عجوز خطيره

كان يا ما كان في قديم الزمان ………كان فيه أمراة عجوز قاعدة بروحها

وفجأة طلع لها ابليس ……… العجوز خافت وسمت بالرحمن

…قالها ابليس :أنتي يا عجوز هل تعتبرين نفسك داهيه

العجوز: نعم أنا داهيه ……….. والنساء عموما كيدهم عظيم

أبليس: أنا أتحداك……..وبنشوف مين كيده أعظم …..المرأة ولا أبليس

العجوز :خلاص أنا بسوي مشكله وأنت راح تحلها واذا ما قدرت أنا راح أحلها

وراح أفوز برهان.

بعد يتكلم انقلش<<O.k :أبليس

راحت العجوز حق واحد من هالبطاليه اللي ما عندهم شغل ويا كثرهم

وقالت أنا بشغلك عندي فترة معينه بس……. اذا تبي فلوس لا تتدخل ولا

تتكلم وافق الشاب لأنه طفش من البطاله ويبي فلوس
راحت العجوز ومعاها الشاب لمحل قماش وقالت له أتنتظرني عند باب المحل

…دخلت المحل وخذت قماش غالي وراحت تكاسر تاجر القماش

العجوز: رخص يا بن الحلال …

التاجر :اذا أنتي ما عندك فلوس أخذي شيء أرخص

العجوز : ما أقدر ….لازم ولا يصير شي ء ما صار

التاجر :ليش …..لها لدرجه …..شسالفه

العجوز:شفت الشاب اللي واقف عند باب المحل ..هذا ولدي

..يحب له وحده متزوجه وهي تحبه ولما تتطلق من زوجها …ولدي بتزوجها

وهو قالي أن عارضتي الزواج أطردك من البيت وأمرني أني أشتري قماش

غالي عشان يعطيها حبيبته ولا راح يطردني من البيت مع أن البيت بالأساس

بيتي ولكني غلطت وكتبته باسمها لعجوز تبكي

التاجر: خلاص هونيها وتهون والله كسرتي خاطري ….خلاص أنا أعطيك القماش

ببلاش….وعسى الله يأجرني

العجوز طلعت مستأنسه وقالت حق الشاب روح البيت

بعدها راحت العجوز لبيت زوجة تاجر القماش وطقت الباب وطلعت الزوجة

العجوز:آه يا بنيتي أنا تعبت بالطريق و ما أقدر أكمل ممكن أقعد عندك أرتاح

خمس دقايق .

رحبت الزوجة ودخلتها وأكرمتها وجابتلها شاي

العجوز:مشكوووووورة ما تقصرين إن شاء الله أردها لك (تعمدت تنسى القماش ) وطلعت.

الزوجة:حرام نست قطعة القماش …أكيد بترجع بعد شوي وتأخذها

بروح أحطها بالدولاب..

تاجر القماش رد لبيته وتغذى ذاك الغدا السنع ونام شوي .

قام العصر وفتح الدولاب بغير ملابسه عشان يروح محله ……مفاجأة قطعة القماش

وعرف أن المرأة اللي يبيها ولد العجوز هي زوجته يعني تخونه

قام عليها وطقها وطردها بالشارع بالهدوم اللي عليها.

العجوز كانت تنتظر هال لحظه في أخر الشارع فراحت لها تركض

العجوز: وش فيك يا بنيتي ليش تبكين

الزوجه : زوجي طردني …وما أعطاني فرصه أتكلم .

العجوز: خلاص أنا بأوديك بيتي وأنا بروح أحل المشكلة

راحت العجوز لبيتها ودخلت الزوجه في غرفة بينما الشاب كان في

غرفه ثانيه وأمرته أنه ما يطلع منها

راحت العجوز للشرطه تبكي وتقول :كنت قاعدة في بيتي وفجأة دخل

رجل ومعه مرأة وقعدوا ببيتي حاولت أطلعهم ما قدرت

(أحتلوا بيتي )

ذهبت الشرطة وقبضت على الشاب والزوجه ….وقطوهم بالسجن.

العجوز: ها ها وش رايك يا أبليس دورك اللحين حل المشكله

أبليس : لا لا ما أقدر أحلها السالفة تشربكت مرررررررة

العجوز: أنا راح أحلها وكأن شيء لم يكن . وراح أربح الرهان

راحت العجوز تزور الزوجه بالسجن وقالت لها :أنتي ساعدتي مرة

وأنا اللحين بأساعدك …..يلا ألبسي عباتي وغطي نفسك وأطلعي من السجن كأنك أنا وأنا بأقعد

مكانك.

الزوجة:مشكووورة ….لكن أنتي

العجوز: مالك شغل مثل ما طلعتك بطلع نفسي.

تمت عملية الهروب بنجاح….

الوالي أمر الحراس يحضرون المسجونين عشان يحكم عليهم

حضرت العجوز والشاب وقال لهم الوالي :ليش قابضين عليكم وشو مسوين

ردت العجوز:احنا ما سوينا شيء كنا قاعدين ببيتنا أنا وولدي ولا الشرطه

طابه علينا وماخذينا السجن .

عصب الوالي وهزأ الشرطه وما عطاهم فرصه يتكلمون ويقول:غلطانين

وتبون تتكلمون.شين و قوات عين

طلعت العجوز من الوالي مستانسه وعطت الشاب فلوس وأنهت خدمته عندها.

راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من

كثر التعب نست القماش عندها وأن زوجته بريئه

وقالت خذ قماشتك لأن ولدي سافر هو و زوجته الجديدة.

رجع التاجر زوجته وتأسف منها و راضاها بعد.

العجوز : وش رايك يا أبليس أنا فككت السالفه سهله

أبليس :أنتي ربحتي ….يما………يما أن كيدهن عظيم

إنحاش وهو خايف

قصة أعجبتني ونقلتها لكم

مشكور اخوي s4everعلى هذه
القصه الجميله صدج انها عجوز خطيره
it isvery nice

عاد ما عجوز.................

بس الله يعين اهلها................ هاذي مين جايبنها

مشكور اخوي ع القصه الجميله
ان كيدهن عظيم

تسلم أخوي على القصه بس ياليت كانت فقسم القصص

مشكوووووووووووووووووور اخوي

يا ريال هذي شي بسيط ... يسوون اكثر من جذي صدقني

إذا كان ربك هو اللي خلق الكيد فهيم واستعظمه ( إن كيدهن عظيم ) ..

الله يعينا بس عليهم .. ههههههههههههههههه

لا تزعلون تره مالنا غناة عنكم ..

الله يسامحك ابن قطر هالكثر عاد
هههههه
وتسلم يا صاحب الموضوع
العجوز فعلا ماكرة وداهية

افا ما عاش اللي يزعلكم يالسنيديه

صدقيني هذره عالفاضي بس

هههههههه هههههههه
والله قصه وايد حلوه وصدق انه كيدهن لعظيم
وفديت اخوي ابن قطر وهو يتهزأ!!!!!!!!!!

صدج ان كيدهن لعظيم