(الجزء الثاني)
><في دبـــــــــــــي .............
قال احمد لسعاد وهو يناظر في ساعته :-والله فاتتنا ملكة خويلد اليوم
قالت سعاد برقه :-انا قلت لك خلنا نرجع وانت رافض
غمز احمد :-الحين انا ماصدقت رحمتي حالي وحنيتي علي وتبيني الحين ارجع الديره عشان خويلد ترى مقدر استغني عنك دقيقه وحده الحين بعدين حنا بعذرنا هذا شهر عسل متاخر مررررررررررره
حمر وجهها وضحك احمد :-هههههههههههههههههههههههه تجننين زود وانتي مستحيه من كان متخيل ان سعاد القويه تستحي
ضربته على كتفه بشويش :-شقالولك وجهي مغسول بمرق
احمد :-ههههههههههههههههههههههههههه لا مو القصد القصد انك دوم تناقريني وتتحديني والي اشوفه عكس سعاد الي اعرفها
ابتسمت :-لاتذكرني بذيك الايام كانت عذاب في عذاب
احمد :-الحال من بعضه
سعاد :-صراحه علي غباء ماله مثيل
احمد (يستهبل) :-بدري
سعاد طلعت عيونها :-لا والله يعني عشاننا برى الديره تسوي علي قوي تراك ماتعرفني لاعصبت
احمد :-لا والي يخليك لي شلون ماعرف الا اعرف ونص لاعصبتي شتسوين
سعاد :-ههههههههههههههههههههههههه بالله لاتسوي فيها خايف مايليق عليك
احمد (يتضيعف) :-حرام عليك تراي بشر عادي
قالت بتقدير وحب :-ماظنيتك عادي والا ماغامرت بحياتك في الحريق
قال بتواضع :-كان واجبي واقل من الواجب
ابتسمت :-حطيت روحك على كفك وسويت الي مستحيل غيرك يسويه كلما يعيدون عرض الحادث وعملية الانقاذ يوقف شعر راسي كيف ماخفت وانت طالع لسابع دور على سلم انقاذ عادي
احمد :-خوف اي خوف الوقت كان عدونا ومافكرت دقيقه في نفسي كل تفكيري كان في عيلتين محجوزات في عماره مولعه نار كلها وبعدين مو انا الي بلحالي انقذتهم كان معي اربعه ومات واحد
كل ماله يكبر بعينها ...
كمل وهو يناظر فيها :-هذا شغلي وانا متعود على هالعمليات من تقريبا عشر سنوات
انقبض قلبها ...عشر سنين وهو شايل روحه بكف يده ...
قالت وهالسؤال مايفارق تفكيرها :-حبيبي ليه اخترت فرقة الدفاع
التفت يمها وقال وهو يبتسم ويهز كتوفه :- مدري بس شعور في داخلي خلاني انظم لها يمكن لاني تعودت احمي اخواني من ----------------
سكت وكانه يكشف عن شي ماوده يكشف عنه ... كانت سعاد عارفه ليه سكت وعارفه ان امه الدافع الي خلاه ينظم للدفاع المدني لانه كان يحمي اخوانه من بطشها ولعانتها..
لكنه وعدت رنا تحفظ السر وبتحفظه ...
مسك يده بتملك وقالت :-يالله ممكن احوط (اتمشى)
ناظرها احمد :-هههههههههههههههههههههههههه امداك تتعلمين اللهجه الاماراتيه
سعاد :-ههههههههههههههههههههههه ترى كلها كلمه
قال برقه :-تدرين قلبي
قالت برقه مثله :-ايش
احمد :-حبي لك سنين وسنين مو خساره فيك
استحت سعاد وماردت
احمد :- ههههههههههههههههههههههههههه نحوط احسن بدل حياك الزايد
×
×
×
>>>>> في بيت محمد
بالمجلس...
قالت دانه وهي توقف :-يالله اترككم بلحالكم
مسكتها ايمان وهمست :-لاتروحين
لكن خالد سمعها وغمز لدانه تطلع
دانه :-امونه ماراح ياكلك ترى اخوي حبوب
حمر وجه ايمان ...طلعت دانه وهي تضحك
قال خالد برقه :-شدعوه يالغاليه طيب كلميني لو كلمه
ابتسم من حياها
وقال وهو يمد عليها هديه مغلفه:-تفضلي هالهديه البسيطه ويارب تعجبك
قالت بهمس :-تسلم ماقصرت
تخبل خالد من صوتها وهي تحاكيه :-فديت هالصوت الي كنه كمنجه
ايمان ابتسمت من قلب وهي يالله ماسكه عمرها لا تضحك وتفشل عمرها
قال خالد :-عرفت انك دارسه تاريخ ومخلصته
ايمان :-صحيح
استانس خالد لانها ردت عليه :-خلصت سواليفي يالله سولفي
ابتسمت :-ماعندي سوالف سولف انت
خالد :-طيب اساليني عن اي شي تبينه
ترددت شوي وقالت بحيا :-محمد قال لي انك ماراح تبعدني عن امي
ياحبه لها الي كل ماله يكبر لو واحد مكانه كان زعل لان تفكيرها على امها مو عليه لكنه كان مبسوط ومستانس لان زوجته عطوفه وحنونه .. ولان الله بيبارك لهم في ظناهم اذا كتب لهم يجيبون عيال
قال برقه :-غلاي رسولنا محمد صلى الله عليه وسلم قال (الجنه تحت اقدام الامهــــــــــــــــــــات) وانا عند وعدي والله لايحرمك منها يوم
ايمان :-صلى الله عليه وسلم ، الله يسعدك مثل ما اسعدتني
ابتسم من قلب :-هالدعوه عندي بكنوز الدنيا
حمر وجهها اما خالد جلس يملي عينه من جمالها ....
قال بعد شوي :-موعد العرس يناسبك
استحت زود وقالت :-مو كنك مستعجل
(طبعا موعد العرس كان ثاني ايام عيد الفطر .. يعني بعد شهرين بالضبط)
قال يستهبل :-من ناحية مستعجل فانا مو مستعجل بس الا طاير من العجله
حمر وجهها ...
هزء خالد نفسه عشان يخف عليها شوي
قال لان ضميره أنبه :-اذا لك اعتراض قوليلي ومايهمك
ابتسمت :-براحتك
جاء خالد بيرد الا ومحمد داخل ....
محمد :-لا والله يا اخ خالد ماكنك فليتها شوي
خالد :-هههههههههههههههههههههههههههه بدينا شغل الانسباء من الحين
محمد :-ههههههههههههههههههههه افا عليك طبعا
وقفت ايمان ...بتطلع قال خالد وهو يوقف :-وين تو الناس
قالت بحيا :-اسمح لي بطلع
خالد :-لو بيدي كان ما وافقت بس حكم القوي على الضعيف مقدر ارد لك طلب
طلعت ايمان من المجلس بسرعه ومحمد يضحك من خالد ... الي ماعبره ويغازلها عيني عينك
محمد :-اقول يا عنترة زمانك الوالد وعمانك كل دقيقه يسالوني عنك
سوى فيها معصب ومرتاع :-عليك السلام ياخالد لا والله ان تفضو لك الشياب لتروح في خبر كان
محمد :-هههههههههههههههههههههههههههههه رح لهم بروح اجيب قهوه جديده جو ضيوف زياده
خالد يستهزء :-الحين من عقب شوفة هالقمر تبيني اجلس طول الليل اتمقل في الوجيه السمحه الي هناك
محمد :-ههههههههههههههههههههههههههههههههههههههه
خالد :-هههههههههههههههه يالله رايح احمد ربي ان فهد هنا موجود
محمد :-ماكنك نسيت ان راكان هناك وانا وسعود
خالد :-هههههههههههههههههههههه لا ياشيخ مانسيت لكن انا ما اجلس مع ثلاثينيين
محمد :-ههههههههههههههههه لا والله يالصغيرون
خالد (مسوي يتمصلح) :-كلش عاد ولا ابو نسب
محمد راح يمشي للباب :-هههههههههههههههه حلوه المصالح
خالد وهو يروح للباب الي يودي لمجلس الرجال البراني :-هههههههههههههههههههه لازم مصالح
×
فتح محمد باب المطبخ الثاني الي يطل على قسم الرجال وتحديدا الصاله الي يقدمون فيها الاكل ...
دخل بدون مايلتفت ....
الا ويشده هالصوت ...
" القهوه سامجه من مسويها "
الشغاله :-انا
"ياحظي فيك ---"
هزت الشغاله راسها مو فاهمه ولا كلمه ...اما محمد جلس يضحك بصوت واطي
"جيبي الهيل والزعفران الحين "
رفع نظره الا ويطيح على ظهر بنت شعرها طويل فاتح وجسمها مليان لكن حلو وكانت لابسه تنوره جينز وبلوزه سوداء ساده موديلها من فوق افريقي ولابسه عقد طبقات طويل روعه يشوفه يتحرك لاتحركت وهي تشتغل ...
نادى صوت من برى :-هنـــــــادي
"هنا بالمطبخ "
تخبل محمد هذي اجل هنادي الي صدمت فيه بالمستشفى قبل شهر تقريبا...التفتت وطاحت عينها بعينه
تخبل محمد من الي يشوفه قدامه ...
ماعرفت اني على نفسي جنيت
ولاعرفت ان النواظر جارحات
يوم شفت الخل من شوفه ابتليت
يا الهي صرت مدرك ع الممات
في حياتي مثل شخصه ما رأيـت
ماكذبت ان قلت سيد السيدات
طار بي شوقي وعلى صوته انتشيت
قمت الحن على اوتار العازفات
طحت في بحر الغرام ولا نجيت
الله يستر من ايامي المقبلات
*
انصدمت هنادي صدمة عمرها ...هذا هو نفس الرجال الي صدمت فيه بالمستشفى كيف تنساه وهو مافارق خيالها لحظه وحده
ركضت بسرعه برى المطبخ وقلبها يرقع ...
منال :-بسم الله كنك شايفه سكني
قالت هنادي ووجهها احمر وترتجف بهمس :-منال شفته هو هو ماغيره
منال مافهمت ولا كلمه :-هنادي هدي مو فاهمه منك شي
سحبت هنادي نفس طويل وقالت وهي تحس بقلبها يضرب :-تذكرين الرجال الي صدمت فيه بالمستشفى
منال :-فارس احلامك الخيالي علامه
هنادي :-ماراح تصدقيني
منال تحمست :-هنود قولي لا الفعك
هنادي :-ههههههههههه تخيلي شفته بالمطبخ
منال :-هاااااااااااه
هنادي :-هاه ايش اقولك شفته بالمطبخ تو ..
منال :-متأكده
هنادي :-ايه متاكده هو انا اقدر انسى شكله
منال :-هههههههههههههههههههه لا يالمحظوظه مالت علي
غمزت لها هنادي :-والله وصرنا نعرف نحب
حقرتها منال :-طيب عرفتي من وش اسمه
هنادي تذكرت :-لا ياخساره
الا بجية ايمان اخت محمد :-هاي بنات
هنادي :-اهلين هلا وغلا
ايمان :-وراكم واقفين هنا
هنادي :-ضبطت قهوة الرجال وبطلع الصاله الحين
ايمان :-اشوى انك شفتيها قبل لاياخذها محمد اخوي الشغاله الهبلا ماتعرف تصلح القهوه
ابتسمت منال وفهمت هنادي حركتها ..
كملت ايمان الي غافله عن تلميحاتهم :-بروح اشوفه جا ياخذها
وراحت للمطبخ ...
قالت منال بهمس عشان ماتصارخ من الحماس :-من قدك هنود عرفنا هوية فارس احلامك
هنادي :-ههههههههههههههه شفتي الحظ
مشوا للصاله ولحقتهم ايمان قبل لايدخلون قالت منال (تسوي معروف لهنادي ههههههه الي بتموت فضول) :-هاه اخذ اخوك القهوه
ابتسمت ايمان :-قالت لي الشغاله انه دخل واخذها
ابتسمت منال من شكل هنادي الي بتشقق من الفرحه
شافت دانه ملامح هنادي وعرفت ان فيه شي :-شوي شوي لاتتشققين من الوناسه
هنادي :-هههههههههههههههههههههههههه لو تدرين مالمتيني
دانه :-طيب علمني عشان مالومك
التفتت هنادي يمها :-تذكرين فارس احلامي الي علمتك عنه
دانه :-هههههههههههههههههههههههههههه راعي الاسواره
هنادي :-ههههههههههههههههههههههههههههه ماغيره
دانه المبتسمه :-علامه
هنادي :-تخيلي بس من يكون
تحمست دانه :-عرفتي هويته
هنادي :-ايه
دانه :-من
هنادي :-حزززززززززززري
دانه :-يوووووووووووووه من
هنادي :-محمد
دانه :-محمد من------------اوه صديق حبيب البي
هنادي بخبالها المعتاد :-ايوه صديق حبيب البي (ضربتها دانه على يدها) احمممممممممم اقصد حبيب البك
دانه :-ايه اعقلي
هنادي :-ههههههههههههههههههه انا بوادي وهي بوادي
دانه :-هههههههههههههههههههههه كلش ولاركوني والحين علميني وين شفتيه
هنادي علمت دانه بالسالفه من الاول للاخير
دانه :-ههههههههههههههههههههه سبحان الله تذكرين مو قلت لك اذا ربي كاتبه لك بتجتمعون
قالت هنادي بجديه :-طبعا اذكر وانا صدق انه دخل قلبي من ذاك اليوم الا اني مو مهووسه به يمكن يكون من نصيبي وينقذني من العنوسه ويمكن لا
دانه :-ههههههههههههههههههههههههههههههه الي يسمعك يقول صافقه الخمسين
هنادي :-ههههههههههههههههههههههههههه زوجوني تنحل عقدتي
دانه :-هههههههههههههههههه خلينا نخلص من زواج خالد ونتفضى لك بعدين
هنادي :-الا على فكره مرة اخوك تجنن ناعمه مره ...
دانه :-ايه ماشاء الله عليها
قالت هنادي وهي تناظر قمر الي تسولف مع رنا:-الا دندون ليش احس قمر مو معنا اليوم ومتضايقه
ابتسمت دانه :-بُعد حبيب القلب عامل عمايله كل ما كلمها فكت مناحه على امي المسيكينه
هنادي :-ههههههههههههههههههههههههههههههه ياحسرتي عليك ياهنادي محدن يحبك
دانه :-هههههههههههههههههههههههههههههه احمدك واشكرك يارب ...
هنادي :-الا على الطاري مافيه شي بالطريق
حست دانه بغصه :-لا للاسف
هنادي :-الحمد لله وليش مكتئبه توك متزوجه ..
دانه :-هنادي لي اكثر من خمس شهور متزوجه وللان ماحملت ..
هنادي :-لاتوسوسين .. شوفي الماس من متى متزوجه ومتى حملت
حاولت دانه تبتسم وقالت :-على كثر ماكرهت اجيب عيال وانا في ذمة ------------ انت عارفه من كثر كرهيله ما احب انطق اسمه ،على كثر ما تمنيت كل لحظه ودقيقه اجيب عيال من راكان
ابتسمت هنادي ترفع معنوياتها :-يالله لاتقلبينها نكد وربي بيرزقك بالي تمنين
ابتسمت دانه :-يجيب الله فرج اصلا انا بكلم راكان في هالموضوع لا شفت فرصه مناسبه
هنادي :-مو كنك بتستعجلين
دانه :-لا انا متاكده من الي اسويه
هنادي :-الله يقدم الي فيه خير وتجيب لنا راكان صغيرون
دانه :-ههههههههههههههههههههههههههههه قولي ان شاء الله
هنادي :-ان شاء الله
دق خالد على دانه...
خالد :-هلا دندون تراني دخلت عشاكم مع محمد للمطبخ
دانه :-تسلمون خلوّد
خالد :-يالله سلام
دانه :-سلام
وقفت دانه قالت هنادي :-خير
دانه :-العشا وصل
وقفت هنادي وراحـــــــــــــــت معها للمطبخ .. وبعد شوي لحقتهن قمر وايمان ورنا ومنال والماس
ناظرت هنادي :-هههههههههههههههههه ماشاء الله وش هو له هالجمهور
وكملت وهي تخز الماس الي كانت لابسه لبس حمل يجنن :-وانتي يادوبه رجلك صاجنا بالتعليمات روحي اجلسي لاتولدين علينا
الماس :-هههههههههههههههههههههه انا دوبه وبعدين ويني ووين الولاده تو باقي
هنادي :-والله انتي عكس خلق الله اتوقع منك اي شي
البنات :-ههههههههههههههههههههههههه
دانه بحنيه (تستهبل على الماس) :-اقول لاتحرقين دم اختي ماتشوفينها بتنفقع من الحمل
هنادي :-هههههههههههههههههههههههههههه كفك
ومدت دانه لها كفها :-هههههههههههههههههههه
الماس وهي تناظرهن بنص عين:-خفيفات دم اشوف فيكن يوم
هنادي من قلب :-اللهم امين عاجلا غير اجل
دانه :-هههههههههههههههههههههههه انتي شاربه اليوم شي
البنات :-هههههههههههههههههههههههههه
×
×
×

><في الجامعه><
كلمت دانه هنادي :-الو يا اخت هنادي وينك
هنادي :-توني مخلصه محاضره انتي وينك اخاف عندك محاضره ماتقابلنا من اليوم
دانه وهي تعدل نظارتها :-لا ماعندي الا محاضره وحده وخلصتها
هنادي :-عندك off اليوم مثلي
دانه :-ايه
هنادي :-اوف حر الا انتي وينك بالمكان الي دايم
دانه :-ايه
هنادي :-اوكي جايه خمس دقايق
جلست دانه تشرب عصير وتنتظر هنادي كان الجو حر رفعت شعرها بشباصه عشان تبرد شوي رفعت نظرها الا ويطيح على اخر وحده تتمنى شوفها بهالكره الارضيه
ساره :-لايكون تفكرين تطرديني من هالجامعه تحسبينها جامعة ابوك
ناظرتها دانه باحتقار وهي ترجع ورى وتعقد يدينها على صدرها :-ليش اطردك الامن يعطونهم رواتب ليه عشان يطردون الناس الي ماوراهم الا الفرفره وازعاج الناس
انقهرت ساره من برودها ومن ثقتها بنفسها ..
قالت ساره وهي تأشر على بنتين معها مسترجلات وضخمات اشكالهن تخرع :-ماعرفتك على صديقاتي
ناظرتها وحده بنظرات مو طبيعيه وقالت بصوت كانه صوت رجال :-وش هالجمال كله ماقدر الا احسد زوجك
صرخت ساره :-حمد احم اقصد حمده انا جايبتك تتغزلين فيها
تقززت دانه من الشذوذ الي تشوفه ووقف شعر راسها ..
الا وبجية هنادي الي قالت باستحقار :-الا من اشوف مشرفنا بجامعتنا العجوز الشمطاء سوير
انقهرت ساره من كلامها وقالت وهي تناظر في دانه بكره :-الوعد قريب وانا ساره
وراحت بسرعه ..
جلست هنادي :-شتبي ذي اي مصيبه حذفتها علينا
دانه :-يعني شتبي طردتها من بيتي وجايه تنكد لي عيشتي بهالجامعه
هنادي :-من هالمسترجلات الي معها قلبي ناغزني منهن
دانه :-صديقاتها على قولتها بصراحه مقرفات وحده تتغزل فيني عيني عينك تقول (تقلد صوتها الخشن) وش هالجمال كله ماقدر الا احسد زوجك
اختبص قلب هنادي وارتبش :-دندون حنا مو بأي جامعه حنا بجامعة الملك سعود والجامعه كبيره حيل وانا خايفه عليك
دانه بدا الخوف يتحرك بقلبها :-ماراح تمنعني سوير اكمل دراستي هانت هنود .. كلها كم شهر واخلص الترم الي باقي لي واتخرج
×
×
قالت ساره :-راح اعطيك عشرين الف ان شوهتي وجهها لي تشويه ما يعالجه الجني الازرق
حمده او حمد زي ماتحب ينادونها :-اعتبريها تشوهت من الحين
ابتسمت ساره بفرح ووناسه :-ماقد اعتمدت عليك وخذلتني يا هههههههه حمد
وطلعت عشر الاف وعطتها لها :-شوفي شغلك
وراحت ساره ...
قالت حمده لصديقتها :-شرايك
صديقتها :-هههههههههههههه مخفه تدفع عشرين الف بس عشان الغيره
حمده :-تعرفين ساره مريضه نفسيا
صديقتها :-بتسوين الي تبي
حمده :-اكيد صح انها مريضه نفسيا ولكن ينخاف منها وحنا مو قدها
وناظرت دانه من بعيد وقالت وهي تقزها :-ولو انه حرام هالوجه الي مثل القمر يتشوه
صديقتها :-ههههههههههههههههههه كل شي عشان the money يهون
حمده :-هههههههههههههههههههههه صدقتي
صديقتها :-متى طيب
حمده :-انا شيكت على جدول محاضراتها عندها يوم الاربعاء محاضره وحده صباحا نقدر نمسكها لاطلعت من القاعه ونشوف شغلنا
صديقتها :-تمام الوعد اخر الاسبوع
×
×
×
وقفت هنادي :-يالله دندون جاء السواق بطلع لا تنتحر منال
دانه :-هههههههههههههههههههه خذيني معك اكيد سواقي جا
هنادي :-يالله مشينا ..
طلعت دانه مع هنادي وشافت راكان واقف ينتظرها جنب سيارته بالمكان الي تعودت يوقف سواقها فيه
راكان :-ياهلا وغلا
ابتسمت وكانت بتشقق من الوناسه :-راكان بن عبدالرحمن بجلالة قدره جاي ياخذني
راكان :- هههههههههههههههههههههههههههههه كم دانه عندي ماعندي الا وحده
وركبوا السياره ....
ماشغل راكان سيارته وكان يناظر قدام مصدوم
دانه بخوف :-راكان علامك
راكان :-مو ذي سيارة عمي حمد
دانه :-ايه
ناظرها راكان :-وش السالفه
دانه :-حبيبي خلنا نمشي واعلمك بالطريق بكل شي
وفي الطريق علمته بكل شي ..
راكان بينجن :-عز الله مو صاحيه بنت عمي
دانه :-متخلفه ماعليك منها
راكان :-شلون شعلي منها هذي مجنونه وماتخاف الله
قالت بعناد :-راكان انت الي اصريت علي اكمل هالترم واتخرج
راكان :-وانا مازلت مصر للان وساره دبرتها عندي
التفتت دانه يمه:-وش بتسوي
راكان (كان يفكر ويفكر بما انه يعرف طبع ساره المريض ) :-بجيب ثنتيت يحرسنك لين تخلصين
انهبلت دانه :-سايبه الدعوه راكان ترانا بالسعوديه كيف تجيب لي ثنتين يحرسني ممنوع
رفع حاجب :-ماعليك من هالشي من بكره بيكون معاك ثنتين يحرسنك
دانه :-حبيبي مستحيل امشي في الجامعه ومعي حرس ما احب المظاهر
ابتسم :-مو مشكله بيكونن معك من بعيد لبعيد
دانه :-بس---------------------
قاطعها :-الاحتياط واجب وكلها كم شهر وتتخرجين
عرفت دانه ان راكان مصر على رايه والاعتراض ماراح يجيب نتيجه معه يمكن حتى كلامه ريحها من الخوف الي تحرك بصدرها من وعيد ساره ..
قالت بتغير الموضوع :-قلي ياقلبي كيف قدرت تترك شغلك وتجيني
ابتسم :-افا عشان دندونتي مافيه مستحيل
دانه بتشقق من الوناسه :-ههههههههههههه طيب علمني كيف قدرت تخالف مبادءك وتجيني هالحزه الي المفروض انك فيها بالشغل
غمز لها :-ببساطه اجلت موعد استراحة الغداء لموعد طلعتك من الجامعه يعني صرت اقدر اطلع واجيبك بنفسي من الجامعه ونتغدى سوى
يلومونها يوم تحبه ... حتى كلمة تحبه في حقه قليله ماتوفي ...
كمل يسالها :-هاه غير النكد بشوفة سوير كيف كان يومك
كيف ينتشلها من حالة الاحباط والزعل .. لعالم بس تضحك وتستانس فيه حتى اصعب الامور دايم يهونها عليها ...
ضيقتها في الي صار لاختها الماس ... كان دايم هو واقف معها وما احتاجت في يوم لاحد كثره .. ولا فضفضت وارتاحت لاحد مثله ..وجوده اغناها عن الكل وخلاها في حالة اكتفاء ...
في حالات الاحباط...في حالات الالم ... في حالات الحزن والاه...
من يشفيها ويفرح قلبها غيره....
12 سنه تفصل بينهم ... لكن عمر طول المسافات مابعد بين القلوب العاشقـــــه
كان قبل كل شي ..نعم الاخ والصديق .. حكمته وخبرته تلاقن مع خبرتها رغم صغر سنها ..
ماساه وصدمه وخيانه مزدوجــــــــــــه .. مصايب ضربت حياة كل واحد منهم قبل لايلتقون ..
رب ضرة (ن) نافعه وحكمة الله في زواجاتهم الاولى .. كانوا نصفين كل واحد يكمل الثاني باطباعه ومواصفاته واخلاقه ..
ابتسمت وقالت :-ههههههههههههههه غير النكد وغير الحر الي يخنق كل شي تمام التمام ..
ابتسم راكان :-الحمد لله ..
×
×
*
*
>>>>>>>>> في شركة راكان
قال محمد لراكان :-ابو فيصل
رفع راكان راسه عن شاشة الكومبيوتر :-نعم
محمد :-باخذ شورك في موضوع
راكان :-تفضل
محمد :-انا نويت اعرس
انصدم راكان :-هههههههههههههههه جد ولا مقلب
محمد :-هههههههههههههههههههه جد جد مو مقلب
راكان مصدوم :-غريبه لك سنين وانت رافض تتزوج
محمد :-من عاشر القوم
راكان :-ههههههههههههههههههههههههههه على الاقل انا جربت حظي وتزوجت خابت بالاوله وصابت بالثانيه
محمد :-الله يسعدك دوم
راكان :-تسلم من سعيدة الحظ
ابتسم محمد :-هنادي بنت ناصر بن سبع
انصدم راكان زود :-ههههههههههههههههههههههه والله وما انت بهين يا محمد بنت عم مدامتي
محمد :-هههههههههههههههههههههههههه ايه بنت عمها
راكان :-طيب وش تنتظر توكل على ربك والله بنات هالعايله بنات رجال والي ياخذ منهن ماهو بخسران
محمد :-ناوي ان شاء الله وخصوصا اني خليت الوالده تسوي تحريات عنها والبنت ماهي لاحد للان
راكان :-موفق ان شاء الله
محمد :-تسلم الوالده منتكسه صحتها شوي لاتعافت خطبتها
راكان :-على بركة الله
×
×
×
×
><بيت ابو احمد><
دخل طلال بيت ابوه الي يكرهه بسبب فعايل امه .. لكن ابوه في اجازه ومايقدر يكلمه الا هنا ..
صحيح انه له كم اسبوع من يوم ماطلع من المستشفى لكنه للان باقيه فيه اثار الحادث ورجوع نظره له مره ثانيه ..
دخل داخل وحسب ساعته ..اكيد ابوه موجود هنا واحسن مافي وقت جيته انه بين الصلاتين المغرب والعشاء يعني يقدر يتحجج بالصلاه ولاطلع يصلي مايرجع مره ثانيه هنا ، سبحان الله كيف ان هالبيت الي ضم سنين طفولته وحياته مصدر حزن وضيق له .. حتى ذكرى جدته الغاليه ماخففت من كرهه المتزايد لهالمكان ...
لقى ابوه وامه يتقهوون بالصاله ..
طلال :-السلام عليكم
الكل :-وعليكم
ابوه :-وينك يبه ماتنشاف
ابتسم طلال بعد ماحب على راس ابوه :-يبه مو انا مارك بالشركه قبل يومين
ابوه :-الشركه غير وبيت ابوك غير كلكم رحتوا وتركتوني احمد ورنا تزوجوا وناصر سافر لتبوك يشتغل
دخلت نوف :-وانا يبه مالي رب
ابوها كان معصب للان منها وخصوصا ان لها عنده قرابة الشهر ونص :-الي تعصي زوجها ماهي ببنتي
قالت بقوه :-ماعصيته
عصب ابوها:-اجل اشرحيلي ليش جابك هنا وانتي مالك اسبوعين من يوم ماتزوجتي
نوف بوقاحه :-ورى ماسالته
عصب طلال :-انتي مافي وجهك حيا تردين على ابوك بوقاحه
ام احمد كان الغيض يكمدها لكنها خايفه من زوجها لاتكلمت يطلقها طلاق نهائي عشان كذا سكتت ..
نوف قالت وهي تحقره :-انت مالك دخل
صرخ ابوها فيها :-انقلعي غرفتك لا اشوف وجهك
وطلعت بسرعة الصاروخ ...
شوي الا وامها وراها ...
ابو احمد :-ذلفة مردي
اكتئب طلال لان جيته ضاعت بسبب نوف الي عكننت مزاج ابوه
قال ابوه :-الله يحرق دمها من بنت
طلال بحنيه :-هد اعصابك يبه صحتك بالدنيا
ابوه :-الله يرضى عليك يبه ...
سكت طلال وهو يتحسر على خيبت مجيته لابوه .. بينما ابوه كان يمعن نظره فيه ..
ابتسم ابوه :-بغيت شي يبه حاس ان عندك كلام ودك تقوله
ابتسم طلال :-احساسك بمحله يبه بس انت الحين متنكد وزعلان اخليها يوم ثاني
ابوه :-لا قل الي عندك والله ما يزين خاطري الا علومك انت واخوانك وحبيبة قلبي رنوي والا نويف نسخة من امك بلاني الله بها
سكت طلال شوي وقال :-يبه انا نويت اعرس وابيك تخطب لي
انشرح صدر ابو احمد :-يوم المنى يبه بس انت ناسي ان اخوك ناصر ماتزوج للحين وهو اكبر منك
طلال :-يبه ناصر الحين همه في عمله وشغله موضوع الزواج ماهو في راسه والا انا مستقر في عملي من زمان وقادر افتح لي بيت واكون عايله وبصراحه خايف البنت الي ابيها تروح من يدي
ابوه :-هههههههههههههههههههه مستعجل
طلال :-هههههههههه ايه بزود
انتبه ابوه لشي رغم صغره الا انه كبر قلبه وملاه بالفرح والسرور:-انت قايل لاخوك ناصر قبل لاتقول لي
انحرج طلال وخاف ابوه يزعل ..
ابوه :-الله يرحم تراب امي الي ربتكم على التواصل والتراحم خلاص يبه مدام اخوك ماعند مانع انا بعد ماعندي مانع من البنت الي تبيها
طلال :-منال بنت عمي ناصر
تهلل وجه ابوه :-ونعم الاختيار منى عيني تاخذون من بنات عمانكم وربي حقق لي امنيتي بس هنادي
طلال :-شفيها
ابوه :-مايصير تتزوج اختها الي اصغر منها قبلها ورى ماتتزوجها عماركم متقاربه
طلال :-لا يبه انا ابي منال ولاّ هنادي ماعليها قصور اهم شي املك على منال ولا اخطبها بس وننتظر هنادي لين تتزوج مو مشكله ..
ابوه :- ونعم الشور الحين ادق على عمك ابو خالد وبكره نروح نخطبها لك
حب طلال على راسه :-الله لايحرمنا منك يبه
ابوه :-بالتوفيق ياولدي
ووقف...:-يالله يبه الصلاه مابقي عليها شي وتقام خلنا نمشي للمسجد وقف طلال ومشى معه
*
*

>>>>>>>في غرفة نوف
قالت بعصبيه :-يالله يمه واضحه وضوح الشمس ابوي يكرهني
امها :-كلام فاضي مافيه ابو يكره عياله
نوف (تستهزء) :-لاتقولين لي مافيه ام تكره عيالها لانها نصبه
فهمت امها قصدها وارتبكت :-لا مو نصبه بس اخوانك غير
نوف :-هه وش مميزهم
امها بحقد :-لما تزوجت ابوك وجبت اخوانك الكبار كنت مادبر شي في البيت ولا الامومه والصراحه ماكنت ابي عيال ماحس باي شي يحثني اجيبهم يمكن لاني تزوجت ابوك لانه ولد عمي والا انا مابيه
انصدمت نوف .. كملت امها :-المهم كلن كان داري ومحد حبني واصلا ماهموني لكن لما ابوك شاف قلة اهتمامي باخوانك بنى لنا بيت جنب بيت جدتك وخلاها تربي اخوانك وصاروا معتبرينها امهم اكثر مني ولما ماتت كان احمد مراهق واخوانك يطيعونه ويحبونه وكانوا مايطيقوني بعيشة الله لدرجة ان احمد جلس ببيت جدتك لين باعوه عمانك لان موقعه كان على شارع والبلديه تبي تهدمه .. حتى ان احمد جلس زعلان كم شهر بعد هدم البيت واخوانك مثله لارضى رضوا ولازعل زعلوا .. وكبروا كذا ..
نوف :-طيب ليش ربيتيني انا
امها :-انتي اخر العنقود وحبيت اثبت لهم اني اعرف اربي احسن منهم وماخابت تربيتي طلعتي نسخه مني
نوف :-هههههههههههههههههههههههههه كربون مو نسخه
تذكرت امها :-اقول ابوك ماثارت مجنته شكل رجلك ماعلمه انه مطلقك وماعلمه بالسبب
نوف :-حتى انا لاحظت هالشي
امها :-العده مابقي عليها شي وتنتهي تلحلحي
ابتسمت نوف :-هه راقبيني ووعد اكون بكره ببيتي ...
امها :-هههههههههههههههههههههههههههه فكرتك جهنميه اتحداه ان لقى لها حل والله لينتحر
نوف :-هههههههههههههههههههه يكون احسن ولا المدام الي خايفين عليها كانها اول وحده بالعالم تحمل، لما تسمع الخبر بتموت
امها :-ههههههههههههههههههههههههه متى نويتي تنفذينها
نوف :-بعد بكره انت مو سمعتي تو طلول يبي يخطب منال الزفت يعني ابوي مو فاضي لي بكره ومنها فرصه انشر الخبر بين رفيقاتك يمه وربيعاتك الي يحبن البربره
امها:-اخ من طلول مالقى الا منالوه مالت عليه بس مو معهم توقيتك نعم التوقيت الله يستر من زوجك لايفقد اعصابه ويذبحك اما ربيعاتي لاتشيلين هم ثواني وينتشر الخبر هههههههههههههه
نوف :-هههههههههههههههههه عز الطلب ، اتحداه بيطيح في ورطه مالها حل
امها :-من كل قلبي اتمنى اشوف وجهه لاعلمه ابوك
نوف :-ههههههههههههههههههههههههه وانا بعد
&&&&&&&&&&&
(الجزء الثالث)
><بيت ابو سعود><
قال ابو سعود لام سعود :-اليوم بيسير علينا اخوي نايف
استغربت ام سعود من متى زوجها يبلغها بزيارات اخوانه
قال ابو سعود يوم شاف حيرتها :-جايين يخطبون لطلال
اشرق وجه ام سعود :-والله لهنادي
ابو سعود :-لا لمنال
كئبت شوي وقال ابو سعود :- حرام نقطع برزق البنت وهناي بيجيها نصيبها متى مالله كتب
ام سعود :-عارفه بس كذا تكسر قلب هنادي
ابو سعود :-لاتخافين السالفه بس خطبه وبتكون بيننا ومحد بيدري وراح نعلن لا جا نصيب هنادي شرايك ومنها حتى تكمل منال دراستها توها صغيره
انشرح قلب ام سعود احيانا تعجبها تصرفات ابو سعود :-اذا كذا مافيه مشاكل وعداكم العيب
ابو سعود :-طيب علمي منال وشوفيلي رايها اخواني على وصول وماودي احيرهم بالرد
وقفت ام سعود :-ابشر
×
دخلت منال غرفة هنادي ووجهها مولع
هنادي :-خير
منال مرتبكه وحالتها حاله :-طلال تحت بيخطبني
هنادي ما استوعبت :-يخطبك (تو تستوعب صارخت ) يخطبك مبروووووووووووووووووووووووك
منال :-هههههههههههههههههه ترى خطبه عاديه
هنادي :-شلون خطبه عاديه
منال :-الاخ طلال اقترح بما انك لسى ماتزوجتي يكون موضوع خطبتنا كتامي
انهبلت هنادي :-لاتقطعين بنصيبك عشاني
منال بهبال :- وش اقطع وما اقطع خلاص انخطبنا لبعض وبنروح نحلل عشان ماننتظر بعض على الفاضي وبعدين نطلع مو متناسبين هههههههههههه
هنادي:-بس-----------------
قاطعتها منال :-هنوده انتي عارفه ان هذي اول سنه لي بالجامعه يعني ودي استقر وش معجلني
هنادي بجديه :-مدري
منال :-هنوده ياشينك لا صرتي جديه
هنادي (رجعت لهبالها) :-ههههههههههههههههههههههه الله يبلشك وراي بحث لازم اقدمه وانتي شتتي تفكيري وخليتني اعود لواقعي المرير كعانس
منال :-هههههههههههههههههههههههههه منتي بصاحيه
×
>>>>>>>>بمجلس الرجال
قال ابو سعود :-الف مبروك ياولدي
طلال :-الله يبارك فيك
ابوسعود :-باقي بس الفحوصات الله يتمم لكم على خير
طلال :-اللهم امين
كان احمد حاضر وسعود كل واحد بارك له ...
قال ابو خالد :-مبروك ياولدي
طلال:-الله يبارك فيك ياعمي
قال سعود يكلم احمد :-متى وصلت يا احمد
احمد :-امس
ابتسم سعود :-شكل الجلسه بدبي اعجبتك
احمد :-والله ترد الروح لولا ان اجازتي بتنتهي والا كان مددت جلستنا هناك
×
×
اليوم الثاني
><ببيت ابو سعود><
طاح جوال سعود من يده ...
كان مع الماس بغرفتها جالسين يسولفون
صارت تجلس كثير بغرفتها لانها صايره تتعب بسرعه من حملها
خافت الماس :-سعود علامك
سعود :- -------------
صرخت بخوف :-سعود تكفى علامك
قال سعود بلهجه مقطعه مصدومه :-نوف حامل
ناظرته الماس بصدمه كبيره :-هاه
سعود وهو لسى مصدوم :-حامل
خنقتها الغصه وقالت وهي ترتجف من قوة الجرح :-ماهقيتها منك يا الغالي ليتك على الاقل ماعشمتني
سعود :------------------
سالت دموعها وصارت تمسحها بعناد ..
قال ووجهه اسود مكفهر :-الماس ما اخلفت بشي من الي قلته لك
زادت دموعها :-على الاقل اعترف مو تنكر
قال سعود بقوه وقهر:-ورب الكعبه ماقلت الا الصحيح
رفعت راسها له تعرف سعود لا حلف مايكذب ناظرت عيونه وماشافت الا الصدق
قالت بحيره :-طيب كيف ---------------
فتحت فمها وهي تفهم اخيرا ....صرخت :- لا مستحيل
نزل سعود راسه :-فضحتنا وجابت لنا العار
مسكته الماس تهزه :-سعود انت متاكد من كلامك
ناظرها :-عمي مبلغني تو انها حامل
هزت راسها ولاول مره نست غيرتها ودعت ربها تكون حامل منه ولاتجيب لهم العار :-مافهمت قصدي
ناظرها .. وفهم كلامها قال بعصبيه وهو يوقف :-الماس وربي ، وربي وجلالته وقدره مالمست منها شعره
انغمت الماس :-سود الله وجهها ياويلي مصيبه
اخذ سعود شماغه ..
وقفت الماس بالعله ومسكته :-وش نويت عليه
سحب نفس وكلم نفسه "ثواني ثواني استحمل هدي زوجتك لايصيبها مكروه ورح شفلك حل من ورى هالمصيبه"
قال بهدوء :-لاتنفعلين انتي حامل وصحتك ضعيفه بروح اشوف الموضوع وبكلمك
كنها ارتاحت شوي لما جا يطلع مسكته مع يده :-لا تتظاهر قدامي بالهدوء حبيبي انا مو غشيمه عنك وعن اطباعك انت ماتنلام لكن كل الي اطلبه ماتنفعل وتتهور واذكر انك بتكون اب خلال شهرين وان ولدك وامه محتاجينك
يمكن كلامها هدا نفسيته شوي..لكن نار الحميه تستعر بقلبه,,!!
وطلع بسرعه
وقف عند باب سيارته .. وقلبه بسرعه ينبض
مصيبه مصيبه طاحت على راســــــــــــــــــــــــــــــــه
فتح درج سيارته وطلع مسدسه وهو يناظر فيه ...
يذبحها ويمحي عارها والا وش يسوي ..حاول يهدي نفسه لايتهور ويخلي اسم عيلته على كل لسان وزي ماقالت الماس بيجيه ولد وهو محتاجه..
سنين عاشوها بفخر وروسهم بين خلق الله مرفوعه .. وجا اليوم الي مثيلات نوف يوطن روسهم بالتراب ..
صحيح انه اخطا بحقها لكنها كانت تعرف انه مايبيها ومغصوب عليها ووافقت عليه ..وهالشي مايعطيها العذر انها تجيب لهم العار
ركب سيارته وطار لبيت عمه .. وكلماته تتردد براسه..
[[نــــــــــــــوف حامل]]
×
وصل سعود بيت عمه ووجهه ما ينتفسر ..دق الباب وفتح له عمه
سعود :-السلام عليكم
عمه :-وعليكم السلام هلا ياولدي تفضل
دخل سعود المجلس ومن حسن حظه ماكان فيه احد ..
بدا عمه بالكلام بعد ماجلسوا :-يبه انا مدري عن الي صار بينكم بس انت بتصير ابو فكر في ولدك والقرار الي تتخذه بحترمك فيه وماراح اناقشك لكن اعدل بين زوجاتك
كانت جبهته عرقانه ويرجف حتى مفتاح السياره الي ماسكه بقوه جرح له كفه ، يخاف لاتكلم تطلع نيران جوفه وتحرق كل شي ..
استغرب عمه شكله وسكوته ماهو سعود الي يعرفه فيه شي يامريض يا فيه مصيبه
قال عمه باهتمام :-علامك ياولدي
رفع سعود راسه الي يظن انها اخر مره بينرفع فيها بوجه رجال :-لا ياعمي سلامتك بس تعبان شوي
عمه :-سلامتك
قال سعود بهدوء وهو يردد في نفسه (لاتنفجر لا تفضح عمرك وتذبح عمك ) :-ماعليك امر عمي قل لنوف تاخذ اغراضها وتطلع بنرجع بيتنا بس قبل ياعمي بعلمك تراني مطلقها طلقه
انصدم عمه :-مطلقها ليه
سعود :-ماعلينا ياعمي سالفه خاصه بيننا وانحلت خلاص
ارتاح عمه لان الازمه انتهت وبنته بترجع بيت رجلها وماخفى هالشي على سعود الا زاد نيران حقده وغضبه بصدره
طلع عمه وبقى سعود بالمجلس ..
الا وجواله يدق لينه رقم امه جحد ماله وجه ولا اخلاق يرد على احد لكن الجوال مابطل وهو يرن خاف يكون شي ضروري :-هلا
امه :-هلا يمه وينك
سعود :-ببيت عمي نايف خير صاير شي
قالت امه بعتب :-الحين ندري من الناس ان نوف حامل وانت ماتعلمنا
من قال ان الصدمه تشل كل شي حتى اللسان عز الله ماكذب ،
قالت امه :-سعود معي
قال بصوت منجرح متصدع :-ايه
امه حست بشي غلط :-ورى ماترد
سعود :-كيف عرفتي بحمل نوف
امه وهي ماتدري انها تزيد ناره حطب :-ابوك علمني لان واحد من جماعتنا بارك له هههههههههههه اخاف يحسدك لانك بتصير ابو مرتين هالسنه
كملت امه وهي تزيده حقد وغضب :-بعدين تعرف حركات الحريم الخبر ينتشر بينهن بسرعة البرق
ماقدر يتحمل اكثر من كذا :-يمه اكلمك بعدين معي مكالمه ثانيه
امه :-طيب لاتدق على البيت بنطلع دق على جوالي ولاتتاخر على الماس..
وسكرت الجوال ...........
×
>>>>>بغرفة نوف
قالت نوف تهمس لامها عشان ابوها مايسمع :-قلت لك بيجي وجا
امها مبسوطه :-ههههههههههههههه ورطه كبيره الله يعينه
نوف :-احسن ضربتي هذي عن كل الي سواه فيني يستاهل
قاطعهن ابوها :-صار لك نص ساعه عجلي
اخذت اغراضها وعطتها للشغاله ولبست عبايتها ...:-جاهزه الحين
قال ابوها قبل لاتطلع :-لا اوصيك على سعود
نوف باستهزاء :-ان شاء الله
طلعت على طول لسيارة سعود وسنترت قدام معه ..طلع سعود وهو يحس بالارض تدور تحت رجلينه وبصدره يكبر ويكبر كأنه بركان يستعد بينفجر ، ماقدر يتكلم بحرف واحد الخزي والفضيحه الجموا قدرته على الكلام
لحقهم ابوها بالسياره وراحوا للمحكمه وخلصوا كل شي يختص برجعتهم لبعض مره ثانيه
وصل للبيت في دقايق من سرعته في السواقه ..
دخل سيارته البيت وهو مولع ...نزل بسرعه وراح لبابها وفتحه بقوه خلت الباب يتضرر سحبها من يدها بقوه
صرخت من قوة يده على ذراعها
وصرخ بكل صوته :-اطلعي
وجرها معه للبيت داخل وهي من جد كانت عارفه انه بيعصب ويزعل بس مو للدرجه ذي حتى قلبها بدا يرجف بخوف ..
صرخت فيه :-اي عورتني
صرخ وهم يدخلون البيت :-ولا كلمه ولاكمله
جرها جر وهو يطلع لجناحهم صرخت .:-اقدر امشي مو لازم تسحبني كذا قطعت يدي
دفها لداخل الجناح وصفق الباب وقفله قال والتعصيب عاميل عمايله :-واقطع رقبتك من ابوه (بكل صوته ) من
تبلدت دقايق :-ابو من
مسكها مع رقبتها :-لاتستعبطين جنون الارض والسما حولي الحين من من انتي حامل
خافت وتراجعت في سريرها :- مو من احد
لكنه كان ماسكها مع رقبتها وكل ماله يشد في مسكته كان مستعد يقتلها ماعنده مانع ..
صرخ :-مــــــــــــــــــــــــــــــن
تردد صوته في كل مكان ..حتى نوف ولاول مره في حياتها تتمنى لو فيه احد بالبيت بس شكل البيت فاضي والناس طالعين
قالت بخوف :-مو احد
صرخ :-نوف علميني شوفي انا ذابحك ذابحك بس ابي قبل لاتموتين تعلميني من عشان اذبحكم كلكم.. وين عرفتيه ومتى قابلتيه قبل زواجنا ولا بعد تكلمي تكلمي
قالت وهي ترتجف :-سعود انا مو حامل كل هذي خطه عشان ترجعني
عصب وطق به عرق :-تلعبين علي انتي
ناظرته بعيون خايفه :-والله ما سويت شي ولاني بحامل وكل هذا خطه انتقم فيك منها حتى اني خليت الخبر ينتشر بين الناس عشان تتورط
انهبل سعود وحالته مايعلم بها الا الله :-مجنونه انتي كيف تلعبين بسمعتنا كيف
نوف:----------------
صرخ :-ليه ليه وش بيني وبينك ابتليتيني في حياتي سنين وسنين ماعندك كرامه ما تقدرين تحترمين نفسك تدرين انتي دمرتيلي حياتي من سنين ما اهتنيت بنوم ولا بساعه راحه .. انتي مافي قلبك رحمه وصلت بك المواصيل تحاولين تذبحين زوجتي وولدي الي حلمت به اكثر من اربع سنين وكملتيها وانتي تعرضين سمعتك وسمعتنا لكلام الناس .. تدرين ان الموت اهون ولا العار انتي مقدره حجم الشي الي سويتيه والا الحقد والذل معمينك عن كل شي ،(قال وهو متشنج والغصه خانقته ) انتي المسؤوله عن كل الي بيصير لك حطيتيني بهالموقف وتحملي نتايج فعلتك ..
مسكها بقوه وصرخت نوف "قالت في نفسها هذي ثمرة الي زرعتيه يا نوف "
حاولت وحاولت وحاولت ... بس كانت عصبيته معميته عن كل شي ....
ولا ضربها لها ودموعها عطوا نتيجه....
*
*
*
*

>>>>>>>>>
صحت الماس على صوت صفقة باب قويه ، ناظرت في ساعتها لقت سعود له الحين ساعتين من يوم ماطلع ..
وقفت ... وهي لسى متروعه من صوت الباب الي انصفق بقوه ..
غسلت وجهها وعدلت جلابيتها الخفيفه ..زينت شعرها بسرعه وطلعت...
سمعت صوت بكا في غرفة نوف الي مقابله لغرفتها ومابينهم الا سيب وسيع ...ماقدرت تمسك نفسها مشت بسرعه ووقفت عند الباب وسمعت نوف تبكي ..
فتحت الباب..شافت نوف جالسه في طرف السرير وتبكي ..
قالت الماس بخوف :-نوف علامك
مارفعت نوف نظرها ولاشي حطت راسها بين يدينها وجلست تبكي زود
جلست الماس عندها وهي بتموت خوف :-نوف علامك
ضمتها نوف بدون مقدمات .. انصدمت الماس ومسكتها الماس وجلست تهديها لين هدت تقريبا ..
بعد نص ساعه ...
علمت نوف الماس بكل شي صار من اول خطتها لين الي صار بينها وبين سعود ، تغير لون وجه الماس ..
كملت نوف وهي تمسح دموعها الي نزلت من جديد :-استاهل الي جاني منه ولا بعد قليل بحقي توني صحيت لنفسي كان سعود بين نارين نار انه يستر ويغطي هالفضيحه ونقول للناس اني اجهضت او انه يطلقني وان تزوجت مره ثانيه انفضحت في خلق الله وراح يشتغل القيل والقال ويطلع مليون سؤال وسؤال
الماس بهمس :-ليه يانوف ليه تسوين فيه كذا سعود ماعمره قسى ولاجرح احد
رجعت تبكي والندم مقطع قلبها تقطيع :-ياليتني اموت مدري وين اودي وجهي منه ومنك الماس من قبل ماتتزوجون وهو معجبني ياما دقيت على جواله وسكر الخط بوجهي حتى الشهور الاخيره وهذي حالي ازعاج له .. ماكنت اتوقع فيه رجال ممكن يحب زوجته هالكثر لكن الغرور كان معميني وقلت باخذه يعني باخذه توقعت اني لاتزوجته بيكون ملكي وبيحبني مثل ماهو يحبك لكني عرفت انه عشم ابليس في الجنه انه يحبني حتى لما حاولت اني اغويه صد عني وطلع وترك البيت
همست الماس ودموعها برموش عيونها :-يوم عمي عطاه كف
نوف :-ايه
وقفت الماس ومشت للبلكونه التابعه للجناح تبي تشم هواء تبي تحاول نخفف من هالثقل الي على قلبها ...
وقفت نوف وراها وقالت وهي منزله راسها :-سامحيني يابنت عمي ضيعت نفسي بنفسي
ورجعت تبكي كملت :-ماتدرين شكثر انا ندمانه ضيعت هيبتي وكرامتي واجبرت ولد عمي على ------ على ------- (ورجعت تبكي بزود) عشان يحميني من الفضيحه الي جبتها لنفسي ولاهلي
التفتت الماس لجهتها ...
كملت نوف وهي تبكي :-بطلع من حياتك قريب عارفه اني ماجبت لك غير الحزن والضرر وعارفه اني ياما جرحتك واخطيت بحقك .. بس كنت غيوره وعيني فارغه كنت احسدكم كلكم دانه تزوجت مرتين وزواجها الاخير كان زواج تحلم به كل بنت انتي عندك سعود الي حارب الدنيا عشانك رنا عندها فهد الي مسعدها ومغنيها عنا حتى سعاد تزوجت الانسان الي تحبه انا الوحيده الي كنت ارفض كل من تقدم لي لان عيني على سعود حتى امي الي هي امي كانت تزيد من حقدي عليكم وتزيد من اصراري اني اتزوجه عرفت الحين ان امي لو كانت فعلا تحبني ما خلتني ارمي كرامتي بالارض واخليها مداس للكل
ضمتها الماس وخلتها تبكي على كتفها وبكت معها ....
مسحت الماس دموعها بحنيه وقالت :-انسي كل شي صار وابني حياه جديده واحمدي ربك انك تبتي قبل لايفوت الاوان صحيح ان الي صار بيننا مو سهل ولاهين و اكذب عليك ان قلت اني نسيت ، اشياء كثيره ماتنسي بسهوله ..ويبيلها وقت ..حتى الجروح وهي الجروح تتداوى لكن يبيلها وقت حتى تطيب وتتشافى.
سمعت الماس اصوات تحت وقالت بسرعه :-عمتي والبنات رجعوا من برى برسل لك الشغاله ترتب غرفتك ونامي لك كم ساعه ولاتعلمين احد بالي صار وخلي السالفه مثل ماقال سعود انك حملتي واجهضتي
طلعت الماس وانهارت نوف على اقرب كرسي وهي تشوف بعيونها الانسانه الي حبها سعود وعرفت ان الفرق بينهن بعد السما عن الارض ..
*
*
*
*
><في بيت راكان><
قال راكان لدانه وهو يشوفها سرحانه :-وين وصلتي
ابتسمت :-هنا موجوده
راكان :-صار لك مده وانتي تفكرين كثير وش صاير
كانت تنتظر الفرصه والفرصه الحين جت
قالت برقه :-فيه موضوع مشغلني من فتره
راكان :-موضوع ايش
دانه ماتدري من وين تبدى لكنها قالت :-حبيبي صار لنا فتره متزوجين ولا حملت للحين وانا بديت اوسوس
رجع راكان ينام وقال وهو (يستهبل ):-على بالي عندك سالفه
عصبت وضربته على كتفه:-راكان لاتمزح الموضوع جدي قم اجلس
ابتسم وجلس مره ثانيه:-هذاني جلست بعدين تونا بدري
دانه بحزن :-لا مو بدري
راكان وهو يغمز لها :-و المطلوب
حمر وجهها:-هههههههههههه راكان بلا استهبال ترى والله فيني الصيحه
مسك يدها وقال :-كل شي ولا تصيحين طيب عندي اقتراح
دانه :-وشهو
راكان :-شوفي نبي نعطي انفسنا مهله لين نكمل سنه سوى وان ماصار حمل رحنا نشوف طبيب شرايك
فكرت شوي :-اوكي موافقه
سوى فيها ضعيف :-ممكن انام وراي دوام بكره
ابتسمت :-وانا عندي جامعه بكره شقالو لك لاشغل ولا مشغله
راكان :-ههههههههههههههههه لا محشومه (عصب) يالله اخمدي عاد
دانه :-هههههههههههههههههه لا ويصارخ بعد
راكان :-هههههههههههههههههههههه دانه نامي لا تطيرين مني النوم وتعرفين عقبها وش بيصير
حمر وجهها :-هههههههههههههههههه خلاص بنام وراي بكره محاضره تغث القلب تصبح على خير
راكان :-ههههههههههههه وانتي من اهله
×
×
×
><اليوم الثاني><
>>>>>>>>>>>في الجامعه
حمدت دانه ربها لان المحاضره الي استمرت ساعتين متواصلات انتهت ...
وقفت وجمعت اغراضها وحطتها بالشنطه ...
دقت على هنادي :-الو وينك
هنادي :-بالكافتيريا الي خبرك خلصتي محاضرتك
دانه :-ايه انا جايتك
قالت هنادي بقوه :-لا لاتجين انا اجيك
تاففت دانه :-هنود ماراح يصير شي اليوم اربعاء ولنا يومين ما شفنا احد يالله سلام
سكرت في وجه هنادي المعصبه ضحكت دانه من نفسها لانها خوافــــــــــــــــه .. بزود وماصار شي من الي خافن منه والبنات ما بينن
طلعت من باب القاعه .. ومشت باسياب الجامعه الطويله والكثيره ...
همست حمده :-شوفي كل الحلا هناك
ناظرت صديقتها :-شفتها خلاص تمام نمسكها عند الزاويه الي بالسيب الثاني كل الي فيه يخافون مننا ومحد معلم لا صار شي
حمده :-تمام جبتي الموس
طلعته صديقتها من جيب التنوره :-هذا هو
حمده :-ههههههههههههههههههه وش هالموس العن عربجي مستحيل يمسك واحد مثله
صديقتها وهن يمشن ورى دانه :-عشان تعرفين ان شغلي مضبوط دايم
ولما وصلن للزاويه الي اتفقن عليها طبن على دانه وحشرنها فيها ..تروعت دانه وزادت نبضات قلبها
قالت حمده وهي تحط يدها على فم دانه :-ولا كلمه ياقمر والا قطعت لسانك
الخوف استبد بكل ذره من جسم دانه...رفعت حمد الموس الي بيدها وقربته من وجه دانه الا وبيدين قويه تمسكها وتضربها في الجدار صارت هوشه كبيره .. انتهت بسرعه قياسيه ...
صرخت هنادي :-دانه
لما شافت هنادي الصراخ الي ملى السيب انخرش قلبها رمت دفتر محاضراتها وماذكرت غير دانه ..وبغى يجيها انهيار لولا انها شافت دانه واقفه ووجهها اصفر ومذهوله ..
مسكتها هنادي صرخت :-انتي بخير
دانه بذهول :-ايه
قالت دانه للحرمتين الي حمنها من التشوه ويمكن من القتل :- من انتن
ابتسمت الحرمه :-ما قال لك الشيخ راكان
همست ودموعها بعيونها :-راكان
ابتسمت الحرمه وقالت لها :-خلينا الحين نروح لمكان عشان تهدين وتخف صدمتك وبعدين اعلمك بكل شي
طبعا امن الجامعه اخذوا حمده وصديقتها واعفوا دانه من اي اسئله وماطلبوها ابدا تجيهم الاداره حتى دانه استغربت هالشي..
جلسن البنات بالكافتيريا وهدت دانه اخيرا
قالت هنادي :-ماعرفناكم
الحرمه :-الشيخ راكان راعي فضل علينا من بعد الله سبحانه ابوي الله يرحمه كان يشتغل عندهم مراسل على قد حاله ولما توفى تكفل هو بمصاريفنا ولولا الله ثم مساعدته لنا والا كان متنا من الجوع وانا اشتغل هنا بأمن الجامعه لكن في قسم ثاني بعيد لما دق على الشيخ راكان قبل يومين وطلب مني هالخدمه قلت له انت تامر ماتطلب وعرفت قسمك وتخصصك وحضرت محاضره وحده عشان اتعرف عليك والدكتوره ماقصرت نادتك وخلتني اشوفك لين حفظت ملامحك عقبها صرت متفضيه لك ولا طلعتي كنت انا وزميلاتي نراقبك اول باول
ابتسمت دانه :-انا مديونه لك بعمري
قالت الحرمه وهي تحط يدها على يد دانه :-الي سويته قليل في حق الرجال الي رعانا اكثر من خمس سنين
وقفت وقالت :-استاذن ولاتخافين ماراح تغيبين عن عيني لين تتخرجين ولاتشيلين هم افتكينا من اكثر ثنتين مأزماتنا هنا بالجامعه
قالت هنادي :-يالله كل هذا من ورى سوير ..
دانه :-اليوم يوم المفاجات حسبي الله عليها مجنونه بس وربي لتندم
قالت هنادي بحنان :-دندون انتي بخير
ابتسمت:- غير الرجفه وقلب يرعد انا بخير
************************************************** **
البـــ الثامن عشرــــارت)
(الجزء الاول)
><بيت ابو سعود><
الساعه 3 العصر
نزلت الماس من غرفتها وعبايتها بيدها.. ناظرتها ام سعود مستغربه :-وين يمه
ابتسمت الماس غصب وقال :-عندي موعد مع الطبيبه اليوم
ام سعود :- بس قبل امس كان عندك موعد
تورطت الماس لكنها رقعتها بسرعه :-ايه بس بروح مو مراجعه الحين لارايحه عشان فحوصات
ام سعود على نياتها وصدقت كلام الماس :-طيب يمه اروح معك
الماس :-لا مايحتاج ماراح اطول وبعدين خالد الي بيوديني
ام سعود :-براحتك يمه لو مو خالد معك كان ماخليتك تروحين بلحالك
مشت الماس الا وام سعود تتذكر وتسألها :-يمه نوف هنا
ارتبشت الماس وتغير لون وجهها ام سعود طبعا فهمت السالفه غلط تحسبها تكرهها وماتطيق سيرتها
قالت الماس :-ايه موجوده
ترددت ام سعود :-دريتي انها ......
ابتسمت غصب :-انها حامل ايه دريت ..
ام سعود :-..............
الماس :-يالله بتاخر سلام
وطلعت بسرعه ...
>
>
كانت نوف واقفه على راس السلم وسمعت جواب الماس لو هي مكان الماس كان بكل شر علمت عمتها ان نوف تستخف بهم وتضحك عليهم
ملت الدموع عيونها وراحت تركض لغرفتها ..سكرت الباب ورمت نفسها على السرير تبكي
عيونها محمره وحالتها حاله .. حتى النوم ماذاقته ..
تتحسر على عمرها وتتحسر لانها فرضت نفسها على رجال مايبيها .. اشين مافي الحياه انها تعيش مع واحد مو طايق حتى شكلها ..
دايم كانت تقول ليش يحب الماس والسؤال كان محيرها لان على كلام امها كل الرياجيل مثل بعض واذا عرفت الحرمه تتصرف بتقدر تكسبهم ...
لكن سعود ما لان لها ولا عبرها حتى بنظره وحده دايم كان يصد عنها ويتضايق منها ومن وجوده بلحاله معها ...
حتى دايم كانت زلاته واجد وكان لاجا يكلمها او يناديها ما على لسانه الا (الماس)
حبته وماحبت غيره بحياته .. اشين مافي حبها انها حبت انسان ملك لغيرها صحيح انها زوجته ومثلها مثل الماس لكن حتى لو عدل في القلب مايقدر يعدل وهو ما يحبها ..
جلست ومسحت دموعها تفكر .. كيف بتنقذ شي من احترامها لنفسها قدامه
دق جوالها رفعته ولقته رقم امها ....سالت دموع القهر
"انتي السبب يمه انتي السبب صح اني مسؤوله عن افعالي لكن لو نصحتيني ووقفتي جنبي ورديتني ولا شجعتيني ادمر حياة عيال عمي ماصار الي صار"
نوف :-نعم
امها :-وينك جوالك مقفل من امس
نوف :-البطاريه كانت فاضيه
امها كانت متحمسه :-هاه بشري شصار
مسحت دمعتها :-وشو الي وش صار
ضحكت امها :-انتي فاهمه هاه ننتظر ولي العهد
ضحكت بدون نفس :-مو كنك تستعجلين ولي العهد طوالي
امها :-امممممم يعني صار شي بينكم
مسحت دموعها :-ايه
صارخت امها :-قلوووووووش اخيرا ورى ماعلمتيني
في نفسها "اعلمك ان حياتي كلها تدمرت "
لكنها قررت من اليوم وطالع حياتها ملك لها لحالها وامها بتطلع منها للابد
نوف :-سعود كان هنا وماطلع الا قبل ساعه
امها :-ههههههههههههههههههههه قلت لك مصيره بينخ لك
غمضت عيونها :-يمه اظن سعود جا بسكر
امها :-ههههههههههههههههه والله ما انتي بسهله يالله كلميني
نوف :-ان شاء الله
ورمت جوالها وهي مو طايقه نفسها ولاطايقه حياتها ...
وقفت بتغير ملابسها وتاخذ شاور ثم تنزل تحت ...
*
*
*
*

><في السياره
قال خالد لالماس يستهبل :-الحين ماعندكم سواق مسحبتني في هالقوايل
الماس كانت بعالم ثاني :-ههههههههههههه عاد هذا عيوب الاخوه بعدين وين يوديني السواق هناك مشوار ربع ساعه انا يالله اتحمل اروح معه المستوصف القريب من بيت عمي
خالد :-الا شعندك رايحه هناك
مسكت اعصابها وقالت بصوت عادي :-باخذ لي اغراض من هناك
خالد :-وين رجلك
ارتبكت الماس :-مشغول شوي (غيرت السيره) الا شخبار المدام
خالد انبسط :-آآآآآآآآه يا البي
الماس :-ههههههههههههههههههههه سبحان الله هذا الي كان يبي ثنتين
خالد :-ههههههههههههههههه ولاحصل لي اي وحده منهم
الماس :-لو تبي هنادي كان خطبتها
عقد حواجبه :-صح صادقه وتصدقين مرتين كنت بقول لابوي يخطبها لي لكن كل مره اشوفها فيها احسها مثل دانه ومثلك ومثل قمر
الماس استغربت :-شلون يعني
خالد :-اعتبرها اخت لي تعرفين مابيني وبينها الا ثلاث سنوات ومتربين جميع وكنا نلعب سوى وحنا صغار لما افكر وانا بلحالي اقول انها بنت عمي ونعم التربيه وتصلح لي زوجه لكن لما اشوفها احسها مثل اختي ومعزتها بقلبي غير عن بنات عمي
الماس ناويتله :-طيب رنا
خالد :-عاد رنا كنت جد ناوي اخطبها بس فهد كان يبيها وعشان كذا صرفت نظر عنها
الماس :-ياحليلك ياخويلد
خالد :-هههههههههههههههههههه اجنن صح
الماس :-مره هههههههههههههههههه
وصلوا بيت الماس ..ناظر خالد السياره الموقفه قدام الباب وقال وهو يرفع حاجب :-اجل تبين اغراض ، خلاص خلي اغراضك ترجعك
الماس (قلبها يرقع لان تخمينها بمحله) :-ههههههههههههههههههه طيب يالله سلام
ونزلت بسرعه ...
صرخ وهو ينزل دريشة بابها :-ههههههههههههههههههه ام الجحدات
الماس :-هههههههههههههههههه
خالد :-فتح الباب
الماس وهي تدخل مفتاحها بالباب وتفتحه :-ايه
دخلت ومشى خالد ...
مشت وهي توخر عن عدة العمال الي ماخلصوا شغلهم للحين وفتحت باب المدخل ...كان البيت هادي وانواره طافيه
نزلت شنطتها وعبايتها على كرسي بالمدخل ...
عدلت جلابيتها ومشطت شعرها الي شوي ويوصل لخصرها ...
طلعت الدرج حبه حبه ....
وصلت لباب الغرفه المردود ..
فتحته لقت سعود جالس ومنزل راسه ...انتبه لحركه بالغرفه ورفع راسه
همس :-الماس
ابتسمت والدموع بعينها :-روح الماس
وقف وجا عندها :-ليش مادقيتي علي انزل تحت تعب عليك الدرج
(يارق قلبه وتفكر في تعبي بعد)
قالت وهي تمسك يدينه :-لاجل عينك يهون الصعب
ابتسم :-وطبعا طلوع الدرج انجاز عندك
الماس :-هههههههههههههههه تعايرني بكرشتي المنتفخه يعني
سعود :-هههههههههههههه احلى كرشه احد قال شي
الماس وهي تغمز له :-تأثيرات الحمل تحملني عاد
سعود برقه :-انتي حياتي (تغير صوته) وابي سماحك لي .................
حطت يدها على فمه :-لاتكمل عرفت كل شي
عصب سعود وجلس يسب
الماس :-لاتظلمها ماقالت شي ولا جتني انا سمعتها تبكي ورحت لها وعلمتني بكل شي وعلمتني انها مو حامل وانها خطه
جلس سعود :-ماهي صاحيه انا اشك بعقلها
الماس وهي تجلس جنبه :-جاهله ماينشره عليها
وناظرت في وجهه المشحب وعيونه الي مسوده من تحت قالت برقه :-مانمت ولا اكلت شي من امس صح
قال :-من له نفس عقب الي صار
رغم اعتذار نوف منها ورغم ان سعود معه حق بالي سواه الي انه شي يزعجها ويقهرها قالت وهي تمسك يده بقوه :-انس الي صار
ناظر فيها وقال بقوه :-مقدر مقدر انسى ماكنت ابي الامور توصل لها الحد لكنها اجبرتني حاصرتني ماكان عندي حل ثاني الا انها تقول انها اجهضت .........................(سكت)
الماس حست بضيق :-انا ما الومك لو غيرك كان ذبحها
سعود بحقد :-ذبحها حلال حتى لو ماسوت شي اصلا مجرد كلامها في هالمواضيع تستاهل عليه الذبح قوليلي انتم متاكدين انها اخت رنا
الماس :-كل انسان مهما كان فيه بذرة خير صدقني مهما كان ...
سعود من جد حاقد :-الا بنت عمي المصون الي خلتني اخون عهدي معك
القهر بقلبها لكنها قالت :-انا مسامحتك وبعدين هو انا اقدر ازعل من نفسي
ناظرها :-بس انا ماراح اسامح نفسي
كمل وتفكيره شارد :-الله يعدي هالشهور على خير
عقدت حواجبها :-ليه
قال بغموض :-كذا
كان مزاجه مقفل وكئيب حتى هي بدت تصير زيه ...
مسكت نفسها لاتضحك :-سعود بقولك شي
سعود وهو يناظرها :-قولي ياقلبي
الماس :-حبيبي لاتزعل
ابتسم :-تعرفيني مقدر ازعل منك
الماس (بتجننه ) :-احلف
سعود :-هههههههههههههههه ماله داعي
الماس بدلع :-لا احلف اخاف تلفعني طراق
سعود :-ماسويتها اول ماتزوجنا بسويها الحين
الماس (الله لايحرمني منك هو انت لك مثيل وشبيه) :-طيب بقولك بس لاتعصب
ابتسم :-ترى بديت اعصب وانتي ماقلتي شي
الماس :-قصيت شعري
صرخ وفز من مكانه :-هاااااااااااااااااااااااااه لا لا ماتسوينها الماسووووووووووووووووه احلفي
تعرفه الماس يموت في شعرها ويالله بالغصبيه يخليها تغير شكله بدون ماتقصره
سوت ملامحها انها غلطانه اما سعود شكله يضحك وشكله نسي نوف وسنينها
قال وهو يكذب ويصدق :-تمزحين
الماس :-لا
سعود :-ترى بتوطى ببطنك
قالت تقلده :-ماسويتها اول ماتزوجنا بسويها الحين
سعود :-غيرت رايي عندك مانع
الماس :-هههههههههههههههه على كيفك
سعود :-لا على كيفك انتي يالله اشوف وقفي بناظر في طوله الا وين المتر
الماس :-هههههههههههههههههههههههههههههههه وش تبي به
سعود :-بصور معه يعني وش ابي به بقيس طول شعرك
الماس (تستهبل) :-مشكلة الثقه المفقوده بين زوجين
سعود (يحس نفسه روق بعد جيتها ) :-عن الفلسفه الزايده انتي من يوم ماحملتي مستخفه
الماس :-لا والله من حلاتك انت
سعود :-ههههههههههههههههههههههههه الحمد لله يامثبت العقول ...
وقفت الماس بتكفخه ... لكنها مسكت بطنها :-اااااااااي
خاف سعود وجا بسرعه جنبها قال بخوف :-بسم الله شفيك
ابتسمت :- ولدك مسوي ازعاج ببطني
حس بعظامه بردت :-روعتيني حرام عليك
الماس :-ههههههههههههههههههه طيب لاتعصب
قلبه كان عليها :-اذا كنت تعبانه بوديك مستشفى
ابتسمت :-لاتكبر الموضوع قلي انا جوعانه شرايك تجيب لنا شي ناكله ..
سعود (يبي يقهرها) :-نسيت انك صايره مشفوحه
عصبت :-لا والله تراني اكل عن اثنين ...
سعود :-ههههههههههههههههه طيب لاتعصبين (يقلدها)
قالت بدلع :-ولا افكر بعد
خق سعود :-تدرين شلون هونت مو لازم ناكل
الماس :-ههههههههههههههههه طيب انا جوعانه
سوى معصب :-مالت عليك بنطلب غداء متاخر الا صدق تغديتي
حاولت تكذب :-ايه طبعا
يعرفها لاكذبت مايحتاج :-بايـــــــــــــــن ، ليش تهملين نفسك
قالت بجديه :-كيف يجيلي نفس وانا اعرف ان الاكل ماطب بطنك
عصب :-انا قوي واقدر اتحمل وانتي حامل وتحتاجين تتغذين
ابتسمت :-اوامر ثانيه دكتور
سعود :-ههههههههههههههههههه يالله ننزل تحت عشان نطلب غداء واوريك تصليحات العمال
الماس :-حسبي الله عليهم حايسين البيت فوق تحت
سعود :-اهم شي يخلصون شغلهم عقب نجيب عمال ينظفون
فتح لها الباب وطلعوا قالت الماس :-كنت اتمنى اقضي رمضان ببيتنا بس الظاهر ماراح يحصل
اكتئب سعود :-وهذي امنيتي بس الشكوى لله كلها كم شهر واوعدك لا ولدتي وقمتي بالسلامه نرجع بيتنا
ابتسمت :- ان شاء الله
قال بمرار :-غريبه انك تثقين في وعودي للان
حزت هالكلمه بنفسها :-لاتعيد هالكلام مره ثانيه عمرك ماوعدتني واخلفت بوعدك لاتقول كذا ترى ازعل وربي
ابتسم :-طيب لاتزعلي ..
*
*
*
*
><في شركة راكان ><
كان راكان واقف يقرا له ملف ومحمد يكلم بالتلفون ...
قال محمد يتافف بعد ماسكر التلفون :-والله العله
راكان :-نشف دمك هههههههههههه
محمد :-مره كالعاده لازم يسوي فيها فاهم ويناقش السعر
راكان :-هذا هو طبعه بس اهم شي شغلهم مضبوط
محمد وهو يكتب على ورقه ملاحظات :-من ناحية مضبوط مضبوط
راكان :-متى بيبدون يبنون المخازن
محمد :-عقب يومين
ابتسم راكان :-ممتاز بس حط عليها حراسه مو ناقصين حرايق ومصايب
محمد :-اكيد .........اقول ابو فيصل
راكان :-سم
محمد :-عقب ما نخلص بنى المخازن لازم نروح نجيب البضاعه من لندن
راكان :-عارف
محمد :-تمام يعني نقول بنعطيهم شهرين يبنونها فيها
عقد راكان حواجبه :-شف في العيد انا مسنتر مالي روحه
ابتسم محمد :-اقولك باقي شهرين يعني ماراح يروح علينا رمضان ولا عيد الفطر
راكان :-وعيد الاضحى
محمد :-مدري بنشوف متى الموعد النهائي الي بتجهز فيه الشحنه وان كانت بعيد الاضحى الشكوى على الله
راكان :-ان شاء الله ماتكون في عيد
محمد :-حتى لو كانت بكره لازم واحد منا يروح يجيبها ويشرف عليها راكان هذي الصفقه حلم حياتنا اشتغلنا عليها اربع سنوات تخيل اربع سنوات تحضير وتعب ومداولات
تنهد راكان :-الله يقدم الي فيه الخير
محمد :-ان شاء الله ، انا المسؤول عن هذي الصفقه هذا دوري انت كنت مسؤول عن صفقة ماليزيا
راكان :-هههههههههههههههه الي العام
محمد :-الي العام ولا الي قبل عشرين سنه الدور دور
راكان :-طيب اكلتني بقشوري
محمد :-هههههههههههههههههههههههههه
راكان (تذكر) :-الا على الطاري متى ناوي تتلحلح وتخطب
محمد :-امي مو ذاك الزود
راكان :-الوالده وش دخلها من متى الحريم يتدخلن في كلام الرجال
محمد :-عارف مالها دخل بس قلبي مايطاوعني على انها مالها سيره الا هالموضوع
راكان وهو يجلس قدامه ويعدل شماغه :-شف البنت تنخطب وماراح تبقى بدون زواج العمر كله خلنا نروح نخطبها قبل فوات الاوان حتى يمكن هالشي يسعد امك ويفرحها
محمد كان متردد ...
كمل راكان :- هاه شقلت نتوكل على الله ونروح باكر نخطبها
محمد :-على بركة الله
ابتسم راكان :-هذا الكلام
دق تلفون المكتب ورد محمد :-هلا ....... ايه موجود لحظه
مد عليه السماعه :-مكالمه لك
حرك راكان يده :-من !
محمد :حرمه بس مدري من
راكان :-نعم
المتصله :-هلا شيخ راكان كيف حالك
راكان :-انتي ام حسن
المتصله :-ايه
رجف قلب راكان :-دانه فيها شي
المتصله :-لا مافيها شي والي حسبت حسابه صار
انخرش قلبه :-وش صار
المتصله :-هاجموها ثنتين وكانن ناويات يشوهن وجهها لكن الله ستر ومنعناهن بالوقت المناسب
فز من مكانه :-كيفها شخبارها جاها شي
المتصله :- لا هي بخير وتمام وهنادي بنت عمها معها
كنه ارتاح شوي لان هنادي معها
قال وخوفه عليها مجننه :-متاكده
المتصله :-طبعا والا ماكلمتك
عصب راكان :-عطيني اسماء البنات الي سون هالسوات
المتصله :-ابشر حمده بنت عبدالعزيز ومها بنت عبد الاله
قال يتوعد :-شغلهن عندي وانا راكان
المتصله :-تامر بشي ثاني
راكان :-ماقصرتي اختي مشكوره
المتصله :-حق وواجب افضالك مغرقتنا
راكان بتواضع :-الفضل لله
المتصله :-سلام
راكان :-مع السلامه
طلع جواله طوالي بدون مايعطي محمد فرصه يسال عن الموضوع ...
راكان :-الو ابي العقيد فهيد
.............>> الخط الثاني :-هلا معك العقيد فهيد
راكان :-هلا ابو ريان كيفك
العقيد بكل صوته :-هلا وغلا ببو فيصل وينك ياشيخ مبطين عنك
راكان :-هههههههههههههههه مو متقهوي عندك قبل اسبوع
العقيد :-قبل اسبوع يالله العافيه (وكمل ) اكيد مكلم هالحزه مصالح
راكان :-هههههههههههههههه طبعا ازين مافيك ان المصالح معك تثمر
العقيد :-هههههههههههههههه جامل طيب (وبجد) امرني
راكان :-مايامر عليك عدو فيه ثنتين ابيك تشوف شغلك معهن
العقيد :-وش الموضوع
علمه راكان بكل السالفه ...
قال العقيد وهو يصدر امر ويوقعه :-طيب بنت عمك متورطه ورجلها بتنسحب في القضيه
راكان :-مايهمني هالشي الي يهمني ياخذن جزاهن ارواح الناس مو لعبه وين حنا فيه في حواري امريكا
العقيد :-معك حق وش صار للناس انهبلوا كلما زادو في العلم كلما زادو همجيه وانا اتكلم عن هالفئه ع العموم اصدرت قرار الشكوى وراح يكونن تحت مسؤليتي مباشرة وان شاء الله حقك وحق زوجتك مايروح هدر حنا ببلد تحكمه القوانين والدين ومانسمح للاشكال هذي تشوه سمعتنا وتشوه مجتمعنا
راكان بتقدير لصديقه :-ماتقصر ابو ريان
العقيد :-ولو حتى لو ماكنت صديقي ورفيق عمري كان بسوي نفس الشي هذي وظيفتي احمي المجتمع من هالاشكال
راكان :-ماتقصر
العقيد :-ع العموم انا بتابع الموضوع واعلمك بالتطورات
راكان :-ماتقصر اهم شي رجل زوجتي ماتجي في الموضوع
العقيد :-اكيد مايبيلها كلام
وسكر راكان الجوال ....
قال محمد بذهول :-بنت عمك ذي مجنونه
راكان وهو يتنهد ويقلب الجوال في يده :-قلت لك من زمان بس ماصدقتني
محمد :-مو معقوله اكيد مجنونه فيه احد يمشي برجله للنار
راكان باستهزاء :-كانت مخططه محد يدري بس سبحان الله الي خلاني احط عليها حراسه
محمد :-كانك داري
راكان بكره :-بنت عمي واعرف طبعها وتفكيرها انانيه ماتفكر بنفسها وقاسيه حتى الحجر ما يتجرأ وينافسها في القسوه
محمد :-اجل تستاهل الي بيجيها
هز راكان راسه :-بتطلع منها وهذاني قلت لك من الحين
محمد بقهر :-اكيد بتامن نفسها لكن ع الاقل بتتشرشح في اقسام الشرط
راكان :-ابركها من حزه هي ماهمها الا المظاهر وتستاهل الي بيجيها
وقف راكان وهو يناظر في ساعته :-بروح اطلع زوجتي ماعندها محاضرات متاخره اليوم
محمد :-انا بروح قسم التصميم اشوف رسم المخازن جهز ...
راكان وهو يضرب على كتفه :-الله يعطيك العافيه
محمد :-يعافيك
وطلعوا ........
*

><بيت ابو سعد ><
صرخ ابو سعد في بنته :-مجنونه انتي فضحتينا الله يفضحك
خافت ساره :-يبه حرام عليك عورتني
فك يده منها وفرك وجهه :-وش العمل الحين
دخل ابو علي وصرخ :-صاحيه انتي من متى حريمنا يدخلن سجون
ساره :-اووووووووووف وش دراني
صرخ في اخوه :-لو هذي بنته ذبحتها وشربت من دمها
ابو سعد :-وش العمل الحين سمعتي راحت فيها حسبي الله عليك من بنت
ابو علي يصارخ :-تشوهين حرمة راكان وين حنا فيه مضيعه عقلك
قالت بحقد :-وياليتهن قدرن يشوهنها
ابوها انهبل :-انتي مجنونه هذا الي هامك
ابو علي صفقها كف :-كان المفروض من زمان احد يربيك اخوي ماعرف يربي اخوي ربي وحده انانيه ما تحب الا نفسها والبلا محد يحبها
حقدت على عمها وعلى حركته
قال يكمل :- انتي مثل عمك بدر
صرخت فيهم :- من براءتكم يعني لاتنسون لمحة السعاده الي مرت على وجيهكم يوم دريتوا ان راكان بالمستشفى
ارتبكوا اثنيناتهم وكملت :-تلعبون على مين كلنا طينه وحده وتفكيرنا واحد
صرخ ابوها لان بنته كان صادقه في كلامها صحيح انه مو قاتل بس الي صار لراكان فرح قلبه وحسب ان الثوره مابينه وبينها الا خطوتين
"انقلعي لغرفتك "
طلعت ساره بسرعه .....
قال ابو علي :-وش السواة
جلس ابو سعد :-ياربي من هالبنت
ابو علي :-رح لراكان
انهبل اخوه :-مجنون انت
ابو علي :-هذا سمعتنا وشرفنا بعدين ساره بنت عمه وشرفه وماراح يرضاها
ابو سعد :-الي سوته مو قليل
ابو علي :-رح له وش بتخسر
ابو سعد :-وان كرشني
ابو علي :-الحق ينقال راكان ما يهين من داس بساطه
ناظره ابو سعد بتعصيب
قال ابو علي :-لا تجلس تخزني هذي كلمة حق
ابو سعد (بتردد):- مدري مدري
ابو علي :-رح له فكنا سيرتنا على كل لسان من ورى فعايل بنتك الا ماتحكمها
عصب ابو سعد ...
وطفش ابو علي من اخوه وبنته :-انا طالع الشركه شفلك صرفه ولو رفض راكان يلغي الشكوى اذبح بنتك يكون اصرف
وطلع
بعد عشر دقايق دخلت ام سعد ....
ناظرها وماتكلم
قالت وهي مدمعه :-هذ الي وصلتم له يا حمد اقسام شرطه
صرخ :-فعايل بنتك
قالت بصرامه :-ساره بنتك اكثر منها بنتي انت الي مربيها مو انا
كان معها حق .. وسكت
قالت بقهر لانها تشوف فعايلهم وساكته :-شف تربيتك لوين وصلت ...للقتل ..القتل
ابو سعد وهو يعض على اسنانه :-بس
لكنها كملت :-بنتك لاتخاف من احد ولاتحشم احد حتى انا يا امها ماتحشمني وانت ولا على بالك يالله هذي الي جنيته من تربيتك لها صارت تسحبك في اقسام الشرطه
صرخ :-بس ياحرمه
ام سعد :-كلمة الحق تزعلك
فقد اعصابه :-انتي طالق بالثلاث
انصدمت ام سعد ... وقالت بهدوء وهي تبتسم شامته :-سنين وانت رافض تطلقني وفي ساعه غضب حققت امنيتي بطلع من هالبيت الي يخنقني بفتك منكم ومن مصايبكم ومن غضب ربي عليكم بروح لاهلي واخدم امي واعيش بسلام ولاتجلس تتمنن ولاتنسى ان راتب تقاعدي كبير وراح يغنيني عنك وعن منتك
وطلعت بسرعه ....
فرك ابو سعد وجهه :-بدت حياته تطلع عن سيطرته وزاد كرهه لراكان اضعاف اضعاف !
×
××
×
><بيت راكان ><
كان راكان يضمد جرح بيد دانه
قال وهو يرجع اكمام ثوبه لمحلها :-خلصنا
ابتسمت بحب :-الله لايخليني منك
(ودمعت عيونها )
تضايق راكان :-وبعدين ليش الدموع
قالت وهي متاثره :-حياتي بدونك ولاشي
راكان :-وانا نفس الشي الحمد لله عدت على خير
دانه :-لولا الله ثم الي سويته كان رحت فيها
عصب راكان :-مايهمك يالغاليه باخذلك حقك وعليه زود
الا وباب الجناح يدق.........
وقف راكان وراح يفتح الباب ... ودانه رجعت نامت لان حيلها مهدود
امهات راكان كانن الي عند الباب
قالت امه (مريم) بخوف ماله مثيل :-ياويلي عنك يمه انتي بخير
ام راكان :-بسم الله عليك لو ماعلمتنا الشغاله كان مادرينا
ابتسم راكان من ولههن على دانه ..
جلست دانه :-الله يسلمك يمه جت سليمه الحمد لله
امه (مريم) :-وش صار يمه
راكان :-ساره مرسله بنات يشوهن مدري يقتلن دانه بالجامعه ولولا ستر الله كان راحت فيها
ام راكان :-ياويل قلبي انهبلت ذي ..
امه (مريم) :-الله يمحيها عن الوجود قولي امين ..
راكان :-امين
ام راكان بقسوه :-وبتخلي الموضوع يعدي
راكان :-ماني برخمه اخليه يعدي والله لا ادفعهم الثمن غالي وانا راكان انا قدمت شكوى واتهمت ساره والقضيه بين يدين صديق لي في الحق شديد وينخاف منه
امه (مريم) :-كفو يمه ...
دق باب الجناح
راكان :-ادخل
الشغاله :-بابا ابو سعد تحت يبغى كلام انت
جلسوا كلهم يناظرون في بعض مذهولين ...
وقف راكان بعصبيه ووقفت دانه معه قالت تهديه :-راكان لاتنسى تراه عمك
قال بعصبيه :-والله لا العن خيره
دانه :-حبيبي طلبتك الرجال لو انه اشد اعداءك تراه دايس بساطنا وحنا ما نهين ضيوفنا
قال بتوتر وهو ياخذ شماغه ويلبسه :-يكون خير
وطلع بسرعه ...
قالت امه (مريم) لدانه المتوتره :-هدي اعصابك يمه راكان يعرف يتصرف مع هالاشكال والوكاد انه جاي يبيه يتنازل عن القضيه
ام راكان :-الله يحفظ لي وليدي من كل مكروه ماحامينا وعازنا غيره
دانه وامه (مريم) :-اللهم امين
>
>
>
نزل راكان وهو يحاول يضبط نفسه واعصابه ..
رفع السماعه الخاصه ببوابة البيت :-خله يدخل
وسبقه لمجلس الرجال
بعدها بخمس دقايق دخل عمه وشكله مرتبك وماله خلق
ابو سعد :-السلام عليكم
راكان :-وعليكم السلام
(لولا خوفه من الله كان مارد عليه السلام )
جلس راكان بسرعه وفهمها عمه سلامهم شفهي ...
قال راكان بكبر :-كيف اساعدك يا .... ابو سعد
ابو سعد بارتباك :-والله ...............وسكت
راكان يبي يلعب باعصابه :-ايه
فهم ابو سعد حركته وعرف انه يبي يذله "مردوده وانا ابو سعد مردوده"
وقال :-والله وانا عمك
رفع راكان حاجبه :-الحين اعترفت انك عمي واني ولد اخوك
سوى فيها برئ :-ياولدي انا شسويت لك
عصب راكان لكنه قال ببرود :-ماسويت شي لكن حرقتوا مخازني مره .. رشيتوا موظف عندي مره ... بغيتوا تقتلوني وترملون حرمتي ... وتاليتها تبون تذبحونها
عرق ابو سعد وفك زرار ثوبه الاول :-ا ا ا ..انـ... انا مالي دخل
راكان :-هه ومن الي له دخل ان كنت انت مالك دخل
عمه وهو ينكر الكل بانانيته :-كلها كانت افكار عمك محمد
رفع راكان حاجب وقال باشمئزاز من قلة اصل عمه :-هه عمي ابو علي الي تحت جناحك والي مايهش ولاينش علي هالكلام يا عمي العزيز
ارتبك عمه ...
قال راكان وهو يناظر في ساعته :-انا مو فاضي هذا الي تبي تقوله
مسك ابو سعد نفسه لاينفعل :-انت عارف ليش جاي
انكر راكان :-لا مو عارف
ابو سعد بضيق :-ابيك تتنازل عن القضيه الي رافعها على ساره
راكان :-معصي
انقهر منه .. :-هذي بنت عمك
قاطعه راكان :-بنت عمي الي ماصانت اللحم والدم الي خانت ثقتي فيها قبل كم سنه والا نسيت ياعمي
تغير لون وجه عمه من الفشيله ..
قال راكان وهو يناظره بنظراته الحاده :- اناموافق اتنازل بشرط
ماصدق عمه خبر :-وشهو
راكان :-تجي ساره تعتذر من دانه هنا ببيتي
انصدم عمه :-تـ..تعتذر للغريبه
عصب راكان :-الغريبه هذي زوجتي وام عيالي وتسواكم كلكم
وقف عمه وسوى فيها رجال له كلمه :-اخر كلامك يا راكان
راكان :-ايه معها فرصه اليوم ومن بكره الصبح انصحك تتبرا منها عشان تفتك من عارها قدام خلق الله
طلع عمه من عنده معصب...
جلس راكان بالمجلس طفشان وملان ... رغم كل شي تبقى بنت عمه لحمه ودمه وسمعتها مهما كانت تهمه ..عقد اصابعه وجلس يفكر ..
لازم يطلعها من الموضوع بس مو قبل لا تتربى واذا ماعرف ابوها يربيها هو بيستلم هالمهمه بكل سرور
ما انتبه راكان الا ويد على كتفه رفع راسه :-يمه
جلست امه جنبه :-عمك جاي عشان ساره
راكان وهي يتنهد :-ايه
امه :-وش قلت له
راكان :-قلت له ياتجي تتعذر من دانه وتستسمح منها يا ماراح اغير شي وبخلي القانون ياخذ مجراه
امه ولو انها عارفه الرد مقدما :-وش رد
راكان :-طبعا عصب وقال تبدي الغريبه على بنت عمك وطلع
هزت امه راسها وقالت :-لا تشيل هم عمك واعرفه والله لو يضطر يسحبها ليجيبها تعتذر ليجيبها
ناظرها راكان :-ياليت
ابتسم امه :-اعرفك انت ماتبيها تتسحب في الاقسام
قال :-لا ومو عشانها عشان سمعتي مابي الناس يقولون سحب بنت عمه بالاقسام
امه :-نعم الراي وانا امك عز الله ان تربية ابوك ماراحت في الهواء
مسك راكان يدها :-الله يرحمه ويحفظك لي
><
اليوم الثاني \4 ونص العصر \
><بيت ابو سعود ><قال ابو سعود لمحمد وعمه الي جا معه :- والله الساعه المباركه بس نبي فرصه كم يوم
ابو يوسف (عم محمد) :-خذوا راحتكم يبو سعود
قال محمد يهمس لراكان :-ليه ياخذون فرصه
راكان :-ههههههههههه لايزوجونك طوالي بدون مايسالون عنك
محمد منقهر :-هم يعرفوني وبعدين حياتي كتاب مفتوح
راكان (يستهبل) :- ما دامك ملسون ومو قاصرك ورى ماتهرجهم وتعترض
محمد :-مابقي الا هي
راكان :-ههههههههههه عجيب امرك
محمد :-نتفاهم في المكتب مو هنا
راكان (مسوي خايف) :-ياربي رباااااه مت من الخوف
محمد :-ههههههههههههه الحمد لله والشكر
ورجعوا يسولفون مع الرياجيل ...
×

بعد ماراحوا الرجال><
جلس ابو سعود بالصاله ونادى ام سعود
ام سعود :-ناديتني
ابو سعود :-ايه تعالي
جت ام سعود وجلست جنبه :-خير
ابو سعود وهو جدي :-اليوم انخطبت هنادي
انشرح صدر ام سعود :-والله هذي الساعه المباركه لمن
ابو سعود :-لمحمد بن ..............
قاطعته :-صديق راكان
ابو سعود :-ايه ماغيره
ام سعود :-ونعم الرجال يكفي انه صديق راكان
ابو سعود ..............
انقبض قلبها :-لا يبو سعود لا لاترفضه
ابو سعود :-ما بي بنتي تتزوج من برى العايله
ام سعود وهي تهدي نفسها :-الرجال من نفس قبيلتنا وراعي دين وبار بامه ومركزه كبير وشهو له ترفضه
ابو سعود عقلية الاولين مسيطره عليه :-انا ابيها لناصر ولد اخوي
ام سعود وهي شوي وتصيح :-يعني شلون تدق عليه يجي يخطبها
عصب :-هذي هنادي بنت ناصر مو اي بنت
كنها ارتاحت :-الرسول صلـ الله عليه وسلم ـى قال (من ترضون دينه وخلقه فزوجوه)
ابو سعود :-عليه الصلاة والسلام بفكر وبشوف
كانت هنادي طالعه من المطبخ وبيدها شبس ...وسمعت كل الكلام الي انقال...
طاح الشبس من يدها ... وتنثر بالارض
سمعت بالاحلام الي تتحطم وبالنفسيه الي تتدمر
ولكنها في هاللحظه بالذات عرفت معناها .........
طلعت غرفتها تركض ودموعها تسيل بدون حس وصوت ...
منال انهبلت وهي تشوفها تركض وتبكي لاول مره تشوف هنادي كذا
لحقتها لغرفتها :-هنادي شفيك
لكن هنادي كانت بصدمتها وماطلعت منها للان ...
هزتها منال وهي نايمه على السرير تصيح :-هنادي وربي لتعلميني شفيك
وبعناد منال تكلمت هنادي :-محمد خطبني ........................... ورجعت تبكي
قلب منال كل مالها دقاته تزيد :-طيب
هنادي وهي مو مصدقه للان :-ابوي يبيني لناصر وشكله بيرفض محمد بدون شوري
انصدمت منال :-لا مستحيل مايسويها ابوي
هنادي :-سمعته يهرج امي باذني هذي
حطت منال يدها على فمها من الذهول :-ياربي مشكله
هنادي :-امي جالسه تقنع فيه وهو مو راضي
منال متحطمه لكنها تحاول تحط بقلب هنادي الامل :-وكلي امرك لله
هنادي :-ابوي واعرفه بيرفض
منال :-هنادي فرضنا انه رفض انتي قلتيلي مره انك مو مهووسه فيه
قاطعتها :-صح انا مو مهووسه فيه لكن مجرد انه يجينا ويخطبني ويرفضه ابوي هذا شي يقهرني ويموتني
منال :-تاملي في ربك خير
هنادي رجعت تبكــــــــــــــــــــــي مو مصدقه الي بيسويه ابوها معقوله لها الدرجه افكاره كذا بنت العم لولد عمها ...
حتى لو ولد عمها مايبيها
وليه تستغرب عقب الي صار لاخوها سعود من تحت روسهم ...
صحيح ان نويف نزلت امس وتعشت معهم لكنها للان تكرهها ولو ان نويف متغيره شوي وصايره عاقله
الله يستر ان ما تزوجت محمد بتجلس طول عمرها عانس واعلى مابخيلهم يركبونه !
×
×
><بيت ابو سعد ><
صرخت ساره :-مابقي الا هي
مسكها ابوها مع يدها :-بتروحين يعني بتروحين
نفضت يده :-على جثتي
ابوها وهو يمكها من شعرها :-سوير انتي صايره مثل عمك راعية مشاكل ياتصلحين الي كسرتيه ولا خيسي بالسجن
قالت وهي تتلوى بتحرر نفسها :-بجيب اكبر محامي بس ماروح لها
ضحك ابوها بدون نفس :-حنا نتكلم هنا عن راكان ... راكان بن عبدالرحمن والله لوتجيبين محامين الدنيا مافكوك منه ومن عقابه
قالت بقهر :-يبه يبي يذلني
ابوها :-طبخ طبختيه يالرفله اكليه
ساره :-يبه وش هالكلام السوقي
ابوها :-سوقي ولا مو سوقي شوفيلك صرفه
ساره :-ماني معتذره منها لو تموت بنت فهد
ابوها :-بتروحين
ساره :-لا
ضربها كف محترم وصرخ :-بتروحين وثاني مره لا اشوفك ترفعين صوتك علي
انهارت على الكرسي ...
قالت بعد شوي :-طيب عطني ساعه بحاول القى طريقه وان مالقيت رحنا لهم عساهم الريح الي ماتخلي لهم تالي
ابوها :-معك لبعد صلاة المغرب
ناظرت في ساعتها ... بقي معها ساعه الا ربع
وقفت وراحت لغرفتها ....
كل معارفها تخلوا عنها .. اصلا من الي يقدر يوقف بوجه راكان الكل يهابه ويخاف منه ..
المشكله انها تعرفه .. يمكن تساهله مع سوايا عمانه شال رهبته من قلبها لكنها بدت تعيد حساباتها وبدت تحس بالرهبه والخوف منه ومن انتقامه الي سوته مو قليل والبنتين الي تهجمّن على دانه ملطوعات بالسجن الحين ومتهماتها انها محرضتهن ..
يعني الكوره بملعب راكان بيده يمحيها عن الوجود وبيده يطلعها من السالفه مثل الشعره من العجين
رمت جوالها على الارض من زود القهر ..امها وتطلقت وابوها الي كان لايهش ولاينش بدى يطلع لها طبعه الحقيقي
مالها الا تنفذ طلب راكان
صرخت بقهر
"وررررررررررررررررررررربي وررررررررربي لتندم لاخر عمرك وماكون انا ساره "
نزلت لابوها وعبايتها بيدها
ابوها الي توه راجع من صلاة المغرب:-هه وين راعين الفزعات ما اشوفهم حلوا مصيبتك
قالت بحقد :- جبت سيرة راكان من هنا ومدري شجاهم الي يقول انه مو قد راكان والي يقول ان مجنون الي يعارضه والي يقول لي مصالح معه وخايف عليها وال يقول انه مسافر اوووووووووف
ابوها حس ببروده تسري بجسمه :-الله يكفينا شره انتي ماتعرفينه واصل بالحيل
قالت :-بيندم يبه بيندم وهذا نذر علي
ابوها :-خليني نخلص من هالورطه الي حطيتينا فيها وساعتها سوي مابدا لك
ساره :-على قولتك
وطلعوا من البيت ...
؛
؛><بيت احمد ><
اخذت سعاد جوالها ودقت على احمد ..
احمد :-ياهلا وغلا باغلى حبيبه
ولع وجه سعاد :-هلا قلبي
احمد (يستهبل) :-اخ ارحميني تراني بالشغل وملطوع لين الساعه 12 باليل
سعاد :-ههههههههههه طيب
احمد :-يازينها من ضحكه
ولعت مره ثانيه :-احمد ............
احمد (مروق) :-ياروحه وقلبه وعينه
استحت :-وبعدين ممكن تعطيني فرصه احكي
احمد :- هههههههههه يالله قولي بسرعه لاني مقدر اسكت
سعاد :-هههههههههه
احمد حاس انه ملك الكون بيده بزواجه منها
احمد :-وبعدين
سعاد بجديه :-شفت طبلون الكهرب
احمد وهو يعقد حواجبه :-علامه
سعاد :-تو وانا نازله مدري شجاه صار تطلع منه شرارات
عدل جلسته :-شرارات
سعاد :-ايه السالفه مو مهمه لانها بس مره صارت بس حبيت اقول لك الحذر واجب
احمد :-خلاص بكره ان شاء ذكريني اجيب مهندس كهربائي يشوف وش مصيبته
سعاد :-ان شاء الله
احمد وهو مو مرتاح :-بحاول اطلع عشان اجيب الكهربائي وان ماقدرت الشكوى لله بننتظر لين بكره ؟؟
سعاد :-لاتتعب نفسك
احمد :-انتي نظر عيني وخايف عليك بحاول اشوف طلال ان كان فاضي ارسلته لك
سعاد :-على خير ، يالله تامر بشي
احمد (ماعنده وقت) :-مافيه كلمه حلوه مثل اشتقت لك .. ياواحش روحي وشلونك..احبكـ يعني كلمات بسيطه تاثيرها مدمر
حمر وجهها وابتسمت:-انت عارف عن الي بقلبي
احمد :-بس نفسي اسمعها منك
سعاد :-كل شي بوقته حلو
احمد :-....................
الا وصفارات الانذار تضرب عندهم
سعاد بخوف :-شفيه
احمد :-ههههههههههههههه لاتخافين عندنا مهمه الحين
سعاد رجف قلبها :-زي ذيك المهمه
احمد بغموض :-مدري
سعاد :-شايفني غبيه مدير منظر انت
احمد :-ههههههههههههههه حلوه مدير منظر
سعاد شوي وتصيح :-انتبه على نفسك
احمد :-ان شاء الله
سعاد :-ولا تتهور
احمد :-ان شاء الله
سعاد :-واقر المعوذات واية الكرسي عشان ربي يحميك
ابتسم :-ان شاء الله
عصبت عليه :-مبرمجينك كلما اقول لك شي تكرر نفس الكلمه
احمد وهو يوقف :-هههههههههههههههه لا مو مبرمجيني بس مو كل واحد عرفته يخاف علي هالكثر
قالت وهي تمسح دمعه لان اخر اصابه لاحمد مروعتها :-لان مو كل واحد عرفته يحبك كثري
قال برقه :-عارف وماعندي شك
سعاد :-الله يحفظك يانظر عيني
احمد :-امين انتبهي على عمرك وتاكدي انك مقفله كل ابواب البيت
سعاد :-ان شاء الله
احمد :-سلام
سعاد :-مع السلامه
وسكرت الجوال وهي في قلبها بس تدعي الله يحميه لها من كل مكروه...
،
،
،
،
>>>>>>>>>بيت راكان
طاحت فرشة الشعر من يد دانه وناظرت في راكان مصدومه
قالت بصدمه :-شقلت
قرب منها راكان :-ساره تحت
عصبت مره :-لها وجه تجي والله لدق ع الامن يجون يسحبونها برى بيتي
مسكها مع يدها :-اتركني راكان خلني اشوف شغلي معها
راكان :-ولايهمك عمي يوم جاني ذليل اليوم يبيني اتنازل انا وافقت بشرط انها تجي وتطلب منك االسماح
دانه بدلاخه :-هاه
راكان وهو يبتسم ويغمز لها :-ماراح اتدخل خذي راحتك ع الاخير
دانه ماقدرت تمنع نفسها :هههههههههههههههههههه
قالت برقه :-وش السر الي يخليك دايم تغير مودي وفي قمة احزاني تخليني اضحك
خق راكان معها :-اممممممممم مدري يمكن لاني اتالم لاصرتي حزينه واحزن معك عشان كذا لا خففت عنك كني مخفف عن عمري
ضمته بدون مقدمات :-الله لايغير علينا
استانس راكان وقال يستهبل :- يابنت انزلي شوفي شغلك مع سوير وعقبها عذبيني براحتك
دانه :-ههههههههههههههههههههه طيب
نزلوا سوى ووقفت فجاه بنص الدرج سالها راكان :-شفيك وقفتي
ناظرته من فوق لتحت وقالت بغيره :-على وين
راكان مو فاهم شي :-معك افكورس
ناظرته بنص عين :-اقول رح لمكتبك اصرف
انصدم :-ليه
دانه :-كذا
ما استوعب راكان ........ ثواني الا ويفهم قصدها :-هههههههههههههههههههههههههههههههههههههه اموت على الي يغارون
دانه ماسكه نفسها لاتضحك :-انا شقلت
رجع راكان يطلع وهو يقول والابتسامه شاقه حلقه :-سمعآ وطاعـــــــــــــه
ارسلت له بوسه طايره انهبل وبغى يرجع ينزل لو لا انه خاف منها تكفخه (هههههههههه)
دانه :-هههههههههههههههههههههههه
طيب ياسوير طيب !
نادت الشغاله مره وحده ومن حسن حظها انها كانت ترتب فوق ...
كلمتها دانه بسرعه وفهمتها الي تبيه ابتسمت الشغاله وقالت وهي تنزل :-ok 1 mintes
طلعت دانه بسرعه ودخلت مكتب راكان بدون مقدمات ناظرها راكان وهو مبتسم عيونها تلمع اكيد براسها شي لا والله طحتي ومحد سمى عليك ياساره
اخذت سكين الرسايل الذهبيه الي على المكتب ...
كان بيسالها راكان بس ماعطته فرصه لانها طلعت بسرعه ..
ذبحه الفضول وده يعرف وش بتسوي ..اخذ جواله ودق على امه (مريم) لانها راعية فزعات وبتوقف مع دانه وماراح تمنعها عكس امه الحقيقيه الي بتحاول تمنع دانه باي وسيله ..
راكان :-يمه وينك
امه (مريم) :-بسم الله علي مافيه سلام
راكان :-ههههههههههههه سلام وينك
امه (مريم) :-بالسويت تبعي
راكان :-هههههههههههههههه يمه قد قلت لك انك كشخه
امه (مريم) :-ههههههههههه لا
راكان :-طيب انتي كشخه
امه (مريم) :-ههههههههههههههههه الله يسلمني
راكان :-ههههههههههههههه يمه سوير تحت ودانه نزلت لها خليك معها شكلها ناويه تربيها راقبي وعطيني التفاصيل
امه (مريم) :-شغاله عندك ورى ماتنزل يا صاحب المعالي وتشوف بنفسك
راكان :-ههههههههههههه محشومه بس عندي تعليمات صارمه من الجهات العليا الزم مكتبي ولا اعتب الباب
امه (مريم) :-ههههههههههههههههههههههههههه كفو عز الله انها بنت رجال
راكان بوله :-ياحبيلها
امه (مريم) :-معلومه جديده يعني . اقول بروح افزع لبنيتي قبل لاتجي امك وتحوس الدنيا
راكان :-هههههههههههههههههههه طيب
وسكر الجوال ...
،
طلعت الخاله مريم من جناحها الي بالدور الي تحت وراحت للصاله ..
كانت دانه تو داخله ...
وقفت سوير بغرور وقالت :-انا جيت اعتذر واحب اقولك اني مو ندمانه على شي
قالت دانه بغرور اقوى من غرورها :-وانتي لو تعلنين عذرك بالتلفزيون ماقبلته لانك ماتهميني لا انتي ولا اعذارك وبعدين صدق من قال ذيل الكلب عوج
عصبت ساره واخذت عبايتها وقبل لاتروح قالت تستهزء :-الا وينه ولد عمي سياراته برى وهو ماله شوف
قالت دانه وهي بس ذكرت اسم راكان تمنت لو تموتها عن الحياه :-لاعاد اسمعك تجيبين طاري اسمه على لسانك مره ثانيه لاني ماراح اتردد في قطعه لك
ناظرتها ساره من فوق لتحت ...قالت دانه بلهجه ناعمه :- لحظه
وقفت ساره والتفتت يمها ...
ابتسمت دانه واشرت على الشغالات يسون الي طلبته منهن ، صرخت ساره لان شغالتين كتفنها ووحده حطت السكينه الخاصه بالرسايل على رقبتها
قالت دانه وهي تقرب منها :-ممكن توصفين لي شعورك
طلعت عيون ساره قدام وخافت من الموت ... والي عزز خوفها لها ان راكان لو فرضنا وذبحتها بيقدر بشكل ما يطلع هو وزوجته منها
قالت بخوف ورجفه :-د..د..دانه تكفين انـ انا اسفه حب راكان اعماني
دانه وهي ترفع حاجب :-هذي هي المره الثانيه الي اخليك فيها تطلعين من بيتي تمشين وتذكري الثالثه ثابته
طبعا الخاله مريم كانت متفــــــــــــــــرجه ومذهوله من تصرف دانه ...
اشرت دانه للشغالات يتركنها
قالت دانه وهي تتعداها :-من غير مطرود
طلعت ساره بسرعة الصاروخ من البيت لابوها الي كان ينتظرها بالسياره برى
قالت الخاله مريم وهي تحب راسها :-والله وعرفتي تربينها وتردين لها الصاع صاعين
قالت دانه :-ماهو طبعي يمه لكن بعض الناس يجبرونك على هالتصرفات هالانسانه هددت حياتي يعني وصلت لحدود الجنون بتصرفاتها من جد شكلها مريضه نفسيا
ام راكان (مريم) :-فعلا انا سمعت امها تلمح قبل كم شهر انها تراجع طبيب نفسي
دانه من قلبها :-من هالحال واردى
ام راكان (مريم) :-طيب يمه انتي روحي ارتاحي وصلي العشا وانا بروح لغرفتي واصلي
ابتسمت :-ان شاء الله ..
طلعت دانه لغرفتها بعدها بخمس دقايق نزل راكان ولقى امه (مريم) تحت
راكان وهو ينزل بسرعه :-هاه شصار
ابتسمت :-علوم
ابتسم :-تدرين شلون بروح المسجد اصلي وعقبها برجع واخذ منك التفاصيل
امه (مريم) :-بحفظ الله
وطلع المسجد وامه راحت لغرفتها


؛

الجزء الثاني)><بيت ابو سعود><
كيف الدموع تستمر ايام وماتوقف ...
مسحت نوف دموعها ..وعدلت شكلها ونزلت تحت هي مواجهه عمها مواجهته وبدل مايكون اجلا بتخليه اجلا
نزلت تحت لقت عمها جالس يتقهوى وعمتها جالسه تقهويه ...
تغيرت لون وجيههم
قالت ام سعود بحنيتها المعروفه :-ليش واقفه تعالي اجلسي
ابتسمت نص ابتسامه وهي تفرك يدينها فبعض
دخلت وحبت راس عمها وجلست جنبه
ماقدر ابو سعود يناظر وجهها ، حست بغصه تخنقها قالت لعمها :-السموحه ياعمي
قال بدون نفس :-الي سويتيه مايسويه كافر
حمر وجهها وتجمعت الدموع بعينها :-السموحه ياعمي كانت ضعافة نفس مني
انصدمت ام سعود من التغير الي صايبها لها الدرجه الحمل مغيرها .. يمكن السالفه كلها غيرة حريم ومادام انها حامل خلاص عقلت وماراح تتعرض لالماس
كان لسى زعلان منها لكنه قال :-الله يسامحنا جميع انتي زوجة ولدي الحين ولك شريكه فيه ارضي بهالواقع شوفيها هي راضيه وانتي الي ماخذتها منها يعني مو باختيارها اما انتي تزوجتيه وانتي عارفه انه متزوج
نوف وهي منزله وجهها من الفشله :-ان شاء الله
وفي هالوقت دخل سعود والماس معه كان مبتسم لكنه شاف نوف من هنا وماتت ابتسامته طوالي ...
توترت بشوفته وتوتر هو بعد .. الجو الي بينهم ماغاب عن عين الماس ..لحظه
سعود والماس:-السلام عليكم
الكل :-وعليكم
قال سعود وهو ماجلس حتى :-انا بطلع فوق
وقال عند الباب :- نوف تعالي حضريلي ملابس باخذ شاور
ارتبكت وانصدمت لانه لاول مره يطلب منها شي وقفت بسرعه :-ان شاء الله
وطلع من الصاله
وقفت ولحقتـــــــــــــــــــــــــــه
تغير لون وجه الماس من الغيره الي ذابحتها ...
قالت :-استاذن بطلع غرفتي
عمها حب يلطف الجو :-اجلسي يبه معي
الماس وهي تحاول تبتسم :-بنزل عبايتي وبرجع
عمها :-براحتك
وطلعت بسرعه وهي ماتشوف من الدموع .. كذا ياسعود هذا ندمكـ ..
،
،
دخلت نوف الغرفه وهي مرتبكه وخايفه ...
لقته واقف ينتظرها ...
وعرفت ان الشاور عذر عشان يحاكيها...
قال بدون مقدمات :-كيفك
دمعت وقالت وعينها بالارض :-بخير
قال سعود وهو من جد متضايق :-ماكنت ابي اتصرف هالتصرف لكنك اجبرتيني اتمنى تكوني في المستقبل اعقل من كذا
نوف بهمس :-ان شاء الله
كمل سعود وهو يحس بضيق بصدره :-شوفي يابنت عمي انا ما رفضت اتزوج بك لشخصك لا انا رافض الزواج على الماس ككل .. لكني انجبرت انتي صغيره وحلوه والف من يتمناك
قاطعته بحزن :-الا انت
حس انه ظلمها في وقت انها هي الي ظلمت نفسها :-للاسف ايه ...
بلعت غصتها وقالت :-انا موافقه على الي تشوفه مناسب
تفاجأ سعود من ردها توقعها تهدده تتوعده تستلعن معه كالعاده :-وش قلتي
قالت بحزن :-ساعدني اسوي لو شي واحد بحياتي صح
رحم حالها لكنه جمد قلبه ان خلاها على ذمته بيظلمها اكثر :-انا بطلقك
ما تفاجأت بقراره .. لكنه هزها من داخل ...
اسوء ماقد مر بحياتها عدم القبول الي شافته منه .. هو مايكرهها لكنه مايتقبلها ولاحتى حاول يتقبلها ...
همست :-الي تشوفه
حس بضيق مايوصف ... وقال :-مو الحين بعد كم شهر
ومشى للباب ,,,
وقبل لايطلع قال :-ابترك لك سالفة الاجهاض دبريها بمعرفتك قبل لاننفصل
هزت راسها
وطلع من الغرفه ...
جلست على طرف السرير تبـــــــــــــــــــــــــــــــــكي ... من القهر والحزن والتحطيم
"انا الي جبته لنفسي"
دق الباب ....
وقفت ومسحت دموعها بسرعه فتحت الباب وتفاجأت :-عمه
دخلت وقالت بحنان :-بغيت اسولف معك شوي
قالت بصوت مبحوح من البكا :-حياك
دخلت ام سعود بهيبتها وسكرت نوف الباب ...
قالت ام سعود بدون مقدمات :-لاحظت انك هاليومين متغيره وفيه شي مضايقك
رجعت الدموع تطل من عيونها ...
قالت :-سلامتك مافيني شي
مسكتها ام سعود مع يدها وقالت لها :-انا بمقام امك وانتي بمكانة بناتي عندي
سالت دموع نوف وضمتها ام سعود لصدرها...
قالت ام سعود وهي تمسح على راسها :-بس يمه هدي نفسك وفضفضيلي
قالت نوف وهي تتذكر كلام سعود :-يمه ما ظنيت حملي بيثبت
انصدمت ام سعود :-ايش
كملت :-لما رحت للطبيبه وبلغتني اني حامل قالت لي ان الحمل مو ثابت ويمكن اجهض ..
رحمتها ام سعود :-الله يستر يمه
قالت نوف :-عطتني فرصه هالاسبوعين وبروح لها يا يثبت يا اكون مجهضته ... لانه توه صغير وبالشهور الاولى
ام سعود :-الله يستر يمه عشان كذا حسيتك منكسره
>>>منكــــ ،،،ــــــــره !!!
آه لو تدرين ان الواحد لا انكسر مره ..صعب يرجع مثل اول
قالت نوف :-الله يكون بالعون ياعمه ..
قالت ام سعود :-يمه انتي مرتاحه مع سعود
سالت دموعها :-الصراحه لا ياعمه لا انا ابيه ولا هو يبيني
ماخاب ظن ام سعود ولكن الي صدمها ان نوف بعد ماتبيه !
قالت :-غريبه الي اعرفه انك تبينه
هزت نوف كتوفها قول الحقيقه هو الشي الوحيد المقنع :-صادقه يمه بس انا كنت احسبه بيترك الماس لا اخذته ولا جبت له ولد ومافكرت مره كيف بعيش مع رجال ما يبيني ومغصوب يتزوجني كنت جاهله وغبيه ..وعرفت اني انا مو قادره اعيش معه وهو ما يحط عينه بعيني ولا يناظرني كني غريبه ..حتى لا بغى شي نادى الماس بالغلط ...
مسحت دموعها ...
وقالت :-انا دخلت غلط بينهم ومالي مكان بحياتهم حتى لو هو ماطلقني فـ مو عشاني عشان ابوي وعماني واصلا عيشتي معه تجرحني وتقتلني بالساعه والدقيقه .. انا صحيت لكن متاخره .. يمكن ياعمه بزمنكم كان الي يهم الحرمه رجال يصرف عليها وبس لكن في زمنا اكثر شي نحتاجه زوج يهتم بنا وبشعورنا ويحبنا ببساطه وهالاشياء مالقيتها مع سعود صح انه ما اخطا علي لكن ماتنجبر روح على روح هذا اقرب وصف لحالنا
مسحت ام سعود دموعها بجلالها :-والله يمه كلنا كنا ضد هالزواج لكن الي صار صار وانا كنت عارفه ان هذي هي النهايه لان سعود ولدي واعرفه زين قلبه ملك لالماس بس
قالت نوف بحزن:-صادقه ومن يلومه الماس تسواي وتسوى عشر مثلي
انصدمت ام سعود تفكر هل هي بعلم ولا حلم
وان الي تتكلم الحين معها هي نوف بنت وضحى الحيــــــــــــــــــــــــهـ
قالت ام سعود وهي توقف :-يمهـ (وعسوا ان تكرهوا شي وهو خيرا لكم) صدق الله العظيم ، كل شي في هالكون له حكمه وماتدرين وش الحكمه من زواجك بسعود .. ورحمة ربك واسعهـ
نوف :-ونعم بالله
××
×
×
>>>>>>في جناح الماس
دخل سعود الجناح لقى الماس جالسه تمشط شعرها بعصبيه ..
على ضيقته لكنه ابتسم شكلها معصبه ...
اخذ مخده صغيره وحطها ورى ظهره قال برقه -قلبووووووووو
التفتت يمه زعلانه وواصله حدها :-لا روح لها وش تبي فيني
ابتسم وقال بيقهرها :-قولكـ
انقهرت منه :-ايه عتب هالباب وشف وش بيصير
سعود :-هههههههههههه ياقويه
من تعصيبتها حذفته بالفرشه تبيها في صدره لكنه حط المخده بينه وبينها
سعود :-ههههههههههههه ماتخلي طبعكـ
حطت عينها على قزازة عطر كبيره .. طلعت عيونه برى
قال يتمصلح :-ما اهون عليك تلفعيني بقزازة العطر
مسكت نفسها لاتضحك ...
وناظرته بحقد ... رجعت شعرها ورى بسرعه ..
وزاد النبض بقلب سعود ... :-دبدوبتي
من جد عصبت :-دبدوبه بعينك
سعود :-ههههههههههههههههه
مسكت بطنها لانها حست بمغص قوي ...
كانت بتطيح لولا انه مسكها ...
صرخ :-المـــــــــــــاس شفيك
قالت وهي بحضنه :-احس بمغص فظيع
اختبص سعود :-توك باخر الشهر السادس ماحولك ولاده
من قوة الالم ماقدرت ترد عليه ... قال بخوف :-تقدرين تمشين ولا اشيلك
قالت بتعب :-اقدر
وقفها وراح جاب عبايتها الي كانت مرميه على السرير
وطلعوا ...
قابلتهم ام سعود بالسيب وارتاعت :-وش فيكم
سعود وهو مسند الماس :-الماس تعبانه يمه تعالي معنا ماني عارف التم على نفسي
امه وهي تحاول تسرع لغرفتها :-يالله بجيب عباتي
طلعت نوف من غرفتها وخافت .....
جت تركض قالت بخوف :-شفيه
لاحظ سعود عيونها المحمره من البكا وزادت ضيقته ضعفين ...
سعود :-الماس تعبانه ...
مسكتها معه ..ونزلوها تحت ...
كانت منال تو جايه من المطبخ وشافت الماس والي صدمها اكثر ان نوف ماسكتها لين يجيب سعود السياره جنب الباب ...
ركضت :-الماس سلامتك
الماس بتعب :-تعبانه شوي
نزلـــــــــــــــت امهم ونوف ساعدت سعود وركبوا الماس بالسياره ...
قالت لسعود وهي تمسك كم ثوبه :-كلمنا وطمنا
هز راسه لان قلبه وعقله مع الماس ...
دخلن البيت وسعود بسرعة البرق مشى للمستشفى
،
،
،،
><بيت راكان><
دخل راكان البيت لقى امهاته جالسات يسولفن كالعاده ..
سلم وجلس جنب امه مريم :-يالله يمه عطيني العلوم
امه مريم :-ههههههههههههههههه ماعندك وقت
ام راكان :-والله يا ان حرمتك تنحط على الجرح يطيب
راكان :-تعلمني ولاشلون
امه مريم :-شف اول شي بنت عمك قالت اني جايه اعتذر وماني ندمانه اصلا
راكان :-حلوه ذي تعتذر وموندمانه
كملت امه :-ماشفت شي
راكان :-ايوه
امه :-قالت لها دانه وانتي لو تعلنين عذرك بالتلفزيون ماقبلته لانك ماتهميني لا انتي ولا اعذارك وبعدين صدق من قال ذيل الكلب عوج
راكان :-هههههههههههههههههههههههههه كفو
امهاته :-هههههههههههههههه ماسمعت شي
راكان استانس :-بعد
كملت امه :-قليلة الحيا سالت عنك قالت لها دانه ان جابت سيرتك مره ثانيه قطعت له لسانها بدون ماتتردد
راكان :-هههههههههههههههههههههههههههههه
امه متحمسه :-نجي لاهم جزء
راكان :-بعد باقي شي
الا وبدخلة دانه لابسه فستان موف صيفي تخبل راكان يوم شافها :-سلام
"وعليكم"
راكان بحب :-هلا هلا يادانه بعين راكانك
حمر وجه دانه وامهاته جلسن يضحكن
قال راكان وهو يوسع لها تجلس جنبه :-تعالي حياتي امي تعلمني بقصة وحده قويه على ايام اول
تحمست دانه وقالت ببراءه :-والله يالله يمه قولي
امه :-هههههههههههههههههه الله يقطع ابليسك
غمز لها وفهمت ..قالت ببراءه :- المهم وين وصلنا
راكان (يستخف دمه) :-وصلنا لاهم جزء
عدلت امه جلستها وقالت له :-المهم ها البنت القويه وقبل لاتطلع ذيك الحرمه قالت لها لحظه ووقفت ذيك وغمزت للشغالات وخلتهن يكتفنها وحطت وحده منهن سكين الرسايل على رقبت ذيك وقالت اشرحيلي شعورك
درت دانه انهم يتكلمون عنها :-ههههههههههههههههههههههههههههههههههه
انهبل راكان والتفت يم دانه :- من جد سويتي كذا
ابتسمت له وبانت غمازاتها ... وتخبل راكان !
قالت امه :-لا وكرشتها بعد وقالت لها هذي هي المره الثانيه الي اخليك فيها تطلعين من بيتي تمشين وتذكري الثالثه ثابته
راكان وهو يمسك يدها بقوه :-ههههههههههههههههههههه كفووووووووووو والله تربيتي ماراحت هدر
امهاته :- ههههههههههههههههههههههههههه
دانه :- ههههههههههههههههههههه اصغر عيالك
راكان :-هههههههههههههههههههه والله المفروض الواحد يحسب لك الف حساب
دانه وهي ترفع حاجب :-طبعا انا دانه بنت فهد
راكان :-والله والنعم
ابتسمت :-ماعليك زود
تخبل راكان ... وقالت له امه مريم :- نحنو هنا
حــــــــــــمر وجه دانــــــــــــــــه
وقال راكان بطفش (يستهبل) :-لاحول حرام املي عيني من هالوجه الصبوح والله مشكله العجز
امهاته :-هههههههههههههههههههههههههههههه
قالت امه مريم :-بيدك تفتك منا
قاطعها :-عرس مافيه عرس
الكل :- هههههههههههههههههههههههههههههههه
دانه (تستهبل) :-لاتوقف بوجه نصيب ماماتي ركوني
قال بوله زايد بيقهر امهاته :-يالبيـــــــــــــهـ من بكره ازوجهن كم دندونه عندي
دانه :-هههههههههههههههههه
امه مريم :- من حلاتكم (التفتت يم ام راكان ) هاتي عصاك بلفعهم فيها
راكان حب على راسها :-ههههههههههههههههه امسحيها بوجهي تبين العرس ماعندي مانع اهم شي يكون شايب مستقيم ومايتعدى ثمانين ماني فاضي اسوي عزا في بيتي عقب شهرين
الكل :-ههههههههههههههههههههههههههههههه
دانه :-حلوه شايب مستقيم ههههههههههههههههههه
امه مسويه فيها معصبه :-فال الله ولا فالك عزا ايش
قال يستهبل :-وراك مفجوعه يمه امزح
قالت امه :-لاتمزح في هالامور مره ثانيه
راكان وهو يبتسم :-لو الله كاتب يكون ببيتنا عزا عقب شهرين بيكون فيه عزا رضينا ولا مارضينا
هنا عصبت دانه :-عن هالسيره ضيقت خلقي
رفع يدينه :-ما اقوى على زعل نوارات البيت
امه مريم :-هذا الي فالح فيه تلعب علينا
راكان :-هههههههههههههههههههههههههه الله يسلمني
دانه :-هههههههههههههههههههههه لا ويمدح نفسه بعد
راكان :- افا قلبتي علي
دانه :-ههههههههههههههههههههههههههه وانا اقدر
امه مريم :-احممممممممممم لا اله الا الله اليوم فاصخين الحيا
الكل :-هههههههههههههههههههههههههههههه
ام راكان :-انتي علامك منقلبه حسوده اليوم خليهم يتهنون بشبابهم
دانه وراكان :- هههههههههههههههههههههههههههههه
امه مريم :- ههههههههههههههههههههههه وانا احسبك بتفزعين
وقف راكان :-انا عندي شغل اسمحولي لاحطيتوا العشا نادوني
ام راكان :- مو قلنا الشغل بالمكتب مو هنا بترجع لطبعك الاولي شغل شغل شغل
ابتسم وقال :-اليوم عندي كم شغله ماخلصتهن بخلصها ساعه بالكثير وبرجع
طلع راكان وتململت دانه بمكانها ..
الخاله مريم :-هههههههههههههههههههه الله يخلف علينا الحقيه
فزت دانه وحبتها على خده :-هههههههههههههههه يسلمو يا احلى ام
وطلعت تركض ...
امهاته :-ههههههههههههههههههههه الله يخليهم لبعض
ام راكان :-اللهم امين
،
؟

دخلت دانه مكتب راكان وكان يشتغل على اللاب توب ... وجنبه كومة ملفات ...
ابتسمت :-مساعده
تنهد راكان :-جابك ربي تعالي ساعديني كنت بكلم محمد لكن مدامك جيتي ساعديني انتي
جلست جنبه ، وفهمها التفاصيل ,,
وراح الوقت لانهم اندمجوا بالشغل
قالت له وهي تسكر اخر ملــــــــــــــــــــف وتتمطى من بعد التعب :-شكل هالصفقه دسمه
ابتسم وهو يسكر اللاب توب :-صفقة العمر على قولتهم ..
دانه :-متى هالصفقه زي ما اشوف صفقه بهالحجم لازم يشرف عليها واحد منكم انت او محمد
راكان :-الدور دور محمد هو الي بيروح
دانه :-هههههههههههههههههه دور محمد
ابتسم راكان :-ايه انا ومحمد حاطين ادوار في السفر لان بعض شغلنا يستوجب نسافر
دانه :-ماشاء الله عليكم تخطيط عملي
راكان :-لازم التخطيط اذا ما احسنتي التخطيط راح تضيعين بالسوق ...
ابتسمت وتمسكت بذراعه وحاطة راسها عليه :-الله يخليك لنا مالي بوجع الراس الارقام صابتني بحول
راكان :-هههههههههههههههههههههه
وقفت ومدت يدها له :-يالله ننزل
مسك يدها ووقف مشت لكنه كان واقف قالت له :-شفيك
قال وهو يقرب منها :-الا ماقلت لك انك طالعه تجننين
حمر وجهها ...
راكان :-ههههههههههههه لاحول تدرين شلون خلينا ننزل لاتجي علوم
دانه :-هههههههههههههههههههه يالله
ونزلوا ...
×
×
×
×
>>>>>>>>>في المستشفى ...
كان سعود واقف يناظر في الطبيبه الي كانت تكشف على الماس وقلبه يعوره وامه تهديه ...
شوي وجت الطبيبه وهي مبتسمه :-لاتخافون خير ان شاء الله
سعود شوي وينهار :-شلون خير وهي تعبانه وتتلوى من بطنها
امه :-يمه هدي نفسك
ابتسمت الطبيبه :-تفضل اجلس
جلس سعود غصب ...
قالت له الطبيبه :-زوجتك اعصابها مشدوده عشان كذا تحس بالام في بطنها
سعود مو فاهم :-ممكن توضحين لي اكثر
الطبيبه :-قلت لك اعصابها مشدوده سببت شوية تقلصات ببطنها خلتها تتالم هالامور نوعا ما عاديه لكن في حالة زوجتك حساسه نظرا للي تعرضت له الشهور الي فاتت من ضغوط واخر طيحه لها ماتساعد في مقاومة هالاشياء
سعود :-طيب وش العمل وش الي يخليها ما تتالم كذا
الطبيبه في نفسها (لو تدرين عن كبر حظك يا الماس برجلك الي نادر وجوده )
قالت :-انا عطيتها مهدي اخذها للبيت وراح تنام بالكثير 12 ساعه هي بامس الحاجه لها نظرا لانها مانامت له اكثر من يوم ..
انقهر سعود لانها تعبانه والسبب هو ..
وقف وقال :-الله يعطيك العافيه ..
قالت له وهي تكتب :-يعافيك ربي ................خذ هذي ادويه لازم تاخذها بانتظام
ومدت الورقه
رفعت راسها ولقته عند الماس يهمس لها ويساعدها ...
امه :-هاتيها يابنيتي انا بعطيها له
الطبيبه :-تفضلي ياخاله
امه :-ماتقصرين
الطبيبه :-واجبي ياخاله ..
همس سعود لها وهي توقف :-تقدرين تمشين
همست :-دايخه شوي
ابتسم :-لانهم معطينك مهدئ كذا يالغاليه يوم وزود ماتنامين
قالت بهمس :-كيف انام وعينك محرومه من النوم
قاطعتهم امه :-يالله يمه مشينا
سعود وهو مسند الماس :-ايه
وطلعوا من المستشفى
:
:
:
:
><بيت احمد ><الساعه - 11 ونصف مساء
كانت سعاد نايمه ...
وماهي بداريه ولاحاسه بالخطر والموت الي يحاوطها من كل مكان ..
تقلبت في فراشها وهي تحس بضيق في التنفس ...
،
،
>>>>>>>>>مقر عمل احمــــــــد
جاء عبدالكريم يركض ...
احمد :-خير
عبدالكريم :-فيه بيت محترق ومافيه الا حرمه
وقف احمد وشغل جرس الانذار معك موقعه وكم في البيت من اشخاص
مد عبدالكريم عليه البلاغ وكمل ...:- الموقع مكتوب عندك والبيت مافيه الا مثل ماقلت لك حرمه والي بلغ شغالتها من عند الجيران لانها ماقدرت تطلع للطابق الثاني تصحي عمتها ...
طاحت الورقه من يد احمد ...وتغير لون وجهه ...
خاف زميله :-احمد علامك
ركض احمد حتى مالبس الواقي من الحريق على بدلة العمل الرسميه
لحقه عبدالكريم :-احمد علامـــــــــــــــك
صرخ احمد :-المحترق بيتي زوجتي بين الحيا والموت يا الحق عليها يا لا
وطلع وركب سيارته بسرعه لحقه زميله على رجوله وماقدر يمنعه قبل لايتحرك بالسياره
دخل المركز وصارخ :-بيت احمد محترق شدوا الهمه بســــــــــــــــــرعه...
بسرعة البرق ... ركبوا سيارات المطافئ ولحقوه ...
بالسياره كانت دمعة احمد برمش عينه ...وهو مسرع بشكل خطير ..
يقطع الاشارات ولاهمه ...
اهم شي يوصل ...
التقرير يقول ان الحريق كبير وتمكن من الدور الثاني وان كانت نايمه بتموت لانها بتتنفس دخان الحريق وهو غاز كربوني خطير ..
كلم نفسه :-تماسكي يا نظر عيني انا جاي ...
مرت ربع ساعه وهو ماوصل ....
وقف بنص الشارع ماطفى السياره ولاسكر الباب ..
كانوا الجيران يحاولون يطفون النار بس ماقدروا .... كانت النار طالعه من درايش البيت والدور الثاني مولع نار ولونه يعمي العيون ...
وصلوا اخوياه بعده على طول ... لانهم ماواجهوا زحمه مثله وهو جاي بحكم انهم فرقة انقاذ ولهم خط خاص بالشوارع
ركض للباب ولحقوه زملاؤءه ...
مسكوه وهو يصارخ :-تركوني بدخل
عبدالكريم :-مجنون انت مالبست الواقي
كان احمد يرجف ووجهه احمر :-بكون مجنون لا تركتها تموت قدام عيني يا انقذها يا اموت معها
حاولوا يمنعونه .. لكنه بقوته تغلب عليهم ودخل البيت يركض وهم طايحين على الارض ...
دخلوا وراه ...
وتناثرت المويه ..في الشارع ...
اختلطت المويه بلهيب النار في محاولات يائسه للسيطره على هيجان النار الفضيع ..!
قال واحد من الفريق :-شكله التماس
الثاني :-اظنه انا بعد كذا
صرخ فيهم عبدالكريم وهو يلبس طاقيته :-بسرعه شدوا الهمه الحقوا احمد لايموت
دخل احمد .. البيت وحط يده لا اراديا على وجهه لان النار لسعته فيه ...
انصدم كل شي محترق الاثاث اللوحات كل شي كل شي ...
صرخ بكل حسه وهو يحس بحرارة النار في حلقه وريحة الدخان بانفاســـــــــــــــــــه
"سعـــــــــــــــــــــــــــــــــــــــــاد "
وما رد على صوته الا الصدى ؟؟
ماقد خاف في حياته هالكثر ..حتى يوم طاحت عليه الديكورات وبغى يموت ماخاف هالكثر
عرف انها نايمه لانها صاحيه من بدري !
ترجى ربه في نفسه "احفظها لي يارب ولا موتنا سوى "
طلع الدرج ورجع خطوه لان النار تحرق وجهه ....حط يدينه يغطي وجهه وماقدر يطلع النار قويه
تذكر المطبخ ركض له وغرق نفسه بالمويه صح انه حل يائس لكنه يضمن له طلوع درجتين بدون مايحترق ..
اخذ معه منشفه كبيره وغرقها مويه ولف بها نفسها..
نجحت خطته ولو انه يحس بحرارة النار على جسمه ....
اخيررررررررا وصل الدور الثاني ولو ان البيت مو بيته ولا كان ماعرف من وين يبدا ولا لوين ينتهي !
وصل جناحهم ...
وكان بابه مردود ..
دف الباب بقوه وصرخ ...سعاد
كنــــــــــــــــــــــه سمع صوت او همس
تلمس طريقه بين الدخان ... ومسكها ..
كانت متراخيه وماتتحرك ...
صرخ بخوف :سعاد
ماتحركت ولا شي ............
غرق غطاء السرير بمويه ولفها فيه وشالها بين يدينه وهو مغطيها كلها ..
كان قلبه يرعد لدرجة انه حس به بيوقف ....
نزل ولما وصل الدرج كانوا اخوياه يحاولون يطفون النار تحت اما الباقي فطلعوا للدور الثاني من برى عن طريق السلالم ....
ضمها لقلبه وهي ساكنه ماتتحرك حتى انفاسها مايحس بها
لاقاه عبدالكريم تحت وشافها معه مغطيها كلها :-الاسعاف برى
طلع احمد وحمد ربه ان اخوياه مبعدين الناس عن مكان الحريق ويحاولون يسيطرون عليه قبل لا ينتشر في البيوت الي حولهم
نزلها بالاسعاف وركب معها
حاولو يسوون لها تنفس صناعي ......لكن مافيه امل
صوت جهاز نبضــــــــــــــــــــــات القلب ضعيف
حاولو ينعشونها ومافيه امل كان ماسك يدها ودموعه تنزل ويمسحها ...
اخر شي ...
طوووووووووووووووووووووووووووووووووووووووووووو ووووو ووط
رفع نظره وشاف جهاز نبض القلب خط احمر ...
وماحس بنفسه الا وهو مغمى عليه !
******* ********
الفصل التاسع عشر )

><بيت ابو سعود><
صحت هنادي متروعه من نومها على صوت شي طاح بالارض برى غرفتها
وقفت بسرعه وعدلت بيجامتها الصفراء وطلعت وهي مصدعه تبي النوم ..شافت امها واقفه ويدها على قلبها وقطع الكاس بالارض
قالت هنادي وهي تمشي بسرعه لامها وتبعد عن القزاز المتكسر :-خليه يمه انا انظفه
ناظرت بامها وشافت وجهها ما ينتفسر مسكتها مع يدها وقالت بخوف :-يمه فيه شي
قالت امها وهي تحس بنغزات في قلبها :-هاه...لا بس قلبي يعورني
خافت هنادي وقالت :-خير ان شاء الله
لكن امها كانت النفسيه تعبانه لسبب ما ؟؟
قالت هنادي :-يمه استريحي لاتكبرين الموضوع
قالت امها والالم بصدرها يزيد :-يمه قلبي مو متطمن ياويل حالي عيالي كل واحد بديره ولا ادري عنه
ضاق خلق هنادي وبدا الخوف يشتغل معها قالت بهدوء ماتحس به :-يمه لاتفاولين عليهم سلطان بسكن طلاب وانتي عارفته مو راعي خرابيط وهمه دراسته حتى انه مستعجل يبي يخلصها عشان يرجع ويتزوج وفهد مع مرته بالشرقيه ولو صاير له شي لاسمح الله بتدق علينا ماتعرف احد هناك وسعاد مع رجلها وسعود هنا
جلست امها بصعوبه :-لا لا قلبي يعورني ماراح اتطمن لين تدقين عليهم
جلست هنادي جنبها :-يمه نخوفهم على الفاضي انتي تعرفين العيال والله لو تقولين انك بتتطمنين ليجون ماعليهم منك
قالت امها وملامحها تعبانه :-اجل دقي على اختك
طلعت عيونها قدام :-مستحيل اكلمها الحين رجلها عندها
امها :-طيب وش السواة قلبي مو متطمن
هنادي وهي تجلس امها :-اذكري الله يمه هذي وساوس شيطان
امها :-لا الله الا الله محمد رسول الله ذاكرته يمه فكل وقت وفكل حين
هنادي وهي تحب على راسها :-اجل لا تكبرين السالفه وتتعبين نفسك بسبب اوهام ..
>
<
>
<
>>>>>>>>>بالمستشفى
قال الطبيب دقوا على اهل هالمرضى لازم يتلقون نبأ وفاتهم
هزت الممرضه راسها :-اوكي
وراح يكمل باقي تعليماته للممرضه ...
بعد ربع ساعه دخل طلال المستشفى بسرعه ...
طلال :-اخوي بغيت اسال عن مريض ومريضه دخلوا قبل ساعه المستشفى
الموظف :-اسماءهم
طلال :-احمد بن نايف وسعاد بنت ناصر
الموظف :-تفضل هذا رقم غرفة احمد بن نايف
طلال تغير لون وجهه :-وسعاد
الموظف بارتباك :-يفضل تراجعون الطبيب المسئول
وقف طلال شوي يجمع افكاره ويتماسك باين الرد من تصريفة الموظف ...
وراح لغرفة اخوه وهو مايدري وش يقول له وهو بالطريق طلع جواله ...
ودق على جوال سعود
>
<
تقلب سعود بفراشه وصوت الجوال مزعجه ..
مد يده واخذ جواله ... لينه رقم طلال
قال وهو يرجع شعره بيده ..بهمس قبل لايرد :-خير اللهم اجعله خير
"الو"
طلال :-هلا سعود كيف حالك
سعود :-بخير خير ان شاء الله
طلال :-خير خير
سعود :-طلال وش فيه مكالمتك هالحزه فيها شي
قال طلال :-احمد وسعاد صار لهم حادث وهم بمستشفى -----------
قام سعود بسرعه :-افااااااااا صار لهم شي
تردد طلال :-مـ مدري توني واصل المستشفى اخويا احمد هم الي داقين علي وعلموني الحقه بالمستشفى
بسرعه البرق لبس سعود ثوبه واخذ شماغه بيده قامت الماس وهي تناظر وجهه
وقفت :-سعود فيه شي
ناظرها وقال :-لا ارجعي نامي
خافت الماس موت :-سعود تكفى قلي شفيه
اخذ مفاتيحه وجواله وقال وهو معطيها ظهره :-واحد من ربعي صار له حادث وبروح له
صدقته :-لاحول ولاقوة الابالله الله يرفع عنه كل ضرر وسوء
طلع بسرعه من الجناح ...
في طريقه شاف امه جالسه مهمومه وهنادي معها وجهها ماينتفسر ,,
استغرب من معلمهم ..
مر من عندهن بسرعه ماله خلق مناحه وهو توه مايدري وش السالفه ولا وش كثر اصاباتهم ..
وقفت امه :-يمه من ...
ارتبك سعود :-من الي من يمه
امه :-من من اخوانك الي تعبان
سعود :-محد يمه محد
امه ودمعتها تفر من عينها :-قلبي يقول لي اني بفقد احد منكم
دمعت عيونه ومافات هالشي هنادي الي بكت غصب وقالت وهي ماسكته :-منهو ياسعود من
نفض سعود يدها ونزل بسرعه دقايق الا وطاحت امه على هنادي ...
صرخت هنادي يمه ...
الا بجية ابوها ومنال :-خير شفيك...............
ركضت منال وطاحت عند امها الي بحضن هنادي :-يمه بسم الله عليك هنادي شفيه
ابوها وهو يساعد البنات يصحن امهن :-علام امك شفيه صاير شي لاخوانك
قالت هنادي وهي تصيح :-مدري امي قلبها يعورها وموسوسه على اخواني وفجاه طلع سعود يركض وشماغه بيده
انصدم ابوها وقلبه عوره :-طلع يركض
قالت وهي تبكي وكلامها يالله ينفهم :-ايه طلع ركض ولما سألناه اذا اخواني صابهم شي دمعت عيونه وماتكلم
صحت ام سعود وقالت ودموعها تسيل :-يمه دقي على اخوك خليه يعلمني من
وقفت هنادي تمسح دموعها بقفا يدها وركضت لغرفتها تجيب جوالها ...
كان سعود قافل جواله ...
انهارت على السرير ودرت ان فيه شي ...
نزلت راسها ومسكته بيدينها وهي تبكي وترجف خوف وترقب من من !
سلطان الي ببلاد الغربـــــــــــــــــــه والي يترقب اليوم الي يرجع فيه عشان يتزوج قمر
فهد الي توه متزوج وما تهنى بزواجه
سعاد الي اخيرا قدرت تحل مشاكلها وتو تبدا حياة جديده مع زوجها الي تعشقه
دخلت منال عليها الغرفه ونفسيتها دمار ..قالت وهي تمسح دموعها بعناد :-هنادي لاتفاولين خير ان شاء الله
قالت تهمس وهي على حالتها :-قلبي يعورني انا بعد
جلست منال جنبها وقالت وهي تمسح دموعها في كل مره :-هنادي امي الي فيها يكفيها السكر عندها 500 ميه وابوي جالس يحاول يكلم سعود
هنادي :-قافل جواله وهذا دليل ان فيه مصيبه
بلاشعور طلعت بكية منال قويه :-ياويلي
ضمتها هنادي وجلسن على هالحاله !
×
×

مشكوووووووووووووور حبيبتى

يالله عاد عجلى كمليهااا بنشوف النهاية