:cool: من أشعار الشاعر القطري محمد بن فطيس
(دكـــــتور العـــيون )

(يا مؤمن الريفي) أنا جيتك زبون

جيتك على مدح اكثر الناس وعنيت

جيت وتعالى الله عمّا يشركون

لولاه (يا مؤمن) لطبك ما اهتديت

راضي بحكم الله علي مهما يكون

عالج عيوني لو بعد طبك عميت

ودي اخاشر فالبصر من يبصرون

وأشوف دربي لا سرحت ولا ضويت

والى قنصت اثبت مع اللي يثبتون

واشوف طيري كل ما اوميت ودعيت

يا اكثر ما يضرب خويي (الطابلون)

من كثر ما اكلّته مطباات وكليت

وودي اشوف اللي علي يعرضون

وبعض الليالي ودي اسري دون ليت

وااشوف ناسٍ فالقفا ما يرحمون

اما وقفت لصاحبي والا مشيت

من دون نظاره ولا هم يحزنون

يا اكثر ما كسّرت كشمات وشريت

لكنٌ يا دكتور جعلك ما تهون

ابغيك كلمت راس دامك ما بديت

اسمع... ولا ابغي اللي وزانك يسمعون

ربي كتب يكشف لك اسراري وجيت

صورة عديل الروح عندك فالعيون

واخاف تقطعها بموسك ما وعيت

ولا عليك امر.. اطوها تحت الجفون

وعقبه لو تقطع عيوني ما شكيت

هي راس مالي والعرب ما يدركون

اني على باب الممات و ما حكيت

يا قو قلبي يوم قفن الضعون

اللي على ذاك الموادع ما بكيت

ويا صبر صبري والعواذل يحسبون

اني دلهت من الهوى والا سليت

اسكت عساهم من سكاتي يسكتون

وانا عن اللي في ضميري ما انتهيت

وادور الفرحه مع اللي يسهرون

وان ذكروني خذت فنجال وسريت

اخذت من وقتك يا دكتور العيون

عالج عيوني لو بعد طبك عميت

واستر علي واللي معك لا يفطنون

انت الوحيد اللي بعد ربي دريت

(وفي الختام ما هو رايكم في القصيدة وفي راعي القصيدة):cool:

واستر علي واللي معك لا يفطنون

انت الوحيد اللي بعد ربي دريت



رائـــــــــعـــــــــــة القصيدة وشاعرهــــــــــا...


صح لسان الشاعر ويسلم ذوووق النـــــــــاقل...

ولا تحرمنا من يديدك...