ثلاث سنين



كتبت الشعر مو لجلك ولكن ثار بي بركان

اما انتي ف لا تسوي قصيده في نظر عيني

حلفتي لي تصونيني اذا صار الزمن خوان

واول ما عثر حظي على دربك خذلتيني

كسر رمح الزمن صدري وجيتك اشتكي حيران

نزعتي الرمح من صدري وفي ظهري طعنتيني

خساااااااره كيف حبيتك نعم والله انا ندمان

غبي .. ادري نعم ادري مدام انك سكنتيني

ثلاث سنين من عمري وانا في لعبتك غرقان

اشيل الشوك من دربك وجرحي كان يدميني

وكنت ابكي اذا تبكي واكون لبسمتك فرحان

وكنت اقرب من رموشك لعينك يوم تبغيني

ولكن عزتي تفرض اكون بدنيتي ( سلطان

وان ضنك اجي اركع لرجلك ما عرفتيني

انا ما عادتي اشحت من امثالك رضى واحسان

امووت بعزتي ارحم ولا ذلك يغطيني

ولو قلبي رجع حبك بولع فيه بالنيران

وبكسرها انا رجلي اذا صوبك توديني

تقول الناس في وصفك جميله مثل عود البان

وانك اجمل واحلى بشر مخلوق من طيني

وانك غاليه واثمن من الياقوت والمرجان

تقوم اكوان من شانك وتقعد لك بلاديني

حساااااافه غرهم شكلك وياما تخدع الالوان

عموما قد بقت كلمه اخيره لك وسمعيني

اذا كنتي بنظر غيري ملاك في شكل انسان

قسم بالله .. ما تسوي قصيده في نظر عيني



هذي من بعض قصايدي اللي افتخر في كتابتها اتمنى تعجبك

وعذرا اذا في اخطاء مطبعيه ترا جالس اكتبها بسرعه





لكاتب الشاعر \سلطان المعمري

صح لسانه الشاعر

صح لسانك اخوية .

تسلم ع ما سطرته لنا من عذب الكلام وأعذب العبارات

الذي سجل لنا أصدق المشاعر

بقلم مبدع وراقي....

ما شاء الله ع الابداع وف انتظار الجديد منك"""