ياحبيبي لاتواعد مواعيد وتغيب
دامك تقول المواعيد من غير شهوه
والله إني من عرفتك وسميتك حبيب
أسمع بصوت الفناجيل وماشفت قهوه


لاباس أنا يالغاليه قلتها لك
من قلب يخلص لك يحبك ويغليك
ياليتني كنت المنوّم بدالك
وليت المرض يابنت فيني ولا فيك



روحي وهالمرّه خلاص لاتردين
هذا الفراق وروحةٍ دون رده
الكذب خيبه ماعرفتي تحبين
ما أنتي من يستحق المودّه
ماتعرفين الحب والعطف واللّين
ولا عاد في قلبي على الحب شده



يالحبيبه خفوقي مايبيك ويبيك
أشهد أنك حبيبه غير كل البنات
وين ما ألد وجهي بالطريق التقيك
صرت أخيلك واشوفك في جميع الجهات



ملعون أبو العشق دام العشق دلّعها
لاصارت البنت تامرنا وتنهينا
تجزم على الراي والكلمه وتقطعها
وحنا الرياجيل لارحنا ولا جينا




إستحيت ورحت بالخطوه وراي
يوم شفته من بعيد يكلّمك
والله إن لولا العقل توّه معاي
كنت أعرف أعلّمه وأعلّمك




مرات ربك يرزقك خوة إنسان

واحد ويسوى في عيونك قبايل



عشنا على كف القدر فوق يده
الله خلقنا عباد ونفني له عباد
ولا حاصل للحي ماكان وده
ولا حاصل للي يموتون ميلاد



حرت اميز في دروبي بين نار وبين نور
بين هجعة ليل ولا صحوة اجفان وسهر
خانت ظنوني وعيوني خانني ذاك الشعور
اقطف الشوكة بكفي واحسب الشوكة زهر



بمشي بدربي واترك الناس يمشون
كلن على كيفه رقى كل هامه
ولا صرت انا من راعي الطيب مطعون
ابيستوي قرب الرفيق وعدامه
وأن خاب ضني بأقرب الناس وشلون
بعطيك ضني يارفيق الندامه




في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره




وأنا ما قلتها راجي ولا أطلب بعدها مردود
ولكن الفتى ودّه يحقق جملة أحلامه
وبمشي لآخر الدنيا ولو كلّ الأنام اقعود
وعن وجه الزمن بكشف حقيقه وأرفع الثامه
صحيح إني صغير السن ولكن قدها وقدود
وأنا عندي مع الدنيا مواقف ترفع الهامه





والمشكلة اني كل ما حنت عيوني للجنوب

تطري لي الريم اللعوب وسالفة ترحالها

وعز الله اني كل ما تطري لي الريم اللعوب

حرمت امد ايدي على حاجة وانا ما اقوالها




ابك انا مقطوع من غصن شجره

لا صديق ولا رفيق ولا عشير

بدوي(ن) شيب الصبر شعره

ما عرف ريش النعام ولا الحرير

إن غفا كأن السحاب يدثره

وإن صحى يفرش من الرمضا حصير

دائما حامد زيد دايما مبدع

شاااااااااااااااااعر العزة بدون منااااااااااااازع ..
وكلمااااااات ليست كالكلماااااااات
تسلمين على الذووووووووق الرفيع ..

لاباس أنا يالغاليه قلتها لك
من قلب يخلص لك يحبك ويغليك
ياليتني كنت المنوّم بدالك
وليت المرض يابنت فيني ولا فيك

تسلم يميييينج ع الطرح اختيه

يعطيييج العافيه

عشنا على كف القدر فوق يده الله خلقنا عباد ونفني له عباد ولا حاصل للحي ماكان وده ولا حاصل للي يموتون ميلاد

تسلمييين اميرة الشرقيية ع الطررح المميــــــز

وحااااااااامد زيـــــــد دووووم مبـــــــــدع واشعــــــــــااااره كلهــــــــاااا روووعـــــــــــــــــه

تقبلى مررووررى

عشنا على كف القدر فوق يده
الله خلقنا عباد ونفني له عباد
ولا حاصل للحي ماكان وده
ولا حاصل للي يموتون ميلاد


صح لسان الشاعر ويسلم ذوووق الناقل...


ربي يعافيك اختي وتسلمي ع المختارات الرائعة من شاعر متألق دوما...

تسلمين اختي ع النقل الراااااااائع

أميرة الشرقيه ، بل أميرة الذوق الرقيق.
شكرا ً لك على هذا الجهد اللا مسبوق.
لقد أمتعتني حواسنا وعواطفنا وقلوبنا بأبيات
الشاعر حامد زيد ، فشكرا ً لك