بسم الله الرحمن الرحيم

::

صدر مؤخرا حكم القصاص لفتاة سعودية متهمة بالقتل ..

من قتلت .. ؟ ولماذا قتلت .. ؟ وكيف قتلت .. ؟

هذه الفتاة متهمة بقتل شاب منذ 6 سنوات عندما كان عمرها 20 عاما

تقول الأخت .. س ..

"أعتبر قضيتي ابتلاء من الله، وما زلت أناشد المسؤولين أن يعتبروني ابنة من بناتهم، وأناشد أهل الميت أن يعفوا عني وينالوا أجره، وأقسم لهم أنني حاولت أن أتجنب حدوث هذه الكارثة،

قدر استطاعتي دون جدوى، وعلى الرغم من كل شيء فأنا نادمة على ما جرى، وأطالب أهل الخير أن يسعوا في الصلح وأن يساندوني في محنتي لوجه الله تعالى".

تقول (س): لم أتخيل يوماً أن أكون قاتلة، ولو عادت عقارب الساعة إلى الخلف، وعدت إلى تلك اللحظة التي فقدت فيها سيطرتي على نفسي لم أكن لأقوم بهذا العمل، ولكنت توجهت إلى

الشرطة لحل مشكلتي، ولكن الموقف فاجأني، فقمت بالدفاع عن شرفي ونفسي، وأي امرأة سعودية تعتز بشرفها كانت ستتصرف مثلي، وقد طلبت من الشاب الذي قتلته أن يتركني وشأني

وتوسلت إليه، لكن دون جدوى، وقد كنت وقتها متزوجة منذ عامين، وأحب زوجي وأحلم مثل كل البنات بحياة مستقرة، وأن يكون لي أبناء أجتهد في تربيتهم ورعايتهم، لكن ما جرى خيب كل آمالي.

::

هذه كلمات الفتاه والتي صدر حكم القصاص عليها وصدق من المحكمة !!

::

ودي أرجع لأهلي
ودي بأمي ..ودي أحضنها بقووووة ...
ودي بزوجي أحب على راسه ..
ياما وقف معي
وياما هلً بسببي مدمعه
من ست سنين وانا ما أعرف إلا الموت ...
والخوف هو الوحيد اللي أعرفه
ست سنين وانا ما أعرف إلا ثلاث حروف ..
ميم وواو وتاء ..موت
كلها حتوف وخوف وأحزان جارفة
صدر الحكم ..وصدقته المحكمة
مابقى على الموت شيء ..يمكن اليوم ..أو بكرة ..
.بس الأكيد اني مت قبل بكرة ..
كل يوم اموت في يومي.و.كل يوم أموت البارحة
.. لله حكمة بالغة
يمكن أكون عبرة لكل بنت صغيرة
تعيش لحظات سكرة ولهفة
..مع شاب يغازلها وهي تبادله
وتصغي لكلام الحب والعشق وتصدقه
ثم تمر الأيام وتتزوج ...ويوم تبغى تعيش ..
تدري ان الماضي شبح يظهر لها كل لحظة في عمرها
في لحظة خفت فيها على نفسي وبيتي وزوجي للي حبيته ..
وروحي وروحه متآلفة
بعد ما هددني ..أنه بيفضح سري الطاهر ...

ويفقدني حياتي الحالمة ..
ومادريت ان الانسان ...لو نسى هو الماضي
الماضي هو اللي ماينساه وبيظل طول عمره يلاحقه
وفي لحظة
استسلمت فيها للشيطان ...قررت اتخلص منه...
قتلته ..أيه قتلته ..والله يرحمه ...هو اللي بدا ..
هو قتل فرحتي ...ونظرتي ...ولحظتي
وقتل أحلى لحظات عمري ..
من يوم زفافي ...إلى هاليوم
عشت أيام وسنين
لا ليلي ليل ولا نهاري نهار ...
طول وقتي خايفة
عشت ايام وسنين ..أدفع ثمن لحظة خاطفة
لاتتركوني مع الموت والعذاب
وأنا انتظر لحظة يقولون اسمي .
.لحظة أتقابل أنا والسياف ...والسيف ....
كل يوم افكر في هاليوم ...
وعجزت أبعده ....
أتلمس حلقي ..رقبتي ..
وأتخيل أن السياف بيقطعها قريب ....
وأتخيل راسي يتدحرج ..وعروق دمي ..نافرة ...
وأناظر وجهي في المراية ...
عيني وفمي وخدي ....وشعري ..وكل جسمي ...
وكل جزء أتحسس موضعه
ياخسارة ...جسمي بيفقد راسي ....وراسي بيفقده
وأتخيل جسمي لحظة الموت ..ينتفض ويرتجف ...
ورجلي جافلة ...
ثم تلين ..ثم تسكن .ثم تموت..ثم انتهي
ينتقل جسمي المذبوح لبيت أهلي
..وأمي تغسله ..وتكفنه ..واخوي يدفنه
وأتخيل الناس ...تصلي علي ...اللي يبكي بحسرة
واللي يدعي علي ويقول ...تستاهل ...
أحسن ..هذا جزاها القاتلة
لاذكرت الموت طار النوم عن عيني
وسالت دمعتي
لا نمت ....حلمت
وعشت مع أمي وأبوي وأهلي في النوم
أشوف أحلام ...تعطيني الأمل.. وتخليني متفائلة
..... شايفين كل هالكون الكبير ...وكل هالدنيا الوسيعة ....
كأنها عندي خرم ابره ..وودي لو اني أطير ..واطير
ودي أذوب .ودي أختفي من هالوجود
ودي أن كل شيء في هالكون ينسى
ينسى اني ..كنت في يوم ...قاتلة
وياحر قلبي على امي ...
تدمع عيوني ..
وأنا اتخيل منظر عيونها وهي تبكي على فراقي
أخاف عليها تموت ..بعد ابوي ..وفاة عاجلة
يوماه
ابوي بعد سجني ....مات بحسرته ... عارفة ...
اعذريني ...تراني خذيت منك كل شيء ..أبوي ..
وبنتك اللي هي أنا ...والبسمة ..وخليتك في هالديرة سالفة
يوماه أدعي لي ..تكفين يوماه
تكفين يالغالية
وادعي لكل القلوب اللي معي متعاطفة
وينكم ؟؟؟؟
وين الرجاجيل ؟؟؟
ارحموا بنت ضعيفة ......ارحم وا بنت هي في الأصل مظلومة ...
لكن البندق خلاها في لحظة ظالمة
وين النشامى ؟؟؟
وين الرجاجيل اللي إذا صاح الغريب وصاح الأسير ...
يفدونه بارواحهم الغالية
ياأبوي عبدالله ..بنتك بيقتلها السيف ...
وأنا بك منتخيه .وبعيرنا عند بابك ناخية
نصيتك ياسلطان الخير ....ودي بخير منك ...
وأعظم خير ياسلطان ..أنك تعيشني مع السيف بأمان
يانايف ....أمن قليي.... ... ترى قلبي من الموت خايف
ياسلمان ..ماودي أمي تذوق حرقة فراقي ...
وفراق الضنا ...مامثله فراق ..حزنه اعظم الاحزان
.ودي أجلس مع اهلي وزوجي ...
ودي أعيش ..ودي أعيش ...
ودي أصوم رمضان
ياعبد العزيز ..ياولد فهد ..
الأمير اللي إذا جاه الفقير ..يقول له : ابشر ..وسم
وين اللي كنت أشوفه في الجريده
يحط يده على خشمه ...ويقول للناس : على هالخشم ...
ثم تقول أفعاله : تم
وين المشايخ اللي عرفوا بقصتي
وعرفوا ...قبيلتي ..وأهلي و الخال والعم
ياشيخ عايض ..وياشيخ سعد
الوقت يمر ...والموت حكمه ...تم .
.وصدقته المحكمة
يمكن أموت في أي لحظة ...الدقيقة غالية
ست سنين والموت يلاحقني ...
ست سنين وأنا في سجني في هم وغم
ست سنين وأنا مايعرفني إلا الموت ...
والخوف هو الوحيد اللي أعرفه
ست سنين وانا في سجني ...
مااحدن تحرى ما احدن راح لابو القتيل يستسمحه ..ويقنعه
ودي المروة تدخل قلوب الرجال ..
و ينسون الكرامة ..اللي مالها هالحين لازمة
.ودي بالشهامة وتروح للأبو تستشفعه
وياحظ من أحيا نفس بتموت
كأنه احيا كل الكون بأجمعه
وياسعد من قدم في الدنيا هالمنفعه
يارب اعتق من عتقني
واحيي من احياني
ويارب تمد في عمر من يمدد لي سنيني الخالية
ويارب تعطي من عطاني الأمل
جنة عالية ..جنة عالية ..جنة عالية
يا أهل القتيل ..سامحوني ..

أنا قاتلة ..واعترف أني قاتلة ..
.قتلت ولدكم ..
لكنه هو قتلني قبل وبعد
ثمان سنين عشت فيها الموت .
.ثمان سنين متواصلة
أخذت جزاي ...وإذا أنتم تبون تأدبوني ..
تراني تأدبت
والله تبت ...والله ندمت .
.والله تبت ..والله ندمت
والله أني نادمة
خلوني أعيش ..واتركوا الموت يجيني في ساعته
يكفيني السجن ..يكفيني الخوف ...يكفيني الوعد بالموت
يا أهل القتيل ..سامحوني ..لا تعدموني
عدوني ..ميته
وش تخسرون لو عتقتوا رقبة بنت ضعيفة
بحبل الموت عالقة
اعتقوني لوجه الله ..لوجه الله ...لوجه الله ...
لأجل الله ..
لأجل الله وبس ...
يعتقكم الرحمن من نار حارقة
لا ذكرت كل هذا
أصيح ..وأصيح وأصيح ...بصوت عالللللي
اتمنى الكون كله يسمعه
ويجيني بكى ....ما اقدر أدفعه
لاذكرت الموت ...تخنقني العبرة ...تخنقني خنق ...
ويوقف الزاد في حلقي وما أقوى أبلعه
وكل ما تضيق ..وتضيق
أفك عن نفسي ,,وأردد ..
لو يضيق الكون كله ...
عند الله سعة
ولا فكرت بالموت ..ذكرت الله ..
وذكرت أن راسي ما يتقطع إلا بأمره
هو اللي خلقني وراسي هو اللي ركبه
وهو اللي إن شاء ...وأراد ...
هو بس اللي يقطعه
بعدها ...اتنفس براحة ...وأرتااا ح
وأحسن ظني بربي ..وطني ان ربي بيعتقني
أيه هذا ظني
وربي عند حسن ظن عبده به و من نصاه ما ضيعه
وأنام وأعرف أن بكرة بيجي الصبح ..وكل صبح رزقه معه
يارب مالي إلا انت
اعتقني أنت
اعتقني أنت
اعتقني أنت في الدنيا الحين ...وفي الآخرة
يارب صوت العفو ..
ودي هاللحظة أسمعه
ودي هاللحظة اسمعه

::

انهت حديثها وهي تتمنى العفو .. نسأل الله العلى العظيم ان يحنن قلوبهم عليها وان يعفوا ويصفحوا عنها ..

نتمنى ان شاء الله................تشكر الوعيم ع الطرح

اللهم امين
شكرا الزعيم عالموضوع

تسلمينـ اختيـ احزان ع مرووركـ

تسلمـ اخويـ ظبيـ صنعــــاء

امـــين شكرا الزعيم على الموضوع

ان شاء الله ...... تسلم اخوي

تسلمـ اخوي ع مرووركـ

تسلمينـ اختيـ ع مروووركـ

مشكوووووووووووووووور على النقل