اليوم عندي موضوع شفته في احد المنتديات وعيبني وحيبت اني انقله لكم

وهو عبارة عن حواار هادف وجاد بين الشباب والبنات

أحد الطرفين يطرح قضية أو يسأل سؤال .....


مثلاً أحد البنات تريد أن تسأل عن شيء لا يعجبها في الشباب أو تريد أن تشكو من شيء يفعله الشباب ( الذكور بشكل عام)


الشباب بدورهم يجيبون عنها بكل صدق وبكل أمانة



والشباب أيضاً يسألون الفتيات عن أشياء يجدونها في سلوكيات الفتيات بهذا المجتمع


ونحن بدورنا نجيب ونناقش وبكل صدق وأماانة

يعني بإختصار الحوار يكوون سؤااال وجوااب






يلا منو بيبدأ بالسؤال الشباب ولا البنات ؟؟



منقووووووووووووووووووول

اهلين نور الشرقيه

تسلمي على الموضوع الرائع

يالله انى ببدى السؤال


ابتكلم عن التزين وريحة العطر والملابس اللي لازقه في الجسم الو العبايات اللي لازقه بالجسم

برع البيت

هل تشوفن هذا الشي صحيح و شو الاسباب اللي تخلي بنت تسوي مثل كذا و شو سلبيات واجابيات هذى الشي

هلا ابن الاشخرة
اخوي الاسباب التي تدفع البنات كثيرة ومنها انتو يالشباب
من تطلع البنت كذيه تمطروها بكلمات الإعجاب والنظرات فالبنت تغتر بنفسها وعلى بالها انها عجبتكم بالشكل الي طلعت فيه فتستمر على ما هي عليه .
ثانيا البنت تحب تجذب الإنتباه إله و طبعا مع نقص الوازع الديني فتطلع مثل ما قلت نسال الله الهداية للجميع

انا عندي سوال:
عن سبب معاكسة الشباب للبنات؟؟؟
ليش؟؟؟

ولاتقولون لان وحدة اتكون متعطره ولا لابسه ضيق!
ولا حاطه مكياج !!!

لا الوحدة اتكوون متغشية!! حتي عيونها مب ظاهرة!
وبعد تلقاا معاكسات ومضايقات من الشباب !!

انا برد على الاخت بنت الشرقيه

اولا صعب انه الشاب يمشي للبنت يقول لها كلمات تغزل بها دون ما يعرفها او انه شاف عليها شي

لاكن ليش ما قلتي تغليد للاعماء وقلتي السبب الاول الشباب انا عن نفسي اشوفه تغليد للفنانات وغيرهم في هالبس



اما بالنسبه لسؤال التفاحه

اسباب المعاكسه يمكن تكون من البنت او الولد لا تقولي لي انه البنت ما تعاكس الشباب

وانا صار موقف قدام عيني احنا كنا مجموعة شباب نتمشى في مول وجات بنت خليجيه ومسكت واحد من اصحبنا قالت له خذ رقمي واحنا كنا ستة اشخاص شوفي لوين وصلت جرائة البنت

انا اقول لج مستحيل شاب يسوي مثلها

مجرد وجهة نظر ونشوف وجهات نظر الشباب

يسلموا ع المرور والتفاعل

ابن الاشخره

بنت الشرقيه

التفاحه


سؤالكم هو عباره عن سؤال واحد بس مطروح من جهتين

انا من وجهة نظري انه هذي ظاهرة منتشره مع بناتنا والله يهديهم هو تقليد الغرب مثل ما قلت ابن الاشخره لكن من جهة ثانيه لو كان اهل البنت يراقبوا بناتهم وما يسمحوا لهن بلبس مثل هذا اللباس اعتقد مراح يكون للشباب حجه للمعاكسات والمغازل لكن الله يهدي بناتنا هم من فتحوا هذا الباب عليهن واذا قلنا انه حتى البنات المتسترات ما سلموا من الشباب فشاب اذا ما لقى احد يعطيه وجه مراح يتمادى وراح يترك البنت ف حالها


هذي من وجهة نظري ولكل منا وجهة نظر مختلفه فلتكن روحنا رياضية ونتقبل وجهات النظر الاخرى


واسفه ع الاطاله

سء تربيه ورقابه من الاهل للطرفين والرفيق السؤ

تسلم جعلاني ع المرور الطيب