بسم الله الرحمن الرحيم ...

.. السلام عليكم ورحمة الله وبركاته ..

.. شحالكمـــ .. ؟؟

☼ــــ► •• أسم ــــــــــــاء فـــ ي حياتــــ ي •• ◄ـــ☼ (( هنا بيتك فعبر عن شعورك))

..

الموضوع ..

☼ــــ► •• أسم ــــــــــــاء فـــ ي حياتــــ ي •• ◄ـــ☼
كثيره المواقف .. وكثيره هالأسماء .. وكثير ماتعلمته من أبوك صديقك أخوك أختك

عمتك خالتك .. يدك يدتك .. كثيرين .. وكان لهم دوم بحياتك .. ولا تنسى اعضاء منتديات جعــــــلان
من اعضاء ومشرفين .. فهم اصدقائك وبيتك الثاني

فهذه الصفحه تتحدث عن دور هؤلاء الناس .. اللذين علموك الكثير .. وساهمو

ببنائك .. وتعليمك .. الحيـــاه ..
فدورك الأن .. ان تتحدث عنهم .. بكل مايجول في خاطرك اتجاههم من شكر .. من عتاب وغيره

عيبتني الفكــره كانت ادور في راسي وحبيت اطرحها عليكم وان شاء الله تعيبكم
بأنتظار ابداعاتكم

وانا لي عـــوده بالمــوضوع بس اول خلنــي اتذكر الناس اللي تستاهل الذكر
.. خويـــتكم ..
R / ,.. ريمـــ بدية ـــــاني ..,/ R

وعليك السلام ورحمة الله وبركاته

حالنا طيب ولله الحمد

مشكوره على أنتقائك هالموضوع واللي يمكن من خلاله الشخص أنه يعبر عن اللي ف قلبه لأعز وأقرب الناس اللي يمكن ف يوم من الأيام دله على الطريج الصح وخلاه يقتدي به فأشياء كثيره عشان يعتمد على نفسه ويكون لنفسه أساس قوي من الثقه ..
ارجو العذر والسموحه منج / ,.. ريمـــ بدية ـــــاني ..,/كان خاطري أشارك في موضوعج بس للأسف في مثل هالمواضيع يخوني التعبير ويعجز لساني عن النطق ويعجز قلمي أن يعبر عن ما مايجول في خاطرك اتجاههم من شكر وتقدير وأحترام ومحبه إلــخ لأن شكري وأمتناني لهم شي لا يوصف ولا يمكن أن يكتبه قلمي أو تخطه يدي وشهادتي فيهم مجروحه مهما كتبت فيهم...

تقبلي مروري أخوكــ : الــــــســــــــآعــــــــــدي

اتقبــــــل مرورك اخوي ليش ما اتقبل اصلا يشرفني مرورك المميز

ويعطيك الف الف عافيه ع المرور الحلوو واختصارك للاكلام بعد حلو والله يعطيك ع قد نيتك ويخليك لاهلك ومحبينك

سلامي واحترامي لشخصك الكريم ..
مع التحيه والتقدير ..


<< يلاا ووينكم ياا عضاااء نبا نشووف التفاعل الحلو واحاسيسكم اتجاه الاخرين كيف ....؟؟ !

لي عووده في المووضووع

قررت بأن انحت لكمــ على صفحات هذا المنتدى اسماء نٌحتت في حياة وذاكرة قلب ღ ريمـ بدية ــاني ღ.

.
• قـــــــــابوس •.
.
من منا لا يحمل هذا الأسم بين ضواحي وزوايا قلبه..؟!؟
أسم نقش نفسه وحفر حروفه على قلوبنا وفرض حبه علينــا ...!
أسم عندما أذكره أقف عاجزه عن الحركة وتتصنم كل أعضاء جسمي.. فهو قائدي ومعلمي ذلك الشخص اللذي اتلفظ بإسمه فيتعطر المكان بطيب ذكره...!

(الله يحفظك يا جلاله السلطان ويخليك ذخر لشعبك وبلادنا الغاليه والله يحفظك من كل شر)
.
.
• امــــــي & ابــــوي •
.
.
قلنا الحروف 28 حرف يصعب علينا وصف غلاوة هالشخصيـــــــــــــــــــــــــن
لانه لو مب هم ما كنا موجودين ... آآآآه ويليه شكثر احبهمــ.. ادري اني ازعلكمــ مني دوومــ.. بس والله مايهون عليه اشوفكمــ مضايقين مني ولو لحظه..
انتو لو تميت اكتب عن عظمتكمــ وغلاكمــ من الحينه لين باجر الصبح..مابخلص..انتو دنيتي وعيوني لي اشوف بها ..
فـ كل اللي اقدر اقوله ( الله يحفظكمــ ليه ويطولي بعماركمــ ويعطيكمــ الصحه والعافيــه ،، وانا آسفه ع كل لحظه زعلتكمــ فيها ) ..

.
.
• أخوانـــــــي •
.
.
اخواني من اغلى الناس ع قلبي..والله ارتاح يومــ اكلمهم وايد..اخوان بكل معنى الكلمه..وقفوا ويايه وقفات ماانساها لهمــ ماحييت..يعرفون كيف يضحكوني يومــ اكون مضايجه..ودومــ يقولولي ياويييله اللي يزعلج او يجرحج بكلمه ^_^ ،، يستاهلون كل خيـــر والله .. ربي يوفقكمــ ويحفظـــكمــ ويجعل اللي فـ بالكمــ من نصيبكمــ ياارب *_^..

.
.
•هــــــند •.
.
بئر اسراري..كل صغيره وكبيره عني وعن حياتي اتعرفها..من اغلى ربيعاتي ع قلبي.. وقفت ويايه كل ماحتجت لها..معنه نزعل من بعض واايد ودوومــ تقوليه انتي تفكرين بأغلاط غيرج وماتفكرين بأغلاطج ( يمكن كلامها صحيح..الله اعلمــ ) ^_^ لكن هي تدري انا شكثر احبها واغليها..
واحب اقولها : هنووده فديتج انا آسفه ع كل مره زعلتج او جرحتج فيها ،، ادري انيه احياناً يومــ اعصب اقول او اسوي اشياء تجرح ،، بس انا اعرف انه قلبج كبير ويسامح .. ربيـــه يحفظج ليــه ويديمــ المحبـــه امبينـــا يااغلى الخلان ..

.
.
• مــــــــها •
.
.
والله مادري شو اقول..هالإنسانه كانت اقرب من روحي لي..كنا دوم انا وياها وهنووده..وااااايد حاولوا يفرقون امبينا..بس صداقتنا كانت اقوى..
كان اللي يشوفنا يقول خوات..نفس الافكار..نفس الاسلوب..نفس الذوق..نتشابه فـ كل شي..
ببساطــه كانت توأمــ روحي..بس ياخساره..بكل سهوله تغيرت عليه بسبة (....) ماقول غير الله يسامح اللي كان السبب..والله ماانسى يومــ اللي ييت سألتج مهايه شخبارج؟! قلتي لي ماعندج سالفه ماخذتني من عند البنات تسألني شخبارج !!!!!
والله والله يا مها صدمه مابعدها صدمه..ماتصورين شكثر جرحتيني بكلامج..
ولاتستغربين اني بعدها تغيرت عليج مثل ماتغيريتي عليه وبدلتيني بوحده ماتسوى بيزه..وانتي كنتي اول الناس اللي يحذروني منها..!!
والحينه اشوف كيف تصرفاتج متغيره ويا كل الناس مب بس انا..انتي مش مها اللي اعرفها !!
الله يسامح اللي كان السبب..الله يسامحه..
بس صدقيني بتمين التوأمــ اللي لقيته مره وحده فحياتي..ومابلقاه مره ثانيــه..

! ( فـ امان الله ياذيج السوالـــف ) !
.
.
• رحمــــه •
.
.
من اطيب خلق الله..انسانه عانت واايد..وذاقت العذاب الوان..ومع ذلك مازال لها قلب ينبض وفا وطيب..
بصراحه اعتبر نفسيه محظوظه كونها ربيعتي..رحمه صادقه ، ماتحب النفاق ، ماتعرف اتجامل ( تعطي فـ الويه كااش ^_^ ) بس مع ذلك ربي يعلم شكثر احبها هالبنيه ،،
الله يحفظـــج ويوفقج ويبعد عنج الكدر والهمــ ويرزقج باللي يعوضج عن كل الويل اللي شفتيه فـ حياتج يا رحمه ..

.
.
• رقيـــــــه •.
.
كتبت لي في يوم على وشاح تخرجي من الاعداديه..!
( سنين العمر لو تمضي.. اببقالك سند وحزام ..اببقالك خوي لو يطول الوقت ما خانك)
آآآآآآآآآآه يا رقيه كم أشتقت لج ..كانت نصفي الثاني أيام االابتدائي والاعداديه..!
عشت معها أجمل لحظات عمري من الصعب أن أنساها...
كبرنا مع بعضنا البعض من الروضه إلى االاعداديه بعدها أفترقنا..!
قادها مصيرها للعاصمه مســقط ..!
رحتي وتركتني بعدها أعاني من جرح كبير لن يندمل ويلتأم مهما حاولت..!
كانت اختي وصديقتي..!
اشتقت لج ولابتسامتج اللي ما شفت مثلها حتى اليوم...!
اشتقت لصوتكٍ اللذي يحمل بحة حلووه ...!..!.
.
أسأل ربي اللذي جمعنا في دنيا فانيه أن يجمعنا في جنة قطوفها دانيه..!

.
.
• الثريـــــــا•
.
.
انسانه اكرهها بمعنى الكلمه .. ادري انه المفروض الانسان مايكره حد .. لكن هالانسانه بالذات .. يااالله كمــ اكرهها ..
انسانه منذ دخولها في حياتي..دمرت كل شيء.. واخذت تسلبني احبائي فرداً فرداً ..
فعلاً اكرهها..
لا اريـــد التكملــه ..
كل اللي اقولج ايـــاه ( الــلـــه يــســامحــج ولج يومــ يا الثريــــا وصدقيني بدنيتج بتعانين(

.
.
• فطوم & نواري & ثريه & شواخي .. و.. و .. •.
.

.ربيعاتي فـ المدرسه ،، احبهن وايد واغليهن.. نقضي ويا بعض احلى اوقات..خبال وهبل وسوالف..
يمكن في منكن ماعرفتهن زين ..لكن الشاهد الله بنات ولا كل البنات..طيب واخلاق وروح حلوه ،،
ربيــ يحفظكن ويوفقكن فـ حياتكن ..
.
.
• بو شهــــــاب •
.
.
عندما يتغيــر عليك اعز الناس ..!
انســــان عـــزيز علـــي"
قضيت مــعظم أوقـــاتي معه..
كـــان الانــــسان الـــذي اشـــكو لـــه هـــمومي..
وتسعده ابتسامتي الرقيقه
وكــان يـــهتــم بــي..
ولا يـــقدر عــلى فراقـــي..
وحـــالي لايــصبح أفضـــل إلا بشوفه و بـلقــياه..و ســماع صــوته كـــل يــوم..
للأسف خالــــــي بو شهـــاب زوجته اخذت مكاني
ربي يحفظك وين ما كنت... ويعلني مااذوف حزنك يا بو شهاب ^_^

.
.
• نبيل •.
.
كم أحقد على هالإنسان في كل مره أروح فيها له يجعلني أتألم الليل بطوله..!
ولا اقدر اكل ولا انام ولا اتكلم...لا تخافوا ترى هذا دكتور أسناني..!
آآآخ كم أكره صوت الآله المزعجه اللتي تسبب لي صداع نصفي يوم تحفر في أسناني..!
و ما يضيج بي انه دائما يحاول أن يخفف عني الألم فيحاول يطرح النكت ولكني اجدها تافهه..!
ويحاول أن يستظرف ويجعل موقفه جيد وأنه شخص طيب..!
أنا اعرف أنكم تضحكون علي ولكني أعيش برعب من دكتور الأسنان..!
ولكن كثيرا ما نحتاج نحن أن ندخل إلى حياة هؤلاء الناس حتى يساعدونا..!
الشي الوحيد اللي كان يسعدني يوم اروح له اللهجه العراقيه اللتي يتحدث بها وغيابي..!
عن حصصي الدراسيه في المدرسه ههههه

.
.
• عبدالصبور •.
.
الخياط اللي اتعامل معه كثير ما يرفع لي ضغطي..!
و يخرج الشرار من عيني ..يجعلني اثور من الضيج والنحاسه خخخ يووم ما يحط جيب في " الجلابيه"..!
فهي من الاشياء الاساسيه مسكين عبد الصبور كثير ما يراودني أن أكسر المحل على رأسه..!يووم ما يخلص من شغله على ..!
" ثيابي" ولكن..أنا من دخلت حياته وأنا من أحتاج له ...!
.
.

• شهرزاد •
.
.
كاتبه أقرأ لها دائما.. جعلتني أبحر في شواطئها..!
انا ما أشتري مجلة " زهرة الخليج"..! أسبوعيا إلا عشان أقرأ شواطئها..!
أنا اتمنى أن ألقاها فهي علمتني أشياء كثيره..!
ومنها أن أحترم إحساسي مهما كان..!

كل حرف من حروفكٍ عن مئات الجمل..!
.
.
• منتديات جعلان •
.
.
الاسم ليس غريب على كل من يقرء موضوعي الأن
كم احب هالمكان
جمعني بأعضاء احبهم (( وعسى الله لا يفرقنا ))
.
.
واخـيــــــراً ( بعض اعضاء منتديات جعلان ) الذين تربطهمــ بي علاقه اخويه عرفتهم من مده قريبه واعتبر المنتدى بدونهمــ مايسوى شي ..

فتى بني ياس & بنت الشيوخ & ريم السلطنه & جعلاني للابد & الزعيم الساعدي & حور جعلان & توتو الصغيره & الســــــاعدي & فارسة الصحراء & الغلااا كاااش <ربيعتي & راسبيه وافتخر & فزاع الراشدي& التفاحه و. و.و

انتمــ رائعون .. ومميزون بنظري وبنظر كل من شارك في منتديات جعلان ..
تعيبني شخصياتكمــ.. مواضيعكمــ .. اساليبكمــ ..ولو بكمل مابخلص !!
ادعي لكمــ من كل قلبي عسى الله يوفقكمــ ويحفظكمــ لنا ولهلكمــ ولمحبينكمــ ..

ملاحظــه : عذراً من الأعضاء الذين قد اكون نسيتهمــ ولمــ اذكر اسمائهمــ ،، اسمحولي ولاتزعلون مني ..

" آخر سطر " تحيه معطره اقدمها بعبق الورود من بديـــه النديــــــه الى مديرنا جعلان والاداريين جميعا واحد واحد واشكركمــ على جهودكمــ في المنتدى وربي يعطيكمــ الف عافيــه يميـــع ..

! ..أرق تحياتي وأعذبها لمن وصل في القراءة إلى هـــنا...!

حقوق الكوبي والبيست للماوس محفوظه
لدى ريمـ بدية ـــــــاني ..!
.
.
•

ريمـ بدية ـــــــاني

•
.
.

موضوع غاية في الجمال بس الواحد منا مستحيل يحصي فضل كل الناس عليه ... احيانا الواحد منا يتعرض لمواقف تعجبعة من بعض الناس واحيانا يتضايق منها .... ومرات يلاقي احد يشاركة افراحه واحزانه .... بس الانسان خلق في هذه الارض للاخبار وهل هو قادر على اجتياز هذا الاختبار .... ابي ... امي ... اخي ... اختي .... عائلتي .... اصدقائي ... مجتمعي الغالي ... وطني ....ديني .... لغتي .... عزتي ....(( منتداي الاول والاخير ... منتدى جعلان .....اعضاء منتدى جعلان الغاليين على قلبي ... ))

قد اكون نسيت احد بس يعلم الله الي ذكرتهم لهم معزة ومكان خاص في قلبي .... !!

ف الاخير انا اضم صوتي عند اخي الساعدي على هذا الموضوع يعجز اللسان عن الوصف ... ويعجز القلم عن التعبير .... وتعجز الكلمات عن التشخيص ...!!

اتمنى انك تقبلين مروووري اختي العزيزة ...!!

اخــــــــــــــــــــــــــــــ الهاشمي ـــــــــــوك.....ّ

مووضوعج حلوووو خيتي ريماني بس في ناس وايد بحياتنا ساعدونا ووقفوا ويانا ... بنصايحهم وكلامهم البلسم على القلب ... ينحطون على الجرح يبراا .... لو نتكلم عنهم طول العمر هالكلام والوصف مايوفيهم حقهم ...
اما اللي هدمواا فينا احلامنا ... وعطونا من الجروح مايكفي .... مانقول إلا " الله يوفقهم بحياتهم مانقدر ندعي عليهم "

فكرتج حلوووووه وانتي الاحلى خيتوو
يعطيج العافيه

لاهنتي

موضوع من جد رائع وأنا شخصيا عجبني حيييل

وأشكرج جدا جدا جدا على طرحج لهذا الموضوع

وكتابة اسمي من بين الأعضاء ,,,من ذوقج والله

بخاطري تكون لي بصمة بهذا الموضوع

ييت أكتبت وخانتني الذاكرة

كم بكتب وكم بخلي ؟؟
أشخاص وايدين يمرون بحياتنا ولهمـ معزة كبيرة
وأخاف أنسى أي أحد فيهمـ..وأشخاص وايدين بحياتيـ لهمـ يد بتغييري للأفضل ..
ورغمـ اختفائهمـ ما زالت بصمتهمـ مطبوعة على قلبيـ للأبد,,وهناكـ فلان وفلان وفلان ومهما قلت ما بخلص ..

وهناكـ شخص ودي أعتذر له عن الغيبة
وشخص ودي أعبر له انه غالي وعزيز
وشخص ودي أصارحه بسر

ومهما قلت ما بخلص


حبيت اشكرج لطرحج هذا الموضوع اللي أعاد لي ذكريات الماضي
ويخليني اتوجه على طول أسجل اعترافات بالدفتر الخاص فيني ...


كــل الشكر ...وإن طــاب الخاطر بإذن الله

لــــــــي عودة


وعذرا على الإطالة



وسجل يا تاريخ

المشاركة الأصلية كتبت بواسطة الهااشمي موضوع غاية في الجمال بس الواحد منا مستحيل يحصي فضل كل الناس عليه ... احيانا الواحد منا يتعرض لمواقف تعجبعة من بعض الناس واحيانا يتضايق منها .... ومرات يلاقي احد يشاركة افراحه واحزانه .... بس الانسان خلق في هذه الارض للاخبار وهل هو قادر على اجتياز هذا الاختبار .... ابي ... امي ... اخي ... اختي .... عائلتي .... اصدقائي ... مجتمعي الغالي ... وطني ....ديني .... لغتي .... عزتي ....(( منتداي الاول والاخير ... منتدى جعلان .....اعضاء منتدى جعلان الغاليين على قلبي ... )) قد اكون نسيت احد بس يعلم الله الي ذكرتهم لهم معزة ومكان خاص في قلبي .... !! ف الاخير انا اضم صوتي عند اخي الساعدي على هذا الموضوع يعجز اللسان عن الوصف ... ويعجز القلم عن التعبير .... وتعجز الكلمات عن التشخيص ...!! اتمنى انك تقبلين مروووري اختي العزيزة ...!! اخــــــــــــــــــــــــــــــ الهاشمي ـــــــــــوك.....ّ

مرورك اخوي للموضوع زاده نور منووور .. وع عيني وراسي .. ,

والله يعطيك العافيه ع الطله الحلــوه وتسلم وما تقصر ..,

مرورك وتعقيبك ع الموضوع يزيدني شرف .. مثل ما قلت في هالاشياء يعجز اللسان عن الوصف في مثل هالامور .. بس كنت اتمنى لو تشاركوني بشي بسيط وتعبروا لو الشي القليل اتجااه ناس بالفعل وبصدق انهم لهم مكانه في قلوبكم وحابين انكم تشكروهم ولو بالاختصار ..! اتمنى ذللك .. بس ع العموم يكمن اعجزت كلماتكم و لسانكم ع الوصف ..

مره ثانيه اشكرك من كل قلبي واتمنى لك التوفيق في حياتك العلميه والعمليه ..

مع االتحيه والتقدير .. اختك / ريمـــــ بديه ــاني /

المشاركة الأصلية كتبت بواسطة مهااااوي مووضوعج حلوووو خيتي ريماني بس في ناس وايد بحياتنا ساعدونا ووقفوا ويانا ... بنصايحهم وكلامهم البلسم على القلب ... ينحطون على الجرح يبراا .... لو نتكلم عنهم طول العمر هالكلام والوصف مايوفيهم حقهم ... اما اللي هدمواا فينا احلامنا ... وعطونا من الجروح مايكفي .... مانقول إلا " الله يوفقهم بحياتهم مانقدر ندعي عليهم " فكرتج حلوووووه وانتي الاحلى خيتوو يعطيج العافيه لاهنتي

مرورج وردج الغلا اا مهااوي ع الموضوع اهو الاحلــى .. منوووره موضوعي خيتـــو ..,
يعطيج الصحـــه والعافيه .. وسلامي لج واحترامي ..

والله لا هانج الغلا اا وتسلملي هالطله منج وان شاء الله دوووم هالتواصل الحلو ..,


اتمـــنى لج كل التوفيق في حياتج من كل قلبي عسى الله يوفقج ويحفظج لنا ولهلك ولحبايبك ..


! ..أرق تحياتي وأعذبها لج ع التواجد ...!

سلامي لج

المشاركة الأصلية كتبت بواسطة بنت الشيوخ موضوع من جد رائع وأنا شخصيا عجبني حيييل وأشكرج جدا جدا جدا على طرحج لهذا الموضوع وكتابة اسمي من بين الأعضاء ,,,من ذوقج والله بخاطري تكون لي بصمة بهذا الموضوع ييت أكتبت وخانتني الذاكرة كم بكتب وكم بخلي ؟؟ أشخاص وايدين يمرون بحياتنا ولهمـ معزة كبيرة وأخاف أنسى أي أحد فيهمـ..وأشخاص وايدين بحياتيـ لهمـ يد بتغييري للأفضل .. ورغمـ اختفائهمـ ما زالت بصمتهمـ مطبوعة على قلبيـ للأبد,,وهناكـ فلان وفلان وفلان ومهما قلت ما بخلص .. وهناكـ شخص ودي أعتذر له عن الغيبة وشخص ودي أعبر له انه غالي وعزيز وشخص ودي أصارحه بسر ومهما قلت ما بخلص حبيت اشكرج لطرحج هذا الموضوع اللي أعاد لي ذكريات الماضي ويخليني اتوجه على طول أسجل اعترافات بالدفتر الخاص فيني ... كــل الشكر ...وإن طــاب الخاطر بإذن الله لــــــــي عودة وعذرا على الإطالة وسجل يا تاريخ

افا عليج عاادي انا اصلا تعجبني الاطاله في المواضيع
36_1_22[1].
ولا شكر على واجب والشكر موصول خيتو وانا بعد اشكرج الغلا ا من كل قلبي ع المرور والتواجد الحلو ..,
وتسلملي طلتج الحلوه وان شاء الله تكون دوم وتشرفينا بطلاتج ..,

اتمـــنى اتكون لج عوده بالموضوع حابه اشوف مشاعرج وشكرج وكلامج للناس عزيزين عليج ..,انا يكفيني ردج ومرورج الحلو بس بعد احلى بعودتج ... << فضول ذابحني خخخخ36_1_20[1].



اتمـــنى لج كل التوفيق في حياتج من كل قلبي عسى الله يوفقج ويحفظج لنا ولهلك ولحبايبك ..


! ..أرق تحياتي وأعذبها لج ع التواجد ...!