حبيت اشارك بهاي القصيده لطلال السعيد






يـاللـي زعـلــت







ياللي زعلت إزعل ولاني مراضـيك ..... أشرب كدر ماي البحر كانه أرضـاك

لا تحسب أني عقب صدك بداريـك ..... بأعز نفسي عنك مـدراك مــدراك

أربـع ســنين وأنا متحمـل تغليك ..... راضي بتعذيبك لأجـل قلبٍ أغـلاك

وخليتني واليــوم والله لأخـليـك ..... وأدوس قـلبي لينـه يقـول خـلاك

قبـل توريني الحسـاير بأوريــك ..... ليمن يقـال فـلان هانـك و ورآك

كـانك تحداني فأنـا أقبـل تحـديك ..... وأنسى الغـرام اللي مـضى وأتحداك

مـاني بقايـل لك عسى الله يهنيـك ..... الله يحـرمك كـل مـا كان هنّــاك

عـسى العمـى ياخين العهد يعميـك ..... فوق الغرور اللي عن الماضي أعماك

وعسـاك ما تسمـع قريب يناديـك ..... حيثك تجاهل صوت محـروم نـاداك

وعسى الشلل يعـوق رجـلٍ تمشيك ..... لـينك تنـدم ليـه غـيرت ممشـاك

وعسى حياتك بس فرحـة لشـانيك ..... يلقى بها الفـرصـة عدوك ويشناك

وعسى الليـالي اللي تجيني بطاريك ..... يصبح عليها الصبح ويموت طريـاك

وعسى المنـام وكل راحة تجافيـك ..... آمين حتى اللي تمنــاه يجفـــاك

وعساك ما تفـرح وتكثر بـلاويـك ..... وأمك تشـق الجيب من عظم بلـواك

وإلى مت جعلك في جهنم تصـاليـك ..... نار الجحيم ونار دنياك تصـــلاك

الله يكـره فـيك حـتى دوانيــك ..... غشـاش خـاين من من الناس داناك

هذه النهايـة روح والله يجازيــك ..... أمسـك ويومـك عنهم الغد يجـزاك

تسلم يمينك اختي شيخة البدو ع النقل الرائع
وبصراحه انا تعجبني هالقصيده موووووووووت
ودمتي بود

مشكور اخوي الهاجس ع مروورك
وانا عندي هوس بالقصيده اللي ف تووقيعك 0000

مشكوره أختي شيخةالبدو على هذه المشاركه الرائعه
والله لايقسي قلوبكم ان شاء الله على أحد
والى الامام دائما

تسلم يمينك اختي شيخة البدو ع النقل الرائع

تسلم ييدك أختي شيخه_البدو على النقل الرائع
لكلمات الشاعر الكبير .. طلال السعيد ..



ونتمنى منكِ المزيد من هذه الكلمات الرائعة .. ولكِ كل التحايا ...



تحياتي لكِ
مرجـــان

مشكوووره يا شيخة البدو وعساك دوووم على الصحه وتمديني بهالقصايد الحلووووه ....
واذا هالمره من تاليف غيرك نبي المره الثانيه من تاليفك تمام
خلاص انا انتظر الجديد منك واذا ممكن نبي قصيده عن الحب او الصديقه
كاني اطلب واااايد لكن اكيد بتقولي لي "لا والله ما طلبتي شئ عز الله تم "^_^
انا بنفسي افسر واحلل الشخصيات




[glow=6666CC]
اختك في الله القمر المضئ[/glow]

مشكوره يا شيخة البدو وتسلمين القصيده رائعه

الشكر لكل اللي دشوا
وآآآآآآآآآآآآآآآآمين ياخوي سهم الموت
واختي ضي القمر سمحي لي مااقدر اكتب اي شي من كتابتي لانها مب موزونه عدل وماحب احد يقرها غيري وزالسموحه منج ياختي مع انه خاطري اقولج عز الله تم وماطلبتي شي بس عذريني بس ابا اشوف كتاباتج اذا شي عندج ياختي

طلال السعيد غني عن التعريف


كلاماااااااااااااااات ولا احلى