يا دمعتي مدري شقول ..
الغصة بأنفاسي تجول ..
الحزن بايت بالجفون ..
والضيقة عمت هالسكون ..
يا دمعتي .. خلك معي ..
لا ترحلين ..
لا تتركي قلبي الحزين ..
أنا ما بقى حولي أحد ..
الكل خلاني ورحل ..
وسط الظلام ..
والخوف يرعبني بعد ..
يا دمعتي .. أبسألك ولا تسكتين !..
جاوبي وارحميني ..
حتى ولو أتجامليني ..
ليه أنا من بدهم أحزن كثير ..
وليه أنا ويا الفرح متخالفين ..
ليه أنا حبي لهم فاق الوصوف
وأهم ترى حتى الذكر ما يذكرون ..
ليه الزمن صاير غريب ..
صاير محطة للهموم ..
صاير غثاء .. صاير نكد ..
وأكثر من هذا وذاك ..
صاير ممل .. صاير كئيب ..
أحساس قلبي فيه مات ..
وكل المشاعر اتجمدت ..
ما عدت أنا مثل اللي فات ..
وكل الملامح اختفت ..
يا دمعتي ..
حلفتك بربي أتجاوبين ..
أتجاملين ..
حتى ولو أتكذبين ..
ما عاد يهم .. اللي يهم أتجاوبين ..
وتريحين قلب مسكين ..
أتعبته صدمات السنين ..
يا دمعتي .. تكفين ..!
تكفين .. تكفين ..
لااااااا تترددين ..
جاوبيني وبعدها لو ترحلين ما عاد يهم أبقى وحيد ..
اللي يهم أعرف أنا من هو أنا ؟!..
وأعرف سبب حزني أنا !..
وأعرف طريقي بعدها !..
وأعرف نهاية موقفي ..
وارتاح من ظلم السنين ..

الهاجس