون عقب يسولفون..صح سهيل..؟
اما سهيل كان ف عالم ثااني.. عالم محد فيه غيره هو و حبيبته..عالم يحس انه يوم يوقف عند حدوده..يحاول انه يدخله داااخل بس للاسف يصير شي ويخليه يبتعد..هو حاول بس للاسف تم ف هالعالم الغامض فترة .. لكن بعدين يا شخص وهدم عليه.. واعتقد انكم تعرفون هالشخص عــدل.. (((( غـــــــــادة )))).. انزين ما سألتو اعماركم.. ليش غادة تحاول انها تهدم الي بينهم..؟؟.. لانها نذله مثلا..؟؟...!!!
محمد { يقصر صوته }: اييه حسوون..
الحسن: شوو..
محمد: والله سهيل كسر خاطري.. شوف شكله.. احس انه الدمعه عقب شوي بتطيح من عيونه..
الحسن: هيه والله.. بس شو تتوقع السبب..
محمد: والله علمي علمك.. اصلا هو قال انه بيقول لنا ليش هو متضايق..
الحسن: وحليله..
وفجأه جان يتنهد سهيل.. و يلف صوبهم (( هو كان حاط ايده ع خده ولاف ويهه الصوب الثاني ))..
سهيل: يلا طلبتو..؟
محمد: لا.. نترياك.. { ويبتسم }..
سهيل { يبتسم }: عيل يلا.. انا عن نفسي.. مثل كل مره .. كابتشينو.. وانتو..؟
محمد + الحسن { ويا بعض }: شراتك..
سهيل: ههههههه فديتكم والله.. (( جان يزقر مال الطلبات وقال له الي يبونه ))..
محمد: انا ما بضغط عليك.. بس انته شو كنت تبي تقوول..؟
سهيل { بغباء }: شو الي كنت بقوله..؟
محمد { متغيظ }: لالا ولاشي..
سهيل ف خاطره :" امممم انا شو كنت بقول له..؟ .. (( بعد فترة )).. اهااااااااااااا وييل انا كنت بقولهم سالفه هند.. وحليله محمد اكيد مستحمل غبائي..ههه "..
الحسن: وبعد..
سهيل: قام وقعد.. >> يقلد هند يوم كانت ترمسه .. كل ما يقول وبعد.. جان تقول قام وقعد..ههه
محمد: اووه والله وتطورنا.. وصار سهيل خفيف دم..هههه
سهيل: ليش انا كنت ثقيل دم..؟؟ (( اونه يمد بوزه ))..
محمد: هههههههه افاا عليك.. كل خفه الدم فيك..
سهيل: ههههههه اكييد..
الحسن: لا عاد.. لا تصدق عمرك..
سهيل: ادري ..ههههههه... المهم..
محمد { حاس انه بيقول الي ف خاطره }: والاهم..
سهيل { يبتسم }: بقول لكم شي بس لا تخبرون حق حد..
الحسن: افاا.. اكيـد احنا ما بنقول حق حد..
محمد: لا تخاف.. احنا ربع ولا يمكن نخبر احد بأي شي يخصنا..
سهيل: بصراحه.. انا واتق فيكم..
الحسن: احم احم وبعدين..
سهيل: ههههههه { وتتغير ملامحه لملامح جديه } لالاجد.. بصراحه انا اممممم انتو تدرون شو الي صار قبل سنتين..
محمد { مستغرب }: شو صار..؟
سهيل: اممممم تذكرون يوم كنا نلعب احنا والبنات.. لعبه جرأة وحقيقة..
الحسن { يتذكر }: امممم هــيه تذكرت..يوم صارت الضرابـــ ... { قبل لا يكمل تذكر الموقف وسكت .. لانه ما يبي يذكر سهيل بماضيه الاليم }..
محمد { يقول حق سهيل }: وانته ليش تبي تذكرنا بشي احنا نسيناه..؟ او بالاصح تناسيناه..
سهيل { يتنهد }: انزين انتو سمعوني عقب قولو الي بتقولونه..
الحسن: انزين كمل..
سهيل: المهم.. احنا قبل لا نبدأ العب..يت عندي غادة بنت احمد وقالت لي انه { وقال لهم السالفه :d }..
محمد { مصدوم }: غــاده تسوي جي..؟؟؟
سهيل: هيه نعم غادة..
الحسن: انا ابدا ما توقعت انه هي كانت ورا كل هالسالفه.. انا تحريت انك من صدق حبيتها..
سهيل: تخــــــسي الا هي.. اونه عاد انا احبها..هه
الحسن { بخفه دم }: صدق " ان كيدكن عظيم "..
سهيل: ههههههه ف هاذي صدقت .. صح حمود..؟
محمد { موطي راسه ( وقال بحزن )}: هيه صح..
الحسن { حس انه ف الموضوع ان }: حمود بلاك..
سهيل: بلاك محمد.. شكلك ما يطمن..
محمد: لالا ولاشي.. بس.. يوم قلت السالفه تذكرت شي..
سهيل { بخوف ( غير واضح )}: والي هو..؟
محمد { مرتبك }: هاه..؟ امممم بقولك شي بس انته لا تستعيل.. انزين..؟
سهيل { بدأ تظهر علامات الخوف }: قوول..
محمد { يطالع الحسن }: بصراحه.. { عقب وطى راسه }.. هند .. انخطبت..
سهيل { مصدووم }: هههههه شو شو.. ما سمعت.. عيد..
الحسن: هند انخطبت..
سهيل { يرمس الحسن }: وانته.. من متى تعرف ..؟ هه او بالاحرى من متى صاركل ها...؟
الحسن: بس عاد.. هو ماصار رسمي عسب تحرج..
سهيل: ههه عيل لا صار .. شو تباني اسوي ف حياتي..؟
محمد: اسمعني.. انا بحاول اني اكنسل الموضوع.. لاني ما عرف الريال اساسا..؟
سهيل: انزين قول كل المعلومات الي تعرفه عنه..
محمد: اممممم.. الي اعرفه انه اسمه.. علي.. من قوم العين..
سهيل: ههه وحليلها هند.. تحب دار الزين وااايد..

كـــــــت

شو توقعاتكم..؟
والســ م ــوحه..~

ll. جعــــــــــــــــــلانيه طررررر.ll
^_^.........!!

ياااااربيييه ما تااابعت المسلسل من اول


فااااااااااااااتني وااايد

عيل شسوي الحين .؟؟؟ هههههههههههههه

ميصير اتاابع من هنيه ؟؟

ررررررريمـــــــــــــــــــــــاااني
خبرينيه بتوقعــــــــــــــــــــــــاااااااااتج
يلا اتررررررياااااااااااااج فديتج