أنا صابر على بعدك وليل الشوق يكويني
بعادك صار يذبحني وأنت عني مسافر

تعال وطيب الخاطر ترى هالبعد يشقيني
تعال أرجوك ريحني حرام تكدر الخاطر

فداك الروح ياقلبي فداك العمر وسنيني
كفايه هالجفا يازين كفايه الصد ياهاجر

دموع الحب أسقيتك وأنت الهم تسقيني
شموع الود أضويتك وعالهجران أنا صابر

ومع هذا أنا أحبك ونظره منك تكفيني
خذ فوادي لأجل رضاك فداك الروح والناظر

تمنيتك من العالم هنايه لو تعنيني
تواعدني على باكر وأنا مليت من باكر

تبيني أبتعد عنك ومن ذكراك تمحيني
تخليني بقايا أنسان وبقايا شوق متناثر


والسموحه على القصور .................