كنت احسب اني ...!!!



[frame="10 80"]الكلمة اللـي هـدت القلـب والعيـن && ياكبرها لاجـات مـن غيـر داعـي
الكلمـة اللـي كنهـا حـد سيفـيـن && جانـي صداهـا والمشاعـر جياعـي
هدتنـي الكلمـه وضاعـت عناويـن && واظلم علي الكـون والعلـم ضاعـي
ان كنت (ما آداري)اجل ليـش باقيـن && قلـي دخيلـك ويـن سـم الافاعـي
الله علـى الايـام تقسـى ولا تلـيـن && والله علـى الايـام طـوّت شراعـي
كنت احسب اني مالك الهند والصيـن && واثر الوهم يعمـي عيـون السباعـي
كنت احسب اني صرت من ناس غالين && واثر الغـلا فالوقـت عـود يباعـي
كنت احسب اني صرت دم الشراييـن && واثر الحساب يضيـع بيـن الطباعـي
كنت احسب انـي واثـقٍ فالمضاميـن && واثر الثقه فالوقـت تصبـح خداعـي
بانـت حقيقـه غايبـه عنـي سنيـن && في لحظـة يطلـق عليهـا اندفاعـي
قاومت ثـم قاومـت يـوم و يوميـن && وكتبـت حتـى مـل منـي يراعـي
النـاس فالدنيـا ألــوف وملايـيـن && عـن التعـب دور دروب وسـاعـي
واحترت فـي دنيـاي ياربـي تعيـن && بين الوفا والصـدق طايـف وساعـي
اصبحت وحدي عايـش بيـن ناريـن && نـار الهجـوم ونـار حيلـة دفاعـي
ولو قلت مهمـا قلـت مانـي بقلبيـن && ولاني من اللـي عايـش بالخداعـي
ما دام مالي حسـاب عنـدك وتثميـن && اسمح لي امشي فوق عظم الذراعـي
انا الوفـا لـك بيـن كـل المحبيـن && وانا على شانـك بمـوت بصراعـي
خلاص لعاد تقولـي لاعـاد ترجيـن && رسالتك وصلت و اهتز حتى نخاعـي [/frame]

حسابٌ واحد لجميع خدماتنا !