للشعراء مع التحيه



[frame="5 80"]الا ياوازنٍ شعـره قبـل مـا تازنـه ينصـاع
عليك بوزن تفكيرك تـرى العقّـال يحصونـه
يبان الرجل من حرفه وبعض الهرج ماله داع
فكم من واحدٍ زلّـة لسانـه تهـدم حصونـه
وكم من كلمةٍ قالت ترى في مخرجي اوجـاع
فدعني وابتعد عنّـي الـى كلمـات مضمونـه
واذا ما تلتقي غيري فصمتـك سيّـد الأطبـاع
مدام الصمت حكمه لو قليـل النـاس يدرونـه
ترى ما تنفعك آسف فلا هي تنشـرى وتنبـاع
ولو بعض العرب سامحك ما تـدري بمكنونـه
بعضهم كالجمل يحقد ولو يضحك بوجهك ساع
يخطط كيف يثأر منك فـي لحظـات مأمونـه
وبعضٍ شرس في ردّه يكيل الصاع سبع اصواع
فهذا طيّبٍ قلبـه فـلا تخشـى مـن شطونـه
ومهما كنت متمكن بمـا تكتبـه مـن ابـداع
فلا تلفت نظر حاسد بضـوءٍ يعمـي عيونـه
من اللي وصل للعالي وصار الضوء له مرباع
تراك تهدده واللي معـه مـا ظـن يرضونـه
فهذا وصلت عروقه لعمقٍ فـي يـده مطـواع
يحرق اللي يجي حوله ويحمي طاغي مجونـه
مثل هذا يبي من كبـر لراسـه بكـل اقنـاع
وأنه وحده الشاعـر وغيـره مـا يضاهونـه
ينادي دوم يااستاذي ولو هو خيشـةٍ ورعـاع
وتقرب منه مثل اللي علـى اشعـاره يحبونـه
ولا تنسى تعزمه فالكـرم كالجسـر للـزراع
ترى بطن الرجل مفتاح قلـبٍ تجهـل ظنونـه
ومره من بعد اخـرى تقـرّب منـه والأتبـاع
الين انك تصل للظهـر واللـي معـه يفتونـه
فيفتح لك دروبٍ ترفعك لو كنت تحـت القـاع
وتصل للضوء والشهره على خطوات موزونـه
فهذا الحال والواقـع بوقـتٍ واضـح الإيقـاع
فلا هو كل من طال الثريّا خيـر مـن دونـه [/frame]

أهداء لكل شاعر ومع نصيحه بسيطه بالشعر واتمنى انها تنال اعجابك كتابه بسيطه ومادري اذا فيها غلط في الاعراب والقواعد اللغويه والسموحه والعذر

اخوكم حامل الزلات زمان الصمت ابو صدرا وسيع

:))))))))))

حسابٌ واحد لجميع خدماتنا !