قلي بربك يا بعد .. عمر .. مغليك

وشلون خنت اللي محرم يخونك

وشلون هانت رجوتي يوم انا ارجيك

وشلون هانت دمعتي في عيونك

وشلون بعت اللي بهالناس شاريك

قلي علامك بعت ناس يبونك

قلي بربك دامني صدق هاويك

وشلون بحيا باقي العمر دونك

قلي بربك حالي اليوم يرضيك

طايح جريح من سبايب طعونك

طايح جريح انتخيبك واناديك

ودي تقول.. ابشر حبيبي .. يا عونك

واثرك تقول ابعد انا اليوم ما ابيك

وتروح تتركني بلحظة جنونك

وقف قبل لا تروح ربي يخليك

دامك رفضت احيا .. حياتي .. بكونك

ارجوك قبري تحفره اليوم بيديك

يحرم علي العيش يا زين دونك



ان شا الله تعيبكم القصيده ..وسلامتكم..