وعليكم الســــــــــــلام ورحمه الله وبركــــــــــــاته..
لماذا المرأة العاملة تجد صعوبة في حياتها الزوجيه وبتربية أبنائها؟
السبب طبعا الوقت يعني نص اليوم فالدوام ولما ترد تبي تريح ومن صوب ثاني عيالها يبون عنايه كبار ولا صغار وريلها من صوب وواجباتها الاجتماعيه والعائليه والعمليه...يعني لازم تشرب رد بول عشان يصير لها جوانح وتقدر تلحق على كل هذا!!
هل عمل المراة ضرورة ملحة في حياتها؟
يمكن ..حسب ظروفها بس اظن الاغلبيه حاجتها نفسيه للشغل مب ماديه
هل استطاعت المراة أن تحقق التوازن بين عملها الأساسي في البيت و عملها خارج
البيت؟
طبعا فيه حريم قدرن ويمكن هي سالفه تعويده وبعدين يعتمد بعد على ظروفهااذا تساعد ولا لا
هل عملها أثر عليها و على حياتها سلبا أم إيجابا؟
ايضا يعتمد على ظروفها...يعني مثلا اذا عندها عيال ..مع من تخليهم؟عند اهلها ولا مع الخدامه؟..يعني مطمنه عليهم ولا لا!!
بس مثال واحد مخي مشغول مقدر اييب غيره!!>>شرده!!
هل طلبها بالمساواة مع الرجل هو فعلا حق من حقوقها الشرعية؟
المساواه في كل شي باااااااااااااااايخه!!لان كل منهم ربي عاطنه مواصفات وواجبات تختلف عن غيره...بس اعتقد المساواه المطلوبه والعقلانيه هي مساواتها في فرص العمل اللي تناسبها في الراتب مثلا...في معاملتها كانسانه حالها حاله تتعب وتحس ووو
هل آثر عمل المراة على علاقتها مع الرجل؟
الحرمه الذكيه هي اللي تقدر توازن الامور وماتخلي شي يطغى على شي....يعني لها حقووق وعليها واجبات..
هل عمل المرأة خارج منزلهاحقق لها سعادتها واستقلاليتها؟
على الاقل يحسسها انها تفيد المجتمع وتقضي وقت بالاضافه الى مهمتها الاصليه وهي تربيه العيال...يعني تزيد ثقتها بنفسها وتحقق طموحها..
و أنتم أيها الرجال السؤال موجه لكم
هل تؤيدون أم تعارضون عمل المراة....ولماذا؟؟

ماااااااااااااااادري عنهم ســــــــــأليهم!!!>>>اقووول عن اللقافه الزايده السؤال مب لك!!

وثانكيوووووووووووو شواطي...بــــــــــــاركـ الله فيــــــــــــــكـ

اخووواني..الجوكر..راعي صوغــــــــــــان...البنت مب شرط اذا اشتغلت في مكان مختلط معناها بنت مب زينه ولا مب مربايه وظائف كثيره تحتاج وجود المرأه فيهن ولو كان ريال مكانها كان بروحكم انتو بتتضايقو خلينا منطقين شووي يعني معقول ترضى دكتور يعالج ويكشف على امك وخواتك وزوجتك...معقول ترضى ريال يدرسهن؟؟معقول ترضى تعاملهن مع ريال ف الاماكن الرسميه واللي واللي واللي......!!!
المشاكل اللي ذكرتهن خووي الجوكر لهن ظروفهن ومب مبرر انك ترفض عمل المرأه ...المرأه الخلوقه واللي تخاف ربها لو خلوها مع ميه ريال مابتسوي شوي والبنت اللي ضايعه لو فصلو كل شي ومنعو الاختلاط ف كل مكان بعدهابتضيع!!!
اني معـــــــكـ اتمنى لو يمنعــــو الاختــــــــــلاط تجنبا للشبهـــــــــــــات وف كــــــــــــل مكاااااااااااااااااااااااان..... لكن تشووف هالشي ممكن فهالزماااااااااااان؟؟!!
والسمووووووووووووووحه منكم......