بسم الله الرجمن الرحيم

السلام عليكم ورحمة الله وبركاته

مع صحبة الأشواق في مجلس الليل
والهم ضيف ومجبر(ن) أستضيفه

قبل الأسى يقضي على آخر الحيل
قلت أستعيد البوح وأستل سيفه

ما جيت شاعر يستحث التماثيل
جيت أستثير عقول بيضا نظيفه

ماني من اللي ماخذ الشعر تمثيل
أو يستميله طيش فكره سخيفه

فكري فضا وأبيات شعري أبابيل
وإن جيت أقارع ما أصوغ الخفيفه

فارس قصيد ورقة أبياتي الخيل
وإحساسي مدفع والقوافي قذيفه

ما أنحني جدام عصف العراقيل
واللي يخالف مبدأ النفس أعيفه

دام الزمن تبّاع شور المهابيل
والذل يذبحنا على كيف كيفه

والناس صارت تعشق الهز والميل
وأغلب قلوب الخلق صارت كفيفه

خلي الرجوله للقروم الرجاجيل
أهل القلوب المؤمنات العفيفه

يـ مدوّر(ن) للذم فيني مداخيل
حالة ظنونك والأماني كسيفه

لو كنت أخشى قسوة القال والقيل
ما كنت بوطي فـ الدروب العنيفه

لو كل شي(ن) له فـ هالكون تعليل
ما مات جايع في يدينه رغيفه!!

يا صاح لاتخلط مع الفلفل الهيل
وتصاحب أصحاب القلوب الضعيفه

ماكل نار(ن) تنطفي عقب تقبيل
ولا كل جرح تكف "آسف" نزيفه

والدمع لو يسمع أنين المناديل
ما شفت باكي يبكي من فرط زيفه

ليت المدامع قبل لا تاثر السيل
تتفكر فـ حال القلوب الرهيفه

جيت بقصيد يهز صم التماثيل
شعر(ن) نزفته للعقول النظيفه

فكري مواني والمعاني أساطيل
والموج شعري والأحاسيس سيفه

واللي جبرني أسهر بمجلس الليل
نجل الهموم اللي بحشاي أستضيفه

أحمد العلوي

مع صحبة الأشواق في مجلس الليل
والهم ضيف ومجبر(ن) أستضيفه

اللــــــــــــــــــــــــــه لا يوري احد من الضيجه والهم

تسلــــــــــــــــــم أحمد ويشرفني اكون اول من يرد ع هالابداع المميز

جيت بقصيد يهز صم التماثيل
شعر ن نزفته للعقول النظيفة
فكري مواني والمعاني اساطيل
والموج شعري والأحاسيس سيفه
واللي جبرني أسهر بمجلس الليل
نجل الهموم اللي بحشاي استضيفه

*******************************

قصيدة رائعة جدا بروعة من صاغها

لله درك يابن العلوي

أتمنى لك مزيد من التقدم والإبداع

أخي الكريم تقبل مروري المتواضع

جيت بقصيد يهز صم التماثيل شعر(ن) نزفته للعقول النظيفه

صح لسانك اخوووي

خلي الرجوله للقروم الرجاجيل
أهل القلوب المؤمنات العفيفه

يـ مدوّر(ن) للذم فيني مداخيل
حالة ظنونك والأماني كسيفه



تسلم خيووو ع القصيده الرائعهـ

كلمات رووووووعه وكاتب اروع
تسلم ايدك يا علوي
ويارب يبعد عنا الضيق جميعا
تحياتي لك

المشاركة الأصلية كتبت بواسطة كاظمة الحب مع صحبة الأشواق في مجلس الليل والهم ضيف ومجبر(ن) أستضيفه اللــــــــــــــــــــــــــه لا يوري احد من الضيجه والهم تسلــــــــــــــــــم أحمد ويشرفني اكون اول من يرد ع هالابداع المميز

أشكرك أختي كاظمة الحب على مرورك وتعليقك الطيب.
وجزاك الله خير الجزاء
تسلمين والله يعطيك العافيه

الله الله
كلمات ولا ارووع
تسلم اناملك
تقبل مروري

صحــــ لسأآآأآأنك

كلماات رووووعه بصرأآأآأحه }~~

ونترقب الزووود منكــ

"صح لســـــــــــــــــــــــــــــــــــــانك"
الهم ضيج اعالجه بركعة الليل
قبل لايقضي علي ويستل سيفه
وابات سهير ومنهد آخر الحيل
وتكدر بي الدار الوفيه النظيفه
الضيف لاجاك ينغسك بالعراقيل
اكرمه بحسن الفعايل الرفيفه
سوسه دوّر فيك مدلهم مداخيل
خابت ظنونها وامانيها كفيــــفه
رجلك وطت ارض الرجاجـــــيل
ماستدان فيها جايع رغـــــــيفه
دار ماتخشى فيها القال والقيل
معمّره شموخها بالقلوب النظيفه









"