السلام عليكم ...... شحالكم
أنا وايد أحب الشعر خاصة الشعر الغزلي , فتحت هالموضوع عشان كل أحد يدخل يكتب اللي يحفظه من الشعر الغزلي سواء كان فصيح أو نبطي(((((( الله يخليكم أبا مشاركات أدري أنكم وايد حافظين على الأقل من المسجات اللي في موبايلاتكم)))))




وأنا يبت لكم هذا البيت من تأليفي

العين لي تنظر لمثلك وشرواك
وش بعد تبا من الدنيا وما فيها

أدري البيت متواضع بس تراه على قدي

ابيك تعرف!!

انه احساس قلبي لايمكن يخليك......

لو الشعور بداخل القلب مااااااات.......

العمــــــــــــــر يمضـــــــــــــــي!!

ونصه يناديك......

والنص الاخر يمسح بدموع الاهات....

مستــــــــــــــــــــحـــــــــيـــــــــــل.... ..

اتخلى عنك واقول ناسيك........

لآخر يوم في عمري بأكون وياك.......

البيت رااائع مثل صااااااااحبه..سلمت الانامل اللي كتبته..

ماادري شي في الشعر....

يهواك ما عشت من الفؤدا وان أمت
يعبع صداك صداي بين الاقبري
هذا أجمل بيت قيل في الشعر الغزلي وقامت عليه دراسة تحضيريه للمناقشه عن عميق الحب وترجمان الواقع
وأحساس الشاعر ومعانيه الحب الصادق الى حين وصوله الى القبر
وتسلمووووووووووووووووووو

دلع جعلاني
الزعيـــــــــم
العانــــــــي
مشكورين ع المرور والأبيات روعة وأقول ل الزعيم أتريا منك لو بيت واحد

يبت لكم هذي القصيدة للشاعر الأسطورة حــــــــــــــــــــامد زيـــــــــــــــــــــــد(فديته وفديت شعره)وان شاء الله تعجبكم


على ذاك الطريق اللي يسمونه غـرام أحبـاب
وطت رجلي على دربه ولاأدري وش نوى فيني



تبعته لآخر دروبه .. ألين أن القمر قـد غـاب
تعـب قلبـي ، ولا تعبـت مسافـاتٍ تودينـي



لقيت الليلة الجردا : هدب ظل وسما واعشـاب
بعـد ذاك الظـلام اللـي يتوهنـي عناويـنـي



صدفتك معجبه فيني وياليت..الغـرام : اعجـاب
وتراك انتي الهنوف اللـي هقيتـك تستحقينـي



عطيتك عشق من قلبي..وسلمت لغـلاك رقـاب
وغيـرك يحتـرق قلبـه ولا يقـدر يحاكينـي



أنا قبلك صدفت عيون لكن ويش جاب لجـاب؟
ترى كـل العيـون اللـي لقتنـي مـا تكفينـي



رماني حظي العاثر عليك وجيـت لـك طـلاب
ولا أنتي اللي عشقتيني ولا انتي اللي عتقتينـي



تعالي واعتقي ذاك الخفـوق المولـع المرتـاب
مهب لاجلي ، عشان الله يجازيـك ويجازينـي



تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونينـي



وشيليني على متنك : خفوقٍ بـاريٍ منصـاب
ومن فوق الغرام العذب .. شيلينـي وحطينـي



ولا منك هقيتيني شجـاع ومـا يطيـق يهـاب
أنا لك بالهوى والله مثـل مـا انتـي هقيتينـي



أنا ما أمشي ورا غيرك ولو أنه يطـق البـاب
وترى عيبٍ عليّ أطعن..ولو كثـرت سكاكينـي



زهودٍ مـا يطيـق الـدم لا دايـن ولا طـلاب
شجاع وعارفٍ نفسـي وأظـن أنـك تعرفينـي



غيورٍ ماعرفت أضحك مع الغدر ببّرود أعصاب
أبيـع عيونـي الثنتيـن قبـل أنـك تخونينـي



إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشـقٍ يوطّينـي



أنا رجلٍ ولي غيره .. وإذا شفت الهوى كـذاب
تثـور بقلبـي الفزعـه ولا تهـدى شياطينـي



سؤالك لو يزعزع بي كياني مـا قبلـت عتـاب
اجي لك وأسالك نفس السؤال اللـي سألتينـي



عن العشق القديم أبواب .. تقفيها كثير أبـواب
بعد ذاك الحبيب اللي خدعنـي وانخـدع فينـي



أبي عشق تحسب له كل نظرات العيون حسـاب
وابي قلبٍ علي قلبي ، وابى دينٍ علـى دينـي



وابي نظرة عطا توفي ولا تخلف بدون أسبـاب
وابي منك قبـل لا نتـي تصدينـي .. تودينـي



وابي دربٍ على العذال صعبٍ ومتعـبٍ وغـلاب
وابي نفس الطريق الصعـب يبعدهـم ويدنينـي



ترى لو للقلوب عيون ولدموع العيون أهـداب
حشى ما تنزل الدمعـه لغيـرك لـو تركتينـي



أنا أول من عرف قدرك وأنا توي صغير وشاب
وابي منـك مـا دام أنـك عرفتينـي تحبينـي



ما دام أني لقيتك في طريق أسمه غرام أحبـاب
دخيـل الله ، وبعـد الله دخيلـك .. لا تخلينـي



ما دام أن كل من يحيا على وجه التراب تـراب
عسى تنساني الدنيـا مـادام أنتـي ذكرتينـي