المرجلة "ماهي بكلمة وتنقال".



إذا المراجل لبسـة "شمـاغ وعقـال"
قـل للعـذارى يلبـسـن العمـايـم
ماعاد يفرق "زول حرمـه ورجـال"
دام الفعايـل تشبـه البعـض دايـم
المرجلـه "ماهي بكلمـة وتنقـال"
وتروح ماراحـت هبـوب النسايـم
ولا خشونة "صوت أو رفع الأثقـال"
أو رزة صـدور وفعـل الـزلايـم
ولاهي بعد "مفتـاح موتـر وجـوال"
وإلا ردى لسانـن حديثـه شتـايـم
المرجله شيمه عـن "القيـل والقـال"
رفيع نفـس و حـر بالجـو حايـم
المرجله "عقـل وزن وزنـة جبـال"
ياولـد أبويـه ياعظيـم العـزايـم
يامعرّب الجدين "من العـم والخـال"
يانخـوة المفـزوع وقـت الهزايـم
المرجله ياخوي "هي طولـة البـال"
هي العزم هـي الصبـر في الظلايـم
فيهـا الكـرم ""عـزه دلـة وفنجـال
في خيرهـا ياخـوي نعـم الغنايـم
خلك حسن الذكر لاقالـوا .فـلان
وخلك شريف القصد ياطيب الفـال
واحذر تشتري خـوة إبليـس راع النمايـم
واحذر تبيع النفس في درب الأنذال
ولا صرت ماتدري لويش أنت رجال
والله خسـارة فيـك ذبـح التمايـم

كلماااااات ترووووق لي ونثرت حروفها لكم

أختكم عطــر الأماكنــ

حسابٌ واحد لجميع خدماتنا !