ياقايلٍ تكفى ... بتكفى شقينا ياما لجل تكفى لقينا المضرات

ياما لجل تكفى نزلنا ورقينا وياما تجشمنا الدروب العسيرات

تكفى ترى تكفى دمارٍ علينا تكفى دمار اهل الكرم والمروات

باسبابها صرنا لهم كافلينا ولاجنينا الا الزعل والغرامات

وكم ليلةٍ لعيون تكفى سرينا نسري لجل تكفى على غير مشهات

وياما حملنا ارواحنا في يدينا والعمر ماياقاه كثر المدارات

وكم غاليٍ لعيون تكفى عطينا نعطي ولانحسب حساب الخسارات

وان قلت تكفى قلت ابشر وجينا نجيك لو دونك بحورٍ غزيرات

نسوق لجلك كل شيٍ ثمينا نجيبها بالمال والا الوجاهات

على البلا نصبر إلى من بلينا نصبر على شيل الحمول الثقيلات

لاتستغل الحلم والطيب فينا الحلم له حزه وللطيب حزات

كم جاهلٍ لعيون تكفى نصينا وكبرت بعين الجاهلين التفاهات

الجهل أعيَى كل طبٍ مكينا من عصرادم لين عصر الحضارات

اخشى عليكم ساعةٍ تعترينا نسرج بها خيل الجهل للجهالات

دام الدواء جهلٍ على الجاهلينا نجهل جهل اعوام في ظرف ساعات


نجهل وحنا للجهل كارهينا مضطر والمضطر يرقى الصعيبات

ياللي تقول الحزن خيم علينا الحزن بعض احيان للنفس ملهات

صح لساااااااااااااااااان قايلها


تسلم اخووووووووووووووي

الله يسلمك
تسلمي علي المرور المتميز

تسلم ع القصيدة الررررائعة
ويسلم ذووووووووووقك...

يسلموا كتير كتير

الله يسلمكم واشكركم عالمرور الطيب

حلووووووووووووووو

شكرا لكل من مر
شرفتوووووووني

هههههه

قصيدة رائعة
وتحيااااتي لناقل القصيدة

اشكرك الاسيف وهذا من ذوقك

شكرا المغتربة وريم النوااظر


ما تقصرن على الطرح المشتركـــ هههه