كيف تعرف ان اخوك طايح بقصة حب....



اذا واحد من اخوانكم يحب وحده ولا يبي يحب او متعرف على وحده يتغير اسلوبه في العيشه اول شي ركزوا معي شو يصير له

1-يهتم في لبسه اذا هو من الاول ما يهتم ويسأل اهل البيت هاه يالاهل شو حلو ولا لا الف مره يروح ويرد اما اذا لابس مصر تشوفونه يعدل فيه وهو ولا يعتدل قدام المرايه اربع ساعات مسوي زحمه هو ويه ويهه

2-يهتم بقصه شعره ويحاول يطلع سكسوكه ولا سوالف ....

3-يصير حنون ويحب يلعب اخوانك الصغار او اختك الصغيره وااااايد يااااااااحنون انت يا قشطه

4-يصير رومنسي وعاطفي زياده بحيث اذا شاف فيلم رومنسي ييلس ويطالع ويحاول ينزل دمووعه علشان يطلع اكثر رومنسيه

5-طول الوقت سرحان ينتظر شي وشو هو الله اعلم مشغول مب معاكم مب على بعضه بتحسون فيه

6-يبدى يصور من استديوهات تصوير الي يعدل بالصور ويطلع الشيين مزيوون والاسمر ابيض

7-اذا معه موبايل يبا يصير 24 ساعه وهو في يدينه ويبا ياخذ مموبايلك او موبايل الوالده يدور رسايل غراااااام معروفه رسايل اخوانه كلها نكت وشغلات مشفره

8-يهتم شوي بموضه البناااااااات تعرفوون يبا يجاري الوقت يعني انه فاهم .

9-اذا هو خلاص متهور في الحب يبدى يلخبط بالاسامي يصير ينادي خواته باسامي ثانيه

10-تبدى كلمات اللطافه تدور بلسانه اول اجلب ويهك لا اجلبه بنعال هاه شو شو تبين يلا بسرعه بس الحين يقول يا عيوني يا عمري امري تدللي.... ياعيني على الاحترام يازينه والله من متى ؟؟؟

11- يسوي نفسه شااااعر ويولف شعر رومنسي وهو مايعرف ساسه من كرياسه

		منتديات جعلان > جعلان العامة > جعلان للمواضيع العامة
كيف تعرف ان اخوك طايح بقصة حب....

حسابٌ واحد لجميع خدماتنا !