هذي قصيده مؤثرة لأم تشكي حالها بعد ان ارسلها ولدها (الله يهديه) للمصحه (دار العجزه) او كما يقااال ( دار النسيان) ... كلمات تنادي فيها الام ابنها الضال...
انا عورني قلبي لما قريتها ...

اتركم مع القصيده



وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

(لاحول ولا قوة الا بالله )

مشكور الصقر الابيض علا القصيده

ما شاء اللهـــ عليكـــ لحقت تقراها!!!!!

مشكور ع المرور...

مشكور ...........جزاك الله خير
والله يخليلك الوالده

تسلم ع القصيده اخوي

فالنسيا /// ظبي الرواشد مشكورين عالمرور

امين ظبي الرواشد جميع...

يـا ليتنـي خدامـة بيـن اياديـك .. من شان اشوفك كل يوم برضايـا

يـــــــــــــا ألله على الأم , شوفوا كيف ما تذل نفسها >> والأبناء عااااااااااااااقيـــــــــــــــن !!!


وامطر تراب القبر بدموع عينيـك .. ما عـاد ينفعـك النـدم والنعايـا

اي والله ما عاد ينفع الندم ساعتها , ما عاد ينفــــــــــــــــــــع !!

يارب من تهدينا وترضى عنا يارحمن يارحيمـ ..

يعطيك ألف عافيه أخووي

اللهم اميــــــــــــــن اخت القمر...

مشكورهـــ ع المرور الطيب لا عدمناه ان شاء الله....

ياما عطيتك من حنانـي وبعطيـك .. تكبـر وتكبـر بالأمـل يـا منايـا


لاتعــــــليق يلــــيق

مروركــــ يكفي اخوي محمد...

مع التحيهـــ لكــ....