السنين اللي انقضـت لعبـة صغـار
والسنين المقبلـه مـا هـي سنيييـن


انكسرت وصـار لـي مليـون عـار
ابتسمـت وصـارت الدنيـا عـريـن


حاصـرت كـل الـدروب الانـحـدار
والطريـق السهـل تشويهـة جبيـن


مـا يوصلـك الدفـا غيـر الـفـرار
من متى الغرفه على الساكن كميـن ؟!


مـا يـذل الوعـد غيـر الانتـظـار
تحت ظـل الوعـد صبـح العاشقيـن


نستهيـن وبيدنـا صـلـب الـقـرار
واقبـح الاعـذار... انـا نستهـيـن


صورتيـن وعالقـه باقسـى جــدار
ليـن مـل جدارنـا هالصورتيـن !!


صورتين وما اعشقـت غيـر الغبـار
والغبـار اللـي بـلا قيمـه حـزيـن


عاشقـك .. و اللـي لـواه الانهيـار
عايشٍ مـا بيـن شكـك .. واليقيـن


أبسط أخطاءه .. على علبـة سجـار!
واعظم أخطاءه.. سجاره بالف دين !!!


يـا مسـاء الخيـر/ والدنيـا نهـار
يا صباح النـور / والظلمـه تشيـن


للكـرامـه شــرط : رد الاعتـبـار
دامنـي ضيعـت.. للغربـه سنـيـن


أنت تـدري ايـش يعنـي الانكسـار؟
يعني عايش.. وانت في الواقع دفين!!!