ليه أنا أقدر ظروفك وأنت ما تقدر ظروفي
ليه أنا اللي دايم اسأل وأنت ما تسأل أبد
ليه أنا دايم عليك تحرق اللهفة كفوفي
وأنت عايش في حياتك كني ما بقلبك أحد
آه لو حسيت مره نفس إحساسي وخوفي
أو عرفت شلون قسوة انتصاري والوعد
ولا لو جيت وقريت كلمة الشوق بحروفي
كان ما فكرت لحظة عن حياتي تبتعد
يلي شوفك صار عندي أغلى من نفسي وشوفي
وأشعر إني لو فقدتك كل عمري ينفقد
وأنا ماهو ذنبي إني جيتك أشكيلك ظروفي
وماهو ذنبي إن قلبي قال أحبك للأبد