>>>>>>>>> بالمستشفى
دخلت دانه على طول غرفه العمليات ..
طلع لهن الطبيب وقال :-اظن لازم عمليه قيصريه وين زوجها
دمعت امه لكن الايمان كان سلواها الشهور الي فاتت :-زوجها متوفي
الطبيب :-طيب لازم احد يوقع على الاوراق لأننا ان ماقدرنا نولدها طبيعي بنسوي عمليه
ام راكان :-ياولدي اهم شي صحه بنتنا اذا تبيني اوقع ماعندي مانع
الطبيب :-لازم ولي امرها لكن بما ان زوجها متوفي ممكن ناخذ توقيعها هي
ام راكان بخوف :-سو الي تبي يمه بس لا اوصيك عليها
الطبيب :-لا توصين ذا واجبي
وراح...
قالت ام راكان :-الله يسهل عليها
الخاله مريم وهي تمسح دموعها :-ناقصه شقا وعمليات توها صغيره
ام راكان قلبها كان يتقطع :- الله معها ادعي لها
الخاله مريم وهي تمسح دموعها الي ماوقفت :-يارب سهل عليها يارب
ام راكان :-اللهم امين
طلعت ام راكان جوالها ودقت على ام خالد
ام خالد :-هلا ام راكان
ام راكان :-ام خالد حنا بمستشفى (-----) دانه تولد
انهبلت ام خالد :-توها بالسابع
ام راكان :-لا تخافين الطبيب طمنا
ام خالد قلبها ولع على بنتها :-انا جااااايه
ام راكان :-زين
كانت دانه بين الحيا والموت والآلآم تزيد بقوه .. مسكت اطراف غطا السرير من قو الي تحس فيه ...
بــــــــــــــــآخر مكان من الكره الارضيه---------->
كل رجفه رجفتها دانه تقابلها رجفه..كل ضيقه ضاقت بها دانه تقابلها ضيقه.. وكل ألم تحس به دانه يقابله ألم ..!!
من بين دموعها همست اسمه ..راكـــــــــان...
كانت قويه وقوتها اثارت اعجاب كل الفريق الطبي الي حولها ..
وتعوض تعبها وصبرها ودموعها ... على صرخة اول طفل لها
قالت الممرضه :-مبرووك ولد
ضحكت وهي تبكي... وعلى انقباضه ثانيه ... ومعاناه ثانيه .. انولد ثاني طفل لها
الممرضه :-مبرووك ولد
ضمت عيالها لصدرها وهي تبكي .. ماتدري هي تبكي من فرحتها .. ولا من حزنها في اسعد لحظات حياتها ..
بعد نص ساعه طلعت غرفتها ..
دخلن امهاتها عليها :-مبروووووووووووك
ابتسمت وهي تمسح دموعها عن عيون الكل :-الله يبارك فيكم
امها وهي تبكي :-بسم الله عليك يمه
دانه بتعب :-الحمد لله من شفت عيالي راح كل التعب
مريم :-سلامتك يمه والله عشنا رعب مو طبيعي
ابتسمت دانه :-الله يسلمك يمه
ام خالد :-هاه يمه وش بتسمينهم
دانه بدموع تحاول تكبتها :-فيصل ومحمد
سكتت امها شوي وقالت :-طيب سمي واحد راكان
عندت وهي تحاول تتجاهل ألم قلبها :-راكان بالنسبه لي حي مامات وعيالي بسميهم مثل ماكان بيسميهم لو كان موجود
ماقدرت ام راكان تتحمل وبكت
ضمتها دانه :-لاااااااا يمه كلش ولا دموعك والله ما مصبرني الا قوتك اذا تبين اسميهم غير آمري
ام راكان وهي تتمالك نفسها :-لا يمه انتي ماقصرتي ربي اخذ راكان وعطاني بنت بداله والحين ولدين من ريحته
ضمتها دانه وانهارت بالبكا,,,
عقب ماهدت
تثاوبت من التعب ..
وتركنها امهاتها تنام ...
راحن للحضانه يشوفن العيــــــــــال ..
طمنهن الطبيب عليهم بس لازم يبقون بالحضانه شهر لأنهم مولودين قبل موعدهم بفتره ..
اخترعت ام راكان لكن ام خالد هدتها وقالت لها انه عادي هالشي
*
*
بعد يومين طلعت دانه من المستشفى .. وقلبها يتقطع لأن عيالها بعيد عنها لكنها تزورهم كل يوم ..
قالت هنادي بحماس :-ياقلبببببببببببي بيطلعون حبايبي اليوم
دانه :-ههههههههههه ايه بيطلعون بروح اجيبهم عقب العصر
هنادي :-طيب خلاص غرفتهم جهزت
دانه وهي ترفع عيونها فوق :-هههههههه ايه جاهزه والله انك ازعاج
عقب ولادتها عيالها فيصل ومحمد دخل النور لحياتها ونوعا ما.. رجعت دانه الاوليه .. صحيح ان موت راكان اخذ منها الي اخذ لكنها صارت قويه عشان عيالها وعشان امهات راكان الي بحاجه لها ..
اخذت دانه شاور عشان تتغدى وتروح تجيب عيالها من المستشفى
طلعت من الحمام ولبست وكشخت ..
كنها سمعت صوت بغرفه عيالها الي جنب غرفتها..
رمت فرشاه شعرها وركضت مثل المجنونه للغرفه .. شافتهم فيها وبغى يجيها انهيار من الفرحه
كانت مفاجأه من امها ومن خواتها وبنات عمها وام سعود ..
انهبلت وضمتهم لصدرها وهي تبكي ..
ام راكان :-خلاص يمه حنا نبي نفرح مانحزن
افـــــــــــرح .. ويني ووين الفرح وانا دنياي منهاره !
مسحت دموعها لازم تتماسك ان ماكان عشانها عشان الي حولها ..
والاهم عشان ام راكان الي فقدت وحيدها والي مافيه زي مصابها بهالكون مصاب..
قاطعهم جوال هنادي وهو يدق ... طلعت برى تكلم وبقوا بغرفة عيال راكان ..
بعد خمس دقايق رجعت هنادي ..
هنادي :-دانه
التفتت دانه لجهتها :-نعم
هنادي :-بغيتك برى شوي
طلعت دانه ...ودخلت غرفتها مع هنادي
دانه :-خير
هنادي :-محمد يبي يكلمك
دانه وهي تعقد حواجبها :-فيه شي
هنادي :-اظنه عشان الشغل
بدا راس دانه يعورها مايكفي شهور الهم الي عاشتها وهي حامل والي زود على حزنها ومصيبتها ماتركوهم عمان راكان يتهنون من كثر الشكاوي والقضايا بالمحاكم يجي عاد الشغل وهمه ..
دق الجوال وخذته دانه :-نعم
محمد :-االسلام عليكم يم فيصل
دانه :-وعليكم السلام
دخل محمد في الموضوع طوالي ... وجلس يشرح لها بما انها شريكته لازم ياخذ رايها في كل شي ويكون أي قرار مشترك ..
قاطعته دانه :-اسمع اخوي
محمد :-سمي
دانه :-انت قبل لا تكون شريك بالشركه انت اخو راكان وانا واثقه فيك كل الثقه أي اوراق تحتاج لتوقيعي ارسلها على فاكس العمل الي حاطه راكان (وغصة بعبرتها) في البيت
محمد :-مايصير انتي مالكه زيك زيي
دانه بهدوء :-خلاص انا اتخذت قراري وماراح اغير رايي
ماقدر محمد الا يستسلم لقرارها ولو انه مو معجبه بس الشكوى لله عنيده مثل........... ومسك نفسه لا يرجع يحزن
قالت هنادي لدانه :-دانه هذا حلالك وحلال عيالك ..
مشت دانه لصورة راكان الي جنب سريرها .. وقالت وهي تحاول تخلي صوتها عادي عشان ماتكتشف هنادي انها تبكي ..:-هذا مو كلامي كلام راكان دايم
لما تجي سيرة راكان تسكت هنادي .. وماتكمل الكلام مع دانه لأنها مو ناقصه انهيارات يكفي انها انهارت عليهم مرتين ..
دخلت الماس وفيصل معها ودخلت سعاد ومحمد معها
سعاد :-تعالي شوفي عيالك شفيهم بس يبكون
دانه :-هههههههههه هاتيهم
جلست على سريرها وجابت رضعاتهم ترضعهم ..
قالت سعاد بغباء :-يووووه جوعانين
الماس تستهبل :-من جد انتي ذكيه
سعاد وهي ماده بوزها :-قالوا لك عيالي عشره
البنات :-ههههههههههههههههههه
اخذت هنادي فيصل ترضعه ..
وخلته بحضنها لين نام ..
ناظرت دانه في وجيه عيالها بحنيه وقالت بحسره وشوق :-سبحان الله ما خذوا مني غير لون العيون والباقي زي ابوهم
تأثرن البنات..الي طلعت تسمح دموعها برى والي مسكت نفسها
كانت دانه سرحانه في احلامها عالمها الحلو الي كله ذكريات راكان ..
دق جوال سعاد وكانت النغمه ...
------>>>يادانه بعين بحارك ..ترى الاحساس ربانك ..وانا ربان هالمركب
طوتني رحلتي عندك وحطيت الأمل عندك ..بس الموج مايساعد
ولا الاقدار بتساعد ..واذا الخطوه قربت او هدت احس انها ..قريبه قريبه ويمك تباعد
فلتت شهقتها منها غصب ونزت دموعها بقوه سكرت سعاد جوالها ..
قالت بخوف :-دانه بسم الله عليك شفيه
لكن دانه وكالعاده بحضن هنادي ..
دق الجوال مره ثانيه وزاد بكاها ..
وفي وقت ثاني وشعور ثاني ومع شخص ثاني [ يادانه بعين راكانك .. ترى الاحساس ربانك]
انتبهت هنادي متأخره لنغمة جوال سعاد ...
اشرت لها هنادي تسكر الجوال وسكرته انتبهت سعاد وسكرته بقهر لأن مو قصدها تزيد على دانه معاناتها ...
مسحت دانه دموعها بسرعه وتماسكت خلاص ماهي بمراهقه ولاهي مالكة نفسها عشان تحزن على راكان براحتها لا .. هي ام وعندها ولدين يبون عنايتها ويبوونها تأمن مستقبلهم ...كانت ذي وظيفة ابوهم لكن ابوهم وراح .. ومابقي الا هي تشوف مصالحهم
سكتوا البنات ومشوا السالفه لأنها مؤلمه بما فيه الكفايه والكلام فيها مايخفف يزيد..
زينت الغطا على عيالها وعدلت المخاد على اطراف السرير احتياط عشان مايطيحون صحيح انهم صغار لكنها تخاف عليهم مره.
×
×
×
>>>بيت ابو خالد
>>>>بالمجلس
قال ابو خالد :-البنت ذي مدري وش بسوي معها
ابو سعود :-خير شفيه
ابو خالد :-سكنها بلحالها ماهو معجبني
ابو سعود :-معك حق يبو خالد
ابو خالد بهم :-مدري وش السواة البنت الي مر عليها ماهو بشوي ولا ودي اضغط عليها
رحمها عمها :-والله مشكله بس مانقدر نترك بنتنا بعيد عنا
ابو خالد :-اليوم بروح اجيبها مقدر اتحمل بعدها عني شايل همها والليل مقدر انامه
ابو سعود :-الله يكون بالعون
السالفه ذي مضايقه ابو خالد من يوم ماتوفى راكان عشان كذا حب يغير السالفه لموضوع هنادي ومحمد لأن موضوع دانه ماله حل الا انها ترجع بيته مره ثانيه ...
آه يابنتي مالك نصيب أبدا ,,
ابو خالد :- يبو سعود الرجال عزوبي الحين وماعنده ببيته حرمه صحيح كلنا محازين على موت راكان لكن الشكوى لله الحياه ماتوقف راحوا قبله اهلنا وجداننا ..
ابو سعود :-البنت راسها يابس وتقول مابي عرس الا عقب ما تطلع دانه من العده
ابو خالد :-مالها عذر الحين دانه ولها ثلاث شهور طالعه من العده بيض وجهنا مع الرجال يبو سعود
ابو سعود :-لاتوصي يبو خالد
ابو خالد :-هذا هو العشم يبو سعود
×
×
بعد ماراح ابو سعود...
قال ابو خالد لزوجته :-جسيتي نبض دانه
ام خالد بزعل :-ايه
ابو خالد :-طيب
ام خالد والدمعه بتفر من عينها :-أي طيب
ابو خالد بعصبيه :-شفيك ياحرمه
ام خالد بقهر :-تبي تاخذ البنت من بيت ابو عيالها
ابو خالد :-ابو عيالها مات
ام خالد :-يارجال حرام عليك البنت قلبها نار للحين
ابو خالد بعصبيه :-ماللحريم هنا هرجه
قاطعته :-بس فكر في ام راكان راح ولدها منها والحين بتاخذ عياله حرام
انقبض قلبه لكنه قساه :-أجل نخلي بنتنا عرضنا بعيد عنا لا يم خالد ماتوقعتها منك
سكتت ام خالد وماقالت شي ..
ابو خالد :-ماقلتيلي ماجسيتي نبضها
ام خالد بدموع :-الا جسيته والبنت اخاف عليها من الانهيار مو ناقصه
ابو خالد تورط .. مايدري كيف بيعالج هالموضوع مع دانه لكن المهم ان الحال مو معجبه أبد
×
*
×

الجزء الثالث)
>>>>>بيت راكان
دخلت الخاله مريم على دانه وهي بغرفتها سرحانه ..
مريم :-يمه
التفتت دانه :-هلا يمه
مريم :-يمه الساعه 5 وانتي ما تجهزتي للزواج
ابتسمت من ورى قلبها :-ما انتبهت للوقت
جلست الخاله مريم جنبها وقالت بحنيه :-يمه راكان مات ومتنا معه لكن الحياه تستمر واليوم زواج اختك وبنت عمك هنادي ماهي حلوه ما تروحين لها بدري يكفي انك مارحتي معها على الاقل الحقيها بالمشغل البنت ماقصرت
دانه بحزن :-عارفه يمه وااااااااه لو تعرفين وش كثر مالي خلق لا لفرح ولا طق واغاني
مريم وهي تمسح دموعها :-عارفه يمه عارفه بس لأجل عين تكرم مدينه
دانه بصوت مبحوح :-معك حق
مريم :-اجل قومي وخذي فستانك الي دافعه فيه شي وشويات والحقيها المشغل
ابتسمت دانه وهي تحب راس ام راكان ..:-تآمرين
جمعت اغراضها ...
ولبست عيالها وراحت للمشغل ....
>
<
>
>>>في المشغل
كانت هنادي ناقصة فرح لأن دانه مو فرحانه ..
قالت سعاد وهي تشوف هنادي سرحانه :-هاااااااااه عروستنا وين سرحانه
التفتت هنادي لها :-هااااااا معك
الماس تستهبل :-امحق شكلها سرحانه في حبيب لقلب
سعاد :-ههههههه وش مستعجله عليه الليله بتشوفه وتمل منه
ولع وجه هنادي ...
الماس وسعاد :-هههههههههههههههههههه
هنادي كانت متضايقه وفرحانه وخايفه يعني مجموعه احاسيس متضاربه ..
هنادي :-هاها ها تضحكون
شوي الا دانه داخله عليهم ومعها عيالها ..
صرخت هنااادي :-دااااااااااااااااااااااااااااا ااااااانه
حاولت تتناسى حزنها الي يتجلا في كل لحظة فــــــــــرح ..
دانه بابتسامه حلوه :-هااااااااااااااااااااااااااي
هنادي دمعت :-ماتوقعتك تجين
دانه :-اذا ماجيت لك اجي لمن
هنادي وهي تضمها :-الله لا يحرمني منك..
والتفتت لعيال دانه النايمين :-يادلببببببببببببببببي
البنات :-ههههههههههههههههههه
دانه :-هنوده اتركيهم توني منيمتهم ..
وسحبتها عشان تتجهز لأن الوقت تأخر ..
/
/
/
بقااااااااااااااااااااعة الزواج <<<
بغرفه العروس كانت هنادي لابسه وخالصه . .فستانها ابيض ونافش ذيله طويل مره والطرحه خليجيه كانت رافعه شعرها شنيون روعه ومسويه مكياج يخبل يستاهل الكم ألف الي دفعتها عليه ومعها مسكه زي الفراشه كلها كريستال
دانه :هنوده اهجدي خليني اعرف اعطرك
هنادي بارتباك :-دندون قلبي يرجف رجف مو صاحي
دانه بعفويه:-ههههههههههه عادي يا بنت الحلال انا يوم شفت راكان ......................
وماتت الضحكه ..
تداركت نفسها وكملت عشان ماتضيق خلق هنادي :-اول ماشفت ابو فيصل رجف قلبي خوف لكن عقبها صار دنيتي ونور حياتي
دمعت هنادي , قالت دانه بسرعه :-هييييييييييييييييه نبي نفرح مانبي صياح
هنادي من قلب :-ااااااااااخ يا دانه الله يكون بعونك
دانه تجزرها الغصه جزر :-ربك كريم
ودخلن البنات وضاعت الدموع قبل لا تنزل ..
/
جلست دانه مع البنات بعد ما انزفت هنادي ..ينتظرن دخله محمد ...
الزغاريد..الاغاني... الضحك .. والاماني
ضاعت بضياع راكان ...
كم مره ومره تمسح دموعها بالخفا عشان محد ينتبه .. كانت متألقه وجمالها ماينوصف شعرها طال .. ملامحها احلوت زياده ..كانت لابسه فستان ليموني ملفت للانتباه ..صحيح انها مارقصت ولا كثرت من حركتها بالصاله الا انها تلفت الانتباه غصب..
آآآآآآآآآه ياكوووونـــــي..
رحــــــلت عنـــــــــــي ..
وســــــــرقت لي كونــــــــــي
حبيــــبي..وعيـــــــــوني
قلبــــــي
يمـــــــــــوت ويمـــــــــــوت ..
وبقبــــرك مدفونـــــــي
..
انتبهت دانه من سرحانها لأن الماس تحاكيها ..
دانه :-هاااااه
الماس بعصبيه :-دانه محمد بيدخل تغطي
تغطت دانه .. وتغطوا البنات ...
دخل محمد القاعه كاشخ..القلب فرحان لكن بزاويه بعيده منه فيه كسور والآااام ..
وين انت يارفيقي ..
وينك.. تكمل فرحتي ..
وين انت .. ياراحل ..
وين انت .. ياخوي ..
وينك ..
فرحي نقص..
وهمي كبر..
والصبر مامن صبر ..
اشوفها حبيبتي..
بعيون مليانه أمل..
بس وين الأمل..
مت ومات معك الأمل
قلبي انقبض..وصدري انطبق
اذكرك ؟.
واذكرك ..
بدمعا .. ملى عيني ونزل ..
×
جلس محمد جنب هنادي عقب ماسلم عليها وعقب التهاني والسلام واخذ الصور طلعوا من القاعهـ....
×
×
×
×
×
>>>>> جمعه الشياب ..
<<بيت ابو احمد
قال ابو احمد لابو خالد :-صحيح الخبر الي سمعناه
فهم ابو خالد ان الخبر انتشر في الجماعه كلهم :-ايه صح
ابو سعود :-أي خبر
ابو احمد :-تذكر ابو عبدالرحمن الي خطب سعاد
ابو سعود :-خطب سعاد
ابو احمد :-ذاك اليوم يوم خطبها احمد قدام الكل
ابو سعود :-اييييييييييه علامه
ابو احمد :-خطب امس دانه من فهد
ابو سعود :-هاااااااااه
طبعا دلة القهوه بغت تطيح من يد طلال على هالخبر الفجيعه..
ابو خالد :-ايه خطبها
ابو سعود مو مستوعب :-لمن ولده عبدالرحمن تزوج وولده فواز بعد تزوج
ابو احمد :-باقي سلمان ماتزوج للحين وتوه متخرج يعني فرصه ان ولد عزوبي يطلبها للزواج وهي ارمله ومعها ولدين
ابو خالد بضيق :-انا ما خلصت من سالفه سكنها عندنا تجيني هالسالفه
ابو سعود :-اذا الرجال دينه وخلقه زين زوجه حنا مو دايمين لعيالنا ..
ابو خالد :-ادري بس.. تموت ان فاتحتها بالموضوع ..
ابو سعود :-محدن يموت قبل يومه
ابو احمد :-صادق ابو سعود حنا مو دايمين لعيالنا
ابو خالد بتفكير :-لي تفاهم معها هالبنت راسها يابس تحسب رجلها حي للآن .. مايكفي الهمز واللمز بالمجالس يومنها ساكنه بعيد عني وعن عيني
ابو سعود :-قطع لسان من يتكلم عنها دانه شيخة البنات
ابو احمد :-وانا اشهـــــــــد
ابو خالد بقوه :-لو متكلمين جزرت رقابهم لكني الاحظ نظراتهم لي بالمجالس وانهم يتساءلون ليه للآن ما رجعت لي
طبعا طلال كان جالس متفرج .. ولا يقدر يتكلم ويتدخل لأن هالسوالف بين الشياب ..
استأذن بحجة انه بيجيب قهوه جديده ودق على اخوه ..
ناصر :-هلاااااااااا وغلااااااااااااا
طلال :-هلا نويصر شخبارك
ناصر :-بخير عساك الخير
طلال(يبي يشوف بيرجع ولا لا عشان لو بيرجع يعلمه وان مارجع ما راح يقوله ويموت من القهر هناك بسبة قلة الحيله او يهدم مستقبله ويترك وظيفته ويجي ) :-هاااااااا وش الاخيار ؟
ناصر بفرحـــــه :-الاخبار تهبل تخيل جاهم أمر نقلي للرياض وكلها يومين واكون هنا
طلال براحـه :-ألف ألف مبرووووووووووووووووك
ناصر بغصه :-الله يرحم راكان ويسكنه فسيح جناته لولا الله ثم واسطته مانقلت ولاحلمت بالنقل
طلال :-اللهم امين ......... ناصـر
حس ناصر بشي في لهجة اخوه :-نعم طلال فيك شي ..؟؟
طلال :-اسمع دانه ..........
فز قلب ناصر من مكانه :-شفيها دانه
طلال :-اووووووف خلني اكمل
ناصر :-طيب كمل
طلال :-دانه انخطبت
ناصر بصدمه :-ايش؟
طلال :-الي سمعته ؟
ناصر مذهول لاااااااااااااااااااا مو للمره الثانيه .. لااااااااااااااااااا مايبيها تضيع منه
ناصر بعصبيه :- من هذا الي امه داعيتن عليه..؟
هنا خاف طلال من المشاكل ...
صرخ ناصر :-من
طلال :-اهدا يارجال انت شفيك
ناصر :-ذي بنت عمي ومحدن ماخذها غيري
طلال :- أجل تلحلح وتعال امنع هالخطبه
ناصر بقهر :-انا برجع عقب يومين
طلال :-مايخالف لأن عمي متوهق معها بسالفه السكن والسالفه ذي بيأجلها فتره
ناصر بأامل :- من جدك
طلال :-ايه
ناصر بتصميم :-زين الوعد عقب يومين والله لا اقلبها فوق راس من يقرب لها
طلال :-هههههههههههه ياولد شكلك من جد تحبها
ناصر من قلب:-لدرجه تفوق الوصف
طلال يستهبل :-طيب يا روميو بن سبع سلام
ناصر :-ههههههههه سلام..
وراح طلال للمطبخ عشان يسوون قهوه ..
انهبل وهو يسمع صراخ دخل المطبخ لقى امه ماسكه الشغاله الاندونيسيه وتضربها ضرب مو طبيعي
صرخ طلال :-يمه شتسوين
كانت امه منفعله وحاطه حيلها بهالمسكينه :-أأدبها
انهبل طلال :-يمه ذي آدمي مو قطعة اثاث
امه بانفعال :-انت مالك خص اصلا الخدم ما يجون الا بالعين الحمرا
ماعطاها طلال وجه .. واخذ العصا منها ..تخبت الشغاله وراه وهي تصيح وتقول انها ماعاد تبي تجلس هنا وتبي تسافر ديرتها ..
طلال بقهر :-يمه حرام عليك الرسول صـ الله عليه وسلم ـلى يقول (ارحموا من في الارض يرحمكم من في السماء)
سفهته امه وطلعت وهي تتوعد هالمسكينه ..
طبعا الشغاله سوت اضراب وراحت لغرفتها .. ماعاد تبي تجلس عندهم
عطا طلال الدله للطباخه عشان تسوي قهوه ..
وبعد ماجهزت وداها للشياب ..
اول مادخل لقى عمه ابو خالد واقف
طلال :-وين عمي القهوه
ابو خالد :-والله يا ولدي من اليوم وحنا نتقهوى انا بروح الحين وراي مشوار مهم
ابو سعود :-تبيني اروح معك
ابو خالد :-انا بروح لها بلحالي مانبي نضغط عليها
ابو احمد :-شورك وهداية اللهـ
وطلع ابو خالد...
:
،
:
،

>>>بيت راكان
كانت دانه جالسه تتقهوى مع امهات راكان وفيصل بحضن جدته مريم ومحمد بحضن جدته ام راكان ..
ام راكان ماكانت غبيه ولا نايمه على اذانها وعارفه ان دانه ابوها يضغط عليها تسكن معهم ..
ومن ذاك اليوم للحين وام راكان مايغمض لها جفن بين دموعها على وحيدها الي مات وتركها وبين عياله وامهم الي خوالهم يبونهم ..دورت حلول ودورت وللأسف مالقت.. كلا معه حق .. ابوها معه حق في الي يسويه رغم انها ولية نفسها لكن ذا مايمنع ان سلطته عليها رجعت بعد موت راكان .. وبين نارها الي شابه ضو وهي تتخيل اليوم الي بتفقد فيه احفادها الي تتجسد فيهم صورة راكان بعينها ..
ناظرت ام راكان (مريم) في دانه قد ايش تغيرت عن دانه الاوليه شي فيها مات بموت راكان ..
ماتدري هل هي النظره الشغوفه ..!
هل هي البسمه الي تنور الكون لا ابتسمت !
دمعت وهي تشوف بعيونها كيف ان دانه تضحك غصب عنها تبتسم غصب عنها ..
خلاص دانه جسد غادرته الروح !
فكرت دانه في نفسها وتذكرت عقب وفاة راكان بشهر يوم علمها اخوها خالد ان راكان ترك لها كل ثروته ونص الشركه .. مانست يوم اغمى عليها من الصدمه ومن قوة الحزن وش تبي دليل اكبر من ذا على انه كان يحبها .. ويثق فيها
دمعت عيونها وطعم البسبوسه الي تآكلها صار زي الرماد ..
رتب كل شي قبل لا يموت ..
قسم الــــــــــــورث !
أمن حياتها وحياة امهاته !
وآآآآآآآآآآآآآآآآآآآآآآآآآه ياليته درى ان بيجيه عيال وبيكون ابو لاثنين
سالت دمعه خاينه منها .. ومسحتها طوالي
دق حارس البوابه يبلغهم ان ابو خالد دخل البيت ..
انقبض قلب دانه .. صايره جيات ابوها تضغط عليها مره وهي مو ناقصه مايكفي انها ماتقدر تنام الليل بين الدموع والوحده والوحشه في غياب نور البيت وسنده ...
وقفت وراحت للمجلس تستقبل ابوها ..
بعد ماسلمت عليه وجلست حســـــــت في وجهه شي ما يطمنها ..
طلبت منهم يرسلون قهوه ..
قال ابوها بدون مقدمات :- دانه
بصوت مخنوق :-سم يبه
ابوها :-شخبارك واخبار عيالك
دانه بحنان :-بخير الحمد لله بيكشخون وبيجون يسلمون عليك
ابو خالد :-هههههههههه بيجون يا حليلهم
دانه :-ههههههه ايه يبه صاروا رجال كبار ويلاحظون كل شي
ابو خالد بحنان الدنيا :-الله يخليهم لك
دانه :-اللهم امين .
وصلت القهوه ودخلتها الشغاله ...بعد كم دقيقه فتح ابوها الموضوع ..
ابو خالد :-دانه جهزي نفسك آخر الاسبوع بجي اخذك
انقبض قلبها :-تاخذني
ابوها وهو يتمالك نفسه تقديرا لشعورها :-ايه ماعاد لك جلسه هنا
مسكت اعصابها لا تنفعل او تنهار :-يبه هذا بيتي
ابوها بقسوه :-بيتك هو بيت اهلك
دانه بتدميع :-وهذا بيت رجلي
ابوها بصراحه قويه :-ورجلك مـــــــــات
ماقدرت تتمالك نفسها ونزلت دموعها بسرعه ..
تندم ابوها لقسوته معها لكنه ينقهر من عنادها :-دانه خلينا نتكلم بعقل
قاطعته وهي يالله ينفهم كلامها من البكا :-يبه أي عقل وانت تبيني اترك بيتي بيت راكان بيت عيالي كيف اترك امهاتي الله اخذ ولدهن وانت الحين تبي تاخذني منهن وتاخذ العيال يبه حرام والله ماراح يتحملن
ابوها بعناد :-انتي عرضــــــــــي وفي وجهي
شوي وتصارخ بكل صوتها لكنها تماسكت :-يبه انا ما سويت شي يستاهل هالكلام
ابوها :-عارف يبه لكني مقدر اتركك هنا بلحالك انا مو عاجز لا اصرف عليك وعلى عيالك
دانه :- طيب يبه رايي ماله قيمه
ابوها :-هنا واقولك لا ..
دانه وهي تمسح دموعها :-مقدر اترك بيتي
عصب ابوها :-انا آمرك ما اشاورك
تنفست دانه بينها وبين نفسها عشان ما تنفعل ...
وفي هاللحظه دخلت المربيه عيال دانه عشان يسلمون على جدهم ..
سلم جدهم عليهم .. وجلس معهم وقت ثم وقف بيطلع ..
قال لدانه :-لا تنسين آخر الا سبوع الجاي تكونين جاهزه
عرفت دانه ان النقاش مع ابوها الحين زي قلته ومن هنا لين اخر الاسبوع فيه 7 ايام ..ومايندري وش الله كاتب فيها !
طلع ابوها من هنا وطارت لغرفتها متنفس احزانها والآآآمها من هنا ..
فتحت دفتر مذكراتها الي انولد على وجه هالدنيا بعد موت راكان ..
وكتبت فيه كل شي صار ... واخر شي كتبت /لمن تركتني يا نظر عيني انحرمت منك والحين يبون يحرموني من ذكراك /
،
،
،
،
>>>>>بيت ابو احمد
قال ناصر لابوه :-يبه انا ابيها غصب عن الي يرضى والي مايرضى
ابوه :-طيب انا قلت شي
ناصر :-ايه مو انت تقول لي انتظر لين يردون على ابو عبدالرحمن..
ابوه بعقلانيه :-ايه
ناصر مسك نفسه :-يخسي هالخايس ياخذ دانه وانا موجود
ابتسم ابوه ابتسامه صغيره من فرحته بولده وان خطتهم الي تناقشوا فيها ما يحتاج ينفذونها ويجيبون لنفسهم سعود جديد ..
طلع ناصر معصب ودق ابو احمد على ابو خالد :-هيه خطتنا ألغها
انصدم ابو خالد :-ليه؟
كان ابو سعود وراه :-شفيه
ابو خالد :-ابو احمد يقول ألغوا الخطه في تزويج ناصر دانه
ابو سعود انصدم بدوره :-ليه ..؟؟ ماعندنا عيال يخالفون راينا
ابو احمد في التلفون :-اسمعوني للاخير انتم شفيكم
ابو خالد :-وش وش فينا ترى طحنا بمشكله جديده ان زوجت البنت أمنت مستقبلها وأمنت لها بيت والحين ولدك مدري شفيه
ابو احمد :-هههههههههه يارجال اسمع الي بقوله
ابو خالد :-هات الي عندك
وعلمهم بكلامه مع ولده .. من الى !
انصدموا الشياب .. معقوله تجيهم بارده مبرده ..
ابو خالد بعد ماسكر من اخوه :-الله يريحك يا ناصر
ابو سعود :-الولد وحطيناه بجيبنا باقي بنتنا
ابو خالد :-الي خلانا نقدر على سعود وهو رجال فاهم وعاقل يخلينا نقدر على دانه تراها بنت ما يحتاج
ابو سعود بتردد :-ياخوي يكفي الي صار لنوف والله اني متحسف حسوفه ظلمتها بزواجها من سعود واخاف على دانه
ابو خالد :-الي صار صار . ونوف مخطوبه الحين
ابو سعود :-والله عمر رجال والنعم فيه بس متزوج
ابو خالد :-تسمي زواجه ذا زواج .. على حسب ماسمعت باقي على مرته عشان عياله الي توهم صغار ويحتاجونه
ابو سعود :-داري وعارف رجال والنعم بس نوف توها ماكملت 23 سنه ومخطوبه لمتزوج ..
ابو خالد :-لو متزوج ثلاث مو وحده وطلع رجال طيب ويستاهل ما يخالف .. ولا تنسى ترى لجده ابو ابوه فضل على ابونا
ابو سعود :-لا مانسيت ماهي من شيم الرياجيل نسيان الوقفات الي وقت الشده .. وجده ماقصر مع ابونا الله يرحمه..
ابو خالد :-اكيد وهذ رايي ابو احمد بعد
ابو سعود :-الله يقدم الي فيه الخير ..
ابو خالد :-اللهم امين ..
*
*
*
*
>>>عقب اسبوع
طبعا ابو خالد عجز في دانه تترك بيتها وكلما كلمها جلست تصيح او يغمى عليها ,, وماهانت عليه
لكن هالمره بيتفاهم معها من جد ، صح بتزعل منه الحين لكنها بتشكره لا كبرت شوي وبتشكره اكثر لأنه أمّن مستقبل عيالها وجاب
لهم ابو يربيهم ويوجههم لطريق الصواب .
بعد ما دخلت دانه عيالها ورجعت له ..
قال بدون مقدمات :-ناصر ولد عمك خطبك مني قبل فتره
طاحت بيالة الشاهي بالارض وتكسرت :-هاااااااااااه
ابوها بعصبيه :-اقول لك ناصر خطبك وانا موافق
فزت من مكانها وقالت بقوه :-وانا مو موافقه
ابوها بعصبيه وهو يرفع صوته نوعا ما :- اجلسي
استحت دانه وجلست ..
قال :- انا عطيت الرجال كلمه وانتهى الموضوع
انصدمت دانه من طريقه ابوها وعناده قالت بدون تفكير :-ناصر مو رجال
صارخ عليها :-دااااااااااااااااااااااااااااا اااااااااااااااااااانه
انتبهت لزلتها وقالت :-يبه قصدي ان ناصر مو غريب ناصر ولد عمي قل له اني مو موافقه وانتهى الموضوع
خزها وقال :-الملكه الخميس عقب يومين فاهمه ولا لا
دانه للآن مو مستوعبه شي ولا داخل مزاجها اي كلمه من كلام ابوها عشان كذا مافيه اي انفعال او اي ردة فعل ,, يمكن لأنها
مستنزفه عقب آخر نقاش حاد كان بينها وبين ابوها والي هو قبل امس..
وقف ابوها وكأنها موافقه.. مسكته مع يده وهي نوعا ما استوعبت الصدمه ..
دانه بذهول واضح :-يبه مابي اتزوج
ابوها :-مو بكيفك
سامحيني يبه لكن هالشي لمصلحتك ..
دانه وهي تمسح دموعها بقفا يدها :-أجل بكيف من
عصب ابوها :-انا ابوك ولي حكم عليك
بكت :-يبه لو تطلب عيوني ما تأخرت دقيقه لكن عقب راكان مابي اتزوج
ابوها :-انتي توك صغيره
تنزل دموعها وتمسحها :-يبه انا احب راكان اموت فيه
ابوها بقسوه :- وراكان ماااااااات
شهقت وحطت يدها على فمها عشان مايعلى صوت بكاها :-يبه لا لا تقول مات راكان ما مات
ناظرها ابوها بصدمه على باله بنته فيها شي :-دانه راكان مات الله يرحمه والحياه تستمر
دانه بانهيار :-وماتستمر الا لما اتزوج
ابوها :- انتي محتاجه رجال في حياتك يدير شغل عيالك يربيهم ويرشدهم
قالت بياس :-يبه انا ما شكيت لاحد ولا محتاجه لاحد في حياتي انت موجود اخوي وعيال عمي مايقصرون
ابوها :-انا مو دايم لك
دانه :-ولا الي بتزوجه دايم لي
ابوها انحشر بزاويه عارف ان دانه في الكلام محدن يغلبها :-لاتجادليني فاهمه يا تتزوجين ناصر (قسى قلبه) والا لا انتي بنتي ولا اعرفك
صرخت :-لاااااااااااااااا يبه لا ترميني بين نارين
خزها :-جاك العلم .. معك للخميس ولا اجتمعوا عمانك اي اسمع ردك
وما اهتم لها ولدموعها وطلع ...
ركب سيارته وضايقه فيه الوسيعهـ ماوده يسوي كذا لكنه مجبور مجبور
انهارت دانه وجلست تبكي ... وتبكي ... وتبكي
تتزوج عقب راااااااااااااااااااااااكان لا حشاااااااااااااا ماتسويها وهي دانه.
لازم تتصرف ..
هي بين نارين كل نار تحرق وماتخلف الا الرماد
نار ابوها ورضاه ونار حبها الي يفوق الوصف لراكان ..
حتى لو مات .. حتى لو رحل .. حتى لو قالوا انه اندفن
تحبه .. تحبه ,, تحبه
وبتظل زوجته ليوم الممات ..
طلعت غرفتها تجر رجولها جر ..تحمد ربها ان امهاتها طالعات مو فيه وان عيالها نايمين
دخلت الغرفه تمشي الهون .. وقفت قدام صورته كان لابس نظاره شمسيه وحاط يده على عيونه يظللها عن الشمس
كانت من احب الصور على قلبها واقربها لنفسها .. شافت فيها خفايا راكان ..
راكان الحقيقي ..
الشيخ .. المالك .. الابن .. الحبيب والزوج
كل حنان الدنيا يتجلى بنظراته وبتصرفاته وفي حبه الكبير لها
ضمت الصوره لقلبها وشدت عليها اكثر واكثر

ياقلبي ارجووووك افهمني واترك باقي الأوهام
أنا ماتحمل الصدمه اخاف الجرح ينهيني

هذاك الحب عذبني وخلاني اعيش أحلام
وكل احلامي العذبه تمووووت بلحظه وبحيني

ياقلبي انتبه ارجوك كفايه ماحصللي العام
كفايه ان عذابي صار له سنتين يكويني

ولكني مع هـــذا بكابر وانتظر وانضاااام
سواليف البشررر في يوم ابد ماظن تعنيني

أحبه وأعشقه ياناس وأنا ماظن الهوى اجرام
لأن الحب من الفطره...وحب هالشخص يكفيني

نبرة صوته المبحوح تنسيني شقى الأيام
تذكرني بأشوااااااااقي وتذكرني بدواااااويني

كأن الصوت له نغمه غريبه غير هالأنغام
موسيقى هاديه بالحيل تداوي جرحي وسنيني

ونظرة عينه تدّوخ ولا ترحم ماغيررر هياااااام
أطالع صورته وأشهق وقلبي يحترق فيني

خذت قلبي وذوبته بس القلب ماينلام
حشى نظراته بلحظه تونسني وتبكيني

وكالعاده مالها الا التناهيد والدموع الي ما تنتهي...
سمعت صوت واحد من عيالها يتحرك ابتسمت وغسلت وجهها وراحت له
قالت بحنيه :-قمت فصوووووولي
وضمته لصدرها .. كل مالهم يكبرون قدام عينها وشبههم بأبوهم يبين ولا كنها امهم الي حملت فيهم ..
وبعد شوي صحى محمد وابتسمت له :-ياسلام موصيكم احد علي
وشالته تضمه وتشم ريحته ..
تذكرت الي صار مع ابوها .. لازم تتصرف لازم
شوفه عيالها جددت فيها الأمل والقوه الي تضعضعت برحيل راكان ..
اخذت الجوال ودقت على رنا ..
رنا :-هلاااااااااااااااا وغلاااااااااااااااااا بنسيبتي
دانه :-ههههههههههههههههه لا احلفي بس
رنا :- والله مو بكيفكم غصب عليكم بس يالله لاكبروا بخلي فروحه تتخير في عيالك
دانه :-ههههههههههههه تمون الاخت
رنا :-أجل
دانه :-هههههههههه كيف حالك وكيف فروحه وفهد
رنا بابتسامه :-بخير جعلك بخير شخبارك انتي والتوأم حبايبي
دانه بحنان الام :-ياقلبببببببي يهبلون شوفيهم عندي عيونهم تناظر في ساعتي الفضيه
رنا :-ههههههههههههههه يازينهم تعرفين انتي الي بعمارهم يشدهم اي شي ملفت
دانه :-ايه فديت قلوبهم
رنا :-ايوه و الاخبار
دانه بتصميم رغم حياها :-رنا بغيت فزعتك
رنا بسرعه :-تآمرين يالغلا
دانه :-تسلمين بس رنا اوعديني ماتتضايقين
رنا بزعل :-دانه ترى جد بزعل وش هالكلام الماصخ
ابتسمت دانه بشبه ارتياح :-رنو دريتي ان ناصر خطبني
بردت عظام رنا لأنها ضد خطبة ناصر لدانه صح انه من اغلى الاماني ان دانه تتزوج اخوها لكنها تعرف دانه لراكان وماراح تكون اغيره
وماترضاها لاخوه
قالت بجديه :-ايه عندي خبر
دانه بصوت فيه صيحه :-رنا ابوي بيتبرأ مني اذا ما تزوجته
انصدمت رنا صدمه عظيمه :-هااااااااااااااااه لا لا مايسويها عمي
مسحت دانه دمعتها :-والله العظيم
رنا جلست على اقرب كرسي لأن رجلينها ماعاد تشيلها ؟؟
دانه بقهر وقلة حيله :-رنا انتي اختي ابي معونتك تكفين
رنا بقووه:-ابشري بالي تبين
دانه بحزن :-رنا انتي فاهمتني انا مالي اعتراض على ناصر وألف وحده تتمناه بس.....بس (خنقتها الغصه) انا احب راكان وماراح اكون لغيره أبداااااااااااااا
رنا بحب :-قلبي وربي اني فاهمتك ويوم علمني ناصر انه خطبك هزئته لأني اعرفك زين واعرف وش راكان بالنسبه لك
هزت راسها لأنها ماتقدر تتكلم من دموعها ..
قالت دانه :-ابي اعطيك رساله ووصليها له ممكن
رنا كانت مستعده تسوي اي شي لبنت عمها وسمعت كل الي تبيه ..
رنا :-الحين اكلمه واعلمه
سكرت دانه وقلبها يررررررررررررررررررررررررررجف .. الي سوته مو سهل الله يستر
ومعدن ولد عمها الحقيقي راح يبين
قال ناصر :-ايش
رنا :-الي سمعته
ناصر مصدوم من كلام رنا ...
رنا :-الووووووووو ناصر وينك
ناصر بتفكير :-رنا انا مشغول اكلمك بعد شوي
رنا :-اوكيه
وسكرت منه .
*********

.,.النهـــــايهـ.,.
(الفصل الثالث والعشرون )
>>بيت فهد بالشرقيهـ<<
قالت رنا لفهد :-فهد لاتنسى تجيب حليب لفرح
ابتسم :-طيب يابنت الحلال والله فهمت
رنا :-ههههههههههههههه من قلب طالعه
فهد :-شسوي عشرين مره تكررينها على راسي
رنا :-ههههههههههه طيب عجل فروحه مابقي لها الا رضعه
فهد (يبي يقهرها) :-لعيون فروحه اروح للصين
انقهرت رنا :-احلف بس
فهد (بصوته العذب ههههههه) :-احلف ورب البيت ..غيرك ماحبيت .. وعمري ياغلاي ..فدوه لعيونك
مهما كان صوته نشاز ويجيب احباط الا انها تحبه وتموت فيه..
ناظرته بغرور :-ايه رقعها
فهد :-هههههههههههههههاي مشكلة الحلوين لازعلوا وش يرضيهم
ماقدرت الا تبتسم ويالله بالغصيبه راح يجيب اغراض لفرح ..
دخلت المطبخ ترتب وتحوس فيه وضاع الوقت فجأه الا وباب بيتها يدق .
ابتسمت لأنها عوايد فهد يتعيجز ينزل الاغراض ويفتح الباب زي خلق الله ..
مسحت يدينها وطلعت لباب الشقه واحتياطآ سألت :-من .؟
"انـــــــــــــــــــا"
انفجعت رنا وماتذكرت الا اهلها ..
فتحت الباب بخوف قالت بلا سلام :-ناصر ابوي فيه شي اخواني امي
رغم انه جاي مبوز ولا تكلم من صدمته برساله دانه الي طلبت منها توصلها الا انه جلس يضحك
انقهرت رنا :-نويصرررررررررررر
ناصر (باستهبال) :-وجعووووووووووووه طيب سلمي قبل قلطيني مو كاني جايك من الرياض مسافر
تذكرت رنا وحمر وجهها من الفشله :-يويو نسيت ياخي شفتك قلت فيه مصيبه
مد بوزه :-لها الدرجه وجهي وجه مصايب
رنا :-ههههههههههههههههه لا محشوم تفضل
ناصر (قلبه يتقطع والبروده بكل جسمه بس يكابر) :-هههههههه ايه خليك حرمه سنعه
رنا وهي تغمز له :-حرمه سنعه من زمان
ناصر :-ههههههههههه طيب يالخبله (جلس يصارخ) ياااااااااااااااااقلب خالو
وراح يشيل فرح الي توها صاحيه من النوم حتى ما امداها تفتح عيونها زين
جلست رنا تضحك من شكله ودخلت المطبخ تسوي قهوه ..لحقها ناصر وفرح بين يدينه :-فهد طالع
رنا وهي ترتب البيالات والفناجيل :-ايه طالع يجيب مقاضي للبيت
قال بجديه :-تمام أجل اتركي عنك هالبرابس وقوليلي وش السالفه
ناظرته وقالت بعتب :-مالك حق تجي من الرياض عشان هالسالفه
ناصر :-الا لي حق ونص انتي تعرفين معزتها بقلبي
تضايقت رنا مايهون عليها اخوها :-دانه لراكان
ناصر بقوه :-راكان متوفي له سنه ونص يعني دانه حره تتزوج بعده
رنا :-ناصر البنت ما تبي تتزوج
سحب نفس وقال :-الكلام بالمطبخ وحنا واقفين ما ينفع تعالي نتكلم بالصاله وقبل لا يجي فهد
رنا :-معك حق فهد على وصول وماراح نتكلم براحتنا لا جاء
طلعوا من المطبخ ..
اخذت منه فرح وقالت :-ناصر عمي حالف عليها ان ماتزوجتك انها لا هي بنته ولا يعرفها
انصدم ناصر :-ايش
رنا :-الي سمعته
ناصر بذهول :-مو معقول ما يسويها عمي
رنا :-نفس الكلام الي قلته لدانه لكنها كانت شبه منهاره وحالتها حاله.. ناصر
رفع راسه من تاملاته :-سمي
رنا : -سم الله عدوك ناصر البنت ناخيتك وانت ولد عمها يعني بحسبة اخوها لو ما خطبتها
قال بحميه عيال العم :-تبشر وانا ناصر ..
ابتسمت بفخر وحزن عليه في نفس الوقت
قال بهدوء :-كلميها وعلميها ماتشيل هم وماتنغصب على شي هي ماتبيه وانا موجود
رنا :-ان شاء الله (قالت بتردد) بس وانت وش بيصير لك
سوى نفسه مو فاهم :-شلون وش بيصير لي
رنا بعصبيه :-ناصر لا تستهبل انت فاهم قصدي زين
ناصر بابتسامه حزينه :-يابنت الحلال لا تشيلين همي
رنا والدموع بعيونها :-شلون ما اشيل همك انت تعرف ابوي نفس تفكير عمي يعني بيتبرا منك
ناصر :-مافيه ابو يتبرا من ولده
رنا :-ناصر انت تعرف تفكيرهم من العصر الحجري والله يسويها ولا تقول مو مسويها عندك اكبر مثال ولد عمي سعود طرده عمي من الشركه وزوجه نوف غصب وابوي كان عارف ان سعود مغصوب وماعارض انت لو تفكر شوي تلقى انهم ثلاث رجال لكن تفكير ومعتقد واحد.. ناصر انا خايفه عليك
ناصر تأثر من حزن اخته :-رنو بدل ما تفكرين فيني فكري في دانه ، دانه ارمله ام ايتام محتاجه اهلها حولها محتاجه من يوقف معها ان تخلى عمي عنها قلدوه الكل وتخلوا ..
رنا بين نارين نار اخوها ونار بنت عمها الي تحبها..
كمل ناصر وهو يمسك يد فرح ويبتسم بحنيه :-انا رجال واقدر ادبر اموري .. ويا بنت امي وابوي انا مديون لراكان والحين وقت سداد الدين
انصدمت رنا :-انت تتدين من متى ؟
ابتسم :-فهمتي غلط راكان مسويلي معروف ماسواه ابوي لي وانا مديون له ..مديون بوجودي مع اهلي بين ربعي اخوياي جماعتي مديون له بكل نسمه هوا اتنفسها هنا بالرياض ..راكان هو السبب في نقلي من تبوك للرياض تخيلي لولا مساعدته كان عشت في مدينه بلحالي لا ونيس ولا رفيق حتى اجازات زي خلق الله مافيها كلها يومين من كل عيد تخيلي هذا موت بطئ للواحد وخصوصا لي لأنك تعرفين شكثر احب الرياض ولا استغني عنها
مالقت رنا كلام تقوله ..لأن كلام ناصر صح ميه بالميه ..
رنا بغصه :- والسواة ؟
ناصر :-خليها على ربك
الا وباب الشقه يدق وقفت رنا لكن ناصر قال لها تجلس وراح يفتح الباب وطلع له فهد مثل ماقالت له رنا ..
فهد وهو منزل راسه يمسك الاغراض زين لاتطيح :-هاااااااي حبيبتي امسكي البيض لا يتكسر
ناصر باستهبال :-طيب حبيبي
تروع فهد وطاح طبق البيض من يده :-ههههههههههههههههه لابارك الله فيك من وين طلعت انت
ناصر :-ههههههههههههه ياخي انت وحرمتك قليلين اصل سلموا اول
سلم فهد عليه :-ههههههههههههه الحين جاينا في بيتنا في هالليول وتسب
ناصر :-ههههههههههههه ذليتونا ترى
ودخلوا داخل .. طبعا فهد كان مستغرب زياره ناصر بس ما علق على الموضوع
على العشا قال ناصر لفهد :-اليوم جيت ازور واحد من خوياي مبطي عنه وقلت لازم امركم لأني بمشي الرياض بعد شوي
انهبلت رنا :-تمشي الرياض الحين الساعه 11 باليل
فهد بجديه :-مهبول انت ولا تقول دوام وخرابيط بكره خميس
ناصر بعند :-عارف ان اليوم اربعاء وبكره خميس قالولكم ناسي التواريخ والايام
رنا كاشفه حركته :- هاهاي علينا .. لا تجلس تستهبل الليله تنام عندنا وبكره براحتك
ناصر :-لازم ارجع وبعدين كلها ساعتين ونص واكون هناك
انهبلت رنا وتبققت عيون فهد :- مجنون انت انا اخبر المسافه حوالي اربع ساعات ..الا اذا كنت ماشي الطبلون
جلس ناصر يضحك على اشكالهم ..
ناصر :-عادي مو شي جديد
رنا من قلب :-ياويلي اخوي موب صاحي
فهد :-وانا اشهد ..
وقف ناصر ..
رنا :-هذا عشا ؟
ناصر :-شبعت كثر الله خيركم
فهد ورنا :-صحه وعافيه
ناصر :-يعافيكم
غسل يدينه ثم رجع شرب بيالة شاهي على السريع ووقف يودعهم ..طبعا وكل الاعتراضات مانفعت فيه.
قال فهد وهو نازل معه للمواقف تحت :-ايوووووووووووووووه نسيت ان الاخ بيخطب بكره
انقبض قلبه وماقدر حتى يبتسم مجامله :-شفت عاد لازم ارجع بدري عشان انام واقوم مصحصح
ما انتبه فهد لملامحه المتغيره وجلس يعلق شوي عليه ..بعدها ودعوا بعض وطلع ناصر للرياض ..
كان مهموم وحزين ..ماتت فرحتي وهي مابعد شافت النور
ما يفضح اللي حب الا آخر اللحظات
لامد كفه بالوداع وصد بعيونه

معاه رايات الأسى وجيش من العبرات
وبين الحنايا صهيل خيول محزونه

كنه على موعد معك يا هادم اللذات
من شاف ما صابه يقول الله في عونه

سلام ياللي ناوي الفرقى عدد مافات
وتعداد ما مر السحاب وهلت مزونه

سلام من قلب سكنته انت والحسرات
غلاي تكفى يا مودع ناظري صونه

ارحل وأنا برحل معي هم وتعب وسكات
وأسرار ما بيني وين الروح مدفونه

ارحل مادام الله كتب لك يالحبيب شتات
مالي على حكم القدر راي ولا مونه

مالي بعدك الاالصبر ومجاذب الونات
وقصيدي اللي كل خلق الله يغنونه

وان طالت الغيبه ابنعي الحب لو مامات
عسى الهوى يشتعل بك وتردك ظنونه

وباحاول أنسى لو يصيح الشوق بي هيهات
وباحاول اسلى ولو يصيح القلب ما أخونه
*
كيف بنساك يادانه ..كيف !
جيتي على الجرح وطلبتي فزعتي ..
"ناصر وانا اختك..مالي من بعد الله الا انت تكفى فكني من هالزيجه الي مانبيها"
آآآآآآآآآآخ لو تدرين من انتي .. ومن الناس عندي
لو غيرك طلب هالطلب ماعبرته لكنك دانه ..دانه
كنت اعرف انك لغيري وحتى بوفاته .. حبه مقيدك
ما تنلامين يا بنت العم راكان رجال صعب ينوجد مثيل له حتى انا الي احبك عرض السما والطول ماجي شي عنده
قدمت لي معروف يبو فيصل وجاء الوقت الي ارده فيه .. وبرده
القلب .. مايعشق غيرها وان ماكانت لي مابي غيرها ..
وشلون ماحبها وكل هالوفا موجود بقلبها صانت بيتك ..حلالك..امهاتك
وكافحت ومازالت تكافح عشان تعيش بأمان الله بين ذكرياتك ..
كنت عارف انها ماتحبني لكن الغرور اخذ مني الي اخذ ومن اعلى سما طحت وطيحتي كانت قويه
منيت النفس ومنيتها ثم منيتها ..لكن
باختصار
مالي في الطيب نصيب
\
/
\
/
\

><بيت راكان ><
؛؛اليوم الثاني؛؛
تعال...............
تعال..........
طفي النار الي تسعر !!!!!!
كانت جالسه على الارض في غرفة عيالها تلعب معهم ..العين عليهم والقلب مع الي اخذه وراح..
كيف تنساه وهي تشوف نسختين عنه ..العيون ..الحواجب ..
متى بس متى هالألم يوقف !
متى يخف الشعور بالخساره !
متى النار تـــــــــبرد .. والقلب يرتاح ..والعين تغفى
ضاقت فيها الدنيا وهي تتذكر ابوها وعمانها واجتماعهم الي اليوم..
يحسبونهم متفقين على خير ..لكنهم متفقين على اعدام انسان
ليه مايفهمون ويستوعبون ويتيقنون ..ان في القلب واحد ..مامعه ثاني ..
وانه لوبعد بعيد ..بعد نجم سهيل .. بعد الفضا .. والافلاك ..محبته ماتنقص تزيد

زحام لكنك تحديت الزحام..ماشوف بحالي احدآ ســـــواك انت
تعال لا لا تغيب عني حــرام ...ماللبشر قيمه الا من تبينــــت
كل الوجيه تمرني مر الكـــرام ...وجهك سكن فيني انا وين ماكنت
لو المســافه شاسعه يبقى الهيام ...بقلــبي ولو بآخر الكون ابتعدت
همس القلوب يظل لو عز الكلام ...تسمع لي بصمتك واسمع لك بصمت
ياعايش (ن) بنبضي وبعيوني تنام ... كل البشر غدو صوره الاصل انت
دخلت ام راكان معها الخاله مريم غرفة عيال راكان ولقت امهم كالعاده تبتسم لهم وهي تمسح دموعها ..
ناظرن في بعض لمتى.. لمتى بتظل على هالحاله لاطلعات لا دخلات بس حزن في حزن ودموع تداريها عن الكل لكن على مين .
ام راكان بحنيه :-يمه
انتبهت دانه واخذت منديل من جنبها بسرعه تمسح به وجهها ابتسمت :-هلا يمه
ام راكان بحزن :-راحت عيونك من البكا يمه
ماقدرت تمسك نفسها ونزلت دموعها غصب عنها ..ضمتها الخاله مريم ومسحت على شعرها :-بس يمه قطعتي قلوبنا والله نسينا حزننا من خوفنا عليك وعلى صحتك ناظري شكلك ذبلانه ونحفانه وأكل مافيه أكل
قالت بتأثر من النفسيه التعبانه :-آكل ايش يمه.. وراحة ايش.. نور حياتي راح ..ماعاد بقالي شي اعيش له
قالت بقوه :-اعوذ بالله وحنا وين رحنا.. عيالك وين راحوا ..
دانه :-انتم حياتي يمه .. لكن نورها راح
تأثرن امهاته وجلسن يمسحن دموعهن ...
حست دانه انها تقلب المواجع ..وخصوصا لامه الي مصيبتها بعظم الكون وكبره عرض وطول
هذا وحيدها
وحيدها !
مسحت دموعها .. قالت تصرف الموضوع :-يمه انا مسويه حلى تحت ننزل نتقهوى ..
امهاته :-يالله ..
سبقتهم الخاله مريم وهي شايله فيصل ..اخذت دانه محمد وقبل لا تطلع قالت لها ام راكان :-يمه
التفتت يمها :-سمي يمه
ام راكان وهي تحاول تبلع غصتها :-يمه لا تغضبين ابوك ولا تدفنين شبابك (جت دانه بتعترض لكن ام راكان سكتتها)...راكان مات عارفه انك تحبينه لكنه راح فكري في نفسك انتي صغيره والعمر قدامك يمكن تتزوجين الي ينسيك راكان .. انتي بنتي قول وفعل وعشان كذا اقولك هالكلام لو غيري كان اعترضت عشان احفادها وعشان ذكرى ولدها لكني في النهايه فاهمه ومتعلمه والاهم اني احبك ولو عندي بنت ماحبيتها كثرك وانا كلي ثقه انك ماراح تحرميني من عيالي ريحة الغالي وعارفه انك بتربينهم احسن تربيه ..
بكت دانه غصب وقالت :-يمه لا تقولين كذا عساني الموت ان طلعت من باب هالبيت وعساني الموت ان تزوجت غير راكان يمه انا احببببببببببببببببه امووووووووووووت فيه بحياته وبموته وماعاش ولا كان الي يجي مكانه
وعياله بيتربون هنا وبيبقون تحت جناحك
ام راكان وهي تبكي معه :-يمه وابوك ؟
دانه بثقه :-ماعليك يمه ابوي خليه علي
ام راكان بخوف :-يمه وش ناويه عليه
دانه :-ولاشي خليها على الله ..
وضحكت وهي تشوف محمد يصيح يبي اخوه ..ثم نزلن تحت ..
*
*
*
*
*

<<<بيت ابو خالد
بالمجلس...
صرخ ابو احمد :-شتقول يا ولد
ابو خالد وهو ماسك اعصابه :-يا نايف خلنا نفهم بالاول لاتعصب يرتفع السكر عندك
ناظر احمد في اخوه بصدمه "انهبل ذا "
ناصر بهدوء :-انا رجال ماني بولد
ابوه بعصبيه :-لا والله منت برجال ولا ماقلت هالكلام
ناصر :-يبه مافيها شي انا ما ابي اتزوج دانه
ابو سعود :-وليه لا لعب عيال السالفه
ابو خالد :-طيب انت كنت موافق وش غير رايك
ناصر :-ولاشي ياعمي اصلا انا ماكنت مقتنع ويوم فكرت لقيتني مابي اتزوج
ابو خالد :-انت ماتبي الزواج ولا ماتبي تتزوج دانه
ناصر :-كلهم
قام ابوه بيضربه لكن احمد مسكه :-يبه هدي نفسك
ابوه بعصبيه :-انت سامع اخوك وش يقول مايبي يتزوج دانه
ناصر وهو يوقف :-ايه مابيها كل شي بالغصب الا الزواج
ابوه :-البنت مانبيها تروح لغريب ولا واحد طمعان في حلال هاليتمان
حزت بقلب ناصر .. وسكت مالقى كلام يقوله فعلا دانه مزوجينها مزوجينها وهو اولى بها من غريب ياخذها منه .
ارتفع ضغطه وطلع من المجلس ..بسرعه
ناظروا الشياب في بعض وكلن مرتفع ضغطه ..
ابو خالد قام بتعصيبه :-البنت هذي بروح اجيبها من بيتها لو اسحبها سحب راعينا مشاعرها ولا نفع
سكتوا الشياب لأن معه حق البنت صار لها شهور من يوم ماطلعت من العده والموضوع زاد عن حده والي يقهر هالخطاب الي يخطبونها !
تدخل احمد :-عمي هدي نفسك شوي ما تسوى تحرق اعصابك
ابو احمد بعصبيه :-سوايا اخوك تسود الوجه
سكت احمد ومارد لأنه عارف انهم بيقبون في وجهه ان اعترض ..واصلا اعتراضه ماله قيمه .
ابو سعود :-ابو خالد ماينفع تتصرف وانت عصبي اصبر شوي وخلنا نشوف لنا حل .
وبالعله رضى وجلس
قال بعصبيه :-راح اسكت بس لين يخلص عرس سلطان وقمر ومن بعدها لا احد يكلمني لأني بتصرف معها بطريقتي
احمد ما صدق خبر :-ماقصرت يا عمي العرس مابقي عليه الا اسبوع ومانبي مشاكل بالعايله نبي نفرح ..
ابو سعود :-صادق وانا عمك نبي نفرح
ناظرهم ابو خالد وسكت
*
*
*
>>> بالسياره
دقت رنا على ناصر واعصابها محترقه :-الوو
ناصر بهم :-هلا رنو
رنا بدون مقدمات :-شصار
ناصر :-سويت الي تبي ورفضتها بس شكلهم ناوين عليها (قال بعصبيه) شوفي رنو ان نووا يزوجونها غيري بتقوم مذبحه
انقبض قلب رنا :-الله لا يقوله دانه ماراح تتزوج بعد راكان
ناصر وهو يتنهد :-نشوف
وسكر الخط.
دقت رنا على دانه ..ارتجفت دانه يوم شافت رقم رنا قالت بخوف :-هلا
رنا نفس حالتها :-اهلين ابشرك ناصر ماقصر وهو الي رفضك
انهارت دانه على سريرها من الراحه :-اشواااااااااا
رنا بتردد :-دانه يقول لي ناصر ان نووا يزوجونك غيره بيقوم مذبحه
ارتجفت وقالت بثقه :-طمنيه وقولي مافيه غيره عاد مو حلى كل دقيقه يقول لي ابوي تزوجي فلان ولا تبريت منك
رنا :-هههههههه والله وطلعتي منتي بهينه
دانه بألم :-رنو لاتزعلين مني عشان ناصر
عصبت رنا :-دانه لا تقولين كذا حنا خوات وهذا الشي ان دل يدل على طيب اصلك وعلى حبك الكبير لزوجك الي اعتبره حي بوجودك ووجود التويمز فصولي وحمودي غير انك لو ماتحبين ولد عمك كان تزوجتيه وانتي ماتبينه
تأثرت دانه من كلام بنت عمها .. سبحان الله فرق عن امها ..
قالت دانه وهي تتذكر :-رنو وش اخبار امك
حزنت رنا :-والله يا دانه ماخلى ابوي واخواني مستشفى نفسي ولا شيخ الا ودوها له
دانه :-لاحول ولاقوة الا بالله
رنا :-الشغالات مايجي من وراهن خير الشيخ يقول انها مسحوره ولاتقولين مو اكيد من الشغالات الا منهن ونص امي كانت تضربهن وحتى ناصر قال لي كم مره يجي ويلقاها تضرب الشغاله ويضطر انه يتدخل آخر شي طلبت تسافر ويوم سفروها انتكس حال امي مره
دانه تفكر في نفسها "اللهم لا شماته,,صدق انه يمهل ولا يهمل ..تقولي يا ام احمد ان الضرب يربي الحين الضرب هو السبب في حالتك الي انتي فيها"
دانه :-والعمل!
رنا بكآبه :-سوات الله ازين هي جسديا بخير بس عقليآ ماهي بالي ..بس تصارخ وساعات تهجد ..احسن شي انها ما تطيع الا احمد ولاتآكل الا من يدينه .
دانه اكتئبت :-الله كريم ..
رنا :-ههههههههههه يالله فروحه تصيح بروح لها
دانه :-ههههههههههه بوسيها لي
رنا :-تآااااااااامرين يالله سلام
دانه :-سلاااااااااااااام.
سكرت الجوال وهي تحس براحه ..فكرت طيب لمتى اليوم يبون يزوجونها ناصر وبكره من عريسهم الجديد ..
وقفت ورجعت شعرها ورى ..كتفت يدينها ومشت للطاوله الي بين الصوفتين الي بغرفتها جلست على ركبها تناظر في صورته الي تعشقها ..والي مظلل بيده على عيونه عن الشمس ..
وكالعاده ..نزلت الدموع بدل ما توقف ..والله لو نهر يمديه نضب وانتهى
درب الحزن ماله نهايات ..وطريقه طويل ينتهي عمر الانسان وهو ما انتهى
أفز من نومي وعلى الخد عبرات ..
أقول لدموعي ترى ما نساني ..
من يومها صرت أقضي
العمر حسرات ..
تمرني الذكرى تدمر كياني..
أحتاج لك دون البشر
<< أنت بالذات >>>
أحتاج لك حاجة غريق للمواني..
وقفت ومسحت دموعها .. لازم تعيش وانا ماكان عشانها عشان عيالها ريحة الغالي ..
طلعت تشوفهم وهي تمسح العبرات
*
*
*

>>>>>>>>>بيت ابو سعود
كانت منال نازله من الدرج ..
صاااااارخت :-هلاااااااااااااااااااااااااااا اااااااااااااااااااا ااااااااااااااااا مو معقوله
انخرش قلب ام سعود ورجلها وطلعوا من الصاله ..
ركضت منال الاوهي بحضن اخوها
سلطان :-هههههههههههههههههه بسم الله علي خرعتيني منالوه
منال بتكشيره :-هذا جزاي متحمسه لرجعتك ومشتاقه لك
ما امداه يرد الا امه وابوه عنده وهاتك يا بكا واحضان...
بعده بربع ساعه جلسوا ..بالصاله يتقهوون ..
وهاتك يا سوالف ووناسه
قال سلطان فجأه :-الا وش اخبار العايله
سكتوا الكل واسودت وجيههم .. انسدت نفس سلطان عن الحلا الي يآكله وقال بترقب وخوف :-شصاير؟
الكل:-................
خاف سلطان :-يبه اخواني فيهم شي
.................
انقهر سلطان ورحمته منال وقالت وهي مطنشه غمزات امها وجمود ابوها :-راكان بن عبدالرحمن يطلبك الحل
طاح الصحن من يده وانكسر قال بذهول :-راكاااااااان ..
منال :-ايه
سلطان بصدمه :-متى ؟
منال بتردد :-له فتره
سلطان :-متى؟
منال سكتت شوي ثم قالت :-قبل سنه ونص تقريبآ
طلعت عيونه وقال كلمه كلمه بتعصيب :-يموت راكان ولا تعلموني ليه ماني ولدكم ماني من هالعايله
اخيرا تكلم ابوه :-واذا قلنا لك بترد عنه الموت
انقهر سلطان :-لا ماني براد الموت عنه لكن على الاقل اكون معكم في مصيبتكم ..
ابوه :-اذا زواج هنادي مالقيت فرصه تحضره بتحضر عزاء راكان الا اذا ناوي تخربها
سكت سلطان وفهم تلميح ابوه لأن ماعنده اجازات واذا كان بيحضر فذا معناه انه بيكنسل دراسته كلها .
ابوه :-المهم كل شي جاهز للعرس .. انا مدري ليه راسك يابس وماخليتني اعطيك المهر
ابتسم سلطان هي الوحيده الي طاريها يشرح له قلبه :-ماعليه يبه انت الخير والبركه وانت ماقصرت كل تكاليف الزواج هديه منك
عصب ابوه :-انت ولدي زيك زي اخوانك وانا مسؤول عنكم
ابتسم سلطان :-الله يخليك لنا يارب هههههه جا الوقت الي نعتمد فيه على انفسنا خلاص صرنا رجال وتعدينا الثلاثين
ابوه :-بتظلون بعيني صغار لين اموت
جلس جنب ابوه وحب يده :-الله يطول بعمرك يبه ..
وضاع الوقت في السوالف والصدمات الي تتوالى على راس سلطان من حادث سعاد لموتت ام محمد ..
وش الي صار للعايله ..مصايب في مصايب ..
والقهر ان ما احد قال له بس لما رجع فكر فيها لقى معهم حق وما معهم .. لأنه بيترك دراسته ويجي ..يكفي انه بقي له ست شهور وياخذ الدكتوراه وانهم بالعله عطوه اجازة شهر ...لكن في نفس الوقت منقهر لأنهم استثنوه ..
ابتسم ابتسامة فرح لقرب اليوم الي اخيرآ بيجمعه مع قمر في نفس الوقت.. حزين لموتة راكان من جد صـــــــدمه عظيمه لا والي حز بنفسه اكثر ان ربي رازقه بتوامين عيال ..
سبحانك ياربي ..لك في كل شي حكمه
*
*
*

<<<بيت سعود..
قال سعود يستهبل :-انا لك يابريق الماس
الماس :-ههههههههههههههه لا والله مو تو انا دوبه وشينانه عقب ولادتي لناصر
قال بوله :-انتي شينانه ياشيخه ارحميني وقومي ناظري شكلك وربي قلبي من قو دقاته لاشفتك اخاف يوقف
حمر وجهها ..
وفي هالحظه صاح ناصر يبي يرضع ..
كشر سعود :-الحين ولدك ذا ورى ما تحطينه بغرفته
الماس :-هههههههههههه تعرفني ما اتحمل يغيب عني شوي
قامت تسوي له رضعته ..
اخذه من فراشه وجلس سكت فيه .. لين تجي امه ..
ابتسم لولده الي جمع مابين ملامحه وملامح حبيبة قلبه
تذكر كل المصايب الي صارت لهم ..بسبب موضوع العيال ..
تذكر يوم الماس تتركه ، يوم انطرد من الشركه ، يوم يحسب الماس تحتضر
كان يعرف انه يحبها ومتيقن من هالشي ..
لكن الي ماتوقعه ان حبها يوصل لدرجة الجنون ..درجة ان كل حريم الكون ماقدرن يحلن بمحلها ..
تعكر مزاجه يوم تذكر نوف وتذكر حقده عليها وكرهه اللامعقول لدرجة انه تمنى يوم شافها يخنقها ليلة الزواج يخنقها يذبحها يدفنها بالحيا ..انواع الاشمئزاز انواع القرف والحقد ..
كيف بيحترم وحده متزوجته وهي داريه انه مايبيها ..
كل هالمشاعر السلبيه بقلبه عليها من مو شهور سنين تفجرت ذيك الليله يوم طلعت اشاعه انها حامل منه ..في غمرة جنونه تعديه لمرحلة اللاتفكير ..
سوا الشي الي عاهد الماس مايسويه !
صحيح ان الي سواه مو حرام ولاعيب ، لكنه خيانه لحبيبة قلبه ..
والي مستغرب منه انه للآن مو ندمان على هالشي ..هي الي جنت على نفسها
كيف بالله بيصدقها يوم قالت له انها ماخانته وانها ماكانت فيوم لغيره ..
الخوف من العار...ومصداقيتها الملغيه عنده كانوا من بين هالاسباب الي اجبرته يسوي سواته ..
الي يريح في هالمأساة كلها انها تزوجت وشافت حياتها مع انسان مشهود له بالطيب والاخلاق ..
ما انتبه الا الماس واقفه قدامه تبتسم له وبيدها رضاعة نصور الصغير ..
نسوا الولد ..ولاقدر ينزل عيونه ولاهي قدرت تنزلها عنه ..
سبحان الله الي قوى هالرابط الي جمعهم اقوى واقوى رغم المحن والمصايب الي مرت بحياتهم ..
رجع ناصر يبكي وقطع هالاتصال الحسي بينهم ..
الماس :-ههههههههههه نسينا الولد الله يخلف علينا من أهل
سعود :-ههههههههههههههههههه انا ادري عنك انا كم مره اقولك لا تحطين روج يلمع
حمر وجهها :-هههههههههههههههههه مدري متى بتترك حركاتك
غمز لها :-ليه مو معجبتك؟
غمزت له وضحكت
زينت الرضاعه بيد ناصر عشان يمسكها
جلست تتأمل ولدهم ضمها سعود وقال بحب :-ياما قلت لك ربك كريم بس انتي عقدتيني بهبالك
ابتسمت وهي تحس بالدموع سبحان الله يغير الحال من حال لحال ..
الماس برقه ودلع :-احبك شسوي
سعود خق :-ههههههههه تحبيني تقومين تتركيني
كشرت وهي تتذكر هبالها قبل :-شسوي انت كنت رافض تتزوج ومالقيت الا اتركك عشان يجليك ظنا
سعود بجد :-اظن بعد كل البلاوي الي مرت علينا عرفتي اني يوم قلت ان نفسي ماتتقبل غيرك كنت صادق
ابتسمت بحب وهي تمسك يده :-عارفه والله عارفه وانت عارف اني اموووووووت فيك وان مايملي عيني غير نظر عيني والي هو انت يكفي العذاب الي ذقته وانت بعيد عني ..
خق من جد سعود ... *_^
*<<<بيت ابو سعد
كلمت ساره امها وهي تصيح وترتجف وتمسح الدم الي سايل من فمها :-يمممممممممه الحقيني تكفين
انهبلت امها :-خير شفيك
ساره بصراخ هستيري :-ابووووووووووووووي بيذبحني
امها اختبصت من الرعبه :-شصاير ليه بيذبحك
ساره صارخت :-يمه تكفين الحقيني جيبي احد من خوالي
وسكرت الخط وهي ترجف ..
جلست بزاوية الغرفه وهي تبكي وتلطم خدودها ..
كيف صدقتك يا ماجد كيف ..قلت لي ان الزواج العرفي زي أي زواج ويوم طلعت حامل تهج وتتركني ..
ليه ليه !!
صارخت بهستيريا "ذي تالية الدجه بالاسواق والسفور ، ذي تالية رمي الغطا والكشف عن وجه مزين بدقه وضمير حسبتني فوق المستوى ومحدن يضاهيني ذكاء وخبث لكني طحت بالي اخبث مني ..، لاحقني من مكان لمكان عرف عنوان بيتي ..عرف مواعيد طلعاتي وكثر الدق يفك اللحام انا الغلطانه الي وافقت اقابله بالكوفي شوب جلس يتكلم عن عشقه المزعوم لي واقنعني وقال لي بنتزوج زواج زي أي زواج بس سر وبعد تردد وافقت.. فتنتني وسامته سحره نبرة صوته وتزوجنا وبعد شهور من زواجنا ومقابلاتنا السريه دريت اني حامل ومن بعدها ماعاد شفته .."
صرخ ابوها :-افتحــــــــــي يا ................
حطت يدينها على اذانها عشان ماتسمع هالكلمه الجارحه ..
صرخت :-انا متزوجته مو ...........
ابوها والقهر يطحنه طحن :-وين ورقة الزواج يا بنت الحمايل وينها هالشريفه وينها
صرخت بجنون :-معه الورقه هو قالي بيحطها بالدرج دورتها ومالقيتها شسوي
صرخ ابوها وهو يمسك صدره الي بدا ينغزه :-انت حامل بولد حرام يا بنت الاصل والفصل
صرخت بجنون :-لااااااااااااااااااااااااااااا اااااااااااااااااااا ا
صرخ :-لووووووووووووووووووووووووووا
نزل بسرعه وناداى الخدم يجون يكسرون له الباب ..
وصلت امها بسرعه البرق ومعها اثنين من اخوانها ..
وسمعوا صراخ ساره فوق ..
ركبوا بسرعه يلحقونها قبل لا تنذبح ويروح ابوها في داهيه ..
لقوه ماسكها ويضربها برجله على بطنها وهي تصيح :-جبتيلي العــــــار جبتيه لي
وهي تصيح ..وتتوسله لأنها تتألــــــــــم ..
تدخلوا خوالها ويالعزره قدروا يبعدونه عنها ...
صرخ :-بنت الكلب جابت لي العـ.......(ومسك قلبه) آآآآآآه
وطاح عليهم ..
انهبلت امها تشوف حمد الي طايح ولا تشوف بنتها الي تنزف مره ومغمى عليها ..
المهم ...دقوا على الاسعاف واخذوا ابو سعد للمستشفى اما ساره فطلبوا لها اسعاف خاص عشان الفضايح لأن المستشفيات الاهليه تتكتم احيانآ على مثل هالامور ..
وبالمستشفى الحكومي ..
انتظر واحد من خوالها ..والثاني راح مع ساره وامها ..
جلس على اعصابه ..وبعد نص ساعه طلع الطبيب ووجهه ما ينتفسر
وقف خال ساره :-خير
الطبيب :-عظم الله اجركم
خالها :-لاحول ولاقوة الا بالله
الطبيب :-الرجال كبير بالسن مو حمل صدمات ع العموم الله يتغمده برحمته الرجال توفى بسكته قلبيه انت اخوه
خال ساره :-لا قريب له
الطبيب :-أجل ياليت تعطيني ارقام اهله ولا تكلمهم يجون هنا عشان يوقعون الاوراق ويستلمون جثته
خال ساره :-ان شاء الله
راح الطبيب وعلى طول دق على ابو علي (محمد) وبلغه بالخبر ..
×
وصل ابوعلي المستشفى مصدوم مذهول من الخبر ..
دخل على اخوه المسجى فوق سرير ابيض ومغطين وجهه ..
حب على راسه ومسح دموعه ,,
وطلع ..شايل عتابه بقلبه ..اخوي مات وماينفع العتاب الحين
وقع الاوراق ..
وعلى اساس ان بعد صلاة العشاء اليوم يدفنونه بما انهم ظهريه الحين
>>>>> بالمستشفى الثاني
جلست ام ساره تمسح دموعها..
مايكفي انها اجهضت بعد شالوا رحمها بسبب الضرب الي جاها من ابوها
ياربي ليش سويتي كذا يمه ليش انتي مو قد الثقه الي عطيناها لك هذا وانتي بالثلاثين أجل غيرك ماينشره عليه ...
الله يعينك على خسارتك يمه ..
وانا اشك ان موضوع العيال يهمك ..يمكن ما تحزنين الا على نقص انوثتك بس لأن من جد ذا الي يهمك انا مدري ليه تفكيرك مريض كذا..
هل هي احقاد ابوك الي زرعها في قلبك من الصغر ولا تربيته المتسيبه ودلعه الي ماله سنع ولا رفاق السوء
مسحت امها دموعها ..وجلست تقرا قرآن
&&&
&
*
&
&&&


<>بيت احمد <>
كان احمد جالس مهموم ..
من نظره لوجهه الحبيب تقدر تعرف اذا هو متضايق او سعيد..
قربت لمه وسألته :-حبيبي فيه شي
ابتسم غصب والافكار تاخذه يمين ويسار :-هاااااه لا لا سلامتك
ابتسمت بحب :-علينا
احمد :-هههههههههههههه دايم تكشفيني
سعاد :-ههههههههههه شفت عاد يالله وش مضيق صدرك
احمد :---------
مسك يدها يحرك اسوارتها ..وبحركته كان فيه توتر ..
قالت بالحاح :-احمد شغلتني
سحب نفس طويل وقال :-سعاد
قالت بابتسامه حلوه :-ياقلب سعاد
احمد :-هههههههههههههه خليني طيب اهرج زي الناس
سعاد بدلع :-ماسكتك انا
احمد خق :-ههههههههههههههههههههه لا ما مسكتيني بس عن الدلع والتسبيل ..
سعاد :-هههههههههههه طيب
احمد بجد :-ودي اني انقل واسكن ببيت ابوي
ما استوعبت سعاد كلامه ..
فهم كلامها غلط :-انسي الفكره
سعاد بعجله :-لا لا كمل انا بس تفاجأت
احمد بحزن :-امي تعبانه حييييييييل وانتي تعرفين ما تآكل الا من يدي وربي وصانا ببر الوالدين حتى لو كانوا كفار ..
سعاد بحب :-هنا يالغالي ما تشور.. هنا انت تآمر ..والي مافيه خير باهله مافيه خير بالناس
ابتسم براحه وسعاده عز الله سنين عمره الي حبها فيها ماضاعت هدر وتستاهل كل لحظة عاشها يحلم فيها ويتمنى قربها وشوف محياها
احمد برقه :-ما اقدر اقول الا اني ما ندمت ولاراح اندم في يوم على محبتي لك
سعاد :-الله يخليك لي .. وانا شقول عاد ..عساني اقدر اعوضك عن كل المعاناه الي سببتها لك
احمد :-ههههههههههههههه احلى معاناه .. من جد جتني حالات تمنيت فيها لو اخنقك
سعاد :-هههههههههههههههه اف اف للدرجه ذي
احمد :-وازود بعد ههههههههههههههه من جد عنيده مدري طالعه على مين
سعاد خزته وجلست تضحك ..
فهم عليها :-هههههههههههههههههههه حرام عليك انا عنيد
قالت ببراءه :-أبدآ
احمد :-ههههههههههههههههه ايه على بالي
وفجأه جلست تضحك بهبال (متعود على هبالها مافيه مشاكل)
احمد بابتسامه (الله يريحك زي ماتريحيني دايم) :-خير وش ذكرتي بعد هههههههههه
سعاد وهي تضحك بهستيريه :-تذكر يوم طاحت الدجاجه على رجلك
احمد :-هههههههههههههههههههههههههههههه ههههههه
سعاد وهي متشققه من الضحك :-ااااااااخ ياقلبي ههههههههههههههههههههه
احمد :-كنت بتفيلح واطبخ وابتسمتي وتخملت ايديني
سعاد راح وجهها احمر من الضحك ..:-هههههههههههههههههههههههه
احمد :-ايه اضحكي اضحكي موب انتي الي بغت رجلك تنكسر
غمزت له :-عوضتها يوم زلقت ومسكتني حشا فلم هندي
احمد :-هههههههههههههههههههههه احلى شي الصراحه (وغمز)
حمر وجهها ..منه
وكمل :-عسى الله يتمم فرحتنا علينا ولا يغير قولي امين
سعاد وهي تضمه :-آمين
ضمها وقال :-ترى بننقل لبيتنا هاليومين
سعاد بمحبه صح ماتطيق امه بس لأجل عين تكرم مدينه وعشان عين احمد تكرم مدن مو مدينه :-تآمر أمر
احمد بخبال :-هههههههههههه ترفقي
سعاد بدلع :-وان قلت لا
احمد وهو يغمز :-عارفه تاليتها
حمر وجهها وماخاب ظنها *_^
*
*
*




*
*

<<<<<<<بيت محمد
جابت هنادي القهوه لمحمد ..وجلست
قال محمد بتفكير :-هنود دريتي
هنادي :-خير
محمد :-عم راكان.. سعد
قالت بحقد :-علامه عساه الماحي
محمد :-توفى اليوم
انصدمت هنادي :-هاااااااااااااااااه
محمد :-توفى بسكته قلبيه وبيصلون عليه العشا
هنادي :-لاحول ولاقوة الا بالله
محمد والنار قايده بقلبه بسبب فعايله مع رفيق عمره بس يالله مات وريح
هنادي :-بتصلي معهم
محمد :-مدري الي سواه براكان ماينسي (وغص بعبرته)
انتبهت هنادي لمزاجه المتعكر وابتسمت :-خلاص حمودي عن الكآبه ..
محمد :-ههههههههههههه اخ يازين اسمي
ولع وجهها وجلس يضحك عليها ..
قال وهو يغمز:- انا ماوريتك تذكار اثري عندي
هنادي :-ههههههههههههههه لا
دخل مكتبه وثواني ثم طلع رفع اسوارتها قدامها ..:-شرايك
صارخت هنادي :-هههههههههههههههههههه مو معقوله عندك للحين
محمد :-ههههههههههههههههههههه احلى شي بحياتي
هنادي :-ماتوقعتك ماخذه
محمد :-سبحان الله شي شدني له واخذته وماخاب شعوري صار له معنى حلو بحياتنا
هنادي :-هههههههههههههههههههه أي والله عشان اتذكر رباشتي واعقل
محمد :-ههههههههههههههههههههه احلى مربوشه بحياتي
هنادي :-ههههههههههههههههه
وفجأه دق جواله رقم غريب ..
عقد حواجبه
هنادي :-خير
محمد :-رقم غريب
رد عليه :-هلا
عقد حواجبه ..عقدها زود ...طلعت عيونه...شهق .....فز من مكانه
فزت معه هنادي من الترويعه ..
محمد :-انا جايكم الحين
سكر الجوال ..وقال بسرعه :-هنادي جهزي لك اغراض بنزلك عند اهلك كم يوم
تروعت :-ليه
محمد بعجله :-بعدين بعدين
ركضت وجهزت لها كم لبس طياري ..وطول الوقت كان محمد يكلم بالجوال وهنادي ترجف ماتدري وش الموضوع ..
نزلها وقال بسرعه :-بكلمك زين واشرح لك كل شي الوقت عدوي الحين
هنادي :-انتبه على نفسك
محمد :-طيب سلام ..
<
<
>>>>> بمطار الملك خالد ..
دخل محمد بسرعه ومعه المحامي والاوراق الي طلبها ..منه
حمد ربه انه لقى حجز لشخصين لرحلة رايحه للندن ...
حمدان :-محمد وش صاير ليش طالب هالاوراق كلها
محمد يرجف وشوي ويجيه انهيار :-بعدين بعدين
سكت حمدان وركبوا الطياره ...لأن رحلتهم بتقلع
*
*
*
*
*

<<<<<بذاك المكان
فتح عيونه وبهره النور...الآاام مبرحه براسه وكل شي حوله ضبابي ماله ملامح
"اه ياربي وش صاير لي راسي يوجعني وعظامي تعورني "
حاول يتحرك وماقدر ..
كانت تتكلم وتهذر على راسه ممرضه شعرها بني يلمع ..
تذكر شي وماقدر يتذكره بنفس الوقت..
ملاك...ايه ايه يذكر ملاك شعره نفس اللون ..
بس الملامح احلى ..
ماقدر يستوعب الا وهي تنادي اسمه وتكلمه ...بالانكليزي طبعا
حاول يتكلم لكن الكلام طلع منه متقطع ..كان وهو يتكلم يبذل مجهود كبير كبير ..
عطته كاس ماء ومسكته له تساعده شرب وابتسم لها ابتسامه خلت وجهها يقلب احمر ,,,
ساعدته وجلس رافع ظهره كأنه احسن اليوم بكثير عن هالاسبوع الي استعاد فيه الوعي..
غمض عيونه لأن النور مازال يبهره ويوجعه في راسه ..
وطلعت الممرضه ..من الغرفه احتراما لخلوته بعد ماعطته محاضره عشان يناديها لا بغى يتحرك..
ناظر بساعه الجدار..
"اوف متي يجي المدلك الفيزيائي ويساعدني عشان استعيد لياقتي واقدر امشي مره ثانيه "
وسرح في اعماق هالذاكره الي نامت ..مده طويله وتحتاج لوقت عشان يسترجعها كلها
انقهر وهو مايتردد براسه الا صوت ضحكتها ,,ريحة عطرها ..
غمض بقوه ومسك راسه بيده "منهي منهي "
×
×
×
عقب اسبوع{{
>>>>>> زواج سلطان ..
بالقاعه ..*
كانت قمر كاشخه ومتشيكه ..
فستان نافش وشعر شنيون روعه ومكياج خليجي ..
كان الكل كاشح حتى دانه متكشخه لعيون اختها ...
كان الكل بالكوشه ..ابتسمت دانه للمهنين والي يسالون عن عيالها ..
دربي طويل وتايه فيه ممشاي
مثل الغريب اللي مضيع دليله
يحدني وقتي على ضيم دنياي
ورضيت بالمقسوم حتى قليله
ياطول صبري وآآآه
ياكبر بلواي
أخفي عن العدوان همي وأشيله
أخاف أبوح بسر قلبي وشكواي
وتصير نفسي بين
ربعي ذليله
أضحك ودايم بسمتي تسكن شفاي
ومن شاف حالي قال محد مثيله
وأنا بجوفي هم والنار بحشاي
والجرح ينزف والليالي طويله
والعمر يمضي بي وحاير بممشاي
محروم من طعم الحياه الجميله
الياس حل وماتت اليوم رجواي
ولاعاد لي غير الصبر من وسيله
يالله ياعالم بسري ونجواي..
تشيل عن قلبي هموم ثقيله...!!
...
تبتسم غصب عن العواذل وعن الشامتين لعيون اختها ولعيون من حبته فيوم ..
الكل مجتمع والفرح عم ديارهم ..لكن القلب غزاه واحتله الحزن ..
"ويني ووين الفرح عقب فرقاك يا ظنيني"
دخل سلطان وتمت الزفه على خير ..
عيونه بعيون حبيبة قلبه..
النظره الي ياما حلم فيها تجلت واضحه بعيونها ,,شوق لهفه وحنين ..
جلس جنبها بعد ماسلم عليها ...
وبعد الرقص والتصوير طلعوا ,,
،،،،،
الساعه 3 الفجر رجعوا البيت ورجعت دانه معهم بناء على طلب من امها ..
وما امداهم يوصلون الا هم نايمين ..
×××
>>>>>>>اليوم الثاني
بكت وشوي وتطيح على رجلين ابوها :-يبه تكفى مابي اتزوج تكفى
ابوها بعصبيه :-بتتزوجين غصب عليك
دانه وهي شوي وتستخف :-يبه حرام عليك انا ام عندي عيال
ابوها :-ايه وعيالك يبيلهم رجال يربيهم ويسنعهم
دانه ودموعها تصب :-يبه تكفى لا تذبحني بالحيا
ابوها قسا قلبه ولا دموعها مو هاينه عليه :-يرضيك كل يوم والثاني ادنى خلق يجون يخطبونك طمع في حلال هاليتمان.. ولد عمك اولى بك
قالت بسرعه :-ناصر ما يبيني غصب
طلعت عيونها وهي تو تنتبه للمصيبه الي قالتها ..
مسكها مع ذراعها :-شدراك انه مايبيك
دانه ماتعرف تكذب ووجهها حمر ..
انصدم ابوها :-انتي قايله له مكلمته
لوى يدها وصرخت :-لاااااااا يبه انا تربيتك لاااااااااا
ابوها :-أجل علميني بالحقيقه
مالقت لها مهرب لأنه كشفها واضحه لسالفه لأن رياجيل العايله مايتكلمون مع حريمهم بكلمه وحده عن الي يدور في مناقشات العيله ..
علمته وانهبل منها ابوها ..
عصب وقال :-احتراما لعيالك ماني ماد يدي روحي لغرفتك وتجهزي عرسك على ناصر الخميس
صرخت وراحت لغرفتها القديمه تركض مثل المجنونه ودموعها تسيل...
لحقتها امها عقب ماتهاوشت مع رجلها
قالت تهديها :-يمه يمه هدي نفسك بحاول اكلمه
(عارفه انه مستحيل يوافق بس وش تسوي دانه وصلت لمرحلة الهستيريا )
دانه بجنون :-لااااااااااااااااااااااا وربي لاذبح نفسي وغير راكان ما اخذ
امها بدموع :-يمه تكفين لا تسوين مشكله بالعايله
دانه بجنون ازود :-قلت لكم وربي الي خلقني ورب الكعبه ما اتزوج غيره فاهمين فاهمين
دخل ابوها الغرفه لأنه سمع صراخها قال بعصبيه :-تبين تتزوجينه غصب عليك والعرس مو الخميس العرس عقب 3 ايام شرايك ..
دانه :-لاااااااااااااااااااااااا
وطلع من الغرفه راحت ضمت عيالها الي حسوا بألمها وجلسوا يبكون معها ...
وربي مابكت عيني على شئ فقدته وراح.......%
وربي ماأنزل دمعتي ولاحتى علشاني
وربي ماشعرت بيوم صدري ضاق بي أوصاح......%
كثرماضاق هالمره علي وصاح حرماني
وربي ماعرفت أن الدموع أذابكيت رماح.......%
الإبعد من هوبفرقاه حيل بكاني""^
قضت الليل كله بكا في بكا وماغفى لها جفن ولا ارتاحت لها عين ..
طبعا ..
انهبل ناصر يوم كلمه عمه وقال له العرس عقب 3 ايام ولا طقطقه ولاشي سكيتي وعقب يسوون الي يبون
جلس ناصر يضرب اسداس في اخماس جاء بيعترض وعطاه عمه كلمه قويه خلته يسكت شكل عنده خبر عن رساله دانه الي تستفزعه فيها
ماغفا له جفن هو الثاني والعمل ..البنت ماتبيه ومغصوبه عليه ؟؟
مسح وجهه بيدينه وهو يفكر ويفكر في هالمصيبه ..صح يحبها ويبيها بس مو غصب ..
/
/
/
/

>>>>>>> في لندن
دخل محمد المستشفى رجلينه ما تشيله ..
اسبوع على اعصابه وهم رافضين يخلونه يشوفه ...
والحين وافقوا..
كانت يرتجف ويرتجف ويرتجف
موت الأمل مو مثل موتته بعد ماهو من اليأس حيا
وبعد ربع ساعه وقف قدام باب الجناح.. ووراه الفريق الطبي والفريق السعودي الي لحقهم غير حمدان المحامي ..
قال حمدان بتفهم:-ياليت لو نخليه يدخل بلحاله لين يستدعينا
محمد كان في مرحله التفكير والحكمه ابعد مايكون شكر حمدان الي تولى هالشي بداله ..
انتظروه وانتظروه....وماتحرك الخوف شاله شلّ
قال حمدان بنبرة اخوه :-سم بالله وادخل
هز محمد راسه ودخل ...
مشى والباب سكر عقبه من نفسه..
كان جالس ومعطيه ظهره ..شعرها مقصوص لكن الوجه مو بين ..
غرقت عيونه بالدموع
التفاته وحده ..وحده
بس
لكن حياته وسعادته وقف عليها ..
"طلبتك ياربي يكون هو ...بكل اسماءك الحسنى وصفاتك طلبتك يارب لاتخيب ظنوني"
حس بحركه وراه ريحة عطر مألوفه ومو غريبه ...
ما التفت ..لأنه مصدوم بالبندانه الي بيده واسم صاحبتها ..
ليش مايتذكر ليش
يعرفها ويحس فيها بس مثل ماهي قريبه لنفسه بعيده..
كأنها واقفه قدامه لكن ملامحها ضبابيه ..
محمد بصوت فيه دموع :-ر..ر..راكان
ضربه هالصوت على راسه زي ضرب العصا ..
تسند على العكاز الي جنبه مؤقتا لي متى مايستعيد لياقته وتصير مرنه عضلاته عقب هالطيحه الطويله بالسرير .
التفت شوي شوي ..
صرخ محمد من كل قلبه ونزلت دموع الصدمه مدري الفرح مدري الخوف من ان الي يشوفه خيال ...
قال راكان بصدمه :-مـ محمد
قال محمد بهستيريا :-أي ايه ..
خمه ذاك الصداع وطاح مغمى عليه...
صرخ محمد واستدعوا الاطباء ...
جلس ساعتين ينتظر وينتظر..وطلع الطبيب
محمد :-هاه بشر ...
قال الطبيب السعودي المرافق معهم :-لا لاتخاف شي طبيعي احتمال تكون ذاكرته رجعت وماتحمل راسه الضغط واغمى عليه
محمد بذهول :-هو فاقد الذاكره ..
الطبيب البريطاني تكلم وشرح له الحاله من قبل للآن ...
وانه جاهم منقول باسعاف لأنه كان صادم شي قاسي ومسوي له ارتجاج قوي بالمخ ..ففقد الذاكره وراح في غيبوبه ..ولما صحى ما كان على لسانه الا محمد وبعد جهد جهيد وصبر اسابيع قدر بقدرة قادر يعطيهم رقمه (رقم محمد) واتصلوا فيه لأنه مجهول الهويه ومحمد الخيط الوحيد للكشف عن هالغموض
انهار محمد على اقرب كرسي وهو يسمع تهليل حمدان الهامس وتكبيره لها المعجزه الي صارت ...
طلعوا من المستشفى ...
وبالمساء رجع محمد وخلى حمدان يشوف المعاملات القضائيه لاثبات هوية راكان بمساعدة السفاره السعوديه بلندن ...
دخل غرفه راكان ولقاه جالس يقرا قرآن ..
وقف قرايه وابتسم بمحبه كبيره جاه محمد وضمه من قلب ..
قال محمد :-انت بخير وجلس يتفقد شكله عموما ..
ابتسم راكان :-نحمده على كل حال
محمد وهو شوي ويرجع يبكي المفاجأه اكبر من احتماله :-طيب شلون كيف ماني فاهم
كان راكان تعبان لكن بنيته القويه مساعدته :-السالفه كلها اني وانا رايح اشتري غرض اسرع السواق وقلبنا كذا قلبه شي ماتتصوره
وسكت لأنه تعب
محمد وهو مو داخله مزاجه السالفه :-طيب شلون كيف ..؟ لقوا بالسياره جثتين واوراقك واغراضك ..كيف
راكان :- حنا كنا ثلاثه بالسياره
انصدم :-هاااااااااااااااااااااه من شهادات موظفيننا انك انت والسواق ..
قال راكان بكآبه :-تعرف مات هيرلي
محمد :-مدري مو غريب علي شفيه
راكان :-هذا الي يملك محل المجوهرات الي دايم انا اشتري منه
محمد :-طيب
راكان :-انا دقيت عليه يجيب لي مجموعه خواتم بشتري هديه لزوجتي والي جابه ماعجبني ثم قلت له أجل امش رح معنا للمحل وورني غيرها
محمد :-طيب ما صار شي وللآن ماعرفت من الثالث
راكان :-اصبر هو قال لي انت خلص معاملات الفندق وانا بنزل اشتري غرض وتلقاني انتظرك عند الاشاره الثالثه الي بنفس الشارع ..
محمد بدا يفهم
كمل راكان :-وصار هالترتيب ودعت الموظفين ومريته وركب معنا واسرع السواق مره واثناء التقلب انا طرت من السياره بعيد واذكر اني مشيت مسافه لكن فجأه اغمى علي ولاعاد دريت عن شي الا هالشهرين الماضيين ...
مسكه محمد مع يده وقال :-نذر علي لا اكون مسوي لك حفله ماصارت ولذبح بمناسبه رجعتك خمسة بعارين وعشرة روس من الغنم
راكان :-هههههههههه كل هذا
محمد بكآبه :-انت ماتدري وش صار لنا بغيابك
انقبض قلبه :-د..دانه فيها شي
محمد بانقباض في صدره :-لا زوجتك بخير وماشاء الله عليها بنت رجال ماصله
(وسكت ماعلمه بعياله مفاجأه )
ابتسم بحب ...
لازم اقوله ولافات الفوت وماراح يسامحني كل العمر
محمد :-راكان
راكان وهو ينسدح من التعب :-هلا
محمد بتردد :-زوجتك بيزوجونها غصب بعد بكره ..
جلس من مكانه وطار التعب :-هااااااااااااااااااااااااااااا اااااه
محمد خاف من ثورته ذي تنعكس عليه سلبيآ :-هدي نفسك
وقف وقال :-اليوم نرجع الديره
محمد بذهول:-انت تعبان
صرخ راكان :-بترجعني ولا رحت انا حي مامت
وماقدر محمد يمنعه ...
طبعا بعد هوشات مع الدكاتره .. وتدخل من السفاره مشا راكان الي براسه وقرروا يحجزون للسعووديه من بكره الفجر يعني الصبح في السعوديه يوم زواج دانه...
كان طول الوقت على اعصابه ومن زود العناد رفض يرجع بطيارة الفريق الطبي الي جايه من الرياض ..لكن بعد تهديد انهم مايرخصونه اضطر يقبل ..
قال محمد :-اهدا ان شاء الله بنوصل ..
راكان بتوتر :-كيف اهدأ.. الحين عصر بالسعوديه
توتر محمد زيه بس الي يريح انه طلب من خالد يمنع الملكه لين يوصل ولا احد فاهم شي ..لا العيال ولا هنادي لأنه متكتم على الخبر لين تضبط اوراقه الرسميه ومعاملاته برى
÷
÷
÷
÷




<<<<بيت ابو خالد
قالت قمر لاختها الي تلبس عباتها :-دانه انتي مجنونه
قالت دانه :-ابوي وين
قمر :-توه رايح للمسجد عشان يصلي صلاة العصر
دانه :-وامي
قمر :-طالعه تشتري ملبس مدري وشو
مسحت دموعها ...
واخذت عيالها وشغالتها معها تساعدها
بكت وبكت قمر ..الي ماسافرت شهر العسل عشانها ..
طلعت دانه صاروخ لبيتها ..وعيالها معها ..
ركبت السياره وقلبها يرجف رجف ..
جا وقت الملكه ..المغرب ودانه مفقوده ..
دوروها امها وابوها ومالقوها ..
قب ابو خالد :-وين البنت؟
ام خالد مصدمه :-يافضيحتنا وين راحت
نزل ابو خالد معصب صارخ :-وين الزفت الثاني احمد
احمد :-سم
ابو خالد :-وين اخوك
احمد :-مدري
(ماسك نفسه لايضحك لقيتوا ندكم ياهالشياب)
ابوه بعصبيه :-اسمع دور اخوك لا والله لتتزوجها انت
طلعت عيون احمد قدام :-هااااااااااا
ابوه –جاك العلم قم فز معجبك شكل عمك وضغطه مرتفع ..
احمد ماصدق خبر وطلع برى المجلس ..
دق على رقم صديق ناصر :-نويصر
ناصر :-هلا احمد
احمد :-ياشيخ ورطتني
ناصر :-ليش
احمد :-ابوي حلف انك اذا ماجيت بيزوجني بدالك
ماقدر ناصر الا يضحك
احمد :-أحر ماعندي ابرد ماعندك
ناصر بضيق :-يفرجها ربك
احمد مع اخوه ان الزواج مو غصب بس مايصير يتهرب كذا ..
حمد ربه ان الزواج عائلي ..ولا كان جد زوجوه دانه بدال ناصر ..
كلم سعاد :-هلا حبيبتي لقيتو دانه
سعاد بضيق على حال بنت عمها :-ايه في بيتها بس عمي لايدري
احمد بتفهم :-مانهبلت للحين عشان اعلم على هالمسكينه مالهم حق الصراحه ..
سعاد بضيق :-يهونها ربي
احمد :-على قولتك ..يالله سلام
سعاد :-سلام
&&&
>>>بيت راكان ..
قالت ام راكان لدانه :-يمه غلط الي سويتيه
دانه بانفعال :-يمه والي يسوونه هو الصح يعني
مريم :-لا معك حق يستاهلون
ام راكان :-مريم حنا مانبي الخطا يركبها
مريم :-الخطا راكبهم من روسهم
ام راكان سكتت لأن مريم معها حق ..
مسكت دانه نفسها لاتبكي لازم تكون ذكيه وقويه وتقدر تتعامل مع هالوضع ..الي يشوف حالها الحين مايصدق انها دانه شريكة محمد والي مقترحه اقتراحات حسنت العمل وصارت سمعتها مشهود لها ..حتى ان المجلات حاولت تاخذ لها لقاءت وحوارات وهي رافضه نهائيآ هالشي
تنفست بقوه وهي تناظر في الثنين الي نايمين وحاضنين بعض ..
"انتم قوتي ادعموني يا قطعه مني ادعموني "
سمعت صراخ تحت وانفجر قلبها بصدرها ...نزلت ام راكان تشوف السالفه وبقت دانه ضامه امها _مريم_ تنتظر المجهول ...
نزلت ام راكان لقت ابو خالد واقف تحت :-هلا ابو خالد
قال وهو منزل راسه :-حياك الله ام راكان وين دانه
ام راكان :-موجوده
ابو خالد باحترام :-ماعليك أمر ناديها خليها تنزل وتلبس عباتها المملك برا ببيت الشعر ويبي يسمع ردها
ام راكان وقلبها يعورها :-البنت مو موافقه
ابو خالد بدا صبره ينتهي :-طيب ناديها ..
احترامآ لشيبته نادت دانه ..
ناظرت دانه في ام راكان –مريم- نظرات كلها خوف مخلوطه بتصميم
ونزلت ..
عينها بعين ابوها ..
قال بعصبيه :-وين عباتك
دانه بتصميم ولاهي ترجف وميته خوف :-زواج مو متزوجه
ابوها :-يابنت لاترفعين ضغطي
دانه وهي تهزء نفسها لاتبكين لاتبكين :-زواج مو متزوجه
صرخ :-داااااااااااااااااااااااااانه
نطت من مكانها من الخوف من جد اول مره تشوف ابوها كذا ..
ابوها :-انتي وولد عمك ناوين لي بنيه هذاك ساعتين لين لقيناه ولين جبناه هنا غصب وانتي تتنحشين مالك والي
"مالك والي"
ليش تجرحني يبه ..ليش يعني انا دايره على حل شعري بكل مكان ..
انت عارف اني ماطلعت من بعد وفاة راكان لمكان ..الا يوم الورث ومراجعات عيالي ..
كنه حس انه قسى عليها ..لكن مارق قلبه ..
:_ قدامي
دانه بعناد :-مابي اتزوج
ابوها بقهر :-امشي قدامي
وسحبها من يدها سحب وهي تصارخ .."مابي غير راكان مابي"
ابوها يسحبها :-امشي
دانه بدموع وهي تتفلت من يده :-تكفى يبه.. يحرمون علي الرياجيل عقب ابو عيالي
ولااذن تسمع.. ولاعين ترا وتشوف !
"اتركها يا ابو خالد"
.............................. .................... ...
.............................. ............
.........................هدووو ووووووء............. ..............
.............................. ........
.............................. ....
رفعت دانه راسها ، تصلبت يد ابوها
جمود ...موت بطئ..
جلست ترجف وترجف وترجف وترجف..كانها محمومه ولا عايشه بالقطب الجنوبي ..
يمكن ابوها معه حق يوم يبي يزوجها بما انها بدت تهلوس بسماع صوته ..
ومارجعها للواقع الا ابوها يوم يقول :-لا اله الا الله.. لا اله الا الله
رفعت راسها وطاحت عيونها بعيونه ...
.............................. .................... ...............
.............................. ................
"قد سمعتوا بكلمة ويعجز الشرح عن التفسير وتعجز الكلمات عن الوصف"
.............................. .................... ................
.............................. .................
لحظه فاقت الوصف والتبرير والتعبير ..يقف القلم امامها عاجزا حائرآ
.............................. .................... ..............
.............................. .................... .
لما يموت القلب ..خلاص مات وماعاد هناك رجوى من رجوعه ..
يظل ينبض وينبض وينبض
نبضاته عذاب وقهر ..
ليه
لأن الواحد يكون حي وهو اصلا مايبي لحياه
الموت مره ارحم ولا الموت كل مره ..
ناظرها ....بحنين وألم وشوق واحتياج
"تعالي لاحضاااااااااااااااااااااااااا اني تعالي مشتااااااااااااااااااااااااااا ق لك مشتااااااااااااااااااااااااااا اااااااااااااااااااا ااااااق "
ومافيه ردة فعل غير دموعها الي تسيل كانها انهار!!
أنا عيوني حرمـــــت غيـــرك تشـــــوف ..
والقلـــب حرم غيرك يحـــــب ثانـــــي .."
كف الدمــــوع وأبعد الشــــك والخـــــوف ..
القلـــب لك يا بعد عمـــــري موانـــــي .."
دخيل قلبـــــك سو بي عــــاد معـــــروف ..
لا تــذرف دموعـــك تبعثـــــر كيانـــــي .."
إضحـــك أنا لضحتــك مشتاق ملهـــــوف ..
يا من غرامــــك عن زمانـــي خذانـــــي .."
ويا من بحبــــه صرت مغـــرم ومشغـــــوف ..
للـــه درك ويـــــن حـــبـــــك رمانـــــي .."
ماقول لك بالـــــروف ماقول بالـــــروف ..
أقول زدنـــــي من الهـــــوى ماكفانـــــي .."
أنت الوحيد اللي على القلـــب مألـــــوف ..
وانت الذي أسقيـــه صافــــي حنانـــــي .."
في وسط قلبـــي يالغلا أدخل وطـــــوف ..
أنـــــا بحبـــــك يـا حبيبــــي أنانـــــي .."
لني عطيتك في الهوى عهــد وحلـــــوف ..
واعطيك قلبـي فوق عهـــــدي ضمانـــــي .."
ويا خل غيرك حرمت عينـــي تشوف ..
والقلـب غيرك حرم إيحــــب ثااااااااااااااااااااااااااااا ااني .."
*
قال بمحبه :-تعالي ..
لمني بشوق واحضني ..بعادك عني بعثرني
صلبني في صقيع الموت ورد ثاني لهجير الشوق ذوبني
تعال
تعال
طفي النار الي تسعر !
لمني بشوق واحضني ..غرقني فبحر عينك
نسيني الألم كله تقرب والعتب خله
اغسل كل شقى سنيني..وامسح دمعتي بعيني
تراها جرحت جفني!
لمني بشوق واحضني ..سكن رجفة ضلوعي
كل خوفي من رجوعي
ولاتطري سنين الظيم ..ذكر فرقاك يرعبني
ولي لمني دفا حضنك وغفت عيني على صدرك
احلفك لا توقظني احلفك لاتوقظني
×
تو تستوعب راكان حي.. حي.. مامات
صرخت وركضت له باقصى ماعندها وضمته بكل قوتها ..تبي تحس انه حقيقه وانه حي حي حي
قال راكان وهو يالله ماسك نفسه :-ترفقي يالغاليه ماودي اشوف دموعك عقب هالبعد كله
ناظرت في وجهه الغالي الي مافارقها لا ليل ولانهار ..ماتغير عليها فيه شي غير انه نحفان والا العيون الذباحه ..والوجه السمح هو هو !
قالت وهي ترجف بقوه :-انت حي ولا اتوهم
راحت لابوها تمسكه مع كم ثوبه :-يبه قلي تكفى الي اشوفه صدق ولا خيال
ابوها مسح دمعته بطرف شماغه :-لا يبه حي حي
التفتت له وقالت وهي ترجع لحضنه :-مو مصدقه بغيت اموت يوم قالوا انك مت بغيت اموت ..
راكان بهمس :-انا حي والحمد لله على كل حال..
نزلن امهاته من فوق ..لأن ام راكان طلعت تنادي مريم تفزع لها لأن اسلوبها في الكلام زين وممكن تقنع ابو خالد لا يزوج دانه غصب..
نزلن وهن مشغولات وماسكات بعض عشان الدرج عالي عليهن ومتعب..
واخر درجه سمعن ذيك النبره المميزه ...
صرخت امه مريم :-ياووووووووووووووووووووووويلي هذا راكان
ام راكان :ماقدرت تشيلها ركبها وجلست على الدرج
ركض لهن ضم امه ودفن نفسه في صدرها :-يمـــــــــه
انهارت جنبهم الخاله مريم ورفعت راسه تلمس وجهه تتأكد منه من حقيقته ..
موقف لا يسعني تجسيده بالكلمات ..دموع انذرفت سكايب وشهقات وصلت لسابع سما ..
قال راكان يخفف هالألم عنهن :-خلاص كافي صار لنا ساعه نبكي يكفي خلاص
امه :-اااااااااااااه يايمه ااااااااااااااااااه احس اني بحلم مو علم
راكان :-وانا اكثر يمه والله العظيم انا مامت في الحادث كان غيري لكني كنت في غيبوبه ماصحيت منها الا قبل كم شهر
امه :-ومادرينا عنك
راكان :-يمه كنت تعبان وماقدر امشي غير ان الذاكره مارجعت لي الا يوم شفت محمد كنت اذكر اسمه ورقم جواله وبس ويوم اخذته السفاره السعوديه كلموه وجا..طبعا عرفوا اني سعودي من مفتاح الدوله الي بالرقم ومن هيئتي ..
والحمد لله على كل حال
امه :-ايه الحمد لله
تذكرت دانه عيالها الا والشغاله جايبتهم من فوق لأنه موعد أكلهم ومايحب يأكلهم الا دانه ..
وقف مصدوم مشدوه يناظر في زوجته وامهاته مو فاهم شي..
وقفن امهاته ..
قالت امه :-سلم على فيصل ومحمد
راكان بعدم فهم :-هااااااااااااه
امه :-ههههههه عيالك
راكان بصدمه:-هااااااااا
اقبلت دانه لهم وقالت بحب وهي تاخذ فيصل :-هذولا عيالي وعيالك توام يوم سافرت كنت حامل
مو مستوعب شي للآن ..حتى يده وهو يمسك محمد بيشيله ترجف ..
راكان :-عيالي
دانه :-ايه
راكان :-يعني انا ابوهم
دانه بين دموعها وضحكاتها :-هههههههه ايه ابوهم ..
ضمهم راكان ثنيناتهم مو مصدق انه ابو للحين ..
يالله كل شي تغير وتبدل ...
قال ابو خالد :-حمدلله على سلامتك ياولدي من كان يصدق قصتك
راكان :-سبحانه ربي مايعجزه شي
ابو سعود :-اهم شي رجعتك سالم
ووقفوا عمان دانه وناصر واحمد وسعود وطلعوا ..
مسك راكان ناصر قبل لا يطلع :-مشكور على كل شي
ناصر بابتسامه :-الي سويته ولاشي قدام الي سويته معي
راكان بتقدير :-عز الله انك رجال من ظهر رجال
ابتسم ناصر :-ماعليك زود يبو فيصل اهم شي ماتزعل من شيابنا تعرف انت استبداديتهم
راكان صح مقهور بس مو من طبعه التهور بالاحكام :-ماعليه انتهى كل شي الحين الله يوفقك ان شاء الله
ناصر :-آمين
كان الوقت قرابة عشر باليل ..
وكالعاده نامن امهاته ..طلع غرفته وقلبه يرجف ياترى تغيرت يادانه ولا لا
فتح باب الجناح ..
صدمة عمره..
ولا كنه غاب يوم ولا كنه غاب سنه ونص !
الصور بمكانها ..ملابسه عطوراته اشمغته معلقه كل شي كل شي ...
قالت له بهمس :-من يقول البعد يبعد القلوب كذاب
التفت يمها حبيبة قلبه ام عياله رفيقة دربه
قال وهو يجلس عندها ويضم ايدينها ويحبها اصبع اصبع :-سامحيني على كل العناء الي سببته لك
قالت بهمس ودموعها تلمع كانها حبات الماس :-ماسببت الي الا كل خير يكفي وجود فيصل ومحمد بحياتي ..
ابتسم بمحبه صادقه :-عمرك سمعتي عن صدمه حلوه
دانه :-ههههههههههههههههههه
رجعت تبكي وتمسح دموعها ..وخر يدينها ومسحها لها :-ليه الدموع
قالت وهي تتأمله تبي تشبع عينها من طلته الي انحرمت منها ، من خبث عيونه.. ابتسامته ..تعبيراته.. كل شي كل شي :-ابكي من فرحتي لأني اول مره طول بعادك اضحك من كل قلبي
راكان بهمس :-عسى الافراح ماتفارقك دوم
دانه :-بوجودك جنبي سند لي وحامي انا بخير
ضمها واستكانت لصدره ..
قال بيغير مود هالجو الكئيب :-اقول يادانه بعين راكانك..
دانه بابتسامه من القلب :-آمـر
راكان :-وش هالحلا الزايد
حمر وجهها
قال يستهبل :-ترفقي
كشرت:- شسويت
راكان :-لاتسبلين بعيونك
دانه :-هههههههههههههههههههه
راكان :-احذرك مو من صالحك
همست بدلع :-احلف
راكان بملامح عناد :-تتحدين
دانه وهي تغمز :-ايه
*_^
*
*

انتشر خبر رجعه راكان في العايله وكانت صدمه عظيمه ..
قد سمعتوا بميت يعود!!!!
اذا لا فالجواب (ان الله على كل شي قدير)
عمت الافراح بيوتهم ...
واخيرا استقرت النفوس واستكانت ..الحياه دولاب يتقلب على بني آدم ..
لكن والى هنا نوقف ..
صفت القلوب وعادت لاوطانها ...
ونال الخبيثين جزاءهم .. وربي يرحمهم برحمته من عذاب الاخره لأنه اقسى وادهى ..
عشنا قصص حب كثيره ..من واقعنا ومن حياتنا ..
لكننا تعمقنا في اسرار هذي العلاقه الساميه ..اسمى العلاقات بين البشر
&علاقة حبيبين تحت اطار الزواج&
وتشاركنا في كل دمعة حزن وبسمة فرح ..مرت في احداث القصه
بنشتاق لابطالنا ...فردآ فردآ ..
راح نشتاق ..
للاضداد دانه وراكان ..لو نرجع ورى نتذكر مأساة دانه الي تزوجت من شخص مايستحقها وعينه مايملاها الا التراب دمرها وزعزع ثقتها لكن هنا تلعب الاخوه والمحبه والصداقه الحسنه لعبتها عقلتها هنادي وخلتها اخيرا تتحرر من مجاهل هالتجربه القاسيه ، ونتذكر اعتراضات راكان عليها ورفضه للزواج ..لكنه سلم بالواقع وتزوجتها ..
شوي شوي..جذبته كشكلا ..وخلته يحبها بكل جوارحه كانسانه ارق من نسمة الهوا واقسى من الالماس ..
نتعلم ان مو من تجربه وحده تنتهي الحياه..
جمعهم عامل مشترك..تجارب سابقه نتيجتها الخيانه ..
ومنهم نتعلم اصول الحب والتضحيه والثقه بين أهل الثقه..
صانت بيتها واهله في غيابه ونظرته وثقته لما سلمها حلاله ماراحت هدر ...
ومن قال ان الحب يموت لا ..الحب الحقيقي خالد!
×
راح نشتاق للارادات الصلبه سعاد واحمد..
البدايه كانت سوء ظن..تطور الأمر ووصل لمرحلة الألم والتحدي ..
لكن في النهايه الحب يغلب والكبر يجي له يوم وينكسر للتواضع
×
راح نشتاق للمغلوب على امرهم سعود والماسته
الحياه ماتكتمل ..جمعهم زواج تقليدي فجر بينهم مشاعر الحب اللامحدود..
يقولون صعب الرجال يكون وفي لزوجته لو كانت عاقر.. واقول لهم ليش؟.. لا ليش نخلي الخونه مقياسنا لكل شي ..
وعندنا سعود والماس الي مر عليهم مامر على احد ومع كذا صمدوا وكافحوا ..
وتكللت حياتهم بالشي الوحيد الي كان ناقصها (ناصر)
×
راح نشتاق لهنادي المرجوجه ومحمد الوفي ..
نعم الصديق والاخ واذا تبون تعرفون معنى الصداقه.. احسن مثال محمد
×
راح نشتاق ..
لرنا وصاحب الصوت العذب فهد ههههههه
تزوجها شفقه ونخوه ..والحين
يحمد ربه مليون مره انه رحوم ههههههههههههه لأنه لولا رحمته ماتزوج نظر عيونه رنا ..
رنا ماكانت تحلم تعيش بسعاده عقب الي شافته لكن الله كريم وماضاقت الافرجت
×
راح نشتاق لامهات راكان
مصدر ابتساماتنا
راح نشتاق
لقمر وسلطان
العاشق الهيمان وحبيبته الي حبته زود و زود وهي تشوف غلاها شكثر عنده
خالد وايمان
حب يمين ويسار لكن النصيب مايعلم به الا الله
راح نشتاق..
لطلال ومنال والي زواجهم عقب كم سنه بينما يكون نفسه وتتخرج من الكليه ..
راح نشتاق لناصر ...
الله اكبر ياعيونن ناظرني..ساحرات ناعسات فاتناتي
طاح في الحب من نظره واقسم مايخونه فيوم يمكن يكون انظلم لكنه راضي وقانع وان تزوج يوم وانا اقول لو بيتزوج عشان يجيه عيال يشيلون اسمه ولا القلب اوصد ابوابه عقب دانه ..
×
وراح نشتاق لشيابنا راعين الاكشنات بالقصه هههههههه
×
وطبعا ماراح نشتاق لام احمد الي تحت رعاية احمد وزوجته وسبحان الله الجبروت له حد وينتهي وطيحتها كانت قويه اسئتي معاملة الناس واهنتي الامانات الي بين يديك وفرطتي فيها والحين ذوقي جزاء افعالك
×
ماراح نشتاق لساره الي صارت ذليله وهي تحت نظر خوالها فقدتي كل شي بطيشك
فقدتي الستر وفقدتي امكانيه الامومه ..
هذي نهايتك وخلي السفور ينفعك الحين
×
ابو سعد & ابو علي & بدر
الموت ..تردي الحال نوعا ما .. السجن
هذا جزاء من حاول يآكل اموال الناس بالحرام ويقطع بارحامه ويمهل ولايهمل
×
نوف خسرتي احترام اهلك لك ..
لكن الرسول صلى الله عليه وسلم قال (ان الله يقبل توبة العبد مالم يغرغر)
انتي اخذتي جزاء افعالك بالي صار لك والضربه الي ماتقتل تقوي..
تبتي وجازاك ربي خير تزوجتي انسان متدين خلوق وعادل اغناك عن الكل وعلمك معنى الحب والعشره الطيبه
×

وهنا
وصلت
لمني بشوق واحضني..بعادك عني بعثرني
لنهايتها ...
وتنتهي الكلمات لكن قلوب ابطالنا نابضه والحب يبقى !

الكاتبه/ أميرة الورد25
1/9/1427 هـ