قصيدة وأبي رايكم فيها بصدق ؟



السلام عليكم ورحمة الله وبركاته
أخواني وأخواتي ......... تحيه طيبه لكم
أنا جايكم ومعي قصيده ..... جديده
ولأني جديد في الشعر حبيت أخذ رايكم بكل أمانه
لأن القصيدة صار فيها نقاش كبير ولا وصلنا لحل فيها
فياليت ماتبخلون علي بإرائكم
القصيده لشاعر معروف راح أن شاء الله ادعوه يجي
يشارك معاكم الخواطر والشعر

أنتــــي روح القصيــــد

اليوم هلّ طاريكي في خاطري من جديد......ويا هــــلا بطاريكــي واللي جابه
تباركت ساعتي وغديت بطاريكي سعيد......ولمعت عيوني في سما حبك مثل الشهابة
انولدت بعد حبك مخلوقٍ في ثياب العيد......وأشكر المكان اللي جمعني فيك وتعنّا به
عمري بدا يمضي وصدري نارهـ تقيد......وعمرك اللي ولدني من طرقتي بابــه
صبرت عن الحب وكنت في صبري عنيد......وظفرت في حياتي بمخلوق يحرجني ترحابه
حييت رجلٍ صاحب الدنيا وصار وليـد......وحييتي طفلةٍ تعرف دروب الحب وأبوابه
كنت مثل ما كنتــي إنسانٍ وحيـــد......وكنتي كثر ما كنت فطينة وبنفس الصلابه
والحب اللي أنولد صار في عمري رصيد......وبينحسب بعد في عمرك كلّ الحب وأنيابه
بعيش فيكي من أقصى شرياني لآخر الوريد......وعيشي وسط قلبي وامرحي في رحابه
ياما سمعت في الحبّ شــــابٍ شهيد......والأكيــد تأكدت إنّي الوحيد اللي تهنّابه
وكلّ الحبّ اللي سمعته به تهديد و وعيد......قلت ما أظنّ أنّه بيصيبني مثــل ما صابه
أنا زرعٍ نما على تراب الحب الرغيد......وأنتي وردٍ نبت في صــدري وعلى ترابه
تخيلي يا خافقي يا أميرة الحب الجديد......تخيلي وش كثر أحبّك بصـــدق و بذرابه
وتخيلي يوم تصيرين أنتي روح القصيد......وتصيرين كلّ صوته وطعمه ولذّة شرابـه
خلااااص أدمنت حبّك وش عاد يفيــد......عادي لو يضيع كلّ عمـري وزهرة شبابه
صار حبنا الوحيد من نوعه والفريد......وصرت طفلٍ يموت في حبّك وبيندفن في ترابه

حسابٌ واحد لجميع خدماتنا !